ᠨᠤᠮ   ᠠᠶᠠᠨ

ᠨᠤᠮ ᠤᠩᠰᠢᠬᠤ ᠭᠡᠭᠴᠢ ᠶᠤᠰᠤᠲᠠᠢ ᠤᠶᠤᠨ ᠰᠠᠨᠠᠭᠠᠨ  ᠮᠦᠨ᠂ ᠭᠡᠬᠦ ᠳ᠋ᠡᠭᠡᠨ ᠨᠤᠮ ᠤᠩᠰᠢᠬᠤ ᠦᠨᠡᠭᠡᠷ ᠪᠠᠬᠠᠷᠬᠠᠯ ᠪᠠ ᠭᠤᠸ᠎ᠠ ᠲᠠᠭᠠᠰᠢᠶᠠᠯ ᠪᠤᠯᠭᠠᠵᠤ ᠡᠬᠢᠯᠡᠭᠰᠡᠨ  ᠡᠨᠡ ᠬᠡᠳᠦᠬᠡᠨ ᠵᠢᠯ ᠤᠴᠢᠷ ᠃

ᠮᠢᠨᠤ ᠴᠡᠭᠡᠵᠢᠯᠡᠵᠦ ᠪᠠᠶᠢᠬᠤ ᠪᠡᠷ᠎᠂ ᠮᠤᠩᠭᠤᠯ ᠴᠠᠭᠠᠨ ᠲᠤᠯᠤᠭᠠᠢ ᠪᠠᠨ ᠲᠠᠨᠢᠬᠤ ᠦᠭᠡᠢ ᠲᠤᠭᠤᠯ ᠪᠡᠯᠴᠢᠭᠡᠷ   ᠬᠠᠯᠳᠠᠷ ᠪᠤᠯᠲᠠᠷ  ᠪᠠᠶᠢᠭᠰᠠᠨ ᠨᠠᠰᠤᠨ ᠳ᠋ᠦ᠂ ᠡᠵᠢ ᠮᠢᠨᠢ ᠮᠠᠨ ᠳ᠋ᠦ ᠦᠷᠬᠦᠯᠵᠢ ᠰᠤᠨᠤᠰᠤᠭᠠᠳ ᠬᠠᠨᠤᠰᠢ ᠦᠭᠡᠢ ᠪᠠᠯᠠᠭᠠᠨᠰᠠᠩ ᠦᠯᠢᠭᠡᠷ᠂  ᠪᠠᠭᠠᠲᠤᠷ   ᠶᠠᠷᠢᠵᠦ ᠦᠭᠳᠡᠭ ᠪᠠᠶᠢᠭᠰᠠᠨ᠂ ᠪᠠᠰᠠ ᠦᠨᠳᠦᠰᠦᠲᠡᠨ ᠪᠠᠭᠠᠲᠤᠷ ᠭᠠᠳᠠ ᠮᠡᠶᠢᠷᠡᠨ᠂ ᠲᠤᠭᠲᠠᠬᠤ ᠵᠢᠨ ᠦᠢᠯᠡ ᠠᠵᠢᠯᠯᠠᠭ᠎ᠠ ᠭᠡᠬᠦᠴᠢᠯᠡᠨ ᠮᠠᠰᠢ ᠤᠯᠠᠨ  ᠠᠷᠠᠳ ᠠᠮᠠᠨ ᠵᠤᠬᠢᠶᠠᠯ ᠪᠠ ᠦᠯᠢᠭᠡᠷ ᠲᠡᠥᠬᠡ ᠶᠠᠷᠢᠳᠠᠭ ᠪᠠᠶᠢᠭᠰᠠᠨ᠃ ᠤᠳᠦ ᠪᠤᠳᠤᠬᠤ ᠳ᠋ᠦ ᠲᠡᠷᠡ ᠦᠶ᠎ᠡ ᠳ᠋ᠦ ᠰᠤᠨᠤᠰᠤᠭᠰᠠᠨ ᠡᠳᠡᠭᠡᠷ ᠦᠯᠢᠭᠡᠷ ᠲᠡᠥᠬᠡ ᠨᠢ ᠲᠠᠷᠤᠢ ᠤᠳᠤ ᠵᠢᠨ ᠨᠤᠮ ᠦᠢᠯᠡᠳᠦᠯ ᠢ ᠪᠠᠳᠠᠷᠠᠭᠤᠯᠵᠤ᠂ ᠮᠢᠨᠦ ᠬᠤᠶᠢᠰᠢᠳᠠ ᠵᠢᠨ ᠠᠮᠢᠳᠤᠷᠠᠯ ᠳ᠋ᠦ ᠮᠠᠰᠢ ᠶᠡᠬᠡ ᠨᠦᠯᠦᠭᠡ ᠲᠤᠰᠬᠠᠯ ᠪᠤᠯᠤᠭᠰᠠᠨ ᠠᠵᠠᠢ᠃

ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠵᠢᠨ ᠡᠭᠦᠳᠡᠨ ᠪᠤᠱᠤᠭ᠎ᠠ ᠠᠯᠬᠤᠨ ᠤᠷᠤᠭᠰᠠᠨ ᠠᠴᠠ ᠠᠪᠤᠭᠠᠳ᠂ ᠨᠤᠮ ᠤᠩᠰᠢᠭᠰᠠᠨ ᠡᠰᠡᠬᠦ ᠵᠢᠨ ᠲᠤᠬᠠᠢ ᠢᠯᠭᠠᠭ᠎ᠠ ᠢᠳᠡᠭ ᠢᠳᠡᠭ  ᠮᠡᠳᠡᠷᠡᠵᠦ ᠡᠬᠢᠯᠡᠭᠰᠡᠨ ᠶᠤᠮ᠃ ᠲᠤᠪᠴᠢᠯᠠᠭᠠᠳ ᠬᠡᠯᠡᠪᠡᠯ᠂  ᠬᠢᠴᠢᠶᠡᠯ ᠭᠠᠳᠠᠨᠠᠬᠢ ᠨᠤᠮ ᠢᠯᠡᠭᠦᠦ ᠤᠩᠰᠢᠭᠰᠠᠨ ᠰᠤᠷᠤᠯᠭ᠎ᠠ ᠵᠢᠨ ᠬᠠᠨᠢᠳᠠᠳ ᠦᠭᠡᠰ ᠰᠠᠩ ᠨᠢ ᠪᠠᠶᠠᠯᠢᠭ ᠪᠠᠶᠢᠵᠤ᠂    ᠵᠤᠬᠢᠶᠠᠬᠤ  ᠪᠤᠶᠤ ᠵᠤᠬᠢᠶᠠᠯ ᠪᠢᠴᠢᠬᠦ ᠨᠢ ᠰᠤᠨᠤᠰᠪᠤᠷᠢᠲᠠᠢ  ᠰᠠᠶᠢᠬᠠᠨ    ᠠᠩᠬᠢ ᠪᠤᠶᠤ ᠰᠤᠷᠭᠠᠭᠤᠯᠢ ᠵᠢᠨ ᠡᠯᠪᠡᠭ ᠪᠠᠶᠠᠯᠢᠭ ᠬᠦᠳᠡᠯᠭᠡᠭᠡᠨ ᠳᠤᠮᠳᠠ ᠪᠠᠭᠰᠢ ᠵᠢᠨ ᠮᠠᠭᠲᠠᠭᠠᠯ ᠰᠠᠶᠢᠰᠢᠶᠠᠯ ᠢ              ᠯᠡ ᠪᠠᠶᠢᠳᠠᠭ᠃ ᠡᠶᠢᠮᠦ ᠡᠴᠡ ᠡᠨᠡ ᠦᠶ᠎ᠡ ᠡᠴᠡ ᠡᠬᠢᠯᠡᠨ ᠪᠢ ᠨᠤᠮ ᠤᠩᠰᠢᠬᠤ ᠵᠢᠨ ᠰᠠᠶᠢᠨ ᠢ ᠮᠡᠳᠡᠷᠡᠵᠦ᠂ ᠨᠤᠮ ᠤᠩᠰᠢᠬᠤ ᠳᠠᠳᠬᠠᠯ ᠲᠠᠢ ᠬᠦᠮᠦᠨ ᠢ ᠪᠠᠬᠠᠷᠠᠬᠤ ᠪᠤᠯᠤᠭᠰᠠᠨ ᠶᠤᠮ᠃ ᠲᠤᠮᠳᠠᠳᠦ ᠰᠤᠷᠭᠠᠭᠤᠯᠢ ᠵᠢᠨ ᠬᠦᠷᠢᠶᠡᠨ ᠳ᠋ᠦ ᠤᠷᠤᠬᠤ  ᠳ᠋ᠦ ᠡᠨᠡ ᠵᠦᠷᠢᠶ᠎ᠡ ᠵᠦᠪᠬᠡᠨ ᠵᠤᠬᠢᠶᠠᠯ ᠪᠢᠴᠢᠬᠦ ᠲᠡᠭᠡᠷ᠎ᠡ ᠯᠡ ᠢᠯᠡᠷᠡᠬᠦ ᠪᠡᠷ᠎ ᠵᠤᠭᠰᠤᠬᠤ ᠦᠭᠡᠢ ᠪᠠᠶᠢᠵᠤ᠂ ᠴᠢᠨᠠᠭᠰᠢᠯᠠᠪᠠᠯ ᠪᠠᠭᠰᠢ ᠰᠤᠷᠤᠭᠴᠢ ᠲᠠᠢ ᠬᠠᠷᠢᠯᠴᠠᠬᠤ ᠲᠠᠯ᠎ᠠ ᠵᠢᠴᠢ ᠰᠡᠳᠬᠢᠬᠦᠢ ᠵᠢᠨ ᠬᠡᠯᠪᠡᠷᠢ ᠲᠡᠭᠡᠷ᠎ᠡ  ᠪᠦᠷ ᠴᠦ  ᠢᠯᠡᠷᠡᠭᠰᠡᠨ ᠡᠴᠡ᠂ ᠮᠢᠨᠦ ᠪᠡᠶ᠎ᠠ ᠪᠠᠨ ᠠᠯᠪᠠᠳᠠᠨ ᠨᠤᠮ ᠤᠩᠰᠢᠬᠤ ᠠᠵᠢᠯᠯᠠᠭ᠎ᠠ ᠡᠨᠡ ᠦᠶ᠎ᠡ ᠡᠴᠡ ᠡᠬᠢᠯᠡᠵᠦ᠂ ︽ ᠤᠯᠠᠭᠠᠨ ᠠᠰᠠᠷ ᠵᠡᠭᠦᠳᠦᠨ︾᠂ ︽ ᠨᠢᠭᠡᠨ ᠳᠠᠪᠬᠤᠷ ᠠᠰᠠᠷ︾ ᠂ ︽ ᠯᠦᠸ᠋ᠸ ᠭᠤᠸᠠᠨ ᠵᠦᠩ︾ ᠭᠡᠬᠦ ᠮᠡᠲᠦ ᠵᠢᠨ ᠲᠤᠮᠤ ᠨᠤᠮ ᠢ ᠲᠤᠯᠤᠭᠠᠢ ᠳᠠᠷᠤᠨ  ᠤᠩᠰᠢᠭᠰᠠᠨ ᠴᠦ  ᠨᠤᠮ ᠤᠩᠰᠢᠬᠤ ᠵᠢᠨ ᠲᠠᠭᠠᠰᠢᠶᠠᠯ ᠢ   ᠤᠯᠵᠤ ᠡᠳ᠋ᠯᠡᠭᠰᠡᠨ ᠦᠭᠡᠢ᠃  ᠡᠭᠦᠨ ᠡᠰᠡᠷᠬᠦ ᠪᠡᠷ᠎᠂ ᠨᠤᠮ  ᠰᠤᠩᠭᠤᠨ ᠤᠩᠰᠢᠬᠤ ᠬᠡᠭᠦ ᠮᠡᠳᠡᠬᠦ ᠦᠭᠡᠢ᠂ ᠦᠪᠡᠷ ᠮᠡᠳᠡᠯᠭᠡ ᠵᠢᠨ ᠪᠦᠲᠦᠴᠡ ᠪᠠ ᠤᠶᠢᠯᠠᠭᠠᠬᠤ ᠴᠢᠳᠠᠪᠦᠷᠢ ᠲᠠᠢ ᠪᠠᠨ ᠵᠤᠬᠢᠴᠠᠭᠤᠯᠤᠭᠰᠠᠨ ᠦᠭᠡᠢ ᠡᠴᠡ᠂ ᠵᠤᠵᠠᠭᠠᠨ ᠨᠤᠮ ᠦᠵᠡᠪᠠᠯ  ᠠᠶᠢᠳᠠᠰ ᠬᠦᠷᠬᠦ ᠪᠤᠯᠵᠤ᠂ ᠬᠤᠯᠠ ᠵᠤᠭᠰᠤᠵᠤ ᠪᠠᠬᠠᠷᠬᠠᠬᠤ ᠵᠢᠨ ᠤᠷᠤᠨ ᠳ᠋ᠦ  ᠤᠷᠤᠭᠰᠠᠨ ᠶᠤᠮ᠃

ᠦᠵᠡᠵᠦ ᠪᠠᠶᠢᠲᠠᠯ᠎ᠠ ᠤᠶᠤᠳᠠᠨ ᠡᠩᠨᠡᠭᠡᠨ  ᠳ᠋ᠦ ᠵᠢᠭᠰᠠᠵᠤ᠂ ᠨᠤᠮ ᠰᠠᠩ ᠬᠡᠭᠦ ᠨᠡᠷᠡᠰ ᠦᠭᠡ ᠨᠠᠳᠠ ᠲᠠᠢ ᠰᠤᠷᠤᠯᠭ᠎ᠠ ᠵᠢᠨ ᠬᠠᠨᠢᠲᠠᠨ ᠮᠡᠲᠦ ᠲᠠᠨᠢᠯ ᠲᠠᠰᠤᠯ ᠪᠤᠯᠤᠯ᠎ᠠ᠃     ᠂ ᠠᠩᠬ᠎ᠠ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠨᠤᠮ ᠰᠠᠩ ᠳ᠋ᠦ ᠤᠷᠤᠬᠤ ᠳ᠋ᠦ ᠪᠠᠨ ᠪᠠᠶᠠᠷᠯᠠᠭᠰᠠᠨ ᠰᠡᠳᠬᠢᠯᠭᠡ ᠪᠠᠨ ᠲᠠᠷᠤᠵᠦ ᠶᠠᠳᠠᠨ᠂ ᠮᠠᠰᠢ ᠤᠯᠡᠨ ᠵᠢᠷᠤᠭ ᠲᠠᠲᠠᠭᠰᠠᠨ ᠪᠠᠶᠢᠭᠰᠠᠨ᠃ ᠲᠡᠭᠡᠭᠡᠳ ᠡᠨᠡ ᠦᠶ᠎ᠡ ᠡᠴᠡ ᠨᠤᠮ ᠰᠤᠩᠭᠤᠬᠤ ᠰᠤᠷᠴᠦ ᠮᠠᠰᠢ ᠠᠷᠪᠢᠨ ᠬᠠᠴᠢᠨ ᠰᠤᠨᠢᠨ ᠰᠤᠨᠤᠰᠬᠠᠯ ᠲᠠᠢ ᠨᠤᠮ ᠦᠵᠡᠭᠰᠡᠨ ᠪᠢᠯᠡ᠃ ᠶᠡᠬᠡ ᠰᠤᠷᠭᠠᠭᠤᠯᠢ ᠭᠡᠭᠴᠢ  ᠰᠤᠷᠤᠭᠰᠠᠨ ᠮᠡᠳᠡᠯᠭᠡ ᠪᠠᠲᠤᠳᠬᠠᠵᠤ᠂ ᠨᠡᠶᠢᠭᠡᠮ ᠳ᠋ᠦ ᠠᠯᠬᠤᠨ ᠤᠷᠤᠬᠤ ᠰᠠᠭᠤᠷᠢ ᠲᠠᠯᠪᠢᠵᠦ ᠦᠭᠳᠡᠭ ᠱᠠᠲᠦ ᠶᠤᠮ᠃ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠬᠦᠷᠢᠶᠠᠨ  ᠡᠴᠡ ᠨᠤᠮ  ᠤᠩᠰᠢᠬᠤ ᠵᠢᠨ ᠰᠠᠶᠢᠨ ᠢ ᠨᠡᠩ ᠪᠦᠷᠢᠨ ᠤᠶᠢᠯᠠᠭᠠᠭᠰᠠᠨ ᠠᠴᠠ᠂ ᠨᠤᠮ  ᠲᠠᠢ ᠦᠨᠢ ᠡᠭᠦᠷᠢᠳᠡ ᠨᠦᠬᠦᠷᠯᠡᠬᠦ ᠶᠤᠮ ᠰᠠᠨ ᠭᠡᠵᠦ  ᠰᠡᠳᠬᠢᠵᠦ ᠂  ᠨᠤᠮ ᠬᠤᠳᠠᠯᠳᠤᠨ ᠠᠪᠴᠦ ᠡᠬᠢᠯᠡᠭᠰᠡᠨ᠃ ᠨᠡᠩ ᠢᠯᠠᠩᠭᠤᠶ᠎ᠠ ᠠᠵᠢᠯ ᠳ᠋ᠦ ᠤᠷᠤᠬᠤ ᠲᠠᠢ ᠵᠡᠷᠭᠡ ᠬᠠᠮᠳᠦ ᠠᠵᠢᠯᠯᠠᠭᠴᠢᠳ ᠪᠡᠶ᠎ᠡ ᠲᠡᠭᠡᠷ᠎ᠡ ᠡᠴᠡ ᠨᠤᠮ ᠷᠢᠳᠢ ᠰᠢᠳᠢ ᠨᠡᠩ ᠤᠬᠠᠵᠤ᠂ ᠭᠠᠷᠠᠭ ᠰᠡᠭᠦᠯᠴᠢ ᠪᠤᠯᠤᠭᠰᠠᠭᠠᠷ ᠨᠤᠮ ᠰᠠᠩ  ᠳ᠋ᠦ  ᠮᠦᠷ ᠦᠯᠡᠳᠡᠭᠡᠵᠦ᠂ ᠸᠢᠴᠠᠲ ᠲᠡᠭᠡᠷ᠎ᠡ ᠪᠠᠨ ᠡᠳᠦᠷᠵᠢᠨ ᠨᠤᠮ ᠤᠩᠰᠢᠬᠤ ᠵᠢᠨ ᠠᠰᠢᠭᠲᠠᠢ ᠲᠠᠯ᠎ᠠ ᠬᠤᠪᠢᠶᠠᠯᠴᠠᠨ᠂ ᠠᠷᠪᠢᠨ ᠨᠤᠮ ᠤᠩᠰᠢᠨ᠎ᠠ ᠬᠡᠵᠦ ᠪᠠᠷᠬᠢᠷᠠᠳᠠᠭ ᠪᠠᠶᠢᠭᠰᠠᠨ᠂ ᠪᠠᠷᠬᠢᠷᠠᠭᠰᠠᠭᠠᠷ ᠪᠠᠷᠬᠢᠷᠠᠭᠰᠠᠭᠠᠷ ᠤᠳᠤ ᠪᠤᠯᠬᠤ ᠳ᠋ᠦ ᠦᠨᠡᠬᠡᠷ ᠨᠤᠮ ᠤᠩᠰᠢᠬᠤ ᠲᠤᠷᠠᠲᠠᠢ ᠬᠦᠮᠦᠨ ᠡᠩᠨᠡᠭᠡᠨ ᠳ᠋ᠦ ᠵᠢᠭᠰᠠᠴᠢᠬᠠᠵᠠᠢ᠂ ᠢᠩᠬᠢᠵᠦ ᠪᠤᠳᠤᠬᠤ ᠠᠴᠠ ᠰᠡᠳᠬᠢᠯ ᠮᠠᠰᠢ ᠶᠡᠬᠡ ᠬᠠᠩᠭᠠᠮᠵᠢᠲᠠᠢ ᠪᠠᠶᠢᠵᠤ᠂  ᠶᠠᠭᠠᠬᠢᠭᠠᠳ ᠡᠷᠳᠡᠬᠡᠨ ᠡᠭᠦᠨ ᠪᠠᠬᠠᠨ ᠳ᠋ᠦ ᠤᠷᠤᠭᠰᠠᠨ ᠦᠭᠡᠢ ᠪᠤᠢ ᠭᠡᠵᠦ ᠬᠠᠷᠠᠮᠰᠠᠳᠠᠭ᠂ ᠲᠡᠭᠡᠭᠰᠡᠨ ᠪᠤᠯ ᠡᠷᠲᠡᠨ ᠡᠴᠡ ᠰᠡᠭᠡᠭᠡᠷᠡᠵᠦ᠂  ᠤᠶᠢᠯᠠᠭᠠᠬᠤ ᠦᠭᠡᠢ ᠵᠦᠢᠯ ᠳ᠋ᠦ ᠠᠷᠪᠢᠨ ᠬᠡᠯᠪᠡᠶᠢᠭᠦᠦ ᠦᠵᠡᠯ ᠤᠷᠤᠬᠤ ᠦᠭᠡᠢ᠂ ᠠᠵᠢᠯ ᠠᠮᠢᠳᠤᠷᠠᠯ ᠵᠠᠮ ᠮᠦᠷ ᠳ᠋ᠦ ᠪᠠᠨ ᠳᠤᠲᠠᠭᠤ ᠰᠢᠭ᠋ ᠠᠯᠳᠠᠭ᠎ᠠ ᠭᠠᠷᠭᠠᠵᠤ᠂ ᠨᠡᠩ ᠰᠠᠶᠢᠨ ᠰᠠᠶᠢᠬᠠᠨ  ᠵᠦᠢᠯᠡᠰ ᠢ  ᠪᠦᠳᠦᠭᠡᠵᠦ᠂   ᠶᠠᠪᠤᠭᠰᠠᠨ ᠮᠦᠷ ᠪᠦᠷ ᠦᠭᠡᠷ᠎ᠡ ᠪᠠᠶᠢᠬᠤ ᠳ᠋ᠠ ᠭᠡᠵᠦ ᠪᠤᠳᠤᠳᠠᠭ᠂ ᠡᠰᠡᠭᠦᠯ᠎ᠡ ᠡᠭᠦᠨ ᠡᠴᠡ ᠬᠤᠯᠠ ᠡᠷᠲᠡ ᠤᠳᠤ ᠵᠢᠨ ᠰᠡᠳᠬᠢᠬᠦᠢ ᠵᠢᠨ ᠲᠦᠪᠰᠢᠨ ᠳ᠋ᠦ ᠬᠦᠷᠬᠦ  ᠪᠠᠶᠢᠯᠭᠦᠢ ᠭᠡᠵᠦ ᠦᠷᠭᠦᠯᠵᠢ ᠪᠤᠳᠤᠳᠠᠭ᠃

     ︽  ᠨᠠᠭᠤᠷ︾ ᠭᠡᠬᠦ ᠨᠠᠶᠢᠷᠠᠭᠤᠯᠤᠯ ᠲᠡᠭᠦᠪᠦᠷᠢ  ᠳ᠋ᠦ ᠪᠠᠨ ᠨᠤᠮ ᠤᠩᠰᠢᠬᠤ ᠲᠤᠬᠠᠢ ︽ᠬᠡᠴᠢᠨᠠᠨ ᠬᠦᠮᠦᠨ ᠨᠢᠭᠡ ᠨᠤᠮ ᠢ ᠤᠩᠰᠢᠭᠰᠠᠨ ᠠᠴᠠ ᠪᠤᠯᠵᠤ᠂ ᠲᠡᠭᠦᠨ ᠠᠮᠢᠳᠤᠷᠠᠯ ᠳ᠋ᠦ ᠰᠢᠨ᠎ᠡ ᠴᠠᠭ  ᠢᠯᠡᠷᠡᠭᠰᠡᠨ ᠪᠢᠯᠡ᠃ ᠨᠢᠭᠡ ᠳᠡᠪᠲᠡᠷ ᠨᠤᠮ  ᠪᠢᠳᠡᠨ ᠲᠦᠯᠦᠭᠡ ᠤᠷᠤᠰᠢᠵᠤ ᠪᠠᠶᠢᠬᠤ ᠮᠠᠭᠠᠳ᠂ ᠲᠡᠷᠡ  ᠪᠢᠳᠡᠨ ᠭᠠᠶᠢᠬᠠᠮᠰᠢᠭ ᠢ ᠲᠠᠶᠢᠯᠪᠤᠷᠢᠯᠠᠬᠤ ᠵᠢᠨ ᠬᠠᠮᠲᠦ ᠰᠢᠨ᠎ᠡ ᠭᠠᠶᠢᠬᠠᠮᠰᠢᠭ ᠢ ᠢᠯᠡᠷᠡᠭᠦᠯᠵᠦ ᠴᠢᠳᠠᠨ᠎ᠠ︾ ᠭᠡᠵᠦ  ᠪᠢᠴᠢᠭᠰᠡᠨ ᠪᠠᠶᠢᠳᠠᠭ᠃ ᠨᠤᠮ ᠲᠠᠢ ᠨᠦᠬᠦᠷᠯᠡᠭᠰᠡᠨ ᠡᠴᠡ ᠪᠤᠯᠵᠤ᠂ ᠦᠪᠡᠷ ᠢ ᠪᠠᠨ ᠬᠠᠮᠢᠭ᠎ᠠ ᠠᠴᠠ ᠢᠷᠡᠵᠦ᠂ ᠶᠠᠭᠠᠬᠢᠵᠤ ᠶᠠᠪᠤᠵᠤ ᠪᠠᠶᠢᠭ᠎ᠠ ᠪᠠᠨ ᠴᠠᠭ ᠢᠮᠠᠭᠳᠠ ᠮᠡᠳᠡᠵᠦ᠂ ᠦᠩᠭᠡ ᠮᠦᠩᠬᠦ ᠠᠳᠠᠯᠢᠳᠬᠠᠬᠤ ᠤᠷᠴᠢᠨ ᠳ᠋ᠦ ᠡᠨᠳᠡᠭᠦᠷᠡᠵᠦ ᠲᠦᠭᠡᠷᠢᠯ ᠦᠭᠡᠢ ᠶᠠᠪᠤᠵᠤ᠂ ᠢᠯᠠᠩᠭᠤᠶ᠎ᠠ ᠲᠦᠷᠦᠭᠰᠡᠨ ᠨᠤᠲᠤᠭ ᠠᠴᠠ ᠬᠤᠯᠠ᠂  ᠨᠠᠶᠢᠵᠠ ᠨᠦᠭᠦᠳ ᠡᠴᠡ ᠵᠠᠶᠢᠲᠠᠢ ᠭᠠᠵᠠᠷ ᠠᠵᠢᠯᠯᠠᠵᠤ ᠠᠮᠢᠳᠤᠷᠠᠨ ᠡᠬᠢᠯᠡᠬᠦ ᠳ᠋ᠦ᠂ ᠨᠤᠮ ᠲᠠᠢ ᠨᠦᠬᠦᠷᠯᠡᠬᠦ ᠭᠡᠭᠴᠢ ᠤᠶᠢᠳᠤᠭᠰᠠᠨ   ᠬᠠᠨᠢ ᠂    ᠴᠢᠭᠯᠡᠯ ᠵᠢᠭᠠᠵᠤ᠂ ᠵᠤᠪᠠᠭᠰᠨ   ᠠᠩᠬᠠᠷᠤᠯ ᠢ ᠰᠢᠯᠵᠢᠭᠦᠯᠵᠦ᠂ ᠪᠠᠶᠠᠷᠯᠠᠭᠰᠠᠨ  ᠲᠦ ᠰᠡᠳᠬᠢᠯᠭᠡ ᠪᠦᠷᠢᠨ ᠢᠯᠡᠳᠬᠡᠯᠭᠡᠬᠦ ᠰᠢᠳᠢᠲᠦ  ᠲᠤᠯᠢ ᠪᠠᠶᠢᠭᠰᠠᠨ᠃

ᠨᠤᠮ ᠪᠢᠳᠡᠨ ᠮᠡᠳᠡᠯᠭᠡ ᠰᠢᠨᠡᠳᠬᠡᠵᠦ ᠪᠠᠶᠠᠯᠢᠭᠵᠢᠭᠤᠯᠤᠨ᠂ ᠰᠡᠳᠬᠢᠭᠭᠦᠢ   ᠬᠠᠳᠠᠨ ᠪᠤᠯᠭᠠᠵᠤ᠂ ᠨᠠᠶᠢᠭᠡᠮ ᠪᠠ ᠠᠮᠢᠳᠤᠷᠠᠯ ᠢ ᠨᠡᠩ ᠤᠯᠠᠨ ᠲᠠᠯ᠎ᠠ ᠠᠴᠠ ᠬᠠᠷᠠᠬᠤ  ᠪᠤᠯᠭᠠᠨ᠂ ᠰᠠᠳᠬᠢᠯ ᠠᠭᠤᠵᠢᠭᠤ ᠰᠠᠨᠠᠭ᠎ᠠ ᠲᠠᠯᠪᠢᠭᠤ  ᠪᠤᠯᠭᠠᠳᠠᠭ᠃  ᠲᠡᠭᠡᠬᠦ ᠳ᠋ᠦ ᠪᠠᠨ ᠨᠤᠮ ᠠᠶᠠᠨ ᠭᠡᠵᠦ ᠡᠬᠢᠯᠡᠴᠢᠬᠡᠪᠡᠯ ᠵᠤᠭᠰᠤᠬᠤ ᠦᠭᠡᠢ ᠰᠢᠨᠤᠯ ᠪᠠᠶᠢᠳᠠᠭ ᠠᠴᠠ᠂  ᠪᠢ ᠨᠤᠮ ᠶᠢᠷᠳᠢᠨᠴᠦ ᠪᠡᠷ᠎ ᠦᠷᠭᠦᠯᠵᠢ ᠲᠤᠭᠤᠷᠢᠨ᠂  ᠦᠵᠡᠭᠰᠡᠨ ᠰᠤᠨᠤᠰᠤᠭᠰᠠᠨ ᠲᠤᠭᠠᠲᠠᠢ᠂ ᠮᠡᠳᠡᠯᠭᠡ ᠮᠡᠭᠦᠰ ᠲᠤᠷᠰᠢᠯᠭ᠎ᠠ ᠳᠤᠲᠠᠭᠤ ᠪᠠᠶᠢᠳᠠᠯ ᠦᠭᠡᠷᠡᠴᠢᠯᠡᠨ᠂ ᠠᠮᠢᠳᠤᠷᠠᠯ ᠭᠡᠰᠡᠨ ᠦᠭᠡ ᠨᠡᠩ ᠰᠠᠶᠢᠨ ᠤᠶᠢᠯᠭᠠᠨ᠂ ᠬᠢᠷᠢ ᠲᠡᠩᠴᠡᠭᠰᠡᠨ ᠲᠤᠮᠦ ᠬᠦᠮᠦᠨ ᠪᠤᠯᠬᠤ  ᠰᠠᠨ ᠭᠡᠵᠦ ᠠᠷᠪᠢᠨ ᠨᠤᠮ ᠤᠩᠰᠢᠶ᠎ᠠ ᠭᠡᠵᠦ ᠪᠤᠳᠤᠳᠠᠭ᠃  ᠨᠤᠮ ᠤᠩᠰᠢᠬᠤ ᠪᠤᠯ  ᠨᠠᠮ  ᠰᠠᠭᠤᠭᠠᠳ ᠤᠶᠤᠨ ᠶᠢᠷᠳᠢᠨᠴᠦ ᠪᠡᠷ᠎  ᠲᠤᠪᠲᠤᠯᠬᠤ  ᠰᠠᠶᠢᠬᠠᠨ ᠠᠶᠠᠨ ᠶᠤᠮ᠂ ᠡᠶᠢᠮᠦ ᠡᠴᠡ ᠪᠢᠳᠡ ᠨᠤᠮ ᠤᠩᠰᠢᠶ᠎ᠠ᠂ ᠰᠠᠶᠢᠨ ᠨᠤᠮ ᠤᠩᠰᠢᠶ᠎ᠠ᠂   ᠮᠦᠩᠬᠡ ᠵᠢᠨ   ᠂ ᠠᠮᠢᠳᠤᠷᠠᠯ ᠨᠡᠩ  ᠴᠢᠨᠠᠷᠯᠢᠭ ᠰᠠᠶᠢᠬᠠᠨ ᠠᠪᠴᠦ ᠶᠠᠪᠤᠵᠠᠭᠠᠶ᠎ᠠ︕

ᠵᠣᠬᠢᠶᠠᠭᠴᠢ : ᠨᠠᠪᠴᠢ