ᠤᠷᠠᠳ ᠪᠥᠰᠡᠬᠦᠢ
2017-07-28 11:21:31
ᠬᠤᠯᠤᠰᠤᠲᠠᠢ ᠨᠠᠭᠤᠷ ᠲᠤ ᠱᠤᠮᠪᠠᠨ ᠶᠠᠪᠤᠬᠤ
ᠬᠤᠨ ᠴᠠᠭᠠᠨ ᠭᠠᠯᠠᠭᠤ ᠰᠢᠪᠠᠭᠤᠥᠬᠠᠢ ᠰᠢᠭ᠋
ᠬᠤᠲᠠᠯᠠ ᠤᠯᠠᠨ ᠬᠠᠷᠠᠴᠠ ᠪᠤᠯᠢᠶᠠᠭᠰᠠᠨ
ᠬᠤᠩᠭᠤᠷᠬᠠᠨ ᠪᠤᠯᠪᠠᠷᠠᠢ ᠤᠷᠠᠳ ᠪᠥᠰᠡᠬᠦᠢ ᠃
ᠵᠡᠭᠡᠷᠡ ᠲᠠᠭᠰᠢᠭᠰᠠᠨ ᠭᠤᠪᠢ ᠠᠭᠤᠵᠢᠮ ᠳᠤ
ᠵᠡᠯᠡᠨ ᠳᠡᠭᠡᠷᠡ ᠪᠠᠨ ᠥᠷᠯᠥᠭᠡ ᠨᠠᠷᠠ ᠪᠠᠨ ᠤᠭᠲᠤᠳᠠᠭ
ᠵᠡᠬᠦᠳᠤᠨ ᠳᠤ ᠥᠷᠬᠦᠯᠵᠢ ᠳᠤᠷᠠᠰᠤᠭᠳᠠᠨ ᠲᠤᠳᠤᠷᠠᠭᠠ
ᠵᠡᠷᠭᠡᠯᠭᠡᠨ ᠳᠤ ᠭᠠᠩᠬᠤᠵᠤ ᠶᠠᠪᠤᠭᠠ ᠤᠷᠠᠳ ᠪᠥᠰᠡᠬᠦᠢ᠃
ᠬᠠᠯᠢᠭᠤᠳᠤ ᠭᠤᠤᠯ ᠤᠷᠤᠭᠤ ᠠᠳᠤᠭᠤ ᠪᠠᠨ ᠵᠠᠯᠠᠴᠢᠬᠠᠭᠠᠳ
ᠬᠠᠳᠠᠷᠢᠭᠠ ᠰᠠᠶᠢᠪᠤᠷ ᠲᠥᠷᠥᠭᠡ ᠵᠢᠭᠢᠵᠦ ᠲᠡᠮᠡᠤᠬᠦᠯᠵᠥ ᠶᠠᠪᠤᠭᠠ
ᠬᠠᠰᠢᠷ ᠤᠷᠭᠠᠴᠢᠨ ᠵᠠᠯᠠᠭᠤ ᠤᠷᠮᠠ ᠰᠡᠷᠬᠦᠭᠡᠭᠰᠡᠨ
ᠬᠠᠷᠠᠬᠠᠨ ᠪᠠᠭᠠ ᠠᠭᠠᠰᠢ ᠲᠥᠯᠬᠢᠨ ᠤᠷᠠᠳ ᠪᠥᠰᠡᠬᠦᠢ᠃
ᠲᠠᠯᠠ ᠬᠥᠭᠡᠷᠥᠬᠦᠨ ᠰᠤᠭᠤ ᠰᠢᠭ᠋ ᠬᠠᠶᠢᠷᠠ ᠪᠤᠯᠢᠶᠠᠭᠰᠠᠨ
ᠲᠠᠨᠠᠨ ᠴᠠᠭᠠᠨ ᠭᠡᠷ ᠴᠢᠮᠡᠭ ᠪᠤᠯᠤᠭᠰᠠᠨ ᠬᠤᠩᠭᠤᠷᠬᠠᠨ ᠬᠠᠨᠢ
ᠳᠡᠯᠭᠡᠷ ᠰᠠᠶᠢᠬᠠᠨ ᠬᠠᠩᠭᠠᠢ ᠨᠤᠳᠤᠭ ᠲᠤ ᠪᠠᠨ ᠥᠬᠢᠨ ᠨᠢ ᠪᠤᠯᠵᠥ
ᠳᠠᠩᠴᠢ ᠰᠠᠶᠢᠬᠠᠨ ᠲᠥᠷᠥᠭᠰᠡᠨ ᠭᠤᠸᠠᠯᠢᠭ ᠤᠷᠠᠳ ᠪᠥᠰᠡᠬᠦᠢ᠃
ᠴᠤᠭᠯᠢᠭ ᠵᠠᠯᠠᠭᠤᠰ ᠰᠡᠳᠬᠢᠯ ᠢ ᠠᠷᠭᠠᠮᠵᠢᠭᠰᠠᠨ
ᠴᠤᠩᠵᠢ ᠪᠠᠷ ᠨᠤᠳᠤᠭ ᠲᠠᠢ ᠥᠬᠢᠨ ᠥᠷᠡ ᠳᠤ
ᠴᠤᠬᠢᠯᠠᠭᠰᠠᠨ ᠵᠢᠷᠤᠭᠡ ᠪᠠᠨ ᠳᠠᠷᠤᠵᠤ ᠶᠠᠳᠠᠨ
ᠴᠤᠯᠮᠥᠨ ᠭᠠᠷᠭᠠᠨ ᠳᠠᠪᠬᠢᠵᠤ ᠬᠥᠷᠥᠭᠰᠡᠨ ᠨᠢ ᠥᠨᠡᠨ ᠲᠠᠢ᠃
ᠪᠠᠶ᠋ᠨᠬᠠᠩᠭᠠᠢ ᠨᠤᠳᠤᠭ ᠬᠤᠶᠢᠮᠤᠷ ᠲᠤ
ᠪᠠᠶᠠᠷ ᠡᠳᠦᠷ ᠪᠡᠯᠡᠭᠯᠡᠬᠦ ᠪᠠᠷ
ᠪᠠᠶᠠᠰᠤᠨ ᠪᠥᠵᠢᠭᠯᠡᠭᠰᠡᠨ ᠭᠤᠸᠠ ᠥᠬᠢᠳ ᠲᠤ
ᠪᠠᠭ᠋ᠠᠳᠤᠨ ᠬᠠᠶᠢᠷᠠᠯᠠᠭᠰᠠᠨ ᠵᠠᠯᠠᠭᠤᠰ ᠮᠣᠩᠳᠠᠬᠤ ᠥᠭᠡᠢ ᠳ᠋ᠠ᠃
ᠤᠯᠠᠭᠠᠨ ᠵᠡᠭᠡᠷᠳᠡ ᠳᠤ ᠪᠠᠨ ᠮᠤᠷᠳᠠᠭᠰᠠᠨ ᠵᠠᠯᠠᠭᠤ
ᠤᠯᠠᠭᠠᠨ ᠰᠤᠮᠤᠨ ᠳᠡᠯᠯᠡᠭᠡᠨ ᠳᠤ ᠶᠠᠪᠤᠭᠰᠠᠨ ᠨᠢ
ᠤᠷᠭᠠᠯᠠᠬᠤ ᠡᠷᠳᠡᠮ ᠰᠢᠯᠭᠠᠭᠰᠠᠨ ᠴᠦ ᠶᠤᠮ ᠤᠤ
ᠤᠴᠠᠷᠠᠯᠳᠤ ᠬᠠᠨᠢ ᠪᠠᠨ ᠪᠣᠯᠵᠤᠭᠠᠨ ᠳᠤ ᠮᠤᠷᠳᠠᠭᠰᠠᠨ ᠶᠤᠮ ᠤᠤ ᠳ᠋ᠠ᠃
ᠪᠠᠶᠠᠷ ᠮᠥᠰᠢᠶᠡᠯ ᠲᠤᠳᠤᠷᠠᠭᠰᠠᠨ ᠪᠤᠯᠪᠠᠷᠠᠢ ᠴᠢᠷᠠᠢ
ᠪᠠᠭ᠋ᠠᠷᠬᠠᠵᠤ ᠲᠤᠭᠤᠭᠰᠠᠨ ᠬᠠᠷᠠᠴᠠ ᠲᠥᠬᠦᠷᠡᠩ
ᠪᠠᠶᠠᠵᠢᠯ ᠬᠠᠷᠭᠤᠢ ᠳᠤ ᠵᠤᠷᠢᠭ ᠬᠥᠪᠴᠢᠯᠡᠭᠰᠡᠨ
ᠪᠠᠶᠠᠨ ᠰᠤᠮᠤ ᠤᠬᠠᠭᠠᠯᠢᠭ ᠤᠷᠠᠨ ᠪᠥᠰᠡᠬᠦᠢ᠃
2017.5.4 ᠪᠠᠳᠤᠬᠠᠭᠠᠯᠭᠠ ᠳᠤ