ᠰᠢᠯᠢᠳᠡᠭ ᠪᠠᠶᠢᠴᠠᠭᠠᠬᠤ ᠳᠤᠰᠢᠶᠠᠯᠲᠠᠨ ᠮᠠ ᠳ᠋ᠢᠶᠠᠨ ᠹᠧᠩ
2016-06-02 16:27:34
ᠬᠦᠯᠦᠨ ᠪᠤᠶᠢᠷ ᠬᠤᠲᠠ ᠠᠷᠣᠨ ᠬᠤᠰᠢᠭᠤᠨ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠭᠤᠮᠤᠳᠠᠯ ᠵᠠᠭᠠᠯᠳᠤᠯᠭᠠ ᠪᠠᠶᠢᠴᠠᠭᠠᠬᠤ ᠰᠠᠯᠠᠭᠠᠨ ᠰᠠᠯᠠᠭᠠᠨ ᠳᠠᠷᠤᠭᠠ ᠮᠠ ᠳ᠋ᠢᠶᠠᠨ ᠹᠧᠩ ᠂ ᠥᠪᠡᠷ ᠪᠡᠶᠡ ᠳᠦ ᠪᠡᠨ ᠳᠦᠷᠪᠡᠨ ᠵᠢᠷᠤᠮ ᠳᠤᠭᠲᠠᠭᠠᠵᠤ ᠂ ᠠᠵᠢᠯ ᠳᠤᠮᠳᠠ ᠳᠠᠪᠠᠵᠤ ᠪᠤᠯᠤᠰᠢ ᠦᠭᠡᠢ ᠱᠤᠭᠤᠮ ᠪᠤᠯᠭᠠᠵᠤ ᠂ ᠠᠷᠠᠳ ᠲᠦᠮᠡᠨ ᠢᠲᠡᠭᠡᠯ ᠨᠠᠶᠢᠳᠠᠯᠭᠠ ᠤᠯᠤᠭᠰᠠᠨ ᠪᠠᠶᠢᠨᠠ ᠃
《ᠪᠠᠶᠢᠴᠠᠭᠠᠬᠤ ᠲᠤᠰᠢᠶᠠᠯᠲᠠᠨ ᠬᠡᠷᠡᠭ ᠰᠢᠳᠬᠡᠬᠦ ᠦᠭᠡᠢ ᠪᠤᠯ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠠᠯᠳᠠᠭᠰᠠᠨ ᠶᠠᠪᠤᠳᠠᠯ ᠪᠤᠯᠤᠨᠠ》
ᠣᠷᠴᠢᠮ ᠬᠡᠳᠦᠨ ᠵᠢᠯ ᠂ ᠲᠠᠷᠢᠶᠠᠯᠠᠩ ᠳᠤ ᠬᠤᠯᠪᠤᠭᠳᠠᠭᠰᠠᠨ ᠳᠡᠭᠡᠭᠰᠢ ᠰᠤᠷᠪᠤᠯᠵᠢᠯᠠᠭᠠ ᠠᠷᠪᠢᠳᠴᠦ ᠂ ᠮᠠ ᠳ᠋ᠢᠶᠠᠨ ᠹᠧᠩ ᠲᠠᠷᠢᠶᠠᠯᠠᠩ ᠳᠤ ᠬᠤᠯᠪᠤᠭᠳᠠᠭᠰᠠᠨ ᠳᠡᠭᠡᠭᠰᠢ ᠰᠤᠷᠪᠤᠯᠵᠢᠯᠠᠭᠠ ᠬᠦᠨ ᠳᠠᠪᠬᠤᠷᠭᠠ ᠰᠢᠯᠲᠠᠭᠠᠨ ᠢ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠰᠤᠳᠤᠯᠵᠤ ᠂ ᠬᠦᠳᠡᠭᠡ ᠲᠤᠰᠬᠤᠨ ᠳᠤ ᠤᠷᠤᠰᠢᠵᠤ ᠪᠠᠶᠢᠭᠠ ᠢᠯᠵᠠᠷᠠᠯ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠬᠦ ᠪᠠᠷ ᠴᠢᠷᠮᠠᠶᠢᠵᠠᠢ ᠃ 2013 ᠤᠨ ᠳᠤ ᠂ ᠮᠠ ᠳ᠋ᠢᠶᠠᠨ ᠹᠧᠩ ᠲᠤᠰᠢᠶᠠᠯ ᠳᠤ ᠭᠠᠷᠤᠭᠠᠳ ᠳᠡᠮᠡᠢ ᠤᠳᠠᠭᠰᠠᠨ ᠦᠭᠡᠢ ᠨᠢᠭᠡ ᠳᠠᠯᠠᠭᠠᠳ ᠨᠠᠰᠤᠨ ᠳᠡᠭᠡᠭᠰᠢ ᠰᠤᠷᠪᠤᠯᠵᠢᠯᠠᠭᠠ ᠬᠢᠭᠰᠡᠨ ᠨᠠᠰᠤᠲᠠᠨ ᠢ ᠬᠦᠯᠢᠶᠡᠨ ᠠᠪᠴᠦ ᠠᠭᠤᠯᠵᠠᠵᠤ ᠂ ᠨᠠᠰᠤᠲᠠᠨ ᠠᠮᠤ ᠪᠤᠳᠠᠭᠠᠨ ᠨᠥᠬᠦᠪᠦᠷᠢ ᠮᠥᠩᠭᠦ ᠲᠤᠰᠬᠤᠨ ᠱᠦᠵᠢ ᠤᠯᠠᠨ ᠵᠢᠯᠪᠡᠷᠴᠢᠯᠡᠭᠰᠡᠨ ᠢ ᠢᠯᠡᠴᠢᠯᠠᠪᠡ ᠃ ᠮᠠ ᠭᠤᠸᠠᠢ ᠨᠠᠰᠤᠲᠠᠨ ᠠᠰᠠᠭᠤᠳᠠᠯ ᠢ ᠬᠤᠷᠳᠤᠬᠠᠨ ᠰᠢᠢᠳᠪᠦᠷᠢᠯᠡᠵᠤ ᠥᠭᠭᠦ ᠲᠦᠯᠦᠭᠡ ᠂ ᠬᠤᠷᠢᠶᠠᠨ ᠠᠯᠪᠠᠨ ᠲᠡᠷᠭᠡ ᠴᠥᠭᠡᠨ ᠪᠠᠶᠢᠭᠠ ᠪᠠᠶᠢᠳᠠᠯ ᠳᠤᠤᠷᠠ ᠦᠪᠡᠷ ᠮᠠᠰᠢᠨ ᠪᠠᠷᠢᠵᠤ ᠲᠠᠢ ᠫᠢᠩ ᠪᠠᠯᠭᠠᠰᠤ ᠳᠤ ᠬᠦᠷᠴᠦ ᠂ ᠬᠡᠷᠡᠭ ᠰᠦᠪᠡᠭᠴᠢ ᠪᠠᠶᠢᠴᠠᠭᠠᠪᠠ ᠃ ᠬᠠᠮᠤᠭ ᠡᠴᠦᠰ ᠲᠦ ᠨᠠᠰᠤᠳᠠᠨ ᠨᠢᠭᠡ ᠲᠦᠮᠡ ᠭᠠᠷᠤᠢ ᠲᠦᠭᠦᠷᠢᠭ ᠠᠮᠤ ᠪᠤᠳᠠᠭᠠᠨ ᠨᠥᠬᠦᠪᠦᠷᠢ ᠪᠤᠴᠠᠭᠠᠨ ᠠᠪᠴᠢᠷᠠᠵᠠᠢ ᠃ ᠵᠧᠩ ᠢ ᠰᠦᠯᠵᠢᠶᠡ《 ᠥᠪᠦᠷ ᠮᠤᠩᠭᠤᠯ ᠠᠷᠤᠨ ᠬᠤᠰᠢᠭᠤᠨ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ 74 ᠨᠠᠰᠤᠲᠠᠢ ᠨᠠᠰᠤᠲᠠᠨ ᠳᠤ ᠠᠷᠪᠠᠨ ᠵᠢᠯ ᠬᠤᠵᠢᠭᠤᠳᠠᠭᠰᠠᠨ ᠭᠤᠤᠯᠴᠢ ᠶᠤᠰᠤ ᠪᠤᠴᠠᠭᠠᠨ ᠦᠭᠪᠡ》 ᠭᠡᠳᠡᠭ ᠭᠠᠷᠴᠠᠭ ᠲᠤᠰᠬᠠᠢ ᠮᠡᠳᠡᠭᠡᠯᠡᠯ ᠬᠢᠵᠦ ᠂ ᠮᠠ ᠶᠦᠩ ᠱᠧᠩ ᠪᠠᠶᠢᠴᠠᠭᠠᠬᠤ ᠳᠠᠷᠤᠭᠠ ᠲᠤᠰ ᠬᠡᠷᠡᠭ ᠢ ᠨᠠᠮ ᠤᠯᠠᠨ ᠲᠦᠮᠡᠨᠴᠢ ᠱᠤᠭᠤᠮ ᠬᠥᠮᠦᠵᠢᠯ ᠦᠢᠯᠡᠳᠦᠯᠭᠡ ᠬᠦᠳᠡᠯᠭᠡᠭᠡᠨ ᠲᠡᠷᠢᠭᠦᠨ ᠨᠡᠶᠢᠲᠡᠯᠢᠭ ᠵᠢᠱᠢᠶᠡ ᠪᠣᠯᠭᠠᠨ ᠪᠦᠬᠦ ᠤᠷᠤᠨ ᠳᠤ ᠰᠤᠷᠤᠯᠴᠠᠬᠤ ᠤᠨᠴᠠᠭᠠᠶᠢᠯᠠᠨ ᠴᠣᠬᠤᠯᠠᠪᠤᠷᠢᠯᠠᠪᠠ ᠃
《 ᠤᠯᠠᠨ ᠲᠦᠮᠡᠨ ᠠᠰᠢᠭ ᠲᠤᠰᠠ ᠳᠤ ᠪᠠᠭᠠ ᠤᠴᠢᠷ ᠭᠡᠵᠦ ᠦᠭᠡᠢ》
ᠮᠠ ᠳ᠋ᠢᠶᠠᠨ ᠹᠧᠩ ᠦᠵᠡᠬᠦ ᠪᠡᠷ ᠠᠷᠠᠳ ᠢᠷᠭᠡᠳ ᠬᠦᠳᠬᠡᠯ ᠪᠤᠶᠤ ᠲᠦᠪ ᠭᠤᠤᠯᠴᠢ ᠪᠤᠰᠤ ᠪᠠᠶᠢᠳᠠᠯ ᠳᠤ ᠤᠴᠠᠷᠠᠪᠠᠯ ᠂ ᠪᠠᠶᠢᠴᠠᠭᠠᠬᠤ ᠪᠠᠶᠢᠭᠤᠯᠭᠠ ᠳᠤ ᠢᠷᠡᠵᠦ ᠭᠤᠮᠤᠳᠠᠯ ᠵᠠᠭᠠᠯᠳᠤᠯᠭᠠ ᠬᠢᠵᠦ ᠪᠠᠶᠢᠭᠠ ᠨᠢ ᠬᠠᠤᠯᠢ ᠴᠠᠭᠠᠵᠠ ᠲᠦᠪ ᠭᠤᠤᠯᠴᠢ ᠳᠤ ᠢᠲᠡᠭᠡᠯ ᠡᠪᠦᠷᠯᠡᠵᠦ ᠂ ᠨᠡᠩ ᠴᠦ ᠪᠠᠶᠢᠴᠠᠭᠠᠬᠤ ᠪᠠᠶᠢᠭᠤᠯᠭᠠ ᠳᠤ ᠢᠳᠡᠭᠡᠵᠦ ᠪᠠᠶᠢᠭᠠ ᠢᠯᠡᠷᠡᠯ ᠮᠦᠨ ᠃ ᠡᠶᠢᠮᠦ ᠡᠴᠡ ᠲᠡᠷᠡ 《12309》 ᠢᠯᠡᠴᠢᠯᠡᠬᠦ ᠤᠲᠠᠰᠤ ᠲᠤᠰᠬᠤ ᠳᠤ ᠪᠠᠨ ᠤᠯᠠᠨ ᠲᠦᠮᠡᠨ ᠵᠠᠬᠢᠳᠠᠯ ᠰᠤᠷᠪᠤᠯᠵᠢᠯᠠᠭᠠ ᠯᠠᠪ ᠬᠦᠯᠢᠶᠡᠨ ᠠᠪᠴᠦ ᠂ ᠯᠠᠪ ᠠᠭᠤᠯᠵᠠᠵᠤ ᠂ ᠯᠠᠪ ᠬᠠᠷᠢᠭᠤᠯᠲᠠ ᠥᠭᠭᠦᠨᠡ ᠭᠡᠵᠦ ᠠᠮᠠᠯᠳᠠᠵᠤ ᠂ ᠲᠡᠭᠦᠨ ᠭᠠᠷ ᠳᠠᠮᠵᠢᠭᠰᠠᠨ ᠵᠠᠬᠢᠲᠠᠯ ᠰᠤᠷᠪᠤᠯᠵᠢᠯᠠᠭᠠ ᠱᠠᠲᠤ ᠠᠯᠤᠰᠯᠠᠨ ᠂ ᠪᠡᠭᠡᠵᠢᠩ ᠤᠷᠤᠭᠰᠠᠨ ᠪᠠᠶᠢᠳᠠᠯ ᠨᠢᠭᠡ ᠤᠳᠠᠭᠠ ᠴᠦ ᠭᠠᠷᠤᠭᠰᠠᠨ ᠦᠭᠡᠢ ᠪᠠᠶᠢᠵᠤ ᠂ ᠲᠡᠭᠦᠨ ᠴᠢᠷᠮᠠᠶᠢᠯᠭᠠ ᠪᠠᠷ ᠳᠠᠮᠵᠢᠭᠠᠳ ᠨᠡᠯᠢᠶᠡᠳ ᠲᠤᠭᠠᠨ ᠤᠳᠠᠭᠠᠨ ᠵᠢᠯ ᠳᠡᠭᠡᠭᠰᠢ ᠰᠤᠷᠪᠤᠯᠵᠢᠯᠠᠭᠠ ᠬᠢᠭᠰᠡᠨ ᠬᠥᠮᠦᠰ ᠰᠤᠷᠪᠤᠯᠵᠢᠯᠠᠭᠠ ᠵᠠᠭᠠᠯᠳᠤᠯᠭᠠ ᠪᠠᠨ ᠲᠠᠶᠠᠭᠳᠠᠭᠰᠠᠨ ᠪᠠᠶᠢᠨᠠ ᠃
《ᠲᠥᠪ ᠴᠢᠭᠡᠴᠢ ᠶᠠᠪᠤᠵᠤ ᠭᠠᠵᠢᠭᠤ ᠪᠤᠷᠤᠭᠤ ᠠᠴᠠ ᠰᠡᠷᠭᠡᠶᠢᠯᠡᠨᠡ》
ᠮᠠ ᠳ᠋ᠢᠶᠠᠨ ᠹᠧᠩ ᠬᠡᠷᠡᠭ ᠰᠢᠳᠬᠡᠬᠦ ᠶᠠᠪᠤᠴᠠ ᠳᠤ ᠰᠠᠳᠤᠨ ᠲᠦᠷᠦᠯ ᠨᠠᠶᠢᠵᠠ ᠨᠥᠬᠦᠳ ᠨᠢ ᠦᠷᠭᠦᠯᠵᠢ ᠤᠳᠠᠰᠤ ᠢᠷᠡᠵᠤ ᠪᠠᠶᠢᠳᠠᠯ ᠢ ᠤᠶᠢᠯᠭᠠᠬᠤ ᠬᠦᠰᠡᠳᠡᠭ ᠴᠦ ᠲᠡᠷᠡ ᠨᠢᠭᠡᠨ ᠳᠤᠮᠳᠠᠳᠤ ᠤᠯᠤᠰ ᠡᠪ ᠬᠠᠮᠲᠤ ᠨᠠᠮ ᠭᠡᠰᠢᠭᠦᠨ ᠪᠠᠷᠢᠮᠵᠢᠶᠠ ᠪᠠᠷ ᠴᠠᠭ ᠢᠮᠠᠭᠲᠠ ᠪᠡᠶᠡ ᠪᠡᠨ ᠱᠠᠭᠠᠷᠳᠠᠵᠤ ᠂ ᠤᠳᠠᠭᠠ ᠪᠤᠯᠭᠠᠨ《 ᠬᠦᠮᠦᠨ ᠨᠠᠶᠢᠷ ᠵᠢᠷᠤᠮ ᠪᠤᠭᠤᠮᠲᠠ》 ᠳᠠᠪᠠᠳᠠᠭ ᠃ 《ᠲᠡᠷᠢᠭᠦᠨ ᠠᠵᠢᠯ ᠢ ᠬᠢᠵᠦ ᠂ ᠥᠪᠡᠷ ᠢ ᠪᠡᠨ ᠲᠡᠭᠦᠯᠲᠡᠷᠵᠢᠭᠦᠯᠦᠨᠡ》
ᠮᠠ ᠳ᠋ᠢᠶᠠᠨ ᠹᠧᠩ ᠥᠪᠡᠷ ᠪᠡᠶᠡ ᠪᠡᠨ ᠴᠢᠩᠭᠠ ᠱᠠᠭᠠᠷᠳᠠᠵᠤ ᠂ ᠵᠠᠷᠢᠮ ᠳᠤ ᠪᠠᠨ ᠡᠮ ᠶᠡᠭᠦᠯᠡᠵᠤ ᠪᠠᠶᠢᠭᠠᠳ ᠳᠦ ᠴᠦ ᠭᠡᠰᠡᠨ ᠪᠠᠶᠢᠭᠤᠯᠭᠠ ᠳᠤ ᠢᠷᠡᠵᠤ ᠠᠵᠢᠯ ᠳᠤ ᠪᠠᠨ ᠭᠠᠷᠳᠠᠭ ᠂ ᠲᠡᠷᠡ ᠤᠳᠠᠭᠠᠨ ᠵᠢᠯ ᠵᠢᠷᠦᠭᠡᠨ ᠡᠪᠡᠳᠴᠢᠨ ᠲᠠᠢ ᠪᠠᠶᠢᠵᠤ ᠂ ᠡᠪᠡᠳᠴᠢᠨ ᠨᠢ ᠬᠦᠳᠡᠯᠪᠡᠯ ᠪᠡᠶᠡ ᠨᠢ ᠶᠡᠬᠡ ᠵᠣᠪᠠᠵᠤ᠂ ᠬᠠᠮᠲᠤ ᠠᠵᠢᠯᠲᠠᠳ ᠨᠢ ᠡᠮᠨᠡᠯᠭᠡ ᠳᠦ ᠶᠠᠪᠤᠬᠤ ᠰᠠᠨᠠᠭᠤᠯᠤᠭᠰᠠᠨ ᠴᠦ ᠲᠡᠷᠡ ᠬᠠᠶᠢᠬᠤᠷᠤᠯ ᠦᠭᠡᠢ ᠵᠦᠪᠬᠡᠨ ᠪᠠᠶᠢᠭᠤᠯᠭᠠ ᠡᠰᠡᠷᠭᠦ ᠲᠠᠯᠠ ᠡᠭᠦᠳᠡᠨ ᠡᠮᠨᠡᠯᠭᠡ ᠡᠴᠡ ᠪᠠᠭᠠ ᠰᠠᠭᠠ ᠡᠮ ᠠᠪᠤᠭᠠᠳ ᠦᠷᠭᠦᠯᠵᠢᠯᠡᠨ ᠠᠵᠢᠯᠯᠠᠳᠠᠭ ᠃
ᠮᠠ ᠳ᠋ᠢᠶᠠᠨ ᠹᠧᠩ ᠪᠤᠯ ᠨᠢᠭᠡᠨ ᠪᠦᠬᠦ ᠰᠡᠳᠬᠢᠯ ᠪᠦᠬᠦ ᠵᠤᠷᠢᠭ ᠠᠵᠢᠯ ᠳᠤ ᠪᠠᠨ ᠰᠢᠮᠳᠠᠳᠠᠭ ᠂ ᠤᠯᠠᠨ ᠲᠦᠮᠡᠨ ᠰᠡᠳᠬᠢᠯ ᠢ ᠤᠯᠤᠭᠰᠠᠨ ᠰᠢᠯᠢᠳᠡᠭ ᠪᠠᠶᠢᠴᠠᠭᠠᠬᠤ ᠳᠤᠰᠢᠶᠠᠯᠲᠠᠨ ᠮᠦᠨ ᠃
