ᠵᠢᠶᠠᠩ ᠢᠦᠢ ᠶᠧ ᠄ ᠦᠬᠠᠢ ᠬᠤᠲᠠ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ
2016-06-02 15:34:35
ᠤᠳᠤᠷᠢᠳᠤᠯᠭᠠ ᠨᠢᠳᠦᠨ ᠳᠦ ᠲᠡᠷᠡ ᠪᠤᠯ ᠨᠢᠭᠡᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠬᠦᠢᠴᠡᠳᠬᠡᠵᠦ ᠂ ᠶᠠᠳᠠᠷᠠᠵᠦ ᠵᠦᠳᠡᠷᠡᠬᠦ ᠡᠴᠡ ᠬᠠᠯᠠᠰᠢᠷᠠᠬᠤ ᠦᠭᠡᠢ ᠰᠠᠶᠢᠨ ᠨᠥᠬᠦᠷ ︔ ᠬᠠᠮᠲᠦ ᠠᠵᠢᠯᠲᠠᠨ ᠨᠢᠳᠦᠨ ᠳᠦ ᠲᠡᠷᠡ ᠪᠤᠯ ᠪᠤᠰᠤᠳ ᠲᠤ ᠲᠥᠪ ᠭᠤᠤᠯᠴᠢ ᠂ ᠲᠤᠳᠤᠨᠤᠰᠤᠭ ᠬᠥᠨᠳᠦᠳᠬᠡᠯ ᠲᠠᠢ ᠡᠭᠡᠴᠢ ︔ ᠤᠯᠠᠨ ᠲᠦᠮᠡᠨ ᠨᠢᠳᠦᠨ ᠳᠦ ᠲᠡᠷᠡ ᠪᠤᠯ ᠨᠢᠭᠡᠨ ᠬᠠᠤᠯᠢ ᠴᠠᠭᠠᠵᠠ ᠭᠤᠤᠯᠴᠢ ᠪᠠᠷ ᠬᠡᠷᠡᠭᠵᠢᠭᠦᠯᠳᠡᠭ ᠂ ᠠᠷᠢᠭᠤᠨ ᠴᠢᠭᠡᠴᠢ ᠰᠠᠶᠢᠨ ᠪᠠᠶᠢᠴᠠᠭᠠᠬᠤ ᠲᠤᠰᠢᠶᠠᠯᠲᠠᠨ ᠃ ᠲᠡᠷᠡ ᠪᠤᠯ ᠦᠬᠠᠢ ᠬᠤᠲᠠ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠭᠤᠮᠤᠳᠠᠯ ᠵᠠᠭᠠᠯᠳᠤᠯᠭᠠ ᠪᠠᠶᠢᠴᠠᠭᠠᠬᠤ ᠭᠠᠵᠠᠷ ᠭᠠᠵᠠᠷ ᠳᠠᠷᠤᠭᠠ ᠵᠢᠶᠠᠩ ᠢᠦᠢ ᠶᠧ ᠃
ᠲᠠᠪᠤᠨ ᠵᠢᠯ ᠲᠤᠷᠰᠢ ᠂ ᠲᠡᠭᠦᠨ ᠳᠠᠭᠠᠭᠠᠨ ᠰᠢᠳᠬᠡᠭᠰᠡᠨ ᠡᠷᠡᠭᠦᠦ ᠬᠡᠷᠡᠭ ᠭᠤᠮᠤᠳᠠᠯ ᠵᠠᠭᠠᠯᠳᠤᠯᠭᠠ ᠂ ᠤᠯᠤᠰ ᠲᠦᠯᠦᠪᠦᠷᠢ ᠂ ᠬᠤᠤᠷᠯᠠᠭᠳᠠᠭᠴᠢ ᠠᠪᠣᠷᠠᠨ ᠲᠤᠰᠠᠯᠠᠭᠤᠯᠬᠤ ᠭᠤᠶᠤᠴᠢᠯᠠᠯ ᠬᠡᠷᠡᠭ 19 ᠬᠡᠷᠡᠭ ᠂ ᠰᠤᠷᠪᠤᠯᠵᠢᠯᠠᠯ ᠬᠢᠵᠦ ᠪᠠᠶᠢᠭᠠ ᠤᠯᠠᠨ ᠲᠦᠮᠡᠨ ᠢ 1200 ᠬᠦᠮᠦᠨ ᠤᠳᠠᠭᠠ ᠬᠦᠯᠢᠶᠡᠨ ᠠᠪᠴᠦ ᠠᠭᠤᠯᠵᠠᠵᠠᠢ ᠃
ᠵᠠᠷᠢᠮ ᠦᠶᠡ ᠳᠦ ᠬᠦᠯᠢᠶᠡᠨ ᠠᠪᠬᠤ ᠠᠵᠢᠯ ᠨᠢ ᠦᠵᠡᠬᠦ ᠳᠦ ᠠᠮᠠᠷᠬᠠᠨ ᠴᠦ ᠂ ᠰᠤᠷᠪᠤᠯᠵᠢᠯᠠᠬᠤ ᠪᠠᠷ ᠢᠷᠡᠵᠦ ᠪᠠᠶᠢᠭᠠ ᠤᠯᠠᠨ ᠲᠦᠮᠡᠨ ᠳᠦ ᠬᠠᠨᠤᠮᠵᠢᠲᠠᠢ ᠬᠠᠷᠢᠭᠤᠯᠲᠠ ᠥᠭᠭᠦᠨᠡ ᠭᠡᠳᠡᠭ ᠪᠠᠰᠠ ᠬᠢᠯᠪᠠᠷ ᠪᠢᠰᠢ ᠃ ᠡᠷᠡᠭᠦᠦ ᠬᠡᠷᠡᠭ ᠬᠤᠤᠷᠯᠠᠭᠳᠠᠭᠴᠢ ᠸᠠᠩ ᠤᠪᠤᠭᠲᠤ ᠨᠢᠭᠡᠨᠲᠡ ᠦᠬᠦᠵᠦ ᠂ ᠲᠡᠭᠦᠨ ᠡᠵᠢ ᠵᠤᠤ ᠤᠪᠤᠭᠲᠤ ᠤᠤᠯ ᠬᠡᠷᠡᠭ ᠰᠢᠭᠦᠨ ᠲᠠᠰᠤᠯᠤᠯᠲᠠ ᠥᠯᠥ ᠬᠦᠯᠢᠶᠡᠵᠦ ᠂ ᠤᠯᠠᠨ ᠵᠢᠯ ᠲᠤᠷᠰᠢ ᠳᠤᠲᠤᠭᠠᠳᠦ ᠬᠠᠮᠠᠭᠠᠯᠠᠬᠤ ᠪᠠᠶᠢᠭᠤᠯᠭᠠ ᠳᠤ ᠳᠠᠬᠢᠨ ᠳᠠᠪᠲᠠᠨ ᠳᠡᠭᠡᠭᠰᠢ ᠰᠤᠷᠪᠤᠯᠵᠢᠯᠠᠯ ᠬᠢᠬᠦ ᠂ ᠵᠠᠭᠠᠯᠳᠤᠬᠤ ᠪᠠᠨ ᠪᠤᠯᠢᠬᠤ ᠂ ᠳᠠᠬᠢᠨ ᠳᠡᠭᠡᠭᠰᠢ ᠰᠤᠷᠪᠤᠯᠵᠢᠯᠠᠯ ᠬᠢᠬᠦ ᠂ ᠳᠠᠬᠢᠨ ᠵᠠᠭᠠᠯᠳᠤᠬᠤ ᠪᠠᠨ ᠪᠤᠯᠢᠬᠤ ᠪᠠᠶᠢᠳᠠᠯ ᠲᠠᠢ ᠃ 2011 ᠣᠨ ᠳᠤ ᠂ ᠵᠤᠤ ᠤᠪᠤᠭᠲᠤ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠᠨ ᠳᠤ ᠢᠷᠡᠵᠦ ᠳᠡᠭᠡᠭᠰᠢ ᠰᠤᠷᠪᠤᠯᠵᠢᠯᠠᠭᠠ ᠬᠢᠵᠦ ᠂ ᠬᠡᠯᠡᠬᠦ ᠳᠤᠮᠳᠠ ᠪᠠᠨ ᠠᠭᠤᠷᠯᠠᠵᠤ ᠪᠠᠴᠢᠮᠳᠠᠭᠠᠳ ᠪᠠᠶᠢᠴᠠᠭᠠᠬᠤ ᠠᠵᠢᠯᠲᠡᠨ ᠢᠳᠬᠠᠯᠭᠠ ᠰᠣᠨᠣᠰᠬᠤ ᠦᠭᠡᠢ ᠃ ᠵᠢᠶᠠᠩ ᠢᠦᠢ ᠶᠧ ᠲᠡᠭᠦᠨ ᠳᠤᠷᠠᠳᠴᠦ ᠭᠠᠷᠭᠠᠭᠰᠠᠨ ᠭᠤᠮᠤᠳᠠᠯ ᠵᠠᠭᠠᠯᠳᠤᠯᠭᠠ ᠭᠤᠶᠤᠴᠢᠯᠠᠭᠠ ᠪᠠ ᠰᠢᠯᠲᠠᠭᠠᠨ ᠳᠤ ᠬᠠᠨᠳᠤᠭᠤᠯᠤᠨ ᠂ ᠴᠠᠭ ᠲᠤᠬᠠᠢ ᠳᠤ ᠨᠢ ᠬᠦᠨᠵᠡᠭᠡᠢ ᠤᠶᠢᠯᠠᠭᠠᠯᠲᠠ ᠪᠠ ᠬᠦᠯᠢᠴᠡᠩᠭᠦᠢ ᠲᠠᠶᠢᠯᠪᠤᠷᠢᠯᠠᠯᠲᠠ ᠬᠢᠵᠦ ᠂ ᠵᠠᠭᠠᠯᠳᠤᠯᠭᠠ ᠪᠠ ᠰᠤᠷᠪᠤᠯᠵᠢᠯᠠᠭᠠ ᠢᠯᠭᠠᠭᠠ ᠲᠠᠶᠢᠯᠪᠤᠷᠢᠯᠠᠵᠤ ᠂ ᠬᠡᠷᠪᠡ ᠤᠤᠯ ᠰᠢᠭᠦᠯᠲᠡ ᠬᠦᠯᠢᠶᠡᠨ ᠠᠪᠬᠤ ᠦᠭᠡᠢ ᠪᠤᠯ ᠡᠷᠡᠭᠦᠦ ᠬᠡᠷᠡᠭ ᠭᠤᠮᠤᠳᠠᠯ ᠵᠠᠭᠠᠯᠳᠤᠯᠭᠠ ᠪᠠᠷ ᠳᠠᠮᠵᠢᠨ ᠰᠢᠢᠳᠪᠦᠷᠢᠯᠡᠵᠦ ᠪᠤᠯᠤᠨᠠ ᠭᠡᠵᠦ ᠬᠡᠯᠡᠵᠦ ᠥᠭᠪᠡ ᠃ ᠵᠢᠶᠠᠩ ᠢᠦᠢ ᠶᠧ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠣᠪᠣᠷ ᠪᠠ ᠬᠠᠯᠠᠭᠤᠮᠰᠤᠭ ᠦᠭᠡ ᠶᠠᠷᠢᠶᠠ ᠨᠢ ᠵᠤᠤ ᠤᠪᠤᠭᠲᠤ ᠰᠡᠳᠬᠢᠯ ᠢ ᠬᠦᠳᠡᠯᠭᠡᠵᠦ ᠂ ᠵᠤᠤ ᠤᠪᠤᠭᠲᠤ ᠡᠴᠦᠰ ᠲᠦ ᠪᠡᠨ ᠬᠠᠤᠯᠢ ᠶᠤᠰᠤ ᠪᠠᠷ ᠪᠠᠶᠢᠴᠠᠭᠠᠬᠤ ᠪᠠᠶᠢᠭᠤᠯᠭᠠ ᠳᠤ ᠭᠤᠮᠤᠳᠠᠯ ᠵᠠᠭᠠᠯᠳᠤᠯᠭᠠ ᠭᠠᠷᠭᠠᠵᠤ ᠂ ᠡᠨᠡ ᠬᠡᠷᠡᠭ ᠢ ᠬᠠᠤᠯᠢ ᠴᠠᠭᠠᠵᠠ ᠵᠢᠷᠤᠮ ᠳᠤ ᠤᠷᠤᠭᠤᠯᠪᠠ ᠃
ᠵᠢᠶᠠᠩ ᠢᠦᠢ ᠶᠧ ᠬᠤᠷᠢᠨ ᠨᠢᠭᠡᠨ ᠵᠢᠯ ᠪᠠᠶᠢᠴᠠᠭᠠᠬᠤ ᠠᠵᠢᠯ ᠳᠤᠮᠳᠠ ᠂ ᠬᠠᠷᠢᠴᠠᠭᠠᠨ ᠬᠡᠷᠡᠭ ᠂ ᠵᠤᠭᠤᠰ ᠮᠥᠩᠭᠦᠨ ᠬᠡᠷᠡᠭ ᠢ ᠨᠢᠭᠡ ᠤᠳᠠᠭᠠ ᠴᠦ ᠰᠢᠢᠳᠪᠦᠷᠢᠯᠡᠵᠦ ᠥᠩᠭᠡᠷᠡᠭᠰᠡᠨ ᠦᠭᠡᠢ ᠂ ᠨᠢᠭᠡᠨ ᠪᠠᠶᠢᠴᠠᠭᠠᠬᠤ ᠳᠤᠰᠢᠶᠠᠯᠲᠠᠨ ᠨᠠᠮ ᠳᠤ ᠦᠨᠡᠨᠴᠢ ᠂ ᠠᠷᠠᠳ ᠲᠦᠮᠡᠨ ᠳᠦ ᠦᠨᠡᠨᠴᠢ ᠂ ᠬᠠᠤᠯᠢ ᠴᠠᠭᠠᠵᠠ ᠳᠤ ᠦᠨᠡᠨᠴᠢ ᠠᠮᠠᠯᠠᠯᠲᠠ ᠪᠤᠳᠠᠲᠠᠢ ᠦᠢᠯᠡ ᠠᠵᠢᠯᠯᠠᠭᠠ ᠪᠡᠷ ᠪᠡᠶᠡᠯᠡᠭᠦᠯᠵᠠᠢ ᠃ ᠲᠡᠭᠦᠨ ᠪᠠᠶᠢᠬᠤ ᠭᠤᠮᠤᠳᠠᠯ ᠵᠠᠭᠠᠯᠳᠤᠯᠭᠠ ᠭᠠᠵᠠᠷ ᠪᠦᠬᠦ ᠤᠯᠤᠰ ᠪᠤᠯᠪᠠᠰᠤᠨ ᠬᠦᠯᠢᠶᠡᠨ ᠠᠭᠤᠯᠵᠠᠬᠤ ᠲᠠᠰᠤᠭ ᠢᠷᠡᠭᠤ ᠠᠯᠳᠠᠷ ᠢ ᠭᠤᠷᠪᠠᠨ ᠵᠢᠯ ᠳᠠᠷᠠᠭᠠᠯᠠᠨ ᠬᠦᠷᠲᠡᠵᠦ ᠂ ᠲᠡᠷᠢᠭᠦᠨ ᠬᠠᠮᠲᠤ ᠨᠢᠭᠡᠴᠢ ᠪᠡᠷ ᠤᠯᠠᠨ ᠤᠳᠠᠭᠠ ᠦᠨᠡᠯᠡᠭᠳᠡᠵᠡᠢ ᠃ ᠮᠦᠨᠴᠦ ᠲᠡᠭᠦᠨ ᠬᠤᠪᠢ ᠪᠡᠶᠡ 《 ᠰᠢᠯᠢᠳᠡᠭ ᠡᠪ ᠬᠠᠮᠲᠤ ᠨᠠᠮ ᠭᠡᠰᠢᠭᠦᠨ》 ᠂ 《 ᠰᠢᠯᠢᠳᠡᠭ ᠨᠠᠮ ᠠᠵᠢᠯ ᠠᠵᠢᠯᠲᠠᠨ》 ᠪᠠ 《 ᠲᠡᠷᠢᠭᠦᠨ ᠠᠵᠢᠯᠲᠠᠨ》 ᠤᠯᠠᠨ ᠤᠳᠠᠭᠠ ᠬᠥᠬᠢᠭᠦᠯᠦᠭᠳᠡᠪᠡ ᠃