ᠵᠦᠪᠰᠢᠶᠡᠷᠡᠯ ᠲᠡᠮᠳᠡᠭ ᠦᠭᠡᠢ ᠪᠠᠷ ᠣᠢ ᠮᠣᠳᠣ ᠣᠭᠲᠣᠯᠵᠣ ᠶᠠᠯᠠ ᠬᠢᠭᠰᠡᠨ ᠰᠡᠵᠢᠭᠯᠡᠭᠳᠡᠨ ᠪᠠᠷᠢᠪᠴᠢᠯᠠᠭᠳᠠᠪᠠ
2016-06-02 11:02:30
ᠣᠶᠢᠷᠠ ᠳᠤ᠂ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠠᠷᠠᠳ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠣᠢ ᠮᠣᠳᠣ ᠳᠣᠷᠠ ᠪᠠᠷ ᠣᠭᠲᠣᠯᠣᠭᠰᠠᠨ ᠶᠠᠯᠠ ᠳᠤ ᠰᠡᠵᠢᠭᠯᠡᠭᠳᠡᠭᠰᠡᠨ ᠶᠠᠩ ᠣᠪᠣᠭᠲᠣ ᠪᠣᠯᠣᠨ ᠼᠣᠣ ᠣᠪᠣᠭᠲᠣ ᠪᠠᠷᠢᠪᠴᠢᠯᠠᠬᠤ ᠵᠦᠪᠰᠢᠶᠡᠷᠡᠪᠡ᠃
ᠯᠢᠶᠣᠣᠨᠢᠩ ᠮᠣᠵᠢ ᠯᠢᠦ ᠣᠪᠣᠭᠲᠣ᠂ ᠶᠠᠩ ᠣᠪᠣᠭᠲᠣ ᠪᠣᠯᠣᠨ ᠼᠣᠣ ᠣᠪᠣᠭᠲᠣ 2015 ᠣᠨ 11 ᠰᠠᠷᠠ ᠦᠶᠡ ᠳᠤ ᠵᠢᠲ᠋ᠦ᠋ᠩ ᠲᠡᠮᠦᠷ ᠵᠠᠮ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠪᠠᠶᠠᠨᠲᠠᠯᠠ ᠰᠣᠮᠣᠨ ᠯᠣᠳᠣᠣᠪᠠᠨ ᠭᠠᠴᠠᠭᠠᠨ ᠳᠣᠯᠣᠭᠠᠨᠪᠠᠨ ᠳᠣᠭᠤᠶᠢᠯᠠᠩ ᠬᠡᠰᠡᠭ ᠲᠠᠬᠢ ᠲᠡᠮᠦᠷ ᠵᠠᠮ ᠨᠢᠭᠡ ᠲᠠᠯᠠ ᠣᠯᠢᠶᠠᠰᠣᠨ ᠮᠣᠳᠣ 10 ᠲᠦᠮᠡᠨ ᠲᠦᠭᠦᠷᠢᠭ ᠳᠦᠷᠢᠶᠡᠰᠦᠯᠡᠨ ᠠᠪᠴᠠᠢ᠃ ᠯᠢᠦ ᠣᠪᠣᠭᠲᠣ᠂ ᠶᠠᠩ ᠣᠪᠣᠭᠲᠣ ᠪᠣᠯᠣᠨ ᠼᠣᠣ ᠣᠪᠣᠭᠲᠣ ᠭᠤᠷᠪᠠᠭᠤᠯᠠ ᠵᠦᠪᠳᠡᠯᠴᠡᠨ᠂ ᠯᠢᠦ ᠣᠪᠣᠭᠲᠣ ᠪᠠᠷ ᠣᠭᠲᠣᠯᠣᠭᠰᠠᠨ ᠮᠣᠳᠣᠨ ᠮᠠᠲ᠋ᠧᠷᠢᠶᠠᠯ ᠾᠧᠪᠸᠢ ᠮᠣᠵᠢ ᠳᠤ ᠬᠦᠷᠭᠡᠭᠦᠯᠬᠦ ᠪᠠᠷ ᠲᠣᠭᠲᠠᠪᠠ᠃ ᠯᠢᠦ ᠣᠪᠣᠭᠲᠣ ᠾᠧᠪᠸᠢ ᠮᠣᠵᠢ ᠳᠤ ᠶᠠᠪᠣᠭᠰᠠᠨ ᠬᠤᠶᠢᠨᠠ᠂ ᠶᠠᠩ ᠣᠪᠣᠭᠲᠣ ᠪᠣᠯᠣᠨ ᠼᠣᠣ ᠣᠪᠣᠭᠲᠣ ᠣᠢ ᠰᠢᠭᠤᠢ ᠵᠠᠰᠠᠭ ᠵᠠᠬᠢᠷᠭᠠᠨ ᠡᠷᠬᠢᠯᠡᠨ ᠬᠠᠮᠢᠶᠠᠷᠬᠤ ᠰᠠᠯᠠᠭᠠ ᠮᠦᠴᠢᠷ ᠪᠣᠯᠣᠨ ᠬᠠᠣᠯᠢ ᠠᠴᠠ ᠳᠣᠭᠲᠠᠭᠠᠭᠰᠠᠨ ᠪᠣᠰᠣᠳ ᠡᠷᠬᠢᠯᠡᠨ ᠬᠠᠮᠢᠶᠠᠷᠬᠤ ᠰᠠᠯᠠᠭᠠ ᠮᠦᠴᠢᠷ ᠵᠦᠪᠰᠢᠶᠡᠷᠡᠭᠦᠯᠦᠨ᠂ ᠣᠢ ᠮᠣᠳᠣ ᠣᠭᠳᠣᠯᠬᠤ ᠵᠦᠪᠰᠢᠶᠡᠷᠡᠯ ᠲᠡᠮᠳᠡᠭ ᠬᠢᠨᠠᠨ ᠤᠯᠭᠤᠭᠤᠯᠤᠭᠰᠠᠨ ᠦᠭᠡᠢ ᠪᠠᠷ ᠳᠦᠷᠢᠶᠡᠰᠦᠯᠡᠨ ᠠᠪᠣᠭᠰᠠᠨ ᠣᠯᠢᠶᠠᠰᠣᠨ ᠮᠣᠳᠣᠨ ᠠᠴᠠ ᠪᠠᠨ 3570 ᠰᠠᠭᠤᠷᠢ ᠨᠢ ᠣᠭᠲᠣᠯᠣᠨ᠂ ᠣᠭᠲᠣᠯᠣᠭᠰᠠᠨ ᠮᠣᠳᠣᠨ ᠬᠢᠨᠢ ᠬᠤᠷᠠᠮᠳᠣᠯᠠᠯ ᠬᠡᠮᠵᠢᠶᠡ ᠨᠢ 476 ᠺᠦᠪ ᠮᠧᠲᠷ ᠳᠤ ᠬᠦᠷᠴᠠᠢ᠃ ᠬᠠᠮᠢᠶᠠ ᠪᠦᠬᠦᠢ ᠬᠠᠣᠯᠢ ᠳᠣᠭᠲᠠᠭᠠᠯ ᠢ ᠦᠨᠳᠦᠰᠦᠯᠡᠪᠡᠯ᠂ ᠣᠢ ᠮᠣᠳᠣ ᠳᠣᠷᠠ ᠪᠠᠷ ᠣᠭᠲᠣᠯᠣᠭᠰᠠᠨ ᠬᠤᠷᠠᠮᠳᠣᠯᠠᠯ ᠬᠡᠮᠵᠢᠶᠡ ᠨᠢ 20 ᠺᠦᠪ ᠮᠧᠲᠷ ᠳᠤ ᠬᠦᠷᠪᠡᠯ ᠳᠠᠷᠣᠢ ᠬᠡᠷᠡᠭ ᠪᠣᠯᠭᠠᠨ ᠨᠡᠬᠡᠮᠵᠢᠯᠡᠨ ᠵᠠᠭᠠᠯᠳᠣᠵᠣ᠂ ᠬᠤᠷᠠᠮᠳᠣᠯᠠᠯ ᠬᠡᠮᠵᠢᠶᠡ ᠨᠢ 70 ᠺᠦᠪ ᠮᠧᠲᠷ ᠳᠤ ᠬᠦᠷᠪᠡᠯ ᠣᠭᠲᠣᠯᠣᠭᠰᠠᠨ ᠲᠤᠭᠠ ᠨᠢ ᠯᠣᠲᠣ ᠶᠡᠭᠡ ᠳᠤ ᠲᠣᠭᠠᠴᠠᠭᠳᠠᠨ᠂ ᠭᠤᠷᠪᠠᠨ ᠵᠢᠯ ᠠᠴᠠ ᠳᠡᠭᠡᠭᠰᠢ ᠳᠣᠯᠣᠭᠠᠨ ᠵᠢᠯ ᠠᠴᠠ ᠳᠣᠭᠤᠭᠰᠢ ᠬᠤᠭᠤᠴᠠᠭᠠ ᠲᠠᠢ ᠬᠤᠷᠢᠭᠳᠠᠬᠤ ᠪᠠᠷ ᠰᠢᠳᠬᠡᠭᠳᠡᠨᠡ᠃ ᠶᠠᠩ ᠣᠪᠣᠭᠲᠣ ᠪᠣᠯᠣᠨ ᠼᠣᠣ ᠣᠪᠣᠭᠲᠣ ᠳᠣᠷᠠ ᠪᠠᠷ 3570 ᠰᠠᠭᠤᠷᠢ ᠣᠯᠢᠶᠠᠰᠣᠨ ᠮᠣᠳᠣ ᠣᠭᠲᠣᠯᠣᠭᠰᠠᠨ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠣᠢ ᠮᠣᠳᠣ ᠳᠣᠷᠠ ᠪᠠᠷ ᠣᠭᠲᠣᠯᠣᠭᠰᠠᠨ ᠶᠠᠯᠠ ᠳᠤ ᠰᠡᠵᠢᠭᠯᠡᠭᠳᠡᠭᠰᠡᠨ ᠮᠦᠷᠲᠡᠭᠡᠨ ᠦᠴᠢᠭ ᠨᠡᠪᠲᠡᠷᠡᠯᠴᠡᠬᠦ ᠪᠣᠯᠣᠯᠴᠠᠭᠠ ᠲᠠᠢ ᠪᠠᠶᠢᠵᠣ᠂ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠠᠷᠠᠳ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠶᠠᠩ ᠣᠪᠣᠭᠲᠣ ᠪᠣᠯᠣᠨ ᠼᠣᠣ ᠣᠪᠣᠭᠲᠣ ᠪᠠᠷᠢᠪᠴᠢᠯᠠᠬᠤ ᠵᠦᠪᠰᠢᠶᠡᠷᠡᠪᠡ᠃ ᠶᠠᠩ ᠣᠪᠣᠭᠲᠣ ᠪᠣᠯᠣᠨ ᠼᠣᠣ ᠣᠪᠣᠭᠲᠣ ᠡᠳᠦᠭᠡ ᠶᠠᠭ ᠬᠠᠣᠯᠢ ᠬᠠᠲᠠᠭᠤ ᠰᠢᠳᠬᠡᠯ ᠢ ᠬᠦᠯᠢᠶᠡᠵᠦ ᠪᠣᠢ᠃