ᠲᠣᠭᠤᠰᠬᠠᠨ ᠦᠢᠯᠡᠳᠪᠦᠷᠢ ᠠᠵᠢᠯᠴᠢᠨ ᠲᠣᠭᠤᠰᠬᠠ ᠵᠦᠭᠡᠭᠡᠬᠦ ᠰᠡᠷᠡᠭᠡᠲᠦ ᠲᠡᠷᠭᠡᠨ ᠳᠡᠭᠡᠷᠡ ᠨᠠᠭᠠᠳᠴᠣ ᠪᠠᠶᠢᠭᠰᠠᠨ ᠲᠡᠷᠭᠡᠨ ᠠᠴᠠ ᠣᠶᠢᠴᠢᠨ ᠬᠦᠷᠳᠦᠨ ᠳᠣᠣᠷᠠ ᠨᠢ ᠳᠠᠷᠣᠭᠳᠠᠵᠣ ᠦᠬᠦᠪᠠ
2016-08-03 11:23:17
2016 ᠣᠨ 6 ᠰᠠᠷᠠ 9 ᠡᠳᠦᠷ ᠦᠳᠡ ᠬᠤᠶᠢᠨᠠᠬᠢ 5 ᠴᠠᠭ ᠦᠶᠡ ᠪᠠᠷ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠪᠠᠶᠠᠨᠬᠤᠰᠢᠭᠤ ᠪᠠᠯᠭᠠᠰᠣ ᠳ᠋ᠦᠩᠱᠸᠡᠩ ᠲᠣᠭᠤᠰᠬᠠᠨ ᠦᠢᠯᠡᠳᠪᠦᠷᠢ ᠲᠣᠭᠤᠰᠬᠠ ᠬᠢᠬᠦ ᠮᠠᠰᠢᠨ ᠨᠢ ᠡᠪᠳᠡᠷᠡᠭᠰᠡᠨ ᠠᠴᠠ ᠪᠣᠯᠵᠣ ᠬᠦᠮᠦᠨ ᠬᠦᠴᠦ ᠪᠠᠷ ᠲᠣᠭᠤᠰᠬᠠ ᠬᠢᠪᠠ᠃ ᠬᠦᠮᠦᠨ ᠬᠦᠴᠦ ᠪᠠᠷ ᠲᠣᠭᠤᠰᠬᠠ ᠬᠢᠬᠦ ᠨᠢ ᠡᠷᠬᠡᠪᠰᠢ ᠲᠣᠭᠤᠰᠬᠠ ᠲᠣᠰᠬᠤ ᠬᠡᠪ ᠲᠣᠭᠤᠰᠬᠠ ᠲᠣᠰᠳᠠᠭ᠃ ᠦᠳᠡ ᠬᠤᠶᠢᠨᠠᠬᠢ 6 ᠴᠠᠭ ᠦᠶᠡᠰ᠂ ᠠᠵᠢᠯᠴᠢᠳ ᠲᠣᠭᠤᠰᠬᠠ ᠲᠣᠰᠬᠤ ᠬᠡᠪ ᠬᠡᠷᠡᠭᠯᠡᠵᠦ ᠪᠠᠷᠠᠨ ᠦᠢᠯᠡᠳᠪᠦᠷᠢ ᠬᠠᠮᠢᠶᠠᠷᠣᠭᠴᠢ ᠨᠢ ᠠᠵᠢᠯᠴᠢᠳ ᠠᠮᠠᠷᠠᠭᠤᠯᠵᠣ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠤ᠂ ᠸᠠᠩ ᠣᠪᠣᠭᠲᠣ ᠬᠢᠬᠦ ᠠᠵᠢᠯ ᠦᠭᠡᠢ ᠰᠡᠯᠡᠭᠦᠴᠠᠨ ᠲᠣᠭᠤᠷᠢᠵᠣ ᠾᠧ ᠣᠪᠣᠭᠲᠣ ᠰᠡᠷᠡᠭᠡᠲᠦ ᠲᠡᠷᠭᠡᠨ ᠬᠠᠵᠠᠭᠤ ᠳᠤ ᠬᠦᠷᠪᠡ᠃ ᠸᠠᠩ ᠣᠪᠣᠭᠲᠣ ᠪᠣᠯᠣᠨ ᠾᠧ ᠣᠪᠣᠭᠲᠣ ᠬᠤᠶᠠᠷ ᠡᠩ ᠴᠠᠭ ᠲᠤ ᠪᠠᠨ ᠰᠠᠶᠢᠨ ᠲᠠᠭᠠᠷᠠᠯᠴᠠᠳᠠᠭ ᠣᠴᠢᠷ ᠠᠴᠠ ᠬᠡᠵᠢᠶᠡᠳᠡ ᠬᠠᠷᠢᠯᠴᠠᠨ ᠨᠠᠭᠠᠳᠤᠮ ᠱᠤᠭ ᠬᠢᠳᠡᠭ ᠂ ᠲᠤᠰ ᠡᠳᠦᠷ ᠸᠠᠩ ᠣᠪᠣᠭᠲᠣ ᠴᠦ ᠾᠧ ᠣᠪᠣᠭᠲᠣ ᠲᠠᠢ ᠨᠠᠭᠠᠳᠤᠮ ᠱᠤᠭ ᠬᠢᠵᠦ ᠾᠧ ᠣᠪᠣᠭᠲᠣ ᠵᠢᠯᠣᠭᠤᠳᠴᠣ ᠪᠠᠶᠢᠭᠰᠠᠨ ᠰᠡᠷᠡᠭᠡᠲᠦ ᠲᠡᠷᠭᠡᠨ ᠰᠡᠷᠡᠭᠡᠨ ᠳᠡᠭᠡᠷᠡ ᠵᠣᠭᠰᠣᠨ ᠾᠧ ᠣᠪᠣᠭᠲᠣ ᠰᠡᠷᠡᠭᠡᠲᠦ ᠲᠡᠷᠭᠡ ᠪᠠᠷ ᠨᠠᠭᠠᠳᠣᠶᠠ ᠬᠡᠵᠦ ᠭᠤᠶᠣᠴᠢᠯᠠᠪᠠ᠃ ᠾᠧ ᠣᠪᠣᠭᠲᠣ ᠸᠠᠩ ᠣᠪᠣᠭᠲᠣ ᠠᠴᠠ ᠰᠠᠶᠢᠬᠠᠨ ᠵᠣᠭᠰᠣᠭᠰᠠᠨ ᠡᠰᠡᠭᠦ ᠠᠰᠠᠭᠤᠨ ᠰᠡᠷᠡᠭᠡᠲᠦ ᠲᠡᠷᠭᠡ ᠪᠠᠨ ᠵᠢᠯᠣᠭᠤᠳᠴᠣ ᠣᠷᠣᠭᠰᠢ ᠶᠠᠪᠣᠪᠠ᠃ ᠳᠡᠮᠡᠢ ᠬᠤᠯᠠ ᠶᠠᠪᠣᠭᠰᠠᠨ ᠦᠭᠡᠢ ᠾᠧ ᠣᠪᠣᠭᠲᠣ ᠭᠡᠨᠡᠳᠲᠡ 《 ᠡ 》 ᠭᠡᠰᠡᠨ ᠳᠠᠭᠤ ᠣᠯᠵᠣ ᠰᠣᠨᠣᠰᠣᠨ ᠲᠡᠷᠭᠡᠨ ᠰᠡᠷᠡᠭᠡ ᠪᠠᠨ ᠬᠠᠷᠠᠭᠰᠠᠨ ᠳᠤ ᠸᠠᠩ ᠣᠪᠣᠭᠲᠣ ᠠᠯᠠᠭᠠ ᠪᠣᠯᠪᠠ᠂ ᠾᠧ ᠣᠪᠣᠭᠲᠣ ᠴᠠᠭ ᠵᠠᠭᠤᠷᠠ ᠣᠭᠵᠤᠮ ᠵᠣᠭᠰᠣᠯᠲᠠ ᠬᠢᠭᠰᠡᠨ ᠪᠣᠯᠪᠠᠴᠣ ᠰᠡᠷᠡᠭᠡᠲᠦ ᠲᠡᠷᠭᠡ ᠨᠢᠭᠡᠨᠲᠡ ᠸᠠᠩ ᠣᠪᠣᠭᠲᠣ ᠭᠡᠳᠡᠰᠦᠨ ᠬᠡᠰᠡᠭ ᠳᠠᠭᠠᠷᠢᠪᠠ᠃ ᠾᠧ ᠣᠪᠣᠭᠲᠣ ᠲᠡᠷᠡ ᠳᠠᠷᠣᠶᠢᠬᠠᠨ ᠲᠡᠷᠭᠡᠨ ᠠᠴᠠ ᠪᠠᠨ ᠪᠠᠭᠤᠵᠣ ᠸᠠᠩ ᠣᠪᠣᠭᠲᠣ ᠦᠵᠡᠭᠰᠡᠨ ᠳᠤ ᠲᠡᠭᠦᠨ ᠲᠣᠯᠣᠭᠠᠢ ᠨᠢ ᠲᠡᠷᠭᠡᠨ ᠬᠦᠷᠳᠦᠨ ᠭᠠᠳᠠᠨᠠ ᠪᠠᠶᠢᠵᠣ᠂ ᠠᠮᠠᠨ ᠠᠴᠠ ᠨᠢ ᠴᠢᠰᠣ ᠭᠠᠷᠴᠣ ᠪᠠᠶᠢᠪᠠ ᠃ ᠾᠧ ᠣᠪᠣᠭᠲᠣ ᠪᠣᠰᠣᠳ ᠠᠵᠢᠯᠴᠢᠳ ᠳᠠᠭᠤᠳᠠᠨ ᠸᠠᠩ ᠣᠪᠣᠭᠲᠣ ᠲᠡᠷᠭᠡᠨ ᠳᠣᠣᠷᠠ ᠠᠴᠠ ᠠᠪᠣᠷᠠᠨ ᠭᠠᠷᠭᠠᠭᠰᠠᠨ ᠳᠤ ᠸᠠᠩ ᠣᠪᠣᠭᠲᠣ ᠬᠤᠪᠴᠠᠰᠣ ᠬᠤᠨᠠᠷ ᠨᠢ ᠣᠷᠠᠭᠳᠠᠨ ᠪᠡᠯᠭᠡ ᠡᠷᠬᠡᠲᠡᠨ ᠪᠠ ᠪᠠᠷᠠᠭᠤᠨ ᠬᠦᠯ ᠬᠢᠨᠢ ᠡᠪᠦᠳᠦᠭ ᠬᠡᠰᠡᠭ ᠨᠢ ᠰᠢᠷᠬᠠᠲᠣᠨ ᠶᠡᠭᠡ ᠴᠢᠰᠣ ᠭᠠᠷᠴᠣ ᠪᠠᠶᠢᠪᠠ᠃ ᠦᠢᠯᠡᠳᠪᠦᠷᠢ ᠬᠠᠮᠢᠶᠠᠷᠣᠭᠴᠢ ᠪᠣᠯᠣᠨ ᠾᠧ ᠣᠪᠣᠭᠲᠣ ᠵᠡᠷᠭᠡ ᠬᠦᠮᠦᠰ ᠸᠠᠩ ᠣᠪᠣᠭᠲᠣ ᠪᠠᠴᠢᠮ ᠠᠪᠣᠷᠠᠯᠲᠠ ᠲᠡᠷᠭᠡ ᠪᠠᠷ ᠡᠮᠨᠡᠯᠭᠡ ᠬᠤᠷᠢᠶᠠᠨ ᠳᠤ ᠬᠦᠷᠭᠡᠵᠦ ᠪᠠᠶᠢᠬᠤ ᠵᠠᠮ ᠳᠤ ᠸᠠᠩ ᠣᠪᠣᠭᠲᠣ ᠬᠡᠲᠦᠷᠬᠡᠢ ᠶᠡᠭᠡ ᠴᠢᠰᠤ ᠭᠠᠷᠤᠭᠰᠠᠨ ᠠᠴᠠ ᠪᠣᠯᠵᠣ ᠲᠡᠷᠭᠡᠨ ᠳᠡᠭᠡᠷᠡ ᠠᠮᠢᠰᠬᠤᠭᠠ ᠲᠠᠰᠣᠷᠠᠪᠠ᠃
