ᠠᠷᠪᠠᠨ ᠵᠢᠯ ᠲᠤᠬᠠᠢ ᠡᠷᠬᠢᠴᠡᠬᠦᠯᠥᠯ
2016-06-02 11:33:45
ᠤᠳᠤ ᠰᠢᠭ᠋ ᠤᠯᠠᠨ ᠢ ᠲᠤᠭᠤᠬᠤ ᠪᠤᠯᠪᠠᠴᠥ᠂ ᠰᠠᠷᠠ ᠰᠢᠭ᠋ ᠭᠠᠭᠴᠠᠬᠠᠨ ᠢ ᠬᠠᠶᠢᠷᠠᠯᠠᠬᠤ ᠥᠬᠢᠨ ᠵᠠᠶᠠᠭᠠ ᠪᠠᠨ ᠮᠠᠨᠠᠵᠤ ᠬᠡᠬᠦ ᠬᠥᠳᠥᠯᠥᠭᠴᠢ ᠠᠯᠢᠮᠠ《ᠳᠤᠷᠠᠯᠠᠯ》 ᠭᠡᠬᠦ ᠰᠢᠯᠥᠭ ᠡᠨᠡᠬᠦ ᠪᠠᠳᠠᠭ ᠥᠭᠡᠰ ᠲᠤ ᠰᠡᠳᠬᠢᠯ ᠮᠠᠨᠢ ᠬᠥᠨᠳᠡᠭᠳᠡᠵᠦ᠂ ᠬᠤᠷᠢᠮ ᠮᠢᠨᠢ ᠠᠷᠪᠠᠨ ᠵᠢᠯ ᠤᠢ ᠢᠷᠡᠬᠦ ᠲᠠᠰᠢᠷᠠᠮ ᠳᠤ ᠤᠯᠠᠨ ᠢ ᠰᠡᠳᠬᠢᠵᠥ ᠰᠠᠭᠤᠯᠠ᠃
ᠵᠠᠯᠠᠭᠤ ᠽᠠᠨᠳᠠᠨ ᠨᠠᠰᠤ ᠮᠢᠨᠢ ᠬᠠᠷᠪᠤᠭᠰᠠᠨ ᠰᠤᠮᠤ ᠰᠢᠭ᠋ ᠥᠩᠭᠡᠷᠡᠵᠦ ᠤᠳᠤᠯᠠ᠂ ᠭᠠᠩᠬᠠᠵᠥ ᠶᠠᠪᠤᠭᠰᠠᠨ ᠵᠠᠯᠠᠭᠤ ᠨᠠᠰᠤ ᠮᠢᠨᠢ ᠳᠤᠷᠠᠳᠬᠠᠯ ᠪᠤᠯᠤᠨ ᠬᠤᠴᠤᠷᠤᠭᠰᠠᠨ ᠤᠴᠢᠷ᠂ ᠲᠤᠷᠠᠰᠬᠤ ᠶᠠᠭᠤ ᠪᠠᠶᠢᠭᠠ᠂ ᠬᠠᠷᠠᠮᠰᠠᠬᠤ ᠶᠠᠭᠤ ᠪᠠᠶᠢᠭᠠ ᠬᠡᠮᠡᠨ ᠪᠤᠳᠤᠯ ᠬᠥᠨ ᠳᠤ ᠱᠤᠮᠪᠠᠨ ᠶᠠᠪᠤᠬᠤ ᠳᠤ ᠪᠠᠨ᠂ ᠭᠤᠷᠢᠯᠠᠵᠥ ᠪᠠᠶᠢᠭᠰᠠᠨ ᠠᠯᠪᠠᠲᠠᠨ ᠡᠩᠨᠡᠭᠡᠨ ᠳᠤ ᠰᠢᠯᠭᠠᠨ ᠤᠷᠤᠯᠠ᠂ ᠭᠤᠯᠤᠮᠲᠠ ᠰᠠᠬᠢᠬᠤ ᠬᠥᠤ ᠲᠠᠢ ᠪᠤᠯᠤᠯᠠ᠂ ᠡᠨᠡ ᠨᠢ ᠮᠢᠨᠤ ᠤᠮᠤᠭᠰᠢᠯ ᠤᠤ ᠡᠰᠡᠬᠦᠯᠠ ᠤᠷᠤᠩᠨᠠᠬᠤ ᠨᠠᠭᠠᠲᠤ ᠵᠠᠬᠠ ᠨᠥᠬᠦᠴᠡᠯ ᠤᠤ ᠳ᠋ᠠ᠃ ᠶᠠᠭᠤ ᠴᠦ ᠬᠡᠰᠡᠨ ᠡᠨᠡᠬᠦ ᠠᠷᠪᠠᠨ ᠵᠢᠯ ᠳᠤ ᠪᠠᠶᠠᠷᠯᠠᠵᠤ᠂ ᠤᠬᠢᠯᠠᠵᠤ᠂ ᠭᠤᠨᠢᠵᠤ ᠭᠤᠲᠤᠵᠤ ᠶᠠᠪᠤᠭᠰᠠᠨ ᠮᠢᠨᠢ ᠥᠨᠡᠨ᠂ ᠲᠤᠮᠤᠭᠠ ᠲᠠᠢ᠂ ᠠᠯᠳᠠᠭᠠ ᠲᠠᠢ ᠤᠨᠠᠨ ᠳᠤᠰᠤᠨ ᠶᠠᠪᠤᠭᠰᠠᠨ ᠮᠢᠨᠢ ᠥᠨᠡᠨ᠃
ᠲᠤᠯᠭᠠᠨ ᠭᠠᠯ ᠬᠠᠮᠳᠤ ᠳᠤ ᠪᠠᠨ ᠨᠤᠴᠤᠭᠠᠵᠥ᠂ ᠲᠤᠭᠤᠨᠤ ᠪᠠᠨ ᠡᠷᠬᠦᠭᠰᠡᠨ ᠢᠵᠢᠯᠢ ᠵᠠᠶᠠᠭᠠ ᠭᠡᠳᠡᠭ ᠨᠢ ᠰᠡᠳᠬᠢᠯ ᠢᠳᠡᠭᠡᠯ ᠠᠮᠢᠳᠤᠷᠠᠯ ᠬᠠᠷᠭᠤᠢ ᠪᠠᠨ ᠵᠠᠮᠨᠠᠵᠤ᠂ ᠬᠤᠪᠤᠷᠬᠠᠨ ᠵᠠᠶᠠᠭᠠᠬᠤ ᠬᠠᠨᠢ ᠲᠠᠪᠢᠯᠠᠩ ᠨᠠᠨᠳᠢᠩᠨᠠᠨ ᠶᠠᠪᠤᠬᠤ ᠨᠢ ᠠᠮᠢᠳᠤᠷᠠᠬᠤ ᠵᠤᠷ ᠪᠠᠶᠢᠬᠠ ᠬᠡᠵᠤ ᠤᠶᠢᠯᠠᠭᠠᠨ ᠪᠤᠳᠤᠳᠠᠭ᠃
ᠬᠠᠵᠠᠭᠤ ᠳᠤ ᠮᠢᠨᠢ ᠲᠥᠰᠢᠭ ᠪᠤᠯᠤᠭᠰᠠᠨ ᠬᠠᠨᠢ ᠨᠥᠬᠦᠷ ᠡᠭᠴᠡᠬᠡᠨ ᠲᠤᠯᠵᠤ ᠬᠠᠷᠠᠬᠤ ᠶᠤᠮᠰᠠᠨ᠂ ᠬᠠᠷᠢᠯᠴᠠᠨ ᠲᠥᠰᠢᠯᠴᠡᠭᠰᠡᠨ ᠠᠷᠪᠠᠨ ᠵᠢᠯ ᠳᠤ ᠭᠠᠷᠤᠭᠰᠠᠨ ᠬᠤᠪᠢᠷᠠᠯᠲᠠ ᠡᠮᠥᠨᠡ᠂ ᠴᠢ ᠪᠢᠳᠡ ᠬᠤᠶᠠᠷ ᠨᠢᠯᠪᠤᠰᠤ ᠠᠰᠬᠠᠷᠠᠭᠤᠯᠤᠨ ᠳᠤᠭᠳᠤᠯᠬᠤ ᠤᠤ᠂ ᠰᠡᠳᠬᠢᠯ ᠡᠪᠡᠳᠴᠦ ᠡᠩᠬᠦᠶᠢᠷᠡᠯᠡᠬᠦ ᠤᠤ᠂ ᠶᠠᠭᠤ ᠴᠦ ᠭᠡᠰᠡᠨ ᠪᠠᠯᠴᠢᠷ ᠨᠠᠰᠤᠨ ᠳᠤ ᠪᠠᠶᠢᠭᠠ ᠬᠥᠤ ᠪᠠᠨ ᠡᠷᠡ ᠴᠡᠭᠡᠯ ᠳᠤ ᠬᠥᠷᠭᠡᠨ ᠬᠥᠮᠥᠵᠢᠬᠦᠯᠬᠦ ᠨᠢ ᠪᠢᠳᠡ ᠬᠤᠶᠠᠷ ᠡᠬᠦᠷᠭᠡ᠂ ᠬᠡᠬᠦ ᠳᠤ ᠪᠠᠨ ᠠᠮᠢᠳᠤᠷᠠᠯ ᠳᠤ ᠲᠣᠬᠢᠶᠠᠯᠳᠤᠭᠰᠠᠨ ᠪᠥᠬᠦᠨ ᠳᠤ ᠲᠠᠯᠠᠷᠬᠠᠬᠤ ᠶᠤᠰᠤᠲᠠᠢ᠃ ᠬᠠᠮᠳᠤ ᠲᠤᠭᠤᠯᠤᠭᠰᠠᠨᠠᠷᠪᠠᠨ ᠵᠢᠯ ᠳᠤ ᠪᠢ ᠬᠠᠨᠢ ᠬᠠᠶᠢᠷᠠ ᠪᠠᠨ ᠢᠯᠡᠳᠭᠡᠭᠰᠡᠨ ᠪᠡᠯᠡᠭ ᠢ ᠲᠤᠰᠴᠤ ᠠᠪᠤᠭᠰᠠᠨ ᠤᠳᠠᠭᠠ ᠥᠭᠡᠢ ᠴᠦ᠂ ᠬᠠᠷᠠᠴᠠ ᠪᠠᠷ ᠴᠢᠨᠢ ᠬᠠᠶᠢᠷᠠ ᠴᠢᠨᠢ ᠮᠡᠳᠡᠷᠡᠵᠦ ᠶᠠᠪᠤᠭᠰᠠᠨ ᠶᠤᠮ᠃ ᠢᠷᠡᠬᠦ ᠠᠷᠪᠠᠨ ᠵᠢᠯ ᠳᠤ ᠠᠮᠢᠳᠤᠷᠠᠯ ᠪᠢᠳᠡᠨ ᠳᠤ ᠶᠠᠭᠤ ᠨᠢᠭᠡ ᠰᠤᠷᠭᠠᠳᠠᠭ ᠪᠢᠯᠡ᠂ ᠶᠠᠭᠤ ᠨᠢᠭᠡ ᠤᠬᠠᠵᠤ ᠮᠡᠳᠡᠬᠦᠯᠳᠡᠭ ᠪᠢᠯᠡ ᠶᠠᠭᠤ ᠴᠦ ᠭᠡᠰᠡᠨ᠂ ᠰᠡᠳᠬᠢᠯ ᠲᠡᠨᠢᠬᠦᠨ ᠰᠠᠷᠠᠭᠤᠯ ᠢᠷᠡᠭᠡᠳᠤᠢ ᠵᠥᠭ ᠵᠤᠷᠢᠭ ᠬᠥᠪᠴᠢᠯᠡᠵᠥ ᠶᠠᠪᠤᠬᠤ ᠰᠠᠨ᠃
