ᠬᠣᠭᠤᠯᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠲᠠᠨᠢᠯᠴᠠᠭᠰᠠᠨ ᠭᠠᠩᠭᠠᠩ ᠨᠠᠢᠢᠵᠠ ᠳᠤ100 ᠭᠠᠷᠤᠢ ᠲᠦᠮᠡᠨ ᠲᠦᠭᠦᠷᠢᠭ ᠮᠡᠬᠡᠯᠡᠭᠳᠡᠭᠰᠡᠨ ᠨᠢ
ᠦᠥᠰᠢᠨ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠪᠠᠢᠢᠴᠠᠭᠠᠬᠤ ᠬᠤᠷᠢᠶᠠ ᠨᠢᠭᠡᠨ ᠬᠢᠬᠠᠨ ᠮᠡᠬᠡᠯᠡᠯ ᠦᠨ ᠬᠡᠷᠡᠭ ᠲᠦ ᠠᠯᠪᠠᠨ ᠵᠠᠭᠠᠯᠳᠤᠯᠭᠠ ᠭᠠᠷᠭᠠᠵᠤ᠂ ᠨᠢᠭᠡᠳᠦᠭᠡᠷ ᠰᠢᠭᠦᠯᠲᠡ ᠵᠢᠨ ᠰᠢᠭᠦᠭᠦ ᠬᠤᠷᠢᠶᠠ ᠵᠠᠭᠠᠯᠳᠤᠭᠳᠠᠭᠴᠢ ᠰᠢᠶᠣᠣ ᠮᠧᠢ ᠶᠢ10 ᠵᠢᠯ ᠦᠨ ᠭᠠᠳᠠᠨᠠ 6 ᠰᠠᠷᠠ ᠬᠤᠭᠤᠴᠠᠭᠠ ᠲᠠᠢ ᠬᠤᠷᠢᠬᠤ ᠵᠢᠨ ᠬᠠᠮᠲᠤ 8 ᠲᠦᠮᠡᠨ ᠲᠦᠭᠦᠷᠢᠭ ᠵᠤᠭᠤᠰ ᠢᠶᠠᠷ ᠶᠠᠯᠠᠳᠠᠬᠤ ᠪᠠᠷ ᠰᠢᠭᠦᠨ ᠲᠠᠰᠤᠯᠵᠠᠢ᠃ ᠬᠤᠶᠠᠳᠤᠭᠠᠢ ᠰᠢᠭᠦᠯᠲᠠ ᠵᠢᠨ ᠰᠢᠭᠦᠭᠦ ᠬᠤᠷᠢᠶᠠ ᠰᠢᠶᠣᠣ ᠮᠧᠢ ᠵᠢᠨ ᠳᠡᠭᠡᠭᠰᠢ ᠵᠠᠭᠠᠯᠳᠤᠯᠭᠠ ᠶᠢ ᠨᠢᠴᠤᠭᠠᠵᠤ᠂ ᠤᠤᠯ ᠰᠢᠭᠦᠨ ᠲᠠᠰᠤᠯᠤᠯᠲᠠ ᠶᠢ ᠪᠠᠷᠢᠮᠲᠠᠯᠠᠭᠰᠠᠨ ᠪᠠᠢᠢᠨᠠ᠃
2020 ᠣᠨ ᠤ 11 ᠰᠠᠷᠠ ᠳᠤ᠂ ᠰᠢᠶᠣᠣ ᠴᠢᠶᠠᠩ ᠬᠤᠭᠤᠯᠠᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠰᠢᠶᠣᠣ ᠮᠧᠢ ᠲᠠᠢ ᠲᠠᠨᠢᠯᠴᠠᠭᠠᠳ ᠬᠠᠷᠢᠯᠴᠠᠨ ᠸᠢᠴᠠᠲ ᠳ᠋ᠤᠭᠠᠷ ᠢᠶᠠᠨ ᠦᠯᠡᠳᠡᠭᠡᠵᠦ᠂ ᠰᠡᠭᠦᠯᠡᠷ ᠨᠢ ᠪᠠᠶᠢᠩᠭᠤ ᠬᠠᠷᠢᠯᠴᠠᠳᠠᠭ ᠪᠣᠯᠵᠠᠢ᠃ ᠰᠢᠶᠣᠣ ᠮᠧᠢ ᠰᠢᠶᠤᠤ ᠴᠢᠶᠠᠩ ᠳᠤ ᠦᠪᠡᠷ ᠢ ᠪᠠᠨ ᠨᠢᠭᠡᠨ ᠲᠣᠮᠣ ᠺᠤᠮᠫᠠᠨᠢ ᠶᠢᠨ ᠡᠳ᠋ ᠤᠨ ᠶᠠᠪᠣᠳᠠᠯ ᠤᠨ ᠨᠠᠷᠢᠨ ᠪᠣᠳᠣᠭᠴᠢ ᠪᠠᠷ ᠠᠵᠢᠯᠯᠡᠵᠤ ᠪᠠᠶᠢᠳᠠᠭ ᠭᠡᠵᠦ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠪᠦᠭᠡᠳ ᠡᠴᠢᠭᠡ ᠡᠬᠡ ᠨᠢ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠨᠢᠭᠡᠨ ᠪᠠᠶᠢᠭᠤᠯᠭᠠ ᠶᠢᠨ ᠤᠳᠤᠷᠢᠳᠣᠯᠭᠠ ᠪᠠᠶᠢᠵᠣ᠂ ᠡᠷᠬᠡ ᠵᠡᠷᠭᠡ ᠪᠠᠷ ᠥᠨᠳᠦᠷ ᠮᠦᠷᠲᠡᠭᠡᠨ ᠡᠳ᠋ ᠭᠦᠷᠦᠩᠭᠡ ᠶᠡᠬᠡᠲᠡᠢ ᠭᠡᠰᠡᠨ ᠡᠴᠡ᠂ ᠰᠢᠶᠣᠣ ᠴᠢᠶᠠᠩ ᠰᠢᠶᠣᠣ ᠮᠧᠢ ᠶᠢᠨ ᠪᠡᠶᠠ ᠶᠢᠨ ᠭᠠᠷᠤᠯ ᠢ ᠨᠢ ᠪᠠᠲᠤ ᠢᠳᠡᠭᠡᠪᠠ᠃
ᠲᠡᠳᠡ ᠬᠤᠶᠠᠭᠤᠯᠠ ᠶᠢᠨ ᠶᠠᠪᠣᠯᠴᠠᠭᠠ ᠲᠠᠰᠣᠷᠠᠯᠲᠠ ᠦᠭᠡᠢ ᠭᠦᠨᠵᠡᠭᠡᠶᠢᠷᠡᠬᠦ ᠶᠢ ᠳᠠᠭᠠᠯᠳᠣᠨ᠂ ᠰᠢᠶᠣᠣ ᠮᠧᠢ ᠪᠣᠯᠣᠨ ᠰᠢᠶᠣᠣ ᠴᠢᠶᠠᠩ ᠬᠤᠶᠠᠭᠤᠯᠠ ᠮᠠᠰᠢ ᠰᠠᠶᠢᠨ ︽ᠣᠢᠢᠯᠠᠭᠠᠯᠴᠠᠪᠠ︾᠃ ᠨᠢᠭᠡᠨ ᠡᠳᠦᠷ ᠰᠢᠶᠤᠤ ᠮᠧᠢ ᠰᠢᠶᠤᠤ ᠴᠢᠶᠠᠩ ᠳᠤ ᠲᠡᠭᠦᠨ ᠤ ᠡᠴᠢᠭᠡ ᠡᠬᠡ ᠨᠢ ᠲᠦᠪ ᠤᠨ ᠰᠠᠬᠢᠯᠭᠠ ᠪᠠᠲᠤ ᠪᠠᠶᠢᠴᠠᠭᠠᠬᠤ ᠵᠦᠪᠯᠡᠯ ᠳᠤ ᠪᠠᠶᠢᠴᠠᠭᠠᠭᠳᠠᠵᠤ᠂ ᠪᠦᠬᠦ ᠭᠡᠷ ᠤᠨ ᠬᠦᠮᠦᠰ ᠤᠨ ᠪᠠᠩᠭᠢ ᠶᠢᠨ ᠺᠠᠷᠲ ᠢ ᠨᠢ ᠴᠦᠮ ᠴᠡᠪᠳᠡᠭᠯᠡᠭᠦᠯᠦᠭᠰᠡᠨ ᠪᠠᠶᠢᠨᠠ ᠭᠡᠵᠦ᠂ ᠰᠢᠶᠣᠣ ᠴᠢᠶᠠᠩ ᠢᠶᠠᠷ ᠬᠠᠪᠰᠣᠷᠣᠭᠤᠯᠣᠨ ᠬᠦᠴᠢᠷ ᠢ ᠲᠤᠭᠤᠯᠤᠭᠤᠯᠬᠤ ᠪᠠᠷ ᠭᠤᠶᠤᠴᠢᠯᠠᠪᠠ᠃ ᠰᠢᠶᠣᠣ ᠴᠢᠶᠠᠩ ᠤᠨ ᠡᠷᠡᠭᠡᠯᠵᠡᠭᠡ ᠶᠢ ᠠᠯᠳᠠᠷᠠᠭᠠᠬᠤ ᠶᠢᠨ ᠲᠦᠯᠦᠭᠡ᠂ ᠰᠢᠶᠣᠣ ᠮᠧᠢ ᠰᠢᠶᠣᠣ ᠴᠢᠶᠠᠩ ᠳᠤ ᠲᠡᠭᠦᠨ ᠤ ᠨᠡᠷᠡ ᠳᠣᠣᠷᠠᠬᠢ ᠴᠡᠪᠳᠡᠭᠯᠡᠭᠰᠡᠨ ᠪᠠᠩᠭᠢ ᠶᠢᠨ ᠺᠠᠷᠲ ᠲᠤ ᠨᠢ 3000 ᠭᠠᠷᠤᠢ ᠲᠦᠮᠡᠨ ᠲᠦᠭᠦᠷᠢᠭ ᠪᠠᠶᠢᠵᠤ᠂ ᠪᠡᠭᠡᠵᠢᠩ ᠬᠤᠲᠠ ᠳᠤ ᠨᠢᠭᠡ ᠪᠠᠶᠢᠰᠢᠩ᠂ ᠦᠦᠰᠢᠨ ᠬᠤᠰᠢᠭᠤᠨ ᠳᠤ ᠬᠤᠶᠠᠷ ᠰᠠᠭᠤᠴᠠ ᠲᠠᠢ᠂ ᠨᠢᠭᠡ ᠨᠢ ᠵᠤᠰᠠᠯᠠᠩᠲᠤ ᠰᠠᠭᠤᠴᠠ ᠪᠣᠯᠣᠨᠠ᠂ ᠡᠴᠢᠭᠡ ᠨᠢ ᠪᠠᠰᠠ ᠬᠦᠬᠡᠬᠤᠲᠠ ᠳᠤ ᠨᠢᠭᠡ ᠪᠠᠭᠤᠳᠠᠯ ᠡᠵᠡᠩᠨᠡᠵᠤ ᠪᠠᠶᠢᠨᠠ ᠭᠡᠵᠦ ᠬᠤᠳᠠᠯ ᠬᠡᠯᠡᠪᠡ᠃
ᠰᠢᠶᠣᠣ ᠴᠢᠶᠠᠩ ᠤᠤᠯ ᠨᠢ ᠰᠢᠶᠣᠣ ᠮᠧᠢ ᠶᠢᠨ ᠶᠠᠷᠢᠳᠠᠭ ᠵᠤᠰᠠᠯᠠᠩᠲᠤ ᠰᠠᠭᠤᠴᠠ ᠳᠤ ᠣᠴᠢᠵᠤ ᠦᠩᠭᠡᠷᠡᠭᠰᠡᠨ ᠮᠦᠷᠲᠡᠭᠡᠨ ᠶᠠᠪᠤᠯᠴᠠᠭᠠᠨ ᠤ ᠳᠤᠮᠳᠠ ᠰᠢᠶᠣᠣ ᠮᠧᠢ ᠦᠪᠡᠷ ᠤᠨ ᠢᠶᠠᠨ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠰᠡᠭᠦᠳᠡᠷ ᠢᠶᠠᠨ ᠶᠠᠪᠤᠭᠤᠯᠵᠤ ᠦᠩᠭᠡᠷᠡᠭᠰᠡᠨ ᠲᠤᠯᠠ ᠰᠢᠶᠣᠣ ᠮᠧᠢ ᠶᠢᠨ ᠬᠡᠯᠡᠭᠰᠡᠨ ᠢ ᠢᠳᠡᠭᠡᠪᠠ᠃ ᠶᠠᠷᠦ ᠨᠢ ᠰᠢᠶᠣᠣ ᠴᠢᠶᠠᠩ ᠪᠠᠰᠠ ᠰᠢᠶᠣᠣ ᠮᠧᠢ ᠲᠠᠢ ᠨᠢᠭᠲᠠ ᠬᠠᠷᠢᠴᠠᠭᠠ ᠪᠠᠶᠢᠭᠤᠯᠵᠤ᠂ ᠲᠡᠭᠦᠨ ᠤ ᠡᠴᠢᠭᠡ ᠡᠬᠡ ᠪᠠᠷ ᠳᠠᠮᠵᠢᠨ ᠳᠤᠮᠳᠠᠳᠣ ᠣᠯᠣᠰ ᠤᠨ ᠴᠢᠯᠠᠭᠤᠨ ᠲᠣᠰᠣᠨ ᠺᠤᠮᠫᠠᠨᠢ ᠶᠢᠨ ᠰᠦᠯᠵᠢᠶᠡᠨ ᠤ ᠦᠨᠡᠮᠯᠡᠯ ᠢ ᠭᠠᠷᠳᠡᠨ ᠠᠪᠬᠤ ᠰᠠᠨᠠᠭᠠ ᠲᠠᠢ ᠪᠠᠶᠢᠭᠰᠠᠨ ᠠᠴᠠ ᠰᠢᠶᠣᠣ ᠮᠧᠢ ᠶᠢ ᠬᠠᠪᠰᠤᠷᠤᠨ ᠬᠦᠴᠢᠷᠳᠡᠯ ᠢ ᠨᠢ ᠲᠤᠭᠤᠯᠤᠭᠤᠯᠬᠤ ᠶᠢᠨ ᠲᠦᠯᠦᠭᠡ᠂ ᠣᠷᠢᠳ ᠬᠤᠵᠢᠳ ᠲᠡᠭᠦᠨ ᠳᠤ 100 ᠭᠠᠷᠤᠢ ᠲᠦᠮᠡᠨ ᠲᠦᠭᠦᠷᠢᠭ ᠥᠭᠴᠡᠢ᠃ ᠡᠨᠡ ᠬᠦ ᠬᠤᠭᠤᠴᠠᠭᠠᠨ ᠳᠤ᠂ ᠰᠢᠶᠣᠣ ᠴᠢᠶᠠᠩ ᠤᠨ ᠢᠲᠡᠭᠡᠯ ᠢ ᠣᠯᠬᠤ ᠶᠢᠨ ᠲᠦᠯᠦᠭᠡ᠂ ᠰᠢᠶᠣᠣ ᠮᠧᠢ ︽ᠡᠬᠡ︾ ᠶᠢᠨ ᠢᠶᠠᠨ ᠨᠡᠷᠡ ᠪᠠᠷ ᠰᠢᠶᠣᠣ ᠴᠢᠶᠠᠩ ᠳᠤ ᠬᠡᠤᠬᠡᠨ ᠢ ᠨᠢ ᠰᠠᠶᠢᠬᠠᠨ ᠬᠠᠷᠠᠭᠠᠯᠵᠠᠬᠤ ᠶᠢ ᠬᠦᠰᠡᠭᠰᠡᠨ ᠪᠠ ᠤᠴᠢᠷ ᠶᠠᠪᠤᠳᠠᠯ ᠢᠶᠠᠨ ᠰᠢᠢᠳᠪᠦᠷᠢᠯᠡᠵᠦ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠯᠠᠪᠲᠠᠢ ᠭᠦᠨᠳᠦ ᠪᠠᠷ ᠲᠠᠯᠠᠷᠬᠠᠨᠠ ᠭᠡᠬᠦ ᠮᠡᠲᠦ ᠶᠢᠨ ᠠᠭᠤᠯᠠᠭᠠ ᠲᠠᠢ ᠣᠬᠤᠷ ᠮᠡᠳᠡᠭᠡ ᠶᠠᠪᠤᠭᠤᠯᠪᠠ᠃ ᠰᠢᠶᠣᠣ ᠮᠧᠢ ᠪᠠᠰᠠ ᠮᠡᠬᠡᠯᠡᠵᠤ ᠣᠯᠣᠭᠰᠠᠨ ᠵᠣᠭᠤᠰ ᠢᠶᠠᠷ ᠢᠶᠠᠨ ᠰᠢᠶᠣᠣ ᠴᠢᠶᠠᠩ ᠳᠤ ᠲᠦᠮᠨ ᠭᠠᠷᠣᠢ ᠲᠦᠭᠦᠷᠢᠭ ᠤᠨ ᠭᠠᠷ ᠣᠲᠠᠰᠣ ᠬᠤᠳᠠᠯᠳᠤᠨ ᠠᠪᠴᠣ ︽ᠡᠬᠡ︾ ᠶᠢᠨ ᠢᠶᠠᠨ ᠨᠡᠷᠡ ᠪᠠᠷ ᠰᠢᠶᠣᠣ ᠴᠢᠶᠠᠩ ᠳᠤ ᠭᠦᠷᠭᠡᠵᠦ ᠲᠠᠯᠠᠷᠬᠠᠯ ᠢᠶᠠᠨ ᠢᠯᠡᠳᠭᠡᠪᠡ᠃
ᠭᠡᠪᠡᠴᠦ᠂ ᠴᠠᠭᠠᠰᠤ ᠪᠠᠷ ᠭᠠᠯ ᠢ ᠪᠠᠭᠯᠠᠵᠤ ᠳᠡᠶᠢᠯᠬᠦ ᠦᠭᠡᠢ᠃ 2021 ᠣᠨ ᠤ 6 ᠰᠠᠷᠠ ᠳᠤ᠂ ᠰᠢᠶᠣᠣ ᠴᠢᠶᠠᠩ ᠰᠢᠶᠣᠣ ᠮᠧᠢ ᠶᠢᠨ ᠲᠡᠭᠦᠨ ᠳᠤ ᠣᠷᠢᠳ ᠬᠤᠵᠢᠳ ᠶᠠᠪᠤᠭᠤᠯᠤᠭᠰᠠᠨ ᠡᠴᠢᠭᠡ ᠡᠬᠡ ᠶᠢᠨ ᠬᠢᠨᠢ ᠰᠡᠭᠦᠳᠡᠷ ᠨᠢ ᠠᠳᠠᠯᠢ ᠪᠣᠰᠤ ᠬᠦᠮᠦᠨ ᠪᠣᠯᠬᠤ ᠶᠢ ᠰᠡᠷᠡᠵᠦ ᠮᠡᠳᠡᠭᠡᠳ ᠪᠣᠰᠣᠳ ᠬᠦᠮᠦᠰ ᠠᠴᠠ ᠰᠤᠷᠠᠭᠯᠠᠭᠰᠠᠨ ᠳᠤ᠂ ᠰᠢᠶᠣᠣ ᠮᠧᠢ ᠶᠢᠨ ᠡᠴᠢᠭᠡ ᠡᠬᠡ ᠨᠢ ᠠᠯᠢ ᠡᠷᠲᠡ ᠨᠠᠰᠤ ᠪᠠᠷᠠᠵᠤ᠂ ᠰᠢᠶᠣᠣ ᠮᠧᠢ ᠴᠤ ᠲᠣᠭᠲᠠᠭᠰᠠᠨ ᠠᠵᠢᠯ ᠦᠭᠡᠢ᠂ ᠲᠡᠭᠦᠨ ᠤ ᠶᠠᠷᠢᠵᠤ ᠪᠠᠶᠢᠭᠰᠠᠨ ᠵᠤᠰᠠᠯᠠᠩᠲᠤ ᠰᠠᠭᠤᠴᠠ ᠨᠢ ᠴᠦ ᠳᠦᠷᠢᠶᠠᠰᠦᠯᠡᠵᠦ ᠰᠠᠭᠤᠵᠦ ᠪᠠᠶᠢᠭᠰᠠᠨ ᠢ ᠮᠡᠳᠡᠪᠡ᠃
ᠲᠡᠭᠡᠭᠡᠳ ᠰᠢᠶᠣᠣ ᠴᠢᠶᠠᠩ ᠮᠡᠬᠡᠯᠡᠭᠳᠡᠭᠰᠡᠨ ᠢᠶᠠᠨ ᠰᠡᠷᠡᠵᠦ ᠮᠡᠳᠡᠭᠡᠳ ᠰᠢᠶᠤᠤ ᠮᠸᠢ ᠠᠴᠠ ᠤᠯᠠᠨ ᠣᠳᠠᠭᠠ ᠵᠣᠭᠤᠰ ᠢᠶᠠᠨ ᠨᠡᠬᠡᠭᠰᠡᠨ ᠪᠣᠯᠪᠠᠴᠤ ᠠᠪᠴᠠᠭᠠ ᠪᠠᠨ ᠡᠭᠡᠭᠦᠯᠵᠦ ᠴᠢᠳᠠᠭᠰᠠᠨ ᠦᠭᠡᠢ᠃ ᠤᠴᠢᠷ ᠨᠢ᠂ ᠡᠨᠡ ᠦᠶᠡ ᠳᠤ ᠰᠢᠶᠣᠣ ᠮᠸᠢ ᠨᠢᠭᠡᠨᠲᠡ ᠲᠡᠳᠡᠭᠡᠷ ᠵᠣᠭᠤᠰ ᠢ ᠡᠯᠳᠡᠪ ᠵᠦᠢᠯ ᠤᠨ ᠦᠨᠡᠲᠦ ᠬᠡᠷᠡᠭᠯᠡᠭᠡᠨ ᠳᠤ ᠵᠠᠷᠤᠴᠠᠭᠤᠯᠤᠭᠠᠳ ᠱᠠᠯᠢᠨ ᠪᠦᠷᠢᠯᠭᠡᠵᠦ ᠳᠠᠭᠤᠰᠤᠭᠰᠠᠨ ᠪᠠᠶᠢᠵᠠᠢ᠃ ᠰᠢᠶᠣᠣ ᠴᠢᠶᠠᠩ ᠠᠷᠭᠠ ᠪᠤᠰᠤ ᠳᠣᠲᠣᠭᠠᠳᠣ ᠶᠢ ᠬᠠᠮᠠᠭᠠᠯᠠᠬᠤ ᠪᠠᠶᠢᠭᠤᠯᠭᠠ ᠳᠤ ᠬᠡᠷᠡᠭ ᠮᠡᠳᠡᠭᠦᠯᠪᠠ᠃ 2022 ᠣᠨ ᠤ 5 ᠰᠠᠷᠠ ᠳᠤ ᠦᠣᠰᠢᠨ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠰᠢᠶᠣᠣ ᠮᠧᠢ ᠶᠢ ᠬᠢᠬᠠᠨ ᠮᠡᠬᠡᠯᠡᠭᠰᠡᠨ ᠶᠠᠯᠠ ᠬᠢᠭᠰᠡᠨ ᠢᠶᠠᠷ ᠠᠯᠪᠠᠨ ᠵᠠᠭᠠᠯᠳᠣᠯᠭᠠ ᠭᠠᠷᠭᠠᠵᠤ᠂ 8 ᠰᠠᠷᠠ ᠤᠨ 10 ᠤ ᠡᠳᠦᠷ᠂ ᠦᠣᠰᠢᠨ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠰᠢᠭᠦᠭᠦ ᠬᠤᠷᠢᠶᠠ ᠰᠢᠶᠣᠣ ᠮᠧᠢ ᠶᠢ ᠬᠢᠬᠠᠨ ᠮᠡᠬᠡᠯᠡᠭᠰᠡᠨ ᠶᠠᠯᠠ ᠬᠢᠭᠰᠡᠨ ᠬᠡᠮᠡᠨ ᠰᠢᠭᠦᠨ ᠲᠠᠰᠤᠯᠵᠤ᠂ 10 ᠵᠢᠯ ᠤᠨ ᠭᠠᠳᠠᠨᠠ 6 ᠰᠠᠷᠠ ᠬᠤᠭᠤᠴᠠᠭᠠ ᠲᠠᠢ ᠬᠤᠷᠢᠬᠤ ᠪᠠᠷ ᠰᠢᠢᠳᠬᠡᠵᠦ᠂ 8 ᠲᠦᠮᠡᠨ ᠲᠦᠭᠦᠷᠢᠭ ᠢᠶᠡᠷ ᠨᠡᠢᠯᠡᠭᠦᠯᠦᠨ ᠶᠠᠯᠠᠯᠠᠪᠠ᠃ ᠨᠢᠭᠡᠳᠦᠭᠡᠷ ᠰᠢᠭᠦᠯᠲᠡ ᠶᠢᠨ ᠳᠠᠷᠠᠭᠠ᠂ ᠰᠢᠶᠣᠣ ᠮᠧᠢ ᠳᠡᠭᠡᠭᠰᠢ ᠵᠠᠭᠠᠯᠳᠣᠪᠠ᠃ 11 ᠰᠠᠷᠠ ᠶᠢᠨ 10 ᠤ ᠡᠳᠦᠷ ᠤᠷᠳᠣᠰ ᠬᠤᠲᠠ ᠶᠢᠨ ᠳᠣᠮᠳᠠ ᠵᠡᠷᠭᠡ ᠰᠢᠭᠦᠭᠦ ᠬᠤᠷᠢᠶᠠ ᠰᠢᠶᠣᠣ ᠮᠧᠢ ᠶᠢᠨ ᠳᠡᠭᠡᠭᠰᠢ ᠵᠠᠭᠠᠯᠳᠣᠯᠭᠠ ᠶᠢ ᠨᠢᠴᠤᠭᠠᠵᠤ᠂ ᠤᠤᠯ ᠰᠢᠭᠦᠯᠲᠡ ᠶᠢ ᠪᠠᠷᠢᠮᠲᠠᠯᠠᠪᠠ᠃
ᠪᠠᠶᠢᠴᠠᠭᠠᠯᠲᠠ ᠤᠨ ᠳᠤᠮᠳᠠ ᠤᠬᠤᠴᠢᠯᠠᠨ ᠮᠡᠳᠡᠭᠰᠡᠨ ᠢᠶᠠᠷ᠂ ᠰᠢᠶᠣᠣ ᠮᠧᠢ 2016 ᠣᠨ ᠪᠠ 2017 ᠣᠨ ᠳᠤ᠂ ᠬᠤᠶᠠᠷ ᠣᠳᠠᠭᠠ ᠬᠤᠯᠠᠭᠠᠶᠢᠯᠠᠭᠰᠠᠨ ᠶᠠᠯᠠ ᠬᠢᠭᠰᠡᠨ ᠢᠶᠠᠷ ᠡᠷᠡᠭᠦᠦ ᠰᠢᠢᠳᠬᠡᠯ ᠣᠯᠵᠦ ᠦᠩᠭᠡᠷᠡᠪᠠ᠃ ᠮᠦᠨ 2020 ᠣᠨ ᠤ 2 ᠰᠠᠷᠠ ᠳᠤ ᠡᠷᠡᠭᠦᠦ ᠰᠢᠢᠳᠬᠡᠯ ᠤᠨ ᠬᠤᠭᠤᠴᠠᠭᠠ ᠳᠠᠭᠤᠰᠴᠦ ᠰᠤᠯᠠᠯᠠᠭᠳᠠᠭᠰᠠᠨ ᠤ ᠳᠠᠷᠠᠭᠠ ᠳᠡᠮᠡᠢ ᠣᠳᠠᠭᠰᠠᠨ ᠦᠭᠡᠢ ᠡᠬᠢᠯᠡᠨ ᠬᠢᠬᠠᠨ ᠮᠡᠬᠡᠯᠡᠯ ᠬᠢᠭᠡᠳ ᠲᠠᠬᠢᠨ ᠡᠷᠡᠭᠦᠦ ᠰᠢᠢᠳᠬᠡᠯ ᠣᠯᠪᠠ᠃
ᠨᠢᠭᠡᠨ ᠡᠷᠡᠭᠦᠯ ᠪᠡᠶᠡ ᠰᠠᠷᠠᠭᠤᠯ ᠤᠬᠠᠭᠠᠨ ᠲᠠᠢ ᠬᠦᠮᠦᠨ ᠳᠤ ᠠᠪᠴᠤ ᠬᠡᠯᠡᠪᠡᠯ᠂ ᠥᠨᠥᠳᠦᠷ ᠤᠨ ᠨᠡᠶᠢᠭᠡᠮ ᠳᠤ ᠦᠪᠡᠷ ᠤᠨ ᠠᠷᠢᠭᠤᠨ ᠬᠦᠳᠡᠯᠮᠦᠷᠢ ᠪᠠᠷ ᠢᠶᠠᠨ ᠠᠵᠤ ᠠᠮᠢᠳᠤᠷᠠᠯ ᠢᠶᠠᠨ ᠥᠭᠡᠳᠡᠷᠭᠡᠭᠯᠡᠭᠦᠯᠵᠦ᠂ ᠦᠪᠡᠷ ᠢ ᠪᠠᠨ ᠲᠠᠰᠤᠷᠠᠯᠲᠠ ᠦᠭᠡᠢ ᠲᠡᠭᠦᠯᠳᠡᠷᠵᠢᠭᠦᠯᠬᠦ ᠪᠤᠯᠤᠮᠵᠢ ᠲᠣᠬᠢᠶᠠᠯ ᠵᠥᠩᠳᠡᠭᠡᠨ ᠪᠣᠢ᠃ ᠬᠦᠮᠦᠨ ᠮᠡᠬᠡᠯᠡᠵᠦ ᠡᠳ᠋ ᠬᠤᠯᠠᠭᠠᠶᠢᠯᠠᠵᠤ ︽ᠴᠢᠰᠤ ᠰᠣᠷᠣᠭᠴᠢ ᠠᠮᠢᠲᠠᠨ︾ ᠪᠣᠯᠵᠤ ᠠᠮᠢᠳᠤᠷᠠᠬᠤ ᠨᠢ ᠬᠡᠳᠦᠢ ᠴᠤ ᠢᠴᠢᠭᠦᠷᠢᠲᠡᠢ ᠪᠦᠭᠡᠳ ᠭᠤᠳᠤᠮᠰᠢᠭᠲᠠᠢ ᠪᠣᠢ︖ ᠠᠷᠠᠳ ᠤᠨ ᠦᠭᠡᠨ ᠳᠤ ︽ᠶᠠᠰᠤ ᠮᠦᠯᠵᠢᠭᠡᠳ ᠴᠠᠳᠬᠤ ᠦᠭᠡᠢ᠂ ᠶᠠᠯᠠ ᠬᠢᠭᠡᠳ ᠪᠠᠶᠠᠵᠢᠬᠤ ᠦᠭᠡᠢ︾ ᠭᠡᠳᠡᠭ᠂ ᠲᠡᠶᠢᠮᠦ ᠡ᠂ ᠨᠢᠭᠡ ᠬᠦᠮᠦᠨ ᠳᠤ ᠦᠪᠡᠰᠦᠪᠡᠨ ᠢᠷᠭᠡ ᠲᠦᠬᠦᠭᠡᠷᠡᠵᠦ ᠰᠢᠭᠦᠰᠦ ᠵᠣᠭᠤᠭᠯᠠᠬᠤ ᠪᠡᠶᠡ ᠳᠠᠭᠠᠭᠠᠭᠰᠠᠨ ᠬᠠᠷᠠᠯᠲᠠ ᠲᠡᠮᠡᠥᠯᠥᠯ ᠦᠭᠡᠢ᠂ ᠵᠥᠪ ᠠᠮᠢᠳᠤᠷᠠᠵᠤ ᠵᠥᠩᠰᠢᠨ ᠮᠡᠷᠡᠶᠢᠬᠦ ᠬᠢᠴᠢᠶᠡᠯ ᠵᠢᠳᠬᠦᠯ ᠦᠭᠡᠢ ᠶᠤᠮ ᠪᠣᠯ᠂ ᠬᠡᠵᠢᠶᠡ ᠴᠤ ᠨᠢᠭᠤᠷ ᠪᠠᠷᠳᠠᠮ ᠠᠮᠢᠳᠤᠷᠠᠵᠤ ᠶᠠᠪᠤᠨᠠ ᠭᠡᠳᠡᠭ ᠭᠤᠨᠵᠢ ᠶᠢᠨ ᠵᠣᠭᠤᠭ ᠶᠤᠮ ᠡ᠃
ᠵᠣᠬᠢᠶᠠᠭᠴᠢ᠄ ᠢᠷᠭᠤᠢ