ᠪᠠᠳᠦ ︵ᠦᠭᠡᠷᠡᠴᠢᠯᠡᠭᠰᠡᠨ ᠨᠠᠷᠠ︶ ᠨᠢᠭᠡ ᠴᠠᠭ ᠠᠭᠤᠷ ᠬᠠᠣᠯᠢ ᠪᠣᠰᠦ ᠪᠠᠷ ᠪᠣᠰᠣᠳ ᠣᠷᠣᠨ ᠰᠠᠭᠤᠴᠠ ᠳᠤ ᠲᠦᠷᠢᠨ ᠣᠷᠣᠵᠦ ᠪᠣᠰᠣᠳ ᠢ ᠰᠢᠷᠬᠠᠳᠤᠭᠤᠯᠪᠠ
2017-07-28 11:23:29
ᠪᠠᠳᠦ ᠪᠣᠯᠣᠨ ᠲᠣᠶᠠᠭᠠ ︵ᠦᠭᠡᠷᠡᠴᠢᠯᠡᠭᠰᠡᠨ ᠨᠠᠷᠠ︶ ᠦᠡᠭᠭᠡᠷᠡᠭᠰᠡᠨ ᠳᠤ ᠢᠨᠠᠭᠯᠠᠵᠦ ᠪᠠᠶᠢᠵᠠᠢ᠂᠂ 2017 ᠣᠨ 1 ᠰᠠᠷᠠ ᠳᠤ ᠬᠤᠶᠠᠭᠤᠯᠠ ᠬᠠᠷᠢᠴᠠᠭᠠ ᠪᠠᠨ ᠲᠠᠰᠣᠯᠣᠭᠰᠠᠨ ᠪᠣᠯᠪᠠᠴᠦ ᠦᠷᠭᠦᠯᠵᠢ ᠬᠠᠷᠢᠯᠴᠠᠳᠠᠭ ᠪᠠᠶᠢᠵᠠᠢ᠃ 2017 ᠣᠨ 2 ᠰᠠᠷᠠ 18 ᠡᠳᠦᠷ ᠪᠠᠳᠦ ᠲᠣᠶᠠᠭᠠ ᠳᠤ ᠣᠳᠠᠰᠦ ᠠᠪᠣᠭᠰᠠᠨ ᠳᠤ ᠲᠣᠶᠠᠭᠠ ᠣᠳᠠᠰᠦ ᠲᠣᠰᠣᠭᠰᠠᠨ ᠦᠭᠡᠢ᠂ ᠪᠠᠳᠦ ᠲᠣᠶᠠᠭᠠ ᠪᠣᠰᠣᠳ ᠬᠦᠮᠦᠨ ᠲᠠᠢ ᠪᠣᠯᠴᠢᠬᠠᠯᠠ ᠬᠡᠮᠡᠨ ᠰᠡᠵᠢᠭᠯᠡᠨ᠂ ᠣᠷᠣᠢ ᠳᠤ ᠨᠢ ᠲᠡᠷᠭᠡ ᠲᠦᠷᠢᠶᠡᠰᠦᠯᠡᠨ ᠣᠯᠠᠭᠠᠬᠠᠨᠳᠠ ᠬᠤᠳᠠ ᠠᠴᠠ ᠳ᠋ᠠᠪᠠᠨ ᠪᠠᠯᠭᠠᠰᠣᠨ ᠳᠤ ᠢᠷᠡᠵᠠᠢ᠃ ᠳ᠋ᠠᠪᠠᠨ ᠪᠠᠯᠭᠠᠰᠣᠨ ᠳᠤ ᠢᠷᠡᠭᠰᠡᠨ ᠲᠠᠷᠠᠭᠠ ᠪᠠᠳᠦ ᠬᠡᠳᠦ ᠲᠡᠯᠭᠡᠭᠦᠷ ᠠᠴᠠ ᠵᠢᠮᠢᠰ ᠬᠢᠳᠤᠭᠠ ᠬᠤᠳᠠᠯᠳᠣᠨ ᠠᠪᠴᠦ ᠲᠣᠶᠠᠭᠠ ᠰᠠᠭᠤᠵᠦ ᠪᠠᠶᠢᠭᠠ ᠭᠡᠷ ᠲᠤ ᠬᠦᠷᠦᠭᠰᠡᠨ ᠪᠠᠶᠢᠨᠠ᠃ ᠪᠠᠳᠦ ᠲᠣᠶᠠᠭᠠ ᠭᠡᠷ ᠲᠤ ᠬᠦᠷᠦᠭᠰᠡᠨ ᠲᠠᠷᠠᠭᠠ ᠬᠠᠭᠠᠯᠭᠠ ᠬᠡᠳᠦ ᠣᠳᠠᠭᠠ ᠴᠣᠬᠢᠭᠰᠠᠨ ᠳᠤ ᠲᠣᠶᠠᠭᠠ ᠬᠠᠭᠠᠯᠭᠠ ᠪᠠᠨ ᠨᠡᠭᠡᠭᠡᠵᠦ ᠦᠭᠬᠦ ᠦᠭᠡᠢ ᠲᠣᠯᠠ ᠪᠠᠳᠦ ᠶᠡᠭᠡ ᠪᠠᠷ ᠠᠭᠤᠷ ᠬᠦᠷᠴᠦ ᠦᠨᠳᠦᠷ ᠲᠠᠭᠤᠨ ᠬᠠᠰᠬᠢᠷᠦᠨ ᠬᠡᠷᠪᠠ ᠬᠠᠭᠠᠯᠭᠠ ᠪᠠᠨ ᠨᠡᠭᠡᠭᠡᠬᠦ ᠦᠭᠡᠢ ᠪᠣᠯ ᠬᠠᠭᠠᠯᠭᠠ ᠬᠠᠭᠠ ᠢᠰᠬᠦᠯᠵᠦ ᠣᠷᠣᠨᠠ ᠬᠡᠵᠦ ᠠᠶᠣᠯᠭᠠᠨ ᠰᠦᠷᠳᠡᠭᠦᠯᠦᠭᠰᠡᠨ ᠳᠤ ᠲᠣᠶᠠᠭᠠ ᠣᠳᠣ ᠡᠷᠡᠭᠳᠠᠢ ᠨᠠᠶᠢᠵᠠ ᠲᠠᠯᠠᠢ ︵ᠦᠭᠡᠷᠡᠴᠢᠯᠡᠭᠰᠡᠨ ᠨᠠᠷᠠ︶ ᠬᠠᠭᠠᠯᠭᠠ ᠨᠡᠭᠡᠭᠡᠵᠦ ᠦᠭᠪᠡ᠃ ᠲᠣᠶᠠᠭᠠ ᠪᠠ ᠲᠠᠯᠠᠢ ᠬᠤᠶᠠᠷ ᠴᠤᠭ ᠪᠠᠶᠢᠬᠤ ᠪᠠᠳᠤ ᠦᠵᠡᠨ ᠶᠠᠳᠠᠨ ᠠᠭᠤᠷ ᠬᠦᠷᠴᠦ ᠬᠢᠳᠤᠭᠠ ᠪᠠᠷ ᠲᠠᠯᠠᠢ ᠦᠭᠡᠳᠠ ᠬᠢᠳᠤᠭᠠᠯᠠᠭᠰᠠᠨ ᠳᠤ ᠳᠠᠯᠠᠢ ᠭᠠᠷ ᠬᠢᠳᠤᠭᠠ ᠪᠣᠯᠢᠶᠠᠨ ᠠᠪᠬᠤ ᠭᠡᠳ ᠪᠠᠷᠠᠭᠤᠨ ᠭᠠᠷ ᠡᠷᠡᠬᠡᠢ ᠬᠤᠷᠣᠭᠤ ᠨᠢ ᠰᠢᠷᠬᠠᠳᠤᠵᠤ᠂ ᠡᠮᠨᠡᠯᠭᠡ ᠬᠤᠷᠢᠶᠠ ᠳᠤ ᠣᠴᠢᠵᠦ ᠡᠮᠴᠢᠯᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠬᠡᠷᠡᠭ ᠲᠠᠷᠠᠭᠠ᠂ ᠬᠠᠣᠯᠢ ᠡᠮᠴᠢ ᠠᠴᠠ ᠲᠠᠯᠠᠢ ᠪᠠᠷᠠᠭᠤᠨ ᠭᠠᠷ ᠡᠷᠡᠬᠡᠢ ᠬᠤᠷᠣᠭᠤ ᠰᠢᠷᠬᠠ ᠬᠡᠮᠵᠢᠶᠠ ᠨᠢ ᠬᠦᠡᠭᠭᠡᠨ ᠰᠢᠷᠬᠠ ᠬᠡᠮᠵᠢᠶᠠᠨ ᠳᠤ ᠬᠦᠷᠦᠭᠰᠡᠨ ᠭᠡᠵᠦ ᠬᠢᠨᠠᠨ ᠲᠤᠭᠳᠠᠭᠠᠯᠳᠠ ᠭᠠᠷᠭᠠᠵᠠᠢ᠃
ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠦᠵᠡᠬᠦ ᠪᠠᠷ᠂ ᠪᠠᠳᠦ ᠬᠠᠣᠯᠢ ᠪᠣᠰᠦ ᠪᠠᠷ ᠪᠣᠰᠣᠳ ᠭᠡᠷ ᠲᠤ ᠲᠦᠷᠢᠨ ᠣᠷᠣᠭᠰᠠᠨ ᠠᠵᠢᠯᠯᠠᠭᠠ ᠨᠢ ᠬᠠᠣᠯᠢ ᠴᠠᠭᠠᠵᠠ ᠬᠠᠮᠢᠶᠠ ᠪᠦᠬᠦᠢ ᠲᠦᠷᠢᠮ ᠲᠣᠭᠳᠠᠭᠠᠯ ᠠᠴᠠ ᠵᠦᠷᠢᠴᠡᠵᠦ᠂ ᠬᠠᠣᠯᠢ ᠪᠣᠰᠦ ᠪᠠᠷ ᠪᠣᠰᠣᠳ ᠭᠡᠷ ᠲᠤ ᠲᠦᠷᠢᠨ ᠣᠷᠣᠭᠰᠠᠨ ᠶᠠᠯᠠ ᠪᠠᠷ ᠰᠡᠵᠢᠭᠯᠡᠭᠳᠡᠭᠰᠡᠨ ᠪᠠᠶᠢᠨᠠ᠃ ᠭᠡᠪᠠᠴᠦ ᠪᠠᠳᠦ ᠦᠢᠯᠠ ᠶᠠᠪᠣᠳᠠᠯ ᠨᠢ ᠬᠦᠡᠭᠭᠡᠨ᠂ ᠪᠣᠳᠠᠳᠦ ᠬᠡᠷᠡᠭ ᠦᠨᠡᠨ ᠪᠠᠷ ᠦᠴᠢᠭᠯᠡᠵᠦ᠂ ᠬᠤᠣᠷᠯᠠᠭᠳᠠᠴᠢ ᠠᠭᠤᠴᠢᠯᠠᠯ ᠢ ᠣᠯᠣᠭᠰᠠᠨ ᠪᠠᠶᠢᠨᠠ᠃ ᠪᠠᠳᠦ ᠳᠤ ᠪᠠᠷᠢᠪᠴᠢᠯᠠᠬᠤ ᠠᠴᠠ ᠪᠣᠰᠣᠳ ᠠᠯᠪᠠᠳᠠᠯᠭᠠ ᠠᠷᠭᠠ ᠬᠡᠮᠵᠢᠶᠠ ᠠᠪᠣᠭᠰᠠᠨ ᠴᠦ ᠨᠡᠶᠢᠭᠡᠮ ᠳᠤ ᠲᠡᠬᠢᠨ ᠬᠦᠨᠦᠭᠡᠯ ᠣᠴᠠᠷᠠᠭᠤᠯᠬᠤ ᠦᠭᠡᠢ ᠣᠴᠢᠷ ᠠᠴᠠ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠠᠷᠠᠳ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠨᠢ ᠪᠠᠳᠦ ᠪᠠᠷᠢᠪᠴᠢᠯᠠᠬᠤ ᠦᠭᠡᠢ ᠲᠣᠭᠳᠠᠭᠠᠯ ᠭᠠᠷᠭᠠᠪᠠ᠃