ᠲᠣᠰ ᠠᠮᠢᠨ ᠬᠡᠷᠡᠭ ᠭᠠᠷᠬᠤ ᠦᠶᠡᠰ ᠶᠠᠯᠠ ᠬᠢᠭᠰᠡᠨ ᠰᠡᠵᠢᠭᠲᠡᠨ ᠾᠧ ᠣᠪᠣᠭᠲᠣ ᠠᠷᠪᠠ ᠶᠢᠰᠦᠬᠡᠨ ᠪᠦᠬᠦᠯᠢ ᠨᠠᠰᠣ ᠲᠠᠢ ᠪᠠᠶᠢᠵᠣ᠂ ᠬᠤᠣᠷᠯᠠᠭᠳᠠᠭᠴᠢ ᠸᠠᠩ ᠣᠪᠣᠭᠲᠣ ᠠᠷᠪᠠᠨ ᠨᠠᠢᠮᠠᠬᠠᠨ ᠪᠦᠬᠦᠯᠢ ᠨᠠᠰᠣ ᠲᠠᠢ ᠪᠢᠯᠡ᠃ ᠬᠡᠳᠦᠶᠢᠪᠡᠷ ᠶᠠᠯᠠ ᠬᠢᠭᠰᠡᠨ ᠰᠡᠵᠢᠭᠲᠡᠨ ᠾᠧ ᠣᠪᠣᠭᠲᠣ ᠭᠠᠯ ᠵᠠᠯᠠᠭᠤ ᠭᠠᠩᠭᠠᠩ ᠰᠠᠶᠢᠬᠠᠨ ᠨᠠᠰᠣᠨ ᠳᠤ ᠪᠠᠨ ᠪᠠᠶᠢᠭᠰᠠᠨ ᠴᠦ ᠡᠷᠡᠭᠦᠦ ᠬᠠᠣᠯᠢ ᠵᠦᠷᠢᠴᠡᠵᠦ ᠠᠳᠡᠯ ᠬᠦᠮᠦᠨ ᠢ ᠦᠬᠦᠭᠦᠯᠦᠭᠰᠡᠨ ᠶᠠᠯᠠ ᠳᠤ ᠰᠡᠵᠢᠭᠯᠡᠭᠳᠡᠭᠰᠡᠨ ᠮᠦᠷᠲᠡᠭᠡᠨ ᠲᠡᠭᠦᠨ ᠭᠡᠷ ᠨᠢ ᠭᠦᠢᠵᠸᠦ ᠮᠣᠵᠢ ᠳᠤ ᠪᠠᠶᠢᠭᠠ ᠪᠣᠯᠬᠤᠷ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠠᠷᠠᠳ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠲᠡᠭᠦᠨ ᠢ ᠪᠠᠷᠢᠪᠴᠢᠯᠠᠬᠤ ᠵᠦᠪᠰᠢᠶᠡᠷᠡᠪᠡ᠃