ᠬᠠᠨ ᠲᠡᠭᠷᠢ ᠮᠡᠲᠦ ᠪᠠᠶᠢᠴᠠᠭᠠᠬᠤ ᠰᠡᠳᠬᠢᠯᠭᠡ
2016-06-02 16:27:05
ᠬᠠᠨ ᠲᠡᠭᠷᠢ ᠠᠯᠠᠱᠠ ᠂ ᠬᠠᠨ ᠲᠡᠭᠷᠢ ᠮᠡᠲᠦ ᠪᠠᠶᠢᠴᠠᠭᠠᠬᠤ ᠰᠡᠳᠬᠢᠯᠭᠡ ᠃ ᠠᠯᠠᠱᠠ ᠠᠶᠢᠮᠠᠭ ᠪᠠᠶᠢᠴᠠᠭᠠᠬᠤ ᠬᠤᠪᠢᠶᠠᠷᠢ ᠬᠤᠷᠢᠶᠠ ᠮᠤᠩᠭᠤᠯ ᠡᠮᠡᠭᠲᠡᠢ ᠪᠠᠶᠢᠴᠠᠭᠠᠬᠤ ᠲᠤᠰᠢᠶᠠᠯᠲᠠᠨ ᠤᠶᠣᠩᠭᠤᠸᠠ 30 ᠭᠠᠷᠤᠢ ᠵᠢᠯ ᠲᠤᠷᠰᠢ ᠪᠠᠶᠢᠴᠠᠭᠠᠬᠤ ᠠᠵᠢᠯ ᠪᠠᠶᠢᠷᠢ ᠳᠡᠭᠡᠷᠡ ᠂ ᠰᠢᠨᠡ ᠴᠠᠭ ᠦᠶᠡ ᠡᠮᠡᠭᠲᠡᠢ ᠪᠠᠶᠢᠴᠠᠭᠠᠬᠤ ᠲᠤᠰᠢᠶᠠᠯᠲᠠᠨ ᠡᠭᠦᠷᠭᠡ ᠭᠤᠲᠤᠭᠠᠯ ᠦᠭᠡᠢ ᠡᠮᠡᠭᠲᠡᠢ ᠪᠠᠭᠠᠲᠦᠷ ᠴᠤᠭ ᠵᠢᠪᠬᠤᠭᠠ ᠪᠠᠳᠠᠷᠠᠭᠤᠯᠤᠭᠰᠠᠨ ᠪᠠᠶᠢᠨᠠ ᠃
2011 ᠤᠨ ᠳᠤ ᠨᠢᠭᠡᠨ ᠭᠣᠮᠤᠳᠠᠯ ᠭᠠᠷᠭᠠᠭᠴᠢ ᠰᠢᠶᠧ ᠤᠪᠣᠭᠲᠣ ᠰᠢᠭᠦᠬᠦ ᠬᠤᠷᠢᠶᠠ ᠲᠡᠭᠦᠨ ᠬᠦᠦ ᠳᠦ ᠶᠠᠯᠠ ᠲᠠᠢ ᠬᠡᠮᠡᠬᠦ ᠰᠢᠭᠦᠨ ᠲᠠᠰᠤᠯᠤᠯᠲᠠ ᠵᠦᠪᠰᠢᠶᠡᠷᠡᠬᠦ ᠦᠭᠡᠢ ᠪᠠᠶᠢᠵᠣ᠂ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠳᠤ ᠬᠠᠤᠯᠢ ᠶᠣᠰᠤᠭᠠᠷ ᠡᠰᠡᠷᠭᠦᠴᠡᠨ ᠵᠠᠭᠠᠯᠳᠤᠬᠤ ᠱᠠᠭᠠᠷᠳᠠᠵᠠᠢ ᠃ ᠡᠭᠦᠨ ᠳᠦ ᠠᠯᠠᠱᠠ ᠠᠶᠢᠮᠠᠭ ᠭᠣᠮᠤᠳᠠᠯ ᠵᠠᠭᠠᠯᠳᠤᠯᠭᠠ ᠪᠠᠶᠢᠴᠠᠭᠠᠬᠤ ᠭᠠᠵᠠᠷ ᠣᠶᠤᠩᠭᠤᠸᠠ ᠨᠦᠬᠦᠷ ᠬᠠᠮᠢᠶᠠ ᠪᠦᠬᠦᠢ ᠬᠡᠷᠡᠭ ᠡᠪᠬᠡᠮᠡᠯ ᠮᠠᠲ᠋ᠧᠷᠢᠶᠠᠯ ᠢ ᠨᠠᠷᠢᠨ ᠨᠢᠮᠪᠠᠢ ᠦᠵᠡᠭᠰᠡᠨ ᠳᠠᠷᠠᠭᠠ ᠂ ᠡᠰᠡᠷᠭᠦᠴᠡᠨ ᠵᠠᠭᠠᠯᠳᠤᠬᠤ ᠱᠠᠭᠠᠷᠳᠠᠯᠭᠠ ᠳᠦ ᠳᠤᠬᠢᠷᠠᠬᠤ ᠦᠭᠡᠢ ᠪᠠᠶᠢᠬᠤ ᠰᠢᠶᠧ ᠤᠪᠣᠭᠲᠣ ᠳᠤ ᠬᠡᠯᠡᠵᠦ ᠥᠭᠴᠡᠢ ᠃ ᠭᠡᠪᠡᠴᠦ ᠰᠢᠶᠧ ᠤᠪᠣᠭᠲᠣ ᠦᠩᠭᠡᠨ ᠲᠠᠯᠠ ᠳᠡᠭᠡᠷᠡ ᠪᠡᠨ ᠵᠦᠪᠰᠢᠶᠡᠷᠡᠭᠰᠡᠨ ᠪᠣᠯᠪᠠᠴᠤ ᠦᠨᠡᠨ ᠰᠡᠳᠭᠢᠯ ᠡᠴᠡ ᠪᠡᠨ ᠪᠢᠰᠢᠷᠡᠬᠦ ᠦᠭᠡᠢ ᠪᠠᠶᠢᠵᠤ ᠂ ᠬᠦᠦ ᠨᠢ ᠬᠠᠤᠯᠢ ᠲᠣᠣᠷ ᠲᠤ ᠤᠨᠠᠭᠠᠭᠰᠠᠨ ᠨᠦᠭᠦᠭᠡ ᠲᠠᠯᠠ ᠲᠤᠬᠠᠢ ᠬᠦᠮᠦᠨ ᠡᠴᠡ ᠦᠰᠢᠶᠡ ᠠᠪᠬᠤ ᠪᠠᠷ ᠬᠠᠰᠬᠢᠷᠴᠦ ᠪᠠᠶᠢᠯᠠ ᠃ ᠣᠶᠤᠩᠭᠣᠸᠠ ᠨᠦᠬᠦᠷ ᠭᠣᠮᠤᠳᠠᠯ ᠭᠠᠷᠭᠠᠭᠴᠢ ᠰᠡᠳᠭᠢᠯ ᠵᠠᠩᠭᠢᠷᠠᠭᠠ ᠠᠯᠳᠠᠷᠠᠭᠤᠯᠬᠤ ᠲᠦᠯᠦᠭᠡ ᠂ ᠤᠯᠠᠨ ᠤᠳᠠᠭᠠ ᠰᠢᠶᠧ ᠤᠪᠣᠭᠲᠣ ᠭᠡᠷ ᠲᠦ ᠬᠦᠷᠴᠦ ᠶᠤᠰᠤ ᠶᠠᠷᠢᠵᠦ ᠂ ᠬᠠᠤᠯᠢ ᠲᠠᠶᠢᠯᠪᠤᠷᠢᠯᠠᠨ ᠂ ᠴᠠᠭ ᠲᠤᠬᠠᠢ ᠳᠤ ᠨᠢ ᠭᠣᠮᠤᠳᠠᠯ ᠭᠠᠷᠭᠠᠭᠴᠢ ᠠᠭᠤᠷ ᠢ ᠨᠠᠮᠳᠠᠭᠠᠵᠦ ᠡᠭᠡᠳᠡᠷᠡᠭᠡᠨ ᠢ ᠲᠠᠶᠢᠯᠵᠤ ᠂ ᠬᠠᠮᠤᠭ ᠡᠴᠦᠰ ᠲᠦ ᠢᠲᠡᠭᠡᠯ ᠢ ᠨᠢ ᠤᠯᠤᠭᠰᠠᠨ ᠪᠠᠶᠢᠨᠠ ᠃ ᠰᠢᠶᠧ ᠤᠪᠣᠭᠲᠣ ᠥᠪᠡᠷ ᠤᠬᠠᠮᠰᠠᠷ ᠠᠴᠠ ᠪᠠᠨ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠳᠤ ᠬᠦᠷᠴᠦ ᠵᠠᠭᠠᠯᠳᠤᠬᠤ ᠪᠠᠨ ᠪᠤᠯᠢᠬᠤ ᠬᠡᠯᠡᠯᠴᠡᠭᠡᠷ ᠢ ᠳᠤᠭᠲᠠᠭᠰᠠᠨ ᠪᠠᠶᠢᠨᠠ ᠃
2014 ᠤᠨ ᠳᠤ ᠯᠢᠶᠤᠤ ᠤᠪᠤᠭᠲᠤ ᠠᠴᠠ ᠰᠢᠭᠦᠬᠦ ᠬᠤᠷᠢᠶᠠ ᠰᠢᠭᠦᠨ ᠲᠠᠰᠤᠯᠤᠭᠰᠠᠨ ᠬᠡᠷᠡ ᠵᠢᠭᠤᠷᠠᠭᠠᠨ ᠲᠤᠬᠠᠢ ᠰᠢᠭᠦᠨ ᠲᠠᠰᠤᠯᠤᠯᠲᠠ ᠨᠢ ᠲᠥᠪ ᠭᠤᠤᠯᠴᠢ ᠪᠤᠰᠤ ᠬᠡᠮᠡᠨ ᠤᠯᠠᠨ ᠤᠳᠠᠭᠠ ᠡᠯᠡ ᠰᠠᠯᠠᠭᠠ ᠮᠦᠴᠢᠷ ᠲᠦ ᠬᠦᠷᠴᠦ ᠰᠤᠷᠪᠤᠯᠵᠢᠯᠠᠭᠠ ᠬᠢᠵᠦ ᠂ ᠬᠠᠮᠢᠶᠠ ᠪᠦᠬᠦᠢ ᠰᠠᠯᠠᠭᠠ ᠮᠦᠴᠢᠷ ᠤᠯᠠᠨ ᠤᠳᠠᠭᠠ ᠬᠦᠯᠢᠶᠡᠨ ᠠᠭᠤᠯᠵᠠᠵᠤ ᠲᠠᠶᠢᠯᠪᠤᠷᠢᠯᠠᠨ ᠶᠠᠷᠢᠭᠰᠠᠨ ᠪᠣᠯᠪᠠᠴᠤ ᠯᠢᠶᠤᠤ ᠤᠪᠤᠭᠲᠤ ᠮᠦᠨ ᠯᠡ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠂ ᠪᠡᠭᠡᠵᠢᠩ ᠳᠦ ᠬᠦᠷᠴᠦ ᠬᠡᠲᠦᠷᠡᠮᠡᠬᠡᠢ ᠰᠤᠷᠪᠤᠯᠵᠢᠯᠠᠭᠠ ᠬᠢᠵᠦ ᠂ ᠰᠡᠳᠭᠢᠯᠭᠡ ᠪᠠᠶᠢᠳᠠᠯ ᠲᠦᠢᠯ ᠳᠤᠭᠲᠠᠪᠤᠷᠢ ᠦᠭᠡᠢ ᠪᠠᠶᠢᠵᠤ ᠂ ᠴᠢᠨᠠᠭᠰᠢᠯᠠᠨ ᠴᠤᠩᠬᠤ ᠪᠠᠷ ᠦᠰᠦᠷᠴᠦ ᠪᠡᠶᠡ ᠪᠡᠨ ᠬᠤᠤᠷᠯᠠᠬᠤ ᠪᠠᠷ ᠠᠵᠢᠯᠲᠠᠨ ᠢ ᠠᠶᠤᠯᠭᠠᠵᠤ ᠂ ᠪᠠᠶᠢᠭᠤᠯᠭᠠ ᠶᠠᠷᠦ ᠠᠵᠢᠯ ᠡᠮᠬᠢ ᠵᠢᠷᠤᠮ ᠢ ᠰᠠᠮᠠᠷᠠᠭᠤᠯᠤᠭᠰᠠᠨ ᠪᠠᠶᠢᠨᠠ ᠃ ᠯᠢᠶᠤᠤ ᠤᠪᠤᠭᠲᠤ ᠠᠭᠠᠰᠢ ᠵᠠᠡᠭ ᠳᠤᠭᠰᠢᠨ ᠂ ᠬᠤᠶᠠᠷ ᠦᠭᠡ ᠬᠡᠯᠡᠬᠦ ᠦᠭᠡᠢ ᠬᠦᠮᠦᠨ ᠬᠠᠷᠢᠶᠠᠨᠠ ᠃ ᠡᠭᠦᠨ ᠳᠦ ᠣᠶᠤᠩᠭᠣᠸᠠ ᠨᠦᠬᠦᠷ ᠢᠳᠡᠪᠬᠢᠲᠠᠢ ᠪᠠᠷ ᠯᠢᠶᠤᠤ ᠤᠪᠤᠭᠲᠤ ᠬᠦᠯᠢᠶᠡᠨ ᠠᠭᠤᠯᠵᠠᠵᠤ ᠂ ᠲᠡᠭᠦᠨ ᠵᠠᠷᠭᠤ ᠱᠠᠭᠠᠷᠳᠠᠯᠭᠠ ᠬᠦᠯᠢᠴᠡᠩᠭᠦᠢ ᠪᠡᠷ ᠰᠤᠨᠤᠰᠴᠦ ᠂ ᠬᠡᠷᠡᠭ ᠨᠠᠷᠢᠨ ᠤᠴᠢᠷ ᠢ ᠠᠰᠠᠭᠤᠨ ᠯᠠᠪᠯᠠᠵᠤ ᠂ ᠡᠶᠡᠯᠳᠡᠭ ᠦᠭᠡ ᠶᠠᠷᠢᠶᠠ ᠪᠠ ᠬᠠᠯᠠᠭᠤᠮᠰᠤᠭ ᠦᠢᠯᠡᠴᠢᠯᠡᠭᠡ ᠪᠡᠷ ᠯᠢᠶᠤᠤ ᠤᠪᠤᠭᠲᠤ ᠬᠥᠨᠳᠦᠳᠬᠡᠯ ᠪᠠ ᠤᠶᠢᠯᠠᠭᠠᠯᠲᠠ ᠣᠯᠤᠭᠰᠠᠨ ᠪᠠᠶᠢᠨᠠ ᠃ ᠡᠭᠦᠨ ᠬᠠᠮᠲᠦ ᠲᠡᠷᠡ ᠤᠤᠯ ᠬᠡᠷᠡᠭ ᠳᠠᠭᠠᠭᠠᠨ ᠰᠢᠳᠬᠡᠭᠴᠢ ᠲᠠᠢ ᠢᠳᠡᠪᠬᠢᠲᠠᠢ ᠤᠶᠢᠯᠠᠭᠠᠯᠴᠠᠨ ᠨᠡᠪᠲᠡᠷᠡᠯᠴᠡᠵᠦ ᠂ ᠬᠡᠷᠡᠭ ᠬᠠᠮᠢᠶᠠ ᠪᠦᠬᠦᠢ ᠪᠤᠳᠠᠲᠤ ᠤᠴᠢᠷ ᠵᠢᠴᠢ ᠲᠤᠬᠠᠢ ᠦᠶᠡ ᠳᠦ ᠰᠢᠢᠳᠪᠤᠷᠢᠯᠡᠭᠰᠡᠨ ᠦᠷᠡ ᠳ᠋ᠦᠡᠭ ᠢ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠬᠠᠷᠭᠤᠭᠤᠯᠵᠤ ᠂ ᠠᠶᠢᠮᠠᠭ ᠂ ᠬᠤᠰᠢᠭᠤ ᠬᠤᠶᠠᠷ ᠱᠠᠲᠤᠨ ᠰᠢᠭᠦᠬᠦ ᠬᠤᠷᠢᠶᠠ ᠳᠤ ᠬᠦᠷᠴᠦ ᠂ ᠪᠦᠬᠦ ᠬᠡᠷᠡᠭ ᠡᠪᠬᠡᠮᠡᠯ ᠮᠠᠲ᠋ᠧᠷᠢᠶᠠᠯ ᠢ ᠰᠢᠯᠵᠢᠭᠦᠯᠦᠨ ᠠᠪᠴᠤ ᠪᠠᠶᠢᠴᠠᠭᠠᠨ ᠤᠶᠢᠯᠠᠭᠠᠵᠤ ᠂ ᠬᠠᠮᠤᠭ ᠰᠡᠬᠦᠯ ᠳᠦ ᠰᠢᠭᠦᠬᠦ ᠬᠤᠷᠢᠶᠠ ᠵᠢᠴᠢ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠲᠤᠬᠠᠢ ᠦᠶᠡ ᠲᠤᠰ ᠬᠡᠷᠡᠭ ᠢ ᠰᠢᠢᠳᠪᠦᠷᠢᠯᠡᠭᠰᠡᠨ ᠪᠦᠬᠦ ᠦᠷᠡ ᠳ᠋ᠦᠡᠭ ᠢ ᠪᠠᠶᠢᠴᠠᠭᠠᠨ ᠲᠤᠳᠤᠯᠠᠵᠤ ᠂ ᠯᠢᠶᠤᠤ ᠤᠪᠤᠭᠲᠤ ᠳᠤ ᠨᠠᠷᠢᠨ ᠨᠢᠮᠪᠠᠢ ᠬᠠᠷᠢᠭᠤᠯᠲᠠ ᠥᠭᠴᠡᠢ ᠃ ᠪᠤᠲᠠᠳᠤ ᠬᠡᠷᠡᠭ ᠡᠮᠦᠨᠡ ᠯᠢᠶᠤᠤ ᠤᠪᠤᠭᠲᠤ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠪᠢᠴᠢᠭ ᠬᠡᠯᠪᠡᠷᠢ ᠬᠠᠷᠢᠭᠤᠯᠲᠠ ᠬᠦᠯᠢᠶᠡᠨ ᠠᠪᠴᠦ ᠂ ᠡᠭᠦᠨ ᠬᠠᠮᠲᠤ ᠳᠠᠬᠢᠵᠤ ᠳᠡᠭᠡᠭᠰᠢ ᠰᠤᠷᠪᠤᠯᠵᠢᠯᠠᠭᠠ ᠬᠢᠬᠦ ᠦᠭᠡᠢ ᠭᠡᠵᠤ ᠠᠮᠠᠯᠳᠤᠭᠰᠠᠨ ᠪᠠᠶᠢᠨᠠ ᠃
ᠣᠶᠤᠩᠭᠣᠸᠠ ᠨᠦᠬᠦᠷ ᠤᠯᠠᠨ ᠤᠳᠠᠭᠠ ᠪᠠᠶᠢᠭᠤᠯᠭᠠ ᠲᠡᠷᠢᠭᠦᠨ ᠠᠵᠢᠯᠲᠠᠨ ᠂ ᠰᠢᠯᠢᠳᠡᠭ ᠨᠠᠮ ᠭᠡᠰᠢᠭᠦᠨ ᠂ ᠰᠢᠯᠢᠳᠡᠭ ᠨᠠᠮ ᠠᠵᠢᠯ ᠠᠵᠢᠯᠲᠠᠨ ᠂ ᠰᠢᠯᠢᠳᠡᠭ ᠠᠯᠪᠠᠲᠠᠨ ᠂ ᠪᠦᠬᠦ ᠤᠷᠤᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠬᠠᠤᠯᠢ ᠴᠠᠭᠠᠵᠠ ᠰᠢᠰᠲ᠋ᠧᠮ《3.8 ᠤᠯᠠᠭᠠᠨ ᠲᠤᠭᠴᠢ》 ᠵᠡᠷᠭᠡ ᠴᠤᠯᠠ ᠬᠦᠷᠲᠡᠭᠰᠡᠨ ᠪᠠᠶᠢᠨᠠ ᠃ ᠲᠡᠭᠦᠨ ᠦᠢᠯᠡᠳᠦᠭᠰᠡᠨ ᠬᠤᠶᠠᠷ ᠬᠤᠪᠢ ᠡᠷᠡᠭᠦᠦ ᠬᠡᠷᠡᠭ ᠭᠤᠮᠤᠳᠠᠯ ᠵᠠᠭᠠᠯᠳᠤᠯᠭᠠ ᠳᠠᠬᠢᠨ ᠪᠠᠶᠢᠴᠠᠭᠠᠬᠤ ᠳᠤᠭᠲᠠᠭᠠᠯ ᠪᠢᠴᠢᠭ ᠨᠢ ᠪᠦᠬᠦ ᠤᠷᠤᠨ ᠪᠠᠶᠢᠴᠠᠭᠠᠬᠤ ᠪᠠᠶᠢᠭᠤᠯᠭᠠ ᠬᠠᠤᠯᠢ ᠴᠠᠭᠠᠵᠠ ᠪᠢᠴᠢᠭ ᠬᠠᠷᠠ ᠦᠨᠡᠯᠡᠨ ᠰᠢᠯᠭᠠᠷᠠᠭᠤᠯᠤᠯᠲᠠ ᠬᠦᠳᠡᠯᠭᠡᠭᠡᠨ ᠳᠦ ᠰᠢᠯᠢᠳᠡᠭ ᠬᠠᠤᠯᠢ ᠴᠠᠭᠠᠵᠠ ᠪᠢᠴᠢᠭ ᠬᠠᠷᠠ ᠪᠠᠷ ᠦᠨᠡᠯᠡᠭᠳᠡᠪᠡ ᠃ 2009 ᠤᠨ ᠠᠴᠠ ᠲᠡᠷᠡ ᠠᠯᠠᠱᠠ ᠠᠶᠢᠮᠠᠭ ᠬᠤᠪᠢᠶᠠᠷᠢ ᠬᠤᠷᠢᠶᠠ ᠭᠤᠮᠤᠳᠠᠯ ᠵᠠᠭᠠᠯᠳᠤᠯᠭᠠ ᠪᠠᠶᠢᠴᠠᠭᠠᠬᠤ ᠭᠠᠵᠠᠷ ᠭᠠᠵᠠᠷ ᠳᠠᠷᠤᠭᠠ ᠪᠤᠯᠤᠭᠰᠠᠨ ᠠᠴᠠ ᠠᠪᠤᠭᠠᠳ ᠂ ᠲᠡᠷᠡ ᠬᠦᠯᠢᠴᠡᠭᠭᠦᠢ ᠂ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠂ ᠬᠠᠷᠢᠭᠤᠴᠠᠯᠭᠠᠲᠤ ᠣᠪᠣᠷ ᠠᠵᠢᠯ ᠠᠷᠭᠠ ᠳᠡᠮ ᠪᠤᠯᠭᠠᠵᠤ ᠂ ᠵᠠᠬᠢᠳᠠᠯ ᠰᠤᠷᠪᠤᠯᠵᠢᠯᠠᠭᠠ ᠬᠡᠷᠡᠭ ᠪᠤᠯᠭᠠᠨ ᠳᠤ ᠬᠢᠨᠠᠮᠠᠭᠠᠢ ᠬᠠᠨᠳᠤᠵᠤ ᠂ ᠤᠯᠠᠨ ᠠᠷᠪᠢᠨ ᠪᠤᠳᠤᠯᠢᠶᠠᠨᠲᠠᠢ ᠬᠡᠲᠦᠷᠡᠮᠡᠬᠡᠢ ᠰᠤᠷᠪᠤᠯᠵᠢᠯᠠᠭᠠ ᠬᠡᠷᠡᠭ ᠢ ᠠᠮᠵᠢᠯᠲᠠ ᠲᠠᠢ ᠰᠢᠢᠳᠪᠤᠷᠢᠯᠡᠵᠤ ᠂ ᠬᠡᠳᠦᠨ ᠵᠢᠯ ᠳᠠᠷᠠᠭᠠᠯᠠᠨ ᠪᠡᠭᠡᠵᠢᠩ ᠤᠷᠤᠵᠤ ᠵᠠᠬᠢᠳᠠᠯ ᠰᠤᠷᠪᠤᠯᠵᠢᠯᠠᠭᠠ ᠬᠢᠬᠦ《 ᠳᠡᠭ》 ᠬᠠᠷᠠᠯᠲᠠ ᠪᠤᠳᠠᠳᠠᠶᠢᠵᠢᠭᠤᠯᠵᠤ ᠂ ᠠᠯᠠᠱᠠ ᠠᠶᠢᠮᠠᠭ ᠪᠠᠶᠢᠴᠠᠭᠠᠬᠤ ᠬᠤᠪᠢᠶᠠᠷᠢ ᠬᠤᠷᠢᠶᠠ ᠵᠠᠯᠭᠠᠭᠠ ᠪᠠᠷ ᠳᠦᠷᠪᠡᠨ ᠬᠤᠭᠤᠴᠠᠭᠠᠨ《 ᠪᠦᠬᠦ ᠤᠯᠤᠰ ᠪᠤᠯᠪᠠᠰᠤᠨ ᠬᠦᠯᠢᠶᠡᠨ ᠠᠪᠬᠤ ᠲᠠᠰᠤᠭ》 ᠬᠡᠮᠡᠬᠦ ᠢᠷᠠᠭᠤ ᠠᠯᠳᠠᠷ ᠢ ᠤᠯᠤᠭᠰᠠᠨ ᠪᠠᠶᠢᠨᠠ ᠃
ᠣᠶᠤᠩᠭᠣᠸᠠ ᠨᠦᠬᠦᠷ ᠡᠭᠡᠯ ᠵᠢᠷ ᠠᠵᠢᠯ ᠪᠠᠶᠢᠷᠢ ᠳᠡᠭᠡᠷᠡ ᠪᠡᠨ ᠮᠠᠰᠢ ᠡᠭᠡᠯ ᠵᠢᠷ ᠠᠵᠢᠯ ᠢ ᠬᠢᠳᠡᠭ ᠪᠣᠯᠪᠠᠴᠤ ᠲᠡᠭᠦᠨ ᠬᠢᠭᠰᠡᠨ ᠠᠵᠢᠯ ᠨᠢᠭᠡᠪᠦᠷᠢ ᠨᠢ ᠴᠦᠮ ᠮᠠᠰᠢ ᠪᠣᠳᠠᠳᠠᠢ ᠪᠠᠶᠢᠵᠤ ᠂ ᠨᠠᠰᠤᠨ ᠲᠤᠷᠰᠢᠲᠠ ᠠᠷᠠᠳ ᠲᠦᠮᠡᠨ ᠳ᠋ᠡᠭᠡᠨ ᠦᠢᠯᠡᠴᠢᠯᠡᠬᠦ ᠨᠠᠮ ᠭᠡᠰᠢᠭᠦᠨ ᠠᠮᠠᠯᠠᠯᠲᠠ ᠪᠠᠨ ᠪᠡᠶᠡᠯᠡᠭᠦᠯᠦᠭᠰᠡᠭᠡᠷ ᠢᠷᠡᠵᠡᠢ ᠃