ᠵᠢᠷᠦᠭᠡᠨ ᠰᠢᠪᠡᠨᠡᠭᠡ
2016-03-04 15:41:22
ᠡᠭᠦᠳᠡᠨ ᠪᠤᠱᠤᠭᠠ ᠪᠠᠷ ᠭᠠᠷᠬᠤ ᠳᠠᠭᠠᠨ ᠪᠢ
ᠲᠡᠷᠢᠭᠦᠨ ᠡᠷᠭᠦᠵᠦ ᠲᠡᠭᠷᠢ ᠰᠢᠨᠵᠢ ᠰᠢᠷᠳᠡᠳᠡᠭ
ᠡᠪᠦᠭᠡ ᠰᠤᠷᠭᠠᠯ ᠢ ᠰᠤᠨᠤᠰᠬᠤ ᠳᠠᠭᠠᠨ ᠪᠢ
ᠲᠤᠯᠤᠭᠠᠢ ᠪᠦᠬᠦᠶᠢᠵᠦ ᠡᠪᠦᠳᠦᠭ ᠲᠡᠭᠡᠷᠠ ᠨᠢ ᠨᠠᠯᠠᠳᠠᠭ
ᠪᠤᠯᠠᠭ ᠤᠰᠦ ᠤᠮᠳᠠᠯᠠᠬᠤ ᠳᠠᠭᠠᠨ ᠪᠢ
ᠴᠠᠭᠠᠨ ᠢᠳᠡᠭᠡ ᠰᠠᠷᠬᠤᠳ ᠲᠡᠭᠡᠵᠢ ᠪᠠᠨ ᠡᠷᠭᠦᠳᠡᠭ
ᠪᠤᠯᠪᠠᠷᠠᠢ ᠴᠡᠴᠡᠭᠡᠰ ᠢ ᠬᠠᠶᠢᠷᠠᠯᠠᠬᠤ ᠳᠠᠭᠠᠨ ᠪᠢ
ᠴᠡᠮᠴᠡᠭᠡᠷ ᠰᠠᠶᠢᠬᠠᠨ ᠲᠡᠯᠪᠢᠨ ᠲᠡᠭᠡᠷᠡ ᠨᠢ ᠦᠨᠦᠰᠳᠠᠭ
ᠲᠠᠯᠠ ᠵᠦᠯᠭᠡᠨ ᠳᠤ ᠪᠦᠮᠪᠦᠷᠢᠬᠦ ᠳᠡᠭᠡᠨ ᠪᠢ
ᠲᠠᠭᠠᠨᠠ ᠦᠨᠦᠷ ᠭᠤᠷᠤᠬᠠ ᠲᠠᠭᠤ ᠪᠠᠷ ᠰᠤᠭᠳᠤᠭᠤᠷᠠᠳᠠᠭ
ᠲᠠᠩᠰᠤᠭ ᠨᠠᠷᠠᠨ ᠳᠤᠨᠢ ᠵᠢᠷᠭᠠᠬᠤ ᠳᠠᠭᠠᠨ ᠪᠢ
ᠲᠠᠪᠤᠨ ᠲᠢᠪ ᠡᠩᠭᠡ ᠪᠠᠶᠢᠬᠤ ᠢ ᠬᠦᠰᠡᠳᠡᠭ
ᠠᠰᠢᠳᠠ ᠬᠠᠶᠢᠷᠠ ᠠᠪᠦ ᠡᠵᠢ ᠪᠠᠨ ᠰᠠᠨᠠᠬᠤ ᠳᠠᠭᠠᠨ ᠪᠢ
ᠰᠦᠰᠦᠭᠯᠡᠨ ᠰᠦᠬᠦᠷᠡᠵᠦ ᠪᠤᠷᠬᠠᠨ ᠳᠠᠭᠠᠨ ᠵᠠᠯᠪᠠᠷᠢᠳᠠᠭ
ᠠᠮᠢᠨ ᠰᠢᠳᠦᠭᠡᠨ ᠲᠦᠷᠦᠭᠰᠡᠨ ᠨᠤᠳᠤᠭ ᠰᠠᠨᠠᠭᠠᠯᠵᠠᠬᠤ ᠳᠠᠭᠠᠨ ᠪᠢ
ᠰᠡᠭᠦᠷᠡᠰᠦ ᠠᠯᠳᠠᠨ ᠪᠤᠳᠤᠯ ᠳᠠᠯᠠᠢ ᠳᠤ ᠱᠤᠩᠪᠠᠳᠠᠭ
ᠵᠢᠷᠦᠬᠡᠨ ᠨᠢᠭᠤᠴᠠ ᠠᠩᠬᠠᠨ ᠬᠠᠶᠢᠷᠠ ᠪᠠᠨ ᠵᠡᠭᠦᠳᠦᠯᠡᠬᠦ ᠳᠡᠭᠡᠨ ᠪᠢ
ᠬᠡᠯᠡᠵᠦ ᠠᠮᠵᠢᠭᠠ ᠦᠭᠡᠢ ᠲᠤᠷᠠᠯᠠᠯ ᠦᠭᠡ ᠪᠠᠨ ᠰᠢᠪᠡᠨᠡᠳᠡᠭ
ᠦᠶᠡᠷᠬᠡᠵᠦ ᠦᠰᠦᠭᠰᠡᠨ ᠤᠨᠠᠭᠠᠨ ᠨᠠᠶᠢᠵᠠ ᠪᠠᠨ ᠳᠤᠷᠠᠰᠬᠤ ᠳᠠᠭᠠᠨ ᠪᠢ
ᠵᠢᠷᠦᠭᠡ ᠰᠡᠳᠭᠢᠯ ᠮᠢᠨᠢ ᠲᠤᠩᠭᠠᠯᠠᠭᠰᠢᠵᠦ ᠨᠠᠷᠭᠢᠶᠡᠨ ᠴᠡᠩᠭᠡᠯ ᠪᠢᠯᠬᠠᠳᠠᠭ
ᠤᠶᠠᠷᠠᠭᠠᠳ ᠪᠡᠶᠢᠳᠠᠭ ᠮᠢᠨᠦ ᠰᠡᠳᠭᠢᠯ
ᠤᠷᠴᠢᠯᠠᠩ ᠵᠢᠮᠡ ᠢ ᠬᠤᠪᠢᠷᠠᠭᠤᠯᠵᠦ ᠲᠡᠶᠢᠯᠭᠦ ᠤᠤ︖
ᠤᠷᠤᠰᠤᠭᠠᠳ ᠪᠠᠶᠢᠳᠠᠭ ᠮᠢᠨᠦ ᠨᠢᠯᠪᠤᠰᠤ
ᠤᠨᠤᠭᠠᠵᠦ ᠲᠠᠯᠪᠢᠭᠰᠠᠨ ᠲᠠᠪᠢᠯᠠᠩ ᠨᠤᠷᠠᠭᠠᠨᠠ︕
