ᠪᠣᠰᠣᠳ ᠢ ᠰᠢᠬᠠᠮᠳᠠᠭᠤᠯᠣᠨ ᠵᠢᠭᠡᠯᠡᠭᠰᠡᠨ ᠪᠠᠷᠢᠮᠲᠠ ᠪᠢᠴᠢᠭᠦᠯᠵᠦ ᠬᠠᠥᠯᠢ ᠠᠴᠠ ᠵᠦᠷᠢᠴᠡᠨ ᠡᠷᠡᠭᠦᠦ ᠰᠢᠳᠬᠡᠯ ᠰᠢᠳᠬᠡᠭᠳᠡᠪᠡ
2016-04-25 09:33:04
2015 ᠣᠨ 3 ᠰᠠᠷᠠ 29 ᠡᠳᠦᠷ ᠦᠳᠡ ᠡᠮᠦᠨᠡ᠂ ᠳ᠋ᠠᠪᠠᠨ ᠪᠠᠯᠭᠠᠰᠣᠨ ᠰᠠᠭᠤᠭᠠᠯᠢ ᠠᠷᠠᠳ ᠭᠥᠸᠧ ᠣᠪᠣᠭᠲᠣ ᠦᠰᠦ ᠵᠠᠰᠠᠬᠤ ᠭᠠᠵᠠᠷ ᠲᠤ ᠦᠰᠦ ᠪᠠᠨ ᠵᠠᠰᠠᠭᠤᠯᠵᠣ ᠪᠠᠶᠢᠬᠤ ᠳᠠᠭᠠᠨ ᠲᠣᠬᠠᠢ ᠲᠠᠯᠠᠪᠣᠷ ᠲᠤ ᠪᠠᠶᠢᠭᠰᠠᠨ ᠦᠭᠡᠢ ᠳ᠋ᠦᠩ ᠣᠪᠣᠭᠲᠣ ᠵᠦᠬᠡᠨ ᠬᠠᠷᠢᠶᠠᠭᠰᠠᠨ ᠳᠤ ᠶᠠᠭ ᠰᠠᠶ᠋ᠢᠬᠠᠨ ᠳ᠋ᠦᠩ ᠣᠪᠣᠭᠲᠣ ᠨᠦᠬᠦᠷ ᠹᠦ᠋ ᠣᠪᠣᠭᠲᠣ ᠬᠠᠵᠠᠭᠤ ᠳᠤ ᠨᠢ ᠰᠠᠭᠤᠵᠣ ᠪᠠᠶᠢᠭᠰᠠᠨ ᠲᠣᠯᠠ ᠭᠥᠸᠧ ᠣᠪᠣᠭᠲᠣ ᠬᠡᠯᠡᠭᠰᠡᠨ ᠢ ᠨᠢ ᠪᠦᠬᠦᠨ ᠢ ᠰᠣᠨᠣᠰᠴᠣ᠂ ᠭᠡᠷ ᠲᠡᠭᠡᠨ ᠬᠠᠷᠢᠭᠰᠠᠨ ᠳᠠᠷᠠᠭᠠ ᠪᠦᠰᠡᠭᠦᠢ ᠳ᠋ᠦᠩ ᠣᠪᠣᠭᠲᠣ ᠳᠤ ᠪᠠᠨ ᠬᠡᠯᠡᠵᠦ ᠦᠭᠴᠠᠢ᠃ ᠳ᠋ᠦᠩ ᠣᠪᠣᠭᠲᠣ ᠹᠦ᠋ ᠣᠪᠣᠭᠲᠣ ᠬᠡᠯᠡᠭᠰᠡᠨ ᠢ ᠰᠣᠨᠣᠰᠣᠭᠠᠳ ᠶᠡᠬᠡᠲᠡ ᠠᠭᠤᠷᠯᠠᠵᠣ᠂ ᠲᠣᠰ ᠡᠳᠦᠷ ᠦᠳᠡ ᠬᠤᠶᠢᠨᠠ ᠨᠢ ᠭᠥᠸᠧ ᠣᠪᠣᠭᠲᠣ ᠭᠡᠷ ᠲᠡᠭᠡᠨ ᠳᠠᠭᠤᠳᠠᠵᠣ ᠠᠪᠴᠢᠷᠠᠨ᠂ ᠲᠡᠭᠦᠨ ᠡᠴᠠᠦᠪᠡᠷ ᠪᠡᠶᠡ ᠨᠢ ᠬᠠᠷᠢᠶᠠᠭᠰᠠᠨ ᠣᠴᠢᠷ ᠢ ᠲᠣᠯᠭᠠᠨ ᠠᠰᠠᠭᠤᠵᠣ ᠬᠡᠷᠡᠭᠦᠯ ᠪᠣᠯᠪᠠ᠃ ᠳ᠋ᠦᠩ ᠣᠪᠣᠭᠲᠣ ᠪᠣᠯᠣᠨ ᠭᠥᠸᠧ ᠣᠪᠣᠭᠲᠣ ᠵᠢᠭᠤᠷᠠᠯᠳᠣᠭᠠᠨ ᠪᠣᠯᠵᠣ ᠪᠠᠶᠢᠬᠤ ᠳᠤ ᠹᠦ᠋ ᠣᠪᠣᠭᠲᠣ ᠭᠡᠷ ᠲᠡᠭᠡᠨ ᠬᠠᠷᠢᠵᠣ᠂ ᠪᠦᠰᠡᠭᠦᠢ ᠳ᠋ᠦᠩ ᠣᠪᠣᠭᠲᠣ ᠲᠠᠢ ᠪᠠᠨ ᠬᠠᠮᠲᠣ ᠭᠥᠸᠧ ᠣᠪᠣᠭᠲᠣ ᠴᠣᠬᠢᠵᠣ᠂《ᠳ᠋ᠦᠩ ᠣᠪᠣᠭᠲᠣ ᠠᠭᠤᠷᠯᠠᠭᠰᠠᠨ ᠠᠴᠠ ᠪᠣᠯᠵᠣ ᠡᠪᠡᠳᠴᠢᠨ ᠣᠯᠪᠠ》ᠭᠡᠰᠡᠨ ᠰᠢᠯᠲᠠᠭ ᠭᠥᠸᠧ ᠣᠪᠣᠭᠲᠣ ᠠᠴᠠ ᠡᠮᠨᠡᠭᠦᠯᠬᠦ ᠰᠦᠢᠳᠬᠡᠯ ᠠᠪᠬᠤ ᠭᠡᠵᠦ ᠰᠢᠬᠠᠮᠳᠠᠭᠤᠯᠣᠨ ᠨᠡᠭᠡᠭᠰᠡᠨ ᠳᠤ᠂ ᠭᠥᠸᠧ ᠣᠪᠣᠭᠲᠣ ᠠᠷᠭᠠ ᠪᠣᠰᠣ ᠹᠦ᠋ ᠣᠪᠣᠭᠲᠣ ᠪᠣᠯᠣᠨ ᠳ᠋ᠦᠩ ᠣᠪᠣᠭᠲᠣ ᠳᠤ ᠠᠷᠠᠳ ᠵᠣᠭᠤᠰ ᠲᠠᠪᠣᠨ ᠲᠦᠮᠡᠨ ᠲᠦᠭᠦᠷᠢᠭ ᠵᠢᠭᠡᠯᠡᠭᠰᠡᠨ ᠪᠠᠷᠢᠮᠲᠠ ᠪᠢᠴᠢᠵᠦ ᠥᠭᠴᠦ ᠳᠣᠲᠠᠭᠠᠵᠣ ᠭᠠᠷᠤᠭᠠᠳ ᠬᠡᠷᠡᠭ ᠮᠡᠳᠡᠭᠦᠯᠵᠠᠢ᠃ ᠬᠠᠮᠢᠶᠠ ᠪᠦᠬᠦᠢ ᠲᠣᠰᠬᠠᠢ ᠪᠠᠶᠢᠭᠤᠯᠭᠠ ᠠᠴᠠ ᠭᠥᠸᠧ ᠣᠪᠣᠭᠲᠣ ᠰᠢᠷᠬᠠᠨ ᠳᠤ ᠰᠢᠯᠭᠠᠨ ᠳᠣᠭᠲᠠᠭᠠᠯᠲᠠ ᠬᠢᠵᠦ᠂ ᠲᠡᠭᠦᠨ ᠰᠢᠷᠬᠠ ᠬᠦᠩᠭᠡᠪᠲᠦᠷ ᠰᠢᠷᠬᠠ ᠭᠡᠵᠦ ᠨᠣᠲᠠᠯᠠᠪᠠ᠃
ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠲᠣᠲᠣᠭᠠᠳᠣ ᠬᠠᠮᠠᠭᠠᠯᠠᠬᠤ ᠳᠣᠪᠴᠢᠶᠠ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠠᠷᠠᠳ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠳᠤ ᠶᠠᠯᠠ ᠬᠢᠭᠰᠡᠨ ᠰᠡᠵᠢᠭᠲᠡᠨ ᠹᠦ᠋ ᠣᠪᠣᠭᠲᠣ ᠪᠠᠷᠢᠪᠴᠢᠯᠠᠬᠤ ᠵᠦᠪᠰᠢᠶᠡᠷᠡᠭᠦᠯᠬᠦ ᠪᠠᠷ ᠳᠡᠪᠰᠢᠭᠦᠯᠵᠦ᠂ ᠶᠠᠯᠠ ᠬᠢᠭᠰᠡᠨ ᠰᠡᠵᠢᠭᠲᠡᠨ ᠳ᠋ᠦᠩ ᠣᠪᠣᠭᠲᠣ ᠪᠠᠲᠤᠯᠠᠭᠠ ᠠᠪᠴᠦ ᠰᠢᠭᠦᠯᠲᠡ ᠬᠦᠯᠢᠶᠡᠯᠭᠡᠵᠠᠢ᠃ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠠᠷᠠᠳ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠬᠢᠨᠠᠨ ᠪᠠᠶᠢᠴᠠᠭᠠᠬᠤ ᠪᠠᠷ ᠳᠠᠮᠵᠢᠵᠣ᠂ ᠹᠦ᠋ ᠣᠪᠣᠭᠲᠣ ᠪᠣᠯᠣᠨ ᠳ᠋ᠦᠩ ᠣᠪᠣᠭᠲᠣ ᠬᠦᠴᠦᠷᠬᠡᠭᠯᠡᠯ ᠠᠷᠭᠠ ᠪᠠᠷᠢᠯ ᠪᠣᠯᠣᠨ ᠰᠦᠷᠳᠡᠭᠦᠯᠭᠡ ᠠᠷᠭᠠ ᠮᠠᠶ᠋ᠢᠭ ᠬᠤᠣᠷᠯᠠᠭᠲᠠᠭᠴᠢ ᠭᠥᠸᠧ ᠣᠪᠣᠭᠲᠣ ᠰᠢᠬᠠᠮᠳᠠᠭᠤᠯᠣᠨ ᠲᠠᠪᠣᠨ ᠲᠦᠮᠡᠨ ᠲᠦᠭᠦᠷᠢᠭ ᠵᠢᠭᠡᠯᠡᠭᠰᠡᠨ ᠪᠠᠷᠢᠮᠲᠠ ᠪᠢᠴᠢᠭᠦᠯᠦᠭᠰᠡᠨ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠬᠢᠬᠠᠨ ᠱᠣᠯᠣᠭᠰᠠᠨ ᠶᠠᠯᠠ ᠳᠤ ᠰᠡᠵᠢᠭᠯᠡᠭᠳᠡᠵᠠᠢ ᠭᠡᠵᠦ ᠦᠵᠡᠨ᠂ ᠹᠦ᠋ ᠣᠪᠣᠭᠲᠣ ᠪᠠᠷᠢᠪᠴᠢᠯᠠᠬᠤ ᠵᠦᠪᠰᠢᠶᠡᠷᠡᠵᠠᠢ᠃ ᠣᠶᠢᠷᠠ ᠳᠤ᠂ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠠᠷᠠᠳ ᠰᠢᠭᠦᠬᠦ ᠬᠤᠷᠢᠶᠠ ᠬᠢᠬᠠᠨ ᠱᠣᠯᠣᠭᠰᠠᠨ ᠶᠠᠯᠠ ᠪᠠᠷ ᠵᠠᠭᠠᠯᠳᠣᠭᠳᠠᠭᠴᠢ ᠹᠦ᠋ ᠣᠪᠣᠭᠲᠣ ᠨᠢᠭᠡ ᠵᠢᠯ ᠭᠠᠳᠠᠨᠠ ᠵᠢᠷᠭᠤᠭᠠᠨ ᠰᠠᠷᠠ ᠬᠤᠭᠤᠴᠠᠭᠠ ᠲᠠᠢ ᠬᠤᠷᠢᠬᠤ ᠡᠷᠡᠭᠦᠦ ᠪᠠᠷ ᠰᠢᠳᠬᠡᠵᠦ᠂ ᠠᠷᠠᠳ ᠵᠣᠭᠤᠰ ᠨᠢᠭᠡ ᠲᠦᠮᠡᠨ ᠲᠦᠭᠦᠷᠢᠭ ᠶᠠᠯᠠᠳᠠᠬᠤ ᠪᠠᠷ ᠨᠡᠶᠢᠯᠡᠭᠦᠯᠦᠨ ᠰᠢᠳᠬᠡᠵᠦ᠂ ᠵᠠᠭᠠᠯᠳᠣᠭᠳᠠᠭᠴᠢ ᠳ᠋ᠦᠩ ᠣᠪᠣᠭᠲᠣ ᠨᠢᠭᠡ ᠵᠢᠯ ᠭᠠᠳᠠᠨᠠ ᠵᠢᠷᠭᠤᠭᠠᠨ ᠰᠠᠷᠠ ᠬᠤᠭᠤᠴᠠᠭᠠ ᠲᠠᠢ ᠬᠤᠷᠢᠬᠤ ᠡᠷᠡᠭᠦᠦ ᠪᠠᠷ ᠰᠢᠳᠬᠡᠵᠦ᠂ ᠡᠷᠡᠭᠦᠦ ᠨᠢ ᠬᠤᠶᠠᠷ ᠵᠢᠯ ᠠᠯᠭᠤᠷᠯᠠᠵᠣ᠂ ᠠᠷᠠᠳ ᠵᠣᠭᠤᠰ ᠨᠢᠭᠡ ᠲᠦᠮᠡᠨ ᠲᠦᠭᠦᠷᠢᠭ ᠵᠣᠭᠤᠰ ᠶᠠᠯᠠᠳᠠᠬᠤ ᠪᠠᠷ ᠨᠡᠶᠢᠯᠡᠭᠦᠯᠦᠨ ᠰᠢᠳᠬᠡᠵᠠᠢ᠃