ᠱᠠᠮᠰᠢᠬᠤ ᠡᠰᠡᠷᠭᠦᠴᠡᠬᠦ ᠪᠠᠶᠢᠴᠠᠭᠠᠬᠤ ᠲᠤᠰᠢᠶᠠᠯᠲᠠᠨ ᠳ᠋ᠦ᠋ ᠷᠦᠩ ᠴᠢᠩ

    ᠳ᠋ᠦ᠋ ᠷᠦᠩ ᠴᠢᠩ  ᠪᠤᠯ ᠨᠢᠭᠡᠨ ᠱᠠᠮᠰᠢᠬᠤ ᠡᠰᠡᠷᠭᠦᠴᠡᠬᠦ ᠠᠵᠢᠯ ᠢ ᠤᠯᠠᠨ ᠵᠢᠯ ᠬᠢᠭᠰᠡᠨ ᠡᠮᠡᠭᠲᠡᠢ ᠪᠠᠶᠢᠴᠠᠭᠠᠬᠤ ᠲᠤᠰᠢᠶᠠᠯᠲᠠᠨ ᠪᠣᠯᠤᠨ᠎ᠠ ᠃ 2015 ᠤᠨ ᠲᠠᠪᠤᠨ ᠰᠠᠷ᠎ᠠ ᠳᠤ ᠲᠤᠰᠢᠶᠠᠯ  ᠭᠤᠲᠤᠭᠠᠨ ᠡᠷᠬᠡᠨ ᠳᠦ ᠬᠠᠯᠳᠠᠬᠤ ᠡᠰᠡᠷᠭᠦᠴᠡᠬᠦ ᠠᠵᠢᠯ ᠹᠷᠤᠨᠲ ᠳᠤ ᠰᠢᠯᠵᠢᠨ ᠢᠷᠡᠵᠤ ᠂  ᠣᠳᠣ ᠦᠬᠠᠢ ᠬᠤᠲᠠ ᠠᠷᠠᠳ ᠪᠠᠶᠢᠴᠠᠭᠠᠬᠤ ᠬᠤᠷᠢᠶ᠎ᠠ ᠲᠤᠰᠢᠶᠠᠯ ᠭᠤᠲᠤᠭᠠᠵᠤ ᠡᠷᠬᠡ ᠳᠦ ᠬᠠᠯᠳᠠᠭᠰᠠᠨ ᠬᠡᠷᠡᠭ ᠢ ᠡᠰᠡᠷᠭᠦᠴᠡᠬᠦ ᠲᠤᠪᠴᠢᠶᠠᠨ ᠲᠤᠪᠴᠢᠶᠠᠨ ᠳᠠᠷᠤᠭ᠎ᠠ ᠠᠵᠢᠯ ᠢ ᠡᠭᠦᠷᠭᠡᠯᠡᠵᠦ ᠪᠤᠢ ᠃ ᠳ᠋ᠦ᠋ ᠷᠦᠩ ᠴᠢᠩ ᠢᠯᠵᠠᠷᠠᠬᠤ ᠡᠰᠡᠷᠭᠦᠴᠡᠬᠦ ᠠᠵᠢᠯ ᠢ ᠬᠢᠭᠰᠡᠨ16 ᠵᠢᠯ ᠲᠤᠷᠰᠢ ᠂ ᠳᠠᠭᠠᠭᠠᠨ ᠰᠢᠳᠬᠡᠵᠦ ᠂ ᠬᠠᠪᠰᠤᠷᠤᠨ  ᠰᠢᠳᠬᠡᠭᠰᠡᠨ ᠬᠡᠷᠡᠭ ᠵᠠᠭᠤ ᠭᠠᠷᠤᠢ ᠪᠠᠶᠢᠵᠤ ᠂ ᠪᠤᠷᠤᠭᠤ ᠬᠡᠷᠡᠭ ᠂ ᠪᠤᠴᠠᠭᠠᠭᠰᠠᠨ ᠬᠡᠷᠡᠭ ᠂ ᠰᠡᠵᠢᠭᠯᠡᠯᠲᠦ ᠦᠯᠦ ᠵᠠᠭᠠᠯᠳᠤᠬᠤ ᠂ ᠶᠠᠯ᠎ᠠ ᠦᠭᠡᠢ ᠪᠡᠷ ᠰᠢᠭᠦᠨ ᠲᠠᠰᠤᠯᠤᠭᠰᠠᠨ ᠵᠡᠷᠭᠡ ᠪᠠᠶᠢᠳᠠᠯ  ᠨᠢᠭᠡ ᠤᠳᠠᠭ᠎ᠠ ᠴᠦ ᠭᠠᠷᠤᠭᠰᠠᠨ ᠦᠭᠡᠢ ᠃

    2010 ᠤᠨ ᠳᠤ ᠱᠠᠮᠰᠢᠵᠤ ᠬᠡᠬᠡᠯᠢ ᠳᠦᠯᠬᠢᠵᠤ ᠬᠠᠬᠤᠤᠯᠢ ᠢᠳᠡᠬᠦ ᠡᠰᠡᠷᠭᠦᠴᠡᠬᠦ ᠲᠤᠪᠴᠢᠶ᠎ᠠ ᠳᠡᠳ᠋ ᠲᠤᠪᠴᠢᠶᠠᠨ ᠳᠠᠷᠤᠭ᠎ᠠ ᠪᠤᠯᠤᠭᠰᠠᠨ ᠳᠠᠷᠠᠭ᠎ᠠ ᠂ ᠲᠡᠷᠡ ᠦᠬᠠᠢ ᠬᠤᠲᠠ  ᠬᠠᠩᠭᠠᠨ ᠪᠤᠷᠤᠯᠠᠭᠤᠯᠬᠤ ᠬᠤᠷᠰᠢᠶ᠎ᠠ ᠤᠤᠯ ᠡᠷᠬᠢᠯᠡᠭᠴᠢ ᠵᠠᠩ ᠤᠪᠤᠭᠲᠤ ᠂ ᠰᠠᠬᠢᠯᠭ᠎ᠠ ᠪᠠᠲᠦ ᠪᠠᠶᠢᠴᠠᠭᠠᠬᠤ ᠱᠦᠵᠢ ᠸᠠᠩ ᠤᠪᠤᠭᠲᠤ ᠬᠠᠮᠲᠤ ᠪᠠᠷ ᠱᠠᠮᠰᠢᠭᠰᠠᠨ ᠬᠡᠷᠡᠭ ᠢ ᠳᠠᠭᠠᠭᠠᠨ ᠰᠢᠳᠬᠡᠵᠦ ᠂ ᠳᠠᠩᠰᠠᠨ  ᠡᠴᠡ ᠭᠠᠳᠠᠭᠤᠷᠬᠢ ᠪᠡᠯᠡ ᠮᠦᠩᠭᠦ ᠬᠡᠷᠡᠭᠯᠡᠭᠰᠡᠨ ᠵᠠᠷᠤᠮᠲᠠ ᠳᠦ ᠰᠢᠯᠭᠠᠨ ᠳᠤᠭᠲᠠᠭᠠᠯᠲᠠ ᠬᠢᠬᠦ ᠪᠠᠷ ᠳᠠᠮᠵᠢᠨ ᠂ ᠨᠢᠭᠡ ᠬᠠᠭᠤᠳᠠᠰᠤ 467800 ᠲᠦᠭᠦᠷᠢᠭ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠪᠠᠷᠢᠮᠲᠠ ᠰᠡᠵᠢᠭᠲᠡᠢ ᠪᠠᠶᠢᠳᠠᠯ ᠢ ᠢᠯᠡᠷᠡᠭᠦᠯᠵᠦ ᠂ ᠲᠤᠰ ᠬᠠᠭᠤᠳᠠᠰᠤ ᠬᠦᠯᠢᠶᠡᠨ ᠠᠪᠬᠤ ᠪᠠᠷᠢᠮᠲᠠ ᠪᠠᠶᠢᠴᠠᠭᠠᠯᠲᠠ ᠴᠢᠬᠤᠯᠠ ᠰᠦᠪᠡᠭᠴᠢ ᠪᠣᠯᠭᠠᠪᠠ ᠃  ᠬᠠᠮᠢᠶ᠎ᠠ ᠪᠦᠬᠦᠢ ᠪᠠᠶᠢᠭᠤᠯᠭ᠎ᠠ ᠪᠠ ᠡᠯ᠎ᠡ ᠪᠠᠩᠬᠢ ᠳᠠᠩᠰᠨ ᠂ ᠭᠡᠷᠡᠴᠢ ᠪᠠᠷᠢᠮᠲᠠ ᠬᠢᠨᠠᠨ ᠪᠠᠶᠢᠴᠠᠭᠠᠯᠲᠠ ᠪᠠᠷ ᠳᠠᠮᠵᠢᠭᠠᠳ ᠂ ᠲᠡᠭᠦᠨ ᠮᠠᠭᠠᠳᠯᠠᠯ ᠵᠥᠪ ᠭᠡᠳᠡᠭ ᠢ ᠪᠠᠲᠤᠯᠠᠵᠠᠢ ᠃ ᠶᠠᠭ ᠡᠨᠡᠬᠦ ᠴᠢᠬᠤᠯᠠ ᠭᠡᠷᠡᠴᠢ ᠪᠠᠷᠢᠮᠲᠠ ᠤᠯᠤᠭᠰᠠᠨ ᠨᠢ ᠬᠡᠷᠡᠭ ᠲᠤᠷᠰᠢᠨ ᠪᠠᠶᠢᠴᠠᠭᠠᠬᠤ ᠠᠵᠢᠯ ᠤᠷᠤᠭᠰᠢᠲᠠᠢ ᠶᠠᠪᠤᠭᠳᠠᠬᠤ ᠪᠠᠲᠤᠯᠠᠵᠤ ᠂ 8  ᠡᠳᠦᠷ ᠴᠠᠭ ᠬᠡᠷᠡᠭᠯᠡᠵᠦ  ᠲᠤᠰ ᠬᠡᠷᠡᠭ ᠲᠤᠷᠰᠢᠨ ᠪᠠᠶᠢᠴᠠᠭᠠᠯᠲᠠ  ᠳᠠᠭᠤᠰᠬᠠᠪᠠ ᠃ 

    ᠤᠯᠠᠨ ᠵᠢᠯ ᠲᠤᠷᠰᠢ ᠳ᠋ᠦ᠋ ᠷᠦᠩ ᠴᠢᠩ ᠨᠢᠭᠡ ᠰᠡᠳᠬᠢᠯ  ᠠᠵᠢᠯ ᠳᠤ ᠪᠠᠨ ᠰᠢᠮᠳᠠᠵᠤ ᠂ ᠬᠠᠮᠲᠤ  ᠠᠵᠢᠯᠲᠠᠳ  ᠳᠤᠮᠳᠠ 《 ᠡᠮᠡᠭᠲᠡᠢ ᠲᠡᠮᠦᠷ ᠬᠦᠮᠦᠨ》 ᠬᠡᠮᠡᠨ ᠨᠡᠷᠡᠯᠡᠭᠳᠡᠵᠡᠢ ᠃ ᠲᠡᠷᠡ ᠣᠳᠠᠭᠠᠨ ᠵᠢᠯ ᠲᠤᠷᠰᠢ ᠬᠡᠷᠡᠭ ᠰᠢᠳᠬᠡᠬᠦ ᠨᠢᠭᠡᠳᠦᠭᠡᠷ ᠹᠠᠷᠤᠨᠲ ᠳᠤ ᠲᠡᠮᠡᠴᠡᠵᠤ ᠂ ᠪᠡᠶ᠎ᠡ ᠬᠦᠴᠦ ᠪᠠ ᠤᠶᠤᠨ ᠬᠦᠴᠦ  ᠪᠡᠨ ᠬᠡᠳᠦᠷᠡᠲᠡᠯ᠎ᠡ ᠵᠠᠷᠤᠴᠠᠭᠤᠯᠤᠭᠰᠠᠨ ᠳᠡᠭᠡᠷ᠎ᠡ ᠢᠳᠡᠵᠦ ᠤᠤᠭᠤᠬᠤ ᠵᠢᠮ᠎ᠡ ᠶᠤᠰᠤ ᠦᠭᠡᠢ ᠡᠴᠡ ᠪᠤᠯᠵᠤ ᠂ ᠠᠮᠢᠰᠬᠤᠯ ᠵᠠᠮ ᠬᠠᠯᠳᠠᠪᠤᠷᠢᠲᠦ ᠡᠪᠡᠳᠴᠢᠨ ᠳᠦ ᠨᠡᠷᠪᠡᠭᠳᠡᠨ᠂ ᠬᠣᠭᠤᠯᠠᠢ ᠨᠢ ᠡᠪᠡᠳᠴᠦ ᠲᠡᠰᠪᠦᠷᠢᠯᠡᠬᠤ ᠠᠷᠭ᠎ᠠ ᠦᠭᠡᠢ ᠪᠤᠯᠤᠭᠰᠠᠨ ᠪᠠᠶᠢᠳᠠᠯ ᠳᠤᠤᠷ᠎ᠠ ᠴᠦ ᠂ ᠬᠡᠷᠡᠭ ᠰᠢᠳᠬᠡᠬᠦ ᠲᠦᠯᠦᠭᠡ ᠬᠡᠳᠦᠨ ᠦᠷᠢᠯ ᠡᠮ  ᠠᠷᠭᠠᠯᠠᠵᠤ ᠂ ᠬᠠᠮᠲᠤ ᠠᠵᠢᠯᠲᠠᠳ ᠨᠢ ᠡᠮ  ᠶᠡᠭᠦᠯᠡᠬᠦ ᠰᠠᠨᠠᠭᠤᠯᠤᠭᠰᠠᠨ  ᠴᠦ ᠂ ᠲᠡᠷᠡ ᠵᠥᠪᠬᠡᠨ ᠴᠠᠭ ᠢ ᠵᠠᠪᠳᠤᠨ ᠪᠠᠶᠢᠴᠠᠭᠠᠨ ᠰᠢᠭᠦᠵᠤ ᠡᠷᠲᠡ ᠨᠢᠭᠡ ᠡᠳᠦᠷ ᠳᠠᠭᠤᠰᠬᠠᠶ᠎ᠠ ᠭᠡᠵᠦ ᠯᠡ ᠬᠡᠯᠡᠳᠡᠭ ᠃ 2012 ᠤᠨ ᠳᠤ ᠂ ᠥᠪᠦᠷ ᠮᠤᠩᠭᠤᠯ ᠠᠷᠠᠳ ᠵᠠᠰᠠᠭ ᠣᠷᠳᠣᠨ ᠱᠠᠩᠬᠠᠢ ᠬᠤᠲᠠ ᠳᠤ ᠪᠠᠶᠢᠭ᠎ᠠ ᠬᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷ ᠤᠤᠯ ᠡᠷᠬᠢᠯᠡᠭᠴᠢ ᠬᠤ᠋ ᠤᠪᠤᠭᠲᠤ ᠂ ᠠᠵᠢᠯ ᠰᠠᠯᠭᠠᠨ ᠤᠤᠯ ᠰᠠᠯᠭᠠᠨ ᠳᠠᠷᠤᠭ᠎ᠠ ᠰᠢᠦᠢ ᠤᠪᠤᠭᠲᠤ ᠱᠠᠮᠰᠢᠵᠤ ᠂ ᠤᠯᠤᠰ ᠦᠮᠴᠢᠯᠡᠯ  ᠪᠡᠯᠡ ᠬᠦᠷᠦᠩᠭᠡ ᠠᠮᠢᠨ ᠳᠤ ᠪᠠᠨ ᠬᠤᠪᠢᠶᠠᠭᠰᠠᠨ ᠬᠡᠷᠡᠭ ᠳᠤᠮᠳᠠ ᠂ ᠬᠡᠷᠡᠭ ᠬᠡᠪᠴᠢᠶ᠎ᠠ ᠶᠡᠭᠡ ᠂  ᠴᠠᠭ ᠣᠷᠲᠣ  ᠂ ᠭᠡᠷᠡᠴᠢ ᠪᠠᠷᠢᠮᠲᠠ ᠠᠪᠬᠤ ᠳᠤ ᠬᠦᠴᠢᠷ ᠡᠴᠡ ᠪᠤᠯᠵᠤ ᠲᠡᠷᠡ ᠲᠤᠰᠬᠠᠢ ᠬᠡᠷᠡᠭ ᠳᠤᠭᠤᠶᠢᠯᠠᠩ ᠢ ᠳᠠᠭᠠᠭᠤᠯᠤᠨ ᠬᠠᠭᠠᠰ ᠵᠢᠯ ᠰᠢᠬᠠᠭᠤ ᠠᠵᠢᠯ  ᠭᠠᠳᠠᠭᠰᠢ ᠭᠠᠷᠤᠵᠠᠢ ᠃ ᠣᠷᠲᠣ ᠬᠤᠭᠤᠴᠠᠭ᠎ᠠ ᠠᠵᠢᠯ  ᠭᠠᠳᠠᠭᠰᠢ ᠭᠠᠷᠤᠵᠤ ᠨᠡᠮᠡᠵᠤ ᠠᠵᠢᠯᠯᠠᠵᠤ ᠶᠠᠳᠠᠷᠠᠭᠰᠠᠨ ᠠᠴᠠ ᠂ ᠳ᠋ᠦ᠋ ᠷᠦᠩ ᠴᠢᠩ  ᠨᠥᠬᠦᠷ ᠤᠳᠠᠭᠠᠨ ᠴᠢᠨᠠᠷᠲᠠᠢ ᠪᠦᠭᠡᠷ᠎ᠡ  ᠦᠷᠪᠢᠰᠦᠯ  ᠨᠢ ᠬᠦᠨᠳᠦᠷᠡᠵᠦ ᠂ ᠬᠥᠬᠡᠪᠦᠷ ᠲᠠᠢ ᠪᠡᠶ᠎ᠡ ᠨᠢ ᠶᠠᠭ ᠯᠠ ᠮᠢᠩᠭᠠᠨ ᠵᠢᠩ ᠬᠦᠨᠳᠦ ᠶᠠᠭᠤᠮ᠎ᠠ ᠡᠭᠦᠷᠦᠭᠰᠡᠨ ᠮᠡᠲᠦ ᠪᠠᠶᠢᠵᠤ ᠂ ᠬᠦᠳᠡᠯᠵᠦ ᠪᠠᠷᠢᠬᠤ ᠳᠤ ᠴᠦ  ᠬᠦᠴᠢᠷᠳᠠᠵᠦ  ᠪᠠᠶᠢᠭᠰᠠᠨ ᠴᠦ ᠲᠡᠷᠡ ᠵᠢᠭᠠᠬᠠᠨ ᠡᠮ ᠠᠪᠴᠦ ᠤᠤᠭᠤᠭᠠᠳ ᠂ ᠳᠡᠰᠪᠦᠷᠢᠯᠡᠵᠦ ᠪᠠᠶᠢᠭᠠᠳ ᠦᠷᠭᠦᠯᠵᠢᠯᠡᠨ  ᠠᠵᠢᠯᠯᠠᠵᠠᠢ ᠃ ᠬᠡᠷᠡᠭ ᠢ ᠰᠢᠪᠲᠤᠯᠬᠤ ᠲᠥᠯᠦᠭᠡ ᠂ ᠲᠡᠷᠡ ᠬᠡᠷᠡᠭ ᠲᠦ ᠬᠤᠯᠪᠤᠭᠳᠠᠭᠰᠠᠨ ᠪᠠᠶᠢᠭᠤᠯᠭ᠎ᠠ17 ᠵᠢᠯ ᠡᠳ᠋  ᠶᠠᠪᠤᠳᠠᠯ ᠲᠠᠩᠰᠠ ᠂ ᠭᠡᠷᠡᠴᠢ ᠪᠠᠷᠢᠮᠲᠠ ᠦᠵᠡᠵᠦ ᠂  ᠳᠠᠩᠰᠠ ᠪᠦᠷᠢᠳᠬᠡᠯ ᠬᠦᠰᠦᠨᠦᠭ ᠢ ᠵᠤᠬᠢᠶᠠᠵᠤ ᠂ ᠬᠠᠮᠤᠭ ᠰᠡᠭᠦᠯ ᠳᠦ ᠬᠤ᠋ ᠤᠪᠤᠭᠲᠤ ᠂ ᠰᠢᠦᠢ ᠤᠪᠤᠭᠲᠤ ᠤᠯᠤᠰ ᠦᠮᠴᠢᠯᠡᠯ  ᠪᠡᠯᠡ ᠬᠦᠷᠦᠩᠭᠡ ᠠᠮᠢᠨ ᠳᠤ ᠪᠠᠨ ᠬᠤᠪᠢᠶᠠᠭᠰᠠᠨ ᠬᠡᠷᠡᠭ ᠴᠢᠬᠤᠯᠠ ᠭᠡᠷᠡᠴᠢ ᠪᠠᠷᠢᠮᠲᠠ ᠢᠯᠡᠷᠡᠭᠦᠯᠵᠦ ᠳᠤᠭᠲᠠᠪᠤᠷᠢᠵᠢᠭᠤᠯᠵᠠᠢ ᠃ 

    ᠤᠶᠢᠷ᠎ᠠ ᠬᠠᠭᠠᠰ ᠵᠢᠯ ᠳᠦ ᠂ ᠳ᠋ᠦ᠋ ᠷᠦᠩ ᠴᠢᠩ ᠬᠤᠶᠠᠷ ᠬᠦᠬᠦ ᠦᠷᠭᠦᠯᠵᠢ ᠡᠪᠡᠳᠬᠦ ᠪᠠᠶᠢᠳᠠᠯ ᠢᠯᠡᠷᠡᠵᠦ ᠂ ᠭᠡᠷ ᠬᠦᠮᠦᠨ ᠨᠢ ᠲᠡᠭᠦᠨ ᠢ ᠳᠠᠷᠤᠢ ᠲᠦᠷᠭᠡᠨ ᠡᠮᠨᠡᠯᠭᠡ ᠳᠦ ᠬᠦᠷᠴᠦ   ᠪᠠᠶᠢᠴᠠᠭᠠᠯᠭᠠᠬᠤ ᠰᠠᠨᠠᠭᠤᠯᠤᠭᠰᠠᠨ ᠴᠦ ᠲᠡᠷᠡ ᠠᠵᠢᠯ ᠶᠠᠭᠠᠷᠠᠤ ᠭᠡᠳ ᠬᠤᠶᠢᠰᠢᠯᠠᠭᠤᠯᠵᠤ ᠂ ᠬᠡᠷᠡᠭ ᠳᠠᠭᠤᠰᠤᠭᠰᠠᠨ ᠳᠠᠷᠠᠭ᠎ᠠ ᠰᠠᠶ᠋ᠢ ᠲᠢᠶᠠᠨᠵᠢᠨ ᠬᠤᠲᠠ ᠪᠤᠯᠴᠢᠷᠬᠠᠢ ᠡᠮᠨᠡᠯᠭᠡ ᠬᠤᠷᠢᠶᠠᠨ ᠳᠤ ᠬᠦᠷᠴᠦ  ᠪᠠᠶᠢᠴᠠᠭᠠᠯᠭᠠᠬᠤ ᠳᠤ ᠂ ᠡᠮᠴᠢ ᠡᠴᠡ ᠲᠡᠭᠦᠨ` ᠳᠦ ᠄ 《  ᠬᠦᠬᠦᠨ ᠪᠣᠯᠴᠢᠷᠬᠠᠢ ᠪᠡᠨ ᠳᠠᠷᠤᠢ ᠲᠦᠷᠭᠡᠨ ᠮᠡᠰᠡ ᠵᠠᠰᠠᠯ ᠬᠢᠯᠭᠡᠬᠦ ᠬᠡᠷᠩᠲᠠᠢ》 ᠭᠡᠵᠦ ᠂ ᠮᠡᠰᠡ ᠵᠠᠰᠠᠯ ᠳᠠᠭᠤᠰᠤᠭᠰᠠᠨ ᠳᠠᠷᠠᠭ᠎ᠠ ᠲᠡᠷᠡ ᠨᠢᠭᠡ ᠰᠠᠷ᠎ᠠ ᠪᠤᠯᠤᠯ ᠦᠭᠡᠢ ᠪᠡᠷ ᠠᠵᠢᠯ ᠳᠤ ᠪᠠᠨ ᠭᠠᠷᠴᠦ ᠂ ᠵᠠᠷᠢᠮ ᠳᠤ ᠪᠠᠨ ᠡᠮ ᠬᠦᠴᠦ ᠬᠡᠲᠦᠷᠭᠡᠢ ᠶᠡᠬᠡ ᠪᠣᠯᠵᠤ ᠪᠦᠬᠦ ᠪᠡᠶ᠎ᠡ ᠨᠢ ᠵᠥᠭᠡᠯᠡᠷᠡᠬᠦ ᠳᠦ ᠂ ᠲᠡᠷᠡ ᠵᠦᠪᠭᠡᠨ ᠠᠯᠪᠠᠨ ᠭᠡᠷ ᠲᠦ ᠪᠡᠨ ᠪᠠᠭ᠎ᠠ ᠯᠠ   ᠠᠮᠠᠷᠠᠵᠤ ᠂ ᠡᠮ ᠰᠦᠷᠭᠡᠦ ᠦᠢᠯᠡᠳᠦᠯ ᠪᠠᠭᠤᠷᠤᠭᠰᠠᠨ ᠳᠠᠷᠠᠭ᠎ᠠ ᠲᠤᠤᠷ᠎ᠠ ᠨᠢ ᠠᠵᠢᠯ ᠳᠤ ᠪᠠᠨ ᠤᠷᠤᠵᠤ ᠂ ᠪᠠᠶᠢᠭᠤᠯᠭ᠎ᠠ ᠬᠠᠮᠲᠤ ᠠᠵᠢᠯᠲᠠᠨ ᠨᠢ ᠲᠡᠭᠦᠨ ᠢ ᠭᠡᠷ ᠲᠦ ᠪᠡᠨ ᠬᠠᠷᠢᠵᠤ ᠪᠡᠶ᠎ᠡ ᠪᠡᠨ ᠰᠤᠪᠢᠯᠠᠬᠤ ᠰᠠᠨᠠᠭᠤᠯᠬᠤ ᠪᠠᠷ ᠲᠡᠷᠡ ᠵᠦᠪᠬᠡᠨ ᠄ 《 ᠪᠠᠶᠢᠭᠤᠯᠭ᠎ᠠ ᠨᠠᠳᠠ ᠭᠡᠷᠭᠯᠡᠨ᠎ᠡ ᠂  ᠮᠢᠨᠦ ᠤᠶᠤᠨ ᠴᠢᠳᠠᠯ ᠪᠠᠶᠢᠳᠠᠭ ᠯᠠ ᠪᠤᠯ ᠯᠠᠪ ᠳᠡᠰᠪᠦᠷᠢᠯᠡᠨ᠎ᠡ》 ᠭᠡᠳᠡᠭ ᠪᠠᠶᠢᠯ᠎ᠠ  ︔  ᠡᠰᠡᠭᠦᠯ᠎ᠡ ᠳᠠᠩᠰᠠ ᠳᠡᠪᠲᠡᠷ ᠢ ᠭᠡᠷ ᠲᠦ ᠪᠡᠨ ᠠᠪᠠᠴᠢᠵᠤ ᠂ ᠨᠢᠭᠡ ᠲᠠᠯ᠎ᠠ ᠪᠠᠷ ᠡᠮ ᠶᠡᠭᠦᠯᠡᠵᠤ ᠂  ᠨᠥᠭᠦᠭᠡ ᠲᠠᠯ᠎ᠠ ᠪᠠᠷ ᠳᠠᠩᠰᠠ  ᠪᠠᠶᠢᠴᠠᠭᠠᠳᠠᠭ ᠃

    ᠲᠡᠷᠡ ᠤᠷᠢᠳ ᠬᠤᠵᠢᠳ 《 ᠰᠢᠯᠢᠳᠡᠭ ᠡᠪ ᠬᠠᠮᠲᠤ ᠨᠠᠮ ᠭᠡᠰᠢᠭᠦᠨ》 ᠂ 《 ᠪᠠᠶᠢᠴᠠᠭᠠᠬᠤ ᠠᠵᠢᠯ ᠬᠡᠷᠡᠭ ᠰᠢᠳᠬᠡᠬᠦ ᠴᠢᠳᠠᠪᠤᠷᠢᠲᠠᠨ》 ᠂ 《 ᠦᠬᠠᠢ ᠬᠤᠲᠠ ᠲᠡᠷᠢᠭᠦᠨ ᠠᠵᠢᠯᠲᠠᠨ》 ᠂ ᠪᠦᠬᠦ ᠤᠷᠤᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠬᠠᠤᠯᠢ ᠴᠠᠭᠠᠵᠠ ᠰᠢᠰᠲ᠋ᠧᠮ 《 ᠰᠢᠯᠢᠳᠡᠭ ᠨᠠᠮ ᠭᠡᠰᠢᠭᠦᠨ ᠺᠠᠳ᠋ᠷ ᠴᠠᠭᠳᠠᠭ᠎ᠠ》 ᠂  ᠪᠦᠬᠦ ᠤᠷᠤᠨ ᠪᠠᠶᠢᠴᠠᠭᠠᠬᠤ ᠪᠠᠶᠢᠭᠤᠯᠭ᠎ᠠ 《 ᠰᠢᠯᠢᠳᠡᠭ ᠲᠤᠷᠰᠢᠨ ᠪᠠᠶᠢᠴᠠᠭᠠᠬᠤ ᠴᠢᠳᠠᠪᠤᠷᠢᠲᠠᠨ》 ᠂ 《 ᠥᠪᠦᠷ ᠮᠤᠩᠭᠤᠯ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠲᠡᠷᠢᠭᠦᠨ ᠠᠵᠢᠯᠲᠠᠨ》   ᠭᠡᠬᠦ ᠢᠷᠠᠭᠤ ᠠᠯᠳᠠᠷ ᠴᠤᠯᠠ ᠬᠦᠷᠲᠡᠪᠡ ᠃

ᠵᠣᠬᠢᠶᠠᠭᠴᠢ :