ᠤᠳᠤᠬᠠᠨ ᠤ ᠮᠡᠬᠡᠯᠡᠬᠦ ᠤᠷᠤᠭ ᠤᠨ ᠲᠣᠬᠠᠢ
ᠤᠯᠠᠨ ᠤ ᠮᠡᠳᠡᠭᠡᠵᠢ ᠪᠠᠷ ᠮᠠᠨ ᠤ ᠬᠦᠳᠡᠭᠡ ᠲᠤᠰᠬᠤᠨ ᠤ ᠵᠠᠯᠠᠭᠤᠴᠤᠳ ᠤᠨ ᠳᠣᠮᠳᠠ ᠦᠩᠭᠡᠷᠡᠭᠰᠡᠨ ᠵᠢᠯ ᠤᠳ ᠲᠤ ᠣᠷᠭᠤᠭᠤᠯ ᠤᠷᠤᠭ （ᠡᠷᠡᠭᠲᠡᠢ ᠡᠮᠡᠭᠲᠡᠢ ᠬᠤᠶᠠᠷ ᠵᠠᠯᠠᠭᠤ ᠰᠠᠶᠢᠨ ᠲᠣᠷᠠ ᠠᠴᠠ ᠪᠠᠨ ᠢᠨᠠᠭ ᠬᠠᠶᠢᠷᠠ ᠲᠠᠢ ᠪᠤᠯᠤᠭᠰᠠᠨ ᠤ ᠬᠤᠶᠢᠨᠠ ᠭᠡᠷ ᠤᠨ ᠠᠬᠠᠮᠠᠳ ᠤᠨ ᠢᠶᠠᠨ ᠡᠰᠡᠷᠭᠦᠴᠡᠯ ᠢ ᠬᠠᠶᠢᠬᠤᠷᠤᠯ ᠦᠭᠡᠢ ᠤᠷᠭᠤᠨ ᠭᠠᠷᠴᠤ ᠭᠡᠷ ᠪᠦᠯᠢ ᠪᠤᠯᠵᠤ ᠠᠮᠢᠳᠤᠷᠠᠬᠤ ︶ᠦᠷᠬᠦᠯᠵᠢ ᠬᠠᠷᠠᠭᠳᠠᠵᠤ ᠪᠠᠶᠢᠭᠰᠠᠨ ᠪᠣᠯ ᠤᠳᠦ ᠪᠤᠯᠬᠤ ᠳᠤ ᠮᠡᠭᠡᠯᠡᠬᠦ ᠤᠷᠤᠭ ᠨᠡᠩ ᠨᠡᠶᠢᠳᠡᠮ ᠤᠨ ᠴᠢᠨᠠᠷᠲᠡᠢ ᠬᠠᠷᠠᠭᠳᠠᠬᠤ ᠪᠣᠯᠵᠠᠢ᠃
ᠮᠡᠬᠡᠯᠡᠬᠦ ᠤᠷᠤᠭ ᠨᠢ ᠪᠦᠷ ᠯᠠ ᠪᠤᠰᠤᠳ ᠤᠨ ᠵᠤᠭᠤᠰ ᠢ ᠬᠤᠵᠢᠬᠤ ᠪᠠᠷ ᠵᠣᠷᠢᠯᠭᠠ ᠪᠠᠨ ᠪᠤᠯᠭᠠᠵᠤ ᠡᠮᠡᠭᠲᠡᠢ ᠶᠢᠨ ᠲᠠᠯᠠ ᠠᠴᠠ ᠡᠷᠡᠭᠲᠡᠢ ᠶᠢᠨ ᠲᠠᠯᠠ ᠶᠢ ᠡᠷᠢᠵᠦ ᠤᠷᠤᠭ ᠬᠡᠯᠡᠯᠴᠡᠬᠦ ᠨᠡᠷᠡ ᠪᠠᠷ ᠡᠯᠳᠡᠪ ᠤᠨ ᠠᠷᠭᠠ ᠪᠢᠰᠢᠷ ᠬᠡᠷᠡᠭᠯᠡᠵᠥ ᠪᠠᠶᠢᠭᠠᠳ ᠶᠡᠭᠡ ᠬᠡᠮᠵᠢᠶᠡᠨ ᠤ ᠡᠳ᠋ ᠠᠰᠢᠭ ᠵᠤᠭᠤᠰ ᠮᠦᠩᠬᠦ ᠶᠢ ᠨᠢ ᠮᠡᠭᠡᠯᠡᠵᠤ ᠤᠷᠭᠤᠨ ᠳᠤᠲᠠᠭᠠᠭᠠᠳ ᠡᠷᠡᠭᠲᠡᠢ ᠶᠢᠨ ᠲᠠᠯᠠ ᠶᠢᠨ ᠭᠡᠷ ᠪᠦᠯᠢ᠂ ᠠᠵᠤ ᠠᠮᠢᠳᠤᠷᠠᠯ ᠬᠢᠭᠡᠳ ᠦᠵᠡᠯ ᠰᠡᠳᠬᠢᠯᠭᠡ ᠤᠶᠤᠨ ᠤᠬᠠᠭᠠᠨ ᠳᠤ ᠲᠤᠩ ᠶᠡᠭᠡ ᠬᠦᠴᠢᠷ ᠵᠤᠪᠡᠯᠡᠩ ᠤᠴᠠᠷᠠᠭᠤᠯᠵᠤ ᠬᠦᠨᠳᠦ ᠳᠠᠷᠤᠭᠠᠰᠤ ᠪᠣᠯᠳᠠᠭ ᠪᠠᠶᠢᠨᠠ᠃
ᠲᠡᠭᠡᠭᠡᠳ ᠡᠶᠢᠨᠬᠦ ᠤᠷᠤᠭ ᠤᠨ ᠮᠡᠭᠡ ᠳᠤ ᠶᠡᠭᠡ ᠬᠡᠮᠵᠢᠶᠡᠨ ᠤ ᠬᠤᠬᠢᠷᠠᠯ ᠠᠮᠰᠠᠭᠰᠠᠨ ᠡᠷᠡᠭᠲᠡᠢ ᠶᠢᠨ ᠲᠠᠯᠠ ᠶᠢᠨ ᠬᠢᠨ《ᠡᠯᠵᠢᠭᠡ ᠴᠦ ᠦᠭᠡᠢ ᠭᠤᠷᠪᠠᠨ ᠯᠡᠩ ᠴᠦ ᠦᠭᠡᠢ 》ᠪᠣᠯᠵᠤ ᠬᠠᠮᠤᠭ ᠡᠴᠤᠰ ᠲᠤ ᠪᠠᠨ ᠬᠠᠤᠯᠢ ᠴᠠᠭᠠᠵᠠ ᠶᠢᠨ ᠪᠠᠶᠢᠭᠤᠯᠭᠠ ᠳᠤ ᠬᠡᠷᠡᠭ ᠮᠡᠳᠡᠭᠦᠯᠬᠦ ᠳᠤ ᠵᠠᠷᠢᠮ ᠨᠢ ᠨᠢᠭᠡᠨᠲᠡ ᠮᠡᠬᠡᠯᠡᠭᠰᠡᠨ ᠵᠤᠭᠤᠰ ᠢ ᠨᠢ ᠪᠦᠷᠢᠯᠭᠡᠨ ᠰᠥᠢᠳᠭᠡᠵᠥ᠂ ᠵᠠᠷᠢᠮ ᠨᠢ ᠨᠢᠭᠡᠨᠲᠡ ᠪᠠᠷᠠ ᠰᠤᠷᠠᠭ ᠦᠭᠡᠢ ᠤᠷᠭᠤᠨ ᠲᠤᠲᠠᠭᠠᠭᠰᠠᠨ ᠪᠠᠶᠢᠳᠠᠭ᠃ ᠡᠶᠢᠮᠥ ᠠᠴᠠ ᠠᠷᠠᠳ ᠤᠨ ᠶᠠᠷᠢᠶᠠᠨ ᠳᠤ 《 ᠬᠡᠷᠰᠡᠦᠯᠡᠭᠰᠡᠨ ᠳᠤ ᠠᠳᠠᠯᠢ ᠰᠠᠶᠢᠨ ᠶᠠᠪᠤᠳᠡᠯ ᠦᠭᠡᠢ᠂ ᠰᠡᠷᠡᠮᠵᠢᠯᠡᠭᠰᠡᠨ ᠳᠤ ᠠᠳᠠᠯᠢ ᠰᠡᠴᠡᠨ ᠠᠷᠭᠠ ᠠᠯᠠᠭᠠ》 ᠭᠡᠳᠡᠭᠴᠢᠯᠡᠨ ᠮᠠᠨ ᠤ ᠬᠦᠳᠡᠭᠡ ᠲᠤᠰᠬᠤᠨ ᠤ ᠵᠠᠯᠠᠭᠤᠴᠤᠳ (ᠭᠤᠤᠯᠳᠠᠭᠤ ᠡᠷᠡᠭᠲᠡᠢ ᠵᠠᠯᠠᠭᠤᠴᠤᠳ ) ᠤᠷᠤᠭ ᠬᠡᠯᠡᠯᠴᠡᠬᠦ ᠳᠤ ᠪᠠᠨ ᠵᠠᠪᠡᠯ ᠯᠠᠪᠳᠠᠭᠤᠨ ᠪᠠᠳᠤᠲᠡᠢ᠂ ᠰᠠᠶᠢᠲᠤᠷ ᠪᠤᠯᠭᠤᠮᠵᠢᠯᠡᠨ ᠬᠠᠷᠢᠯᠴᠠᠵᠦ ᠤᠶᠢᠯᠭᠠᠯᠴᠠᠭᠰᠠᠨ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠬᠠᠷᠢᠨ ᠶᠠᠭᠠᠬᠢᠭᠰᠠᠨ ᠴᠦ ᠰᠤᠬᠤᠷ ᠪᠠᠯᠠᠢ᠂ ᠬᠠᠰᠢ ᠶᠠᠰᠢ ᠪᠠᠶᠢᠵᠤ ᠪᠣᠯᠬᠤ ᠦᠭᠡᠢ᠂ ᠢᠩᠬᠢᠪᠡᠯ ᠰᠠᠶ᠋ᠢ ᠮᠡᠬᠡᠯᠡᠬᠦ ᠤᠷᠤᠭ ᠠᠴᠠ ᠵᠠᠶᠢᠯᠠᠰᠬᠢᠵᠤ ᠴᠢᠳᠠᠬᠤ ᠪᠤᠯᠤᠨᠠ᠃
ᠲᠡᠭᠡᠪᠡᠯ ᠪᠣᠰᠤᠳ ᠢ ᠮᠡᠬᠡᠯᠡᠵᠥ ᠪᠠᠶᠢᠭᠠ ᠲᠡᠳᠡᠭᠡᠷ ᠡᠮᠡᠭᠲᠡᠢ ᠡᠲᠡᠭᠡᠳ ᠤᠨ ᠶᠠᠮᠠᠷ ᠠᠷᠭᠠ ᠪᠢᠰᠢᠷ ᠬᠡᠷᠡᠭᠯᠡᠵᠦ ᠪᠠᠶᠢᠭᠠ ᠲᠣᠬᠠᠢ ᠳᠣᠣᠷᠠ ᠪᠢ ᠬᠡᠳᠥ ᠤᠳᠠᠭᠠᠨ ᠤ ᠡᠶᠢᠮᠥᠷᠬᠦ ᠮᠠᠶ᠋ᠢᠭ ᠤᠨ ᠬᠡᠷᠡᠭ ᠢ ᠰᠢᠳᠭᠡᠭᠰᠡᠨ ᠶᠠᠪᠤᠴᠠ ᠠᠴᠠ ᠬᠡᠳᠥᠨ ᠵᠢᠱᠢᠶᠡ ᠳᠣᠷᠠᠳᠴᠥ ᠲᠠ ᠣᠯᠠᠨ ᠳᠠᠭᠠᠨ ᠰᠡᠩᠬᠡᠷᠡᠭᠦᠯᠥᠯ ᠪᠤᠯᠭᠠᠶᠠ᠃
ᠨᠢᠭᠡ᠂ ᠤᠷᠤᠭ ᠤᠨ ᠵᠠᠭᠤᠴᠢ ᠬᠡᠯᠡᠯᠴᠡᠭᠡ ᠤᠷᠤᠬᠤ
ᠮᠡᠬᠡᠯᠡᠬᠦ ᠤᠷᠤᠭ ᠨᠢ ᠤᠯᠠᠩᠬᠢ ᠨᠢ ᠪᠦᠷ《ᠤᠷᠤᠭ ᠤᠨ ᠵᠠᠭᠤᠴᠢ 》 ᠨᠢ ᠤᠷᠤᠭ ᠬᠡᠯᠡᠯᠴᠡᠬᠦ ᠬᠡᠦᠬᠡᠨ ᠢᠶᠠᠨ ᠲᠠᠭᠠᠭᠤᠯᠤᠨ ᠡᠷᠡᠭᠲᠡᠢ ᠶᠢᠨ ᠲᠠᠯᠠ ᠶᠢᠨ ᠬᠢᠨ ᠢ ᠡᠷᠢᠵᠤ ᠤᠷᠤᠭ ᠬᠡᠯᠡᠯᠴᠡᠬᠦ ᠨᠡᠷᠡ ᠪᠠᠷ ᠪᠤᠰᠤᠳ ᠢ ᠮᠡᠬᠡᠯᠡᠬᠦ ᠪᠤᠯᠤᠨᠠ᠃ ᠭᠡᠬᠦ ᠳᠤ ᠪᠠᠨ ᠵᠠᠷᠢᠮ ᠨᠢ ᠪᠠᠰᠠ ᠡᠬᠢᠨ ᠤ ᠵᠠᠭᠤᠴᠢ ᠪᠠᠷ ᠢᠶᠠᠨ ᠳᠠᠮᠵᠢᠵᠤ ᠬᠤᠶᠠᠳᠡᠬᠢ ᠵᠠᠭᠤᠴᠢ ᠡᠷᠢᠵᠦ《 ᠤᠷᠤᠭ ᠬᠡᠯᠡᠯᠴᠡᠵᠤ》 ᠵᠤᠭᠤᠰ ᠮᠦᠩᠬᠦ ᠮᠡᠬᠡᠯᠡᠳᠡᠭ᠃ ᠡᠨᠡ ᠨᠢ ᠭᠤᠤᠯᠳᠠᠭᠤ ᠡᠬᠢᠨ ᠤ ᠵᠠᠭᠤᠴᠢ ᠨᠢ ᠮᠡᠬᠡᠯᠡᠭᠳᠡᠬᠦ ᠡᠳᠡᠭᠡᠳ ᠲᠠᠢ ᠬᠤᠭᠤᠷᠤᠨᠳᠤ ᠪᠠᠨ ᠲᠠᠨᠢᠯ ᠳᠠᠰᠤᠯ ᠪᠢᠰᠢ ᠤᠴᠢᠷ ᠠᠴᠠ ᠡᠷᠡᠭᠲᠡᠢ ᠶᠢᠨ ᠲᠠᠯᠠ ᠶᠢᠨ ᠬᠢᠨ ᠢ ᠪᠠᠭᠠ ᠰᠠᠭᠠ ᠲᠠᠨᠢᠵᠤ ᠮᠡᠳᠡᠳᠡᠭ ᠬᠦᠮᠦᠨ ᠢ ᠡᠷᠢᠵᠦ ᠬᠤᠶᠠᠳᠡᠬᠢ ᠵᠠᠭᠤᠴᠢ ᠪᠤᠯᠭᠠᠵᠤ ᠮᠡᠬᠡᠯᠡᠬᠦ ᠪᠤᠯᠤᠨᠠ᠃
ᠬᠤᠶᠠᠷ᠂ ᠬᠠᠷᠠᠯᠲᠠ ᠲᠠᠢ ᠪᠠᠷ ᠮᠠᠬᠡᠯᠡᠭᠳᠡᠬᠦ ᠡᠳᠡᠭᠡᠳ ᠢᠶᠠᠨ ᠰᠤᠩᠭᠤᠬᠤ ᠮᠡᠬᠡᠯᠡᠬᠦ ᠡᠳᠡᠭᠡᠳ ᠤᠨ ᠤᠯᠠᠩᠬᠢ ᠨᠢ ᠪᠤᠰᠤᠳ ᠢ ᠮᠡᠬᠡᠯᠡᠬᠦ ᠳᠤ ᠪᠠᠨ ᠬᠠᠷᠠᠯᠲᠠ ᠲᠠᠢ ᠪᠠᠷ ᠮᠡᠬᠡᠯᠡᠭᠳᠡᠬᠦ ᠡᠳᠡᠭᠡᠳ ᠢᠶᠠᠨ ᠰᠤᠩᠭᠤᠳᠠᠭ᠃ ᠡᠨᠡ ᠨᠢ ᠲᠠᠷᠤᠢ ᠲᠡᠳᠡ ᠭᠤᠤᠯᠳᠠᠭᠤ ᠬᠦᠳᠡᠭᠡ ᠲᠤᠰᠬᠤᠨ ᠤ ᠠᠵᠤ ᠠᠮᠢᠳᠤᠷᠠᠯ ᠨᠢ ᠵᠦᠭᠡᠷ ᠰᠢᠭ ᠠᠶᠢᠯ ᠤᠨ ᠪᠡᠷᠢ ᠪᠠᠭᠤᠯᠭᠠᠭᠠ ᠦᠭᠡᠢ ᠭᠠᠴᠢᠭᠳᠠᠵᠤ᠂ ᠪᠠᠴᠢᠮ ᠬᠦᠰᠡᠨ ᠱᠠᠭᠠᠷᠳᠠᠵᠤ ᠪᠠᠶᠢᠭᠠ ᠨᠠᠰᠤ ᠠᠬᠢᠭᠰᠠᠨ ᠪᠤᠶᠤ ᠡᠰᠡᠭᠦᠯᠡ ᠤᠬᠠᠭᠠᠨ ᠲᠥᠭᠦᠭᠡ ᠪᠠᠷ ᠪᠠᠷᠤᠭᠲᠠᠢ ᠵᠠᠯᠠᠭᠤ ᠶᠢ ᠰᠤᠩᠭᠤᠨ ᠮᠡᠬᠡᠯᠡᠬᠦ ᠡᠳᠡᠭᠡᠳ ᠢᠶᠠᠨ ᠪᠤᠯᠭᠠᠨᠠ᠃
ᠭᠤᠷᠪᠠ᠂ ᠮᠡᠬᠡᠯᠡᠬᠦ ᠡᠳᠡᠭᠡᠳ ᠤᠨ ᠬᠢᠨ ᠬᠤᠭᠤᠷᠤᠨᠳᠤ ᠪᠠᠨ ᠬᠠᠷᠢᠴᠠᠭᠠ ᠬᠤᠯᠪᠤᠭᠠ ᠲᠠᠢ ᠪᠠᠶᠢᠬᠤ ᠪᠠᠷ ᠣᠪᠯᠠᠬᠤ
ᠡᠨᠡ ᠨᠢ ᠲᠠᠷᠤᠢ ᠵᠠᠭᠤᠴᠢ ᠪᠤᠯᠤᠨ《ᠤᠷᠤᠭ 》ᠬᠡᠯᠡᠯᠴᠡᠬᠦ ᠬᠡᠦᠬᠡᠨ ᠲᠠᠢ ᠬᠤᠶᠠᠭᠤᠯᠠ ᠪᠤᠶᠤ ᠪᠤᠰᠤᠳ ᠬᠡᠳᠤ ᠬᠡᠳᠥᠬᠦᠯᠡ ᠪᠠᠨ ᠬᠤᠭᠤᠷᠤᠨᠳᠤ ᠪᠠᠨ ᠬᠡᠨ ᠬᠡᠨ ᠨᠢ ᠬᠡᠦᠬᠡᠨ ᠤ ᠠᠪᠠᠭᠠ ᠠᠨᠢᠶᠠ ᠨᠢ ᠡᠰᠡᠬᠦᠯᠡ ᠪᠡᠷᠭᠡᠨ ᠨᠢ ᠪᠤᠯᠤᠨᠠ ᠬᠡᠵᠤ ᠬᠤᠳᠠᠯ ᠬᠠᠭᠤᠷᠮᠠᠭ ᠢᠶᠠᠷ ᠤᠪᠯᠠᠵᠤ ᠪᠠᠶᠢᠭᠠᠳ ᠡᠷᠡᠭᠲᠡᠢ ᠲᠠᠯᠠ ᠶᠢᠨ ᠢᠲᠡᠭᠡᠯ ᠢ ᠣᠯᠵᠤ ᠵᠤᠭᠤᠰ ᠮᠥᠩᠬᠦ ᠶᠢ ᠨᠢ ᠮᠡᠬᠡᠯᠡᠳᠡᠭ᠃
ᠲᠥᠷᠪᠡ᠂ ᠨᠡᠷᠡ ᠣᠪᠣᠭ᠂ ᠤᠷᠤᠨ ᠰᠠᠭᠤᠴᠠ ᠬᠢᠭᠡᠳ ᠪᠡᠶᠡ ᠶᠢᠨ ᠦᠨᠡᠮᠯᠡᠯ ᠨᠢ ᠬᠤᠳᠠᠯ ᠬᠠᠭᠤᠷᠮᠠᠭ
ᠡᠨᠡ ᠨᠢ ᠭᠤᠤᠯᠳᠠᠭᠤ ᠮᠡᠬᠡᠯᠡᠬᠦ ᠡᠳᠡᠭᠡᠳ ᠠᠴᠠ ᠦᠪᠡᠷᠰᠡᠳ ᠢ ᠪᠠᠨ ᠲᠠᠨᠢᠯᠴᠠᠭᠤᠯᠬᠤ ᠳᠤ ᠪᠠᠨ ᠨᠡᠷᠡ ᠣᠪᠣᠭ᠂ ᠤᠷᠤᠨ ᠰᠠᠭᠤᠴᠠ ᠬᠢᠭᠡᠳ ᠪᠡᠶᠡ ᠶᠢᠨ ᠥᠨᠡᠮᠯᠡᠯ ᠵᠡᠷᠭᠡ ᠪᠠᠨ ᠪᠦᠬᠦᠨ ᠢ ᠬᠤᠳᠠᠯ ᠬᠠᠭᠤᠷᠮᠠᠭ ᠢᠶᠠᠷ ᠪᠣᠷᠤᠭᠤᠯᠠᠵᠤ ᠵᠤᠭᠤᠰ ᠮᠥᠩᠬᠦ ᠮᠡᠬᠡᠯᠡᠳᠡᠭ᠃ ᠲᠡᠭᠡᠭᠡᠳ ᠡᠷᠡᠭᠲᠡᠢ ᠲᠠᠯᠠ ᠶᠢᠨ ᠬᠢᠨᠮᠡᠬᠡᠯᠡᠭᠳᠡᠭᠰᠡᠨ ᠢᠶᠠᠨ ᠮᠡᠳᠡᠭᠰᠡᠨ ᠤ ᠬᠤᠶᠢᠨᠠ ᠬᠡᠷᠡᠭ ᠮᠡᠳᠡᠬᠦᠯᠬᠦ ᠪᠣᠶᠤ ᠬᠤᠶᠢᠨᠠ ᠠᠴᠠ ᠨᠢ ᠡᠷᠢᠵᠦ ᠰᠤᠷᠠᠭᠯᠠᠭᠰᠠᠨ ᠴᠦ ᠲᠤᠶᠢᠯ ᠤᠨ ᠪᠡᠷᠭᠡ ᠪᠤᠳᠤᠯᠢᠶᠠᠨᠲᠡᠢ ᠪᠠᠶᠢᠳᠠᠭ᠃
ᠬᠠᠮᠤᠭ ᠰᠠᠬᠦᠯ ᠳᠤ ᠨᠢ᠂ ᠮᠡᠬᠡᠯᠡᠬᠦ ᠡᠳᠡᠭᠡᠳ ᠠᠴᠠ《 ᠤᠷᠤᠭ 》ᠬᠡᠯᠡᠯᠴᠡᠵᠤ ᠲᠣᠭᠲᠠᠭᠰᠠᠨ ᠤ ᠳᠠᠷᠠᠭᠠ ᠵᠤᠭᠤᠰ ᠮᠥᠩᠬᠦ ᠠᠪᠬᠤ ᠪᠠᠷ ᠱᠠᠭᠠᠷᠳᠠᠬᠤ
ᠡᠮᠡᠭᠲᠡᠢ ᠲᠠᠯᠠ ᠶᠢᠨ ᠬᠢᠨ ᠤ ᠮᠡᠬᠡᠯᠡᠬᠦ ᠡᠳᠡᠭᠡᠳ ᠠᠴᠠ 《ᠤᠷᠤᠭ》 ᠬᠡᠯᠡᠯᠴᠡᠵᠤ ᠲᠣᠭᠲᠠᠭᠰᠠᠨ ᠤ ᠲᠠᠷᠠᠭᠠ ᠶᠠᠭᠤᠨ ᠤ ᠡᠮᠤᠨᠡ ᠪᠦᠷ ᠯᠠ ᠵᠤᠭᠤᠰ ᠮᠥᠩᠭᠦ ᠬᠡᠳᠤᠢ ᠬᠡᠳᠤᠢ ᠠᠪᠬᠤ ᠬᠡᠵᠤ ᠱᠠᠭᠠᠷᠳᠠᠳᠠᠭ ᠪᠠᠶᠢᠨᠠ᠃ ᠲᠡᠭᠡᠭᠡᠳ ᠡᠷᠡᠭᠲᠡᠢ ᠶᠢᠨ ᠲᠠᠯᠠ ᠠᠴᠠ ᠵᠤᠭᠤᠰ ᠮᠥᠩᠬᠦ ᠪᠠᠨ ᠲᠤᠭᠠ ᠶᠤᠰᠤᠭᠠᠷ ᠨᠢ ᠲᠤᠰᠢᠶᠠᠭᠰᠠᠨ ᠤ ᠰᠡᠬᠦᠯᠡᠷ《 ᠤᠷᠤᠭ ᠬᠤᠷᠢᠮ》 ᠢᠶᠠᠨ ᠪᠤᠴᠠᠭᠠᠭᠰᠠᠨ ᠴᠦ ᠲᠡᠷᠡ᠂ ᠪᠤᠴᠠᠭᠠᠭᠰᠠᠨ ᠦᠭᠡᠢ ᠴᠦ ᠲᠡᠷᠨ᠂ ᠮᠡᠭᠡᠯᠡᠭᠰᠡᠨ ᠡᠳᠡᠭᠡᠳ ᠤᠨ ᠬᠢᠨ ᠠᠯᠢᠪᠠ ᠠᠷᠭᠠ ᠮᠡᠭᠡ ᠭᠠᠷᠭᠠᠵᠤ ᠵᠠᠪᠰᠢᠶᠠᠨ ᠢ ᠳᠠᠯᠢᠮᠳᠠᠭᠤᠯᠤᠨ ᠤᠷᠭᠤᠨ ᠳᠤᠲᠠᠭᠠᠬᠤ ᠪᠠᠷ ᠭᠤᠷᠢᠳᠠᠬᠤ ᠪᠤᠯᠤᠨᠠ᠃
ᠲᠡᠭᠡᠷᠡᠬᠢ ᠲᠠᠪᠤᠨ ᠲᠠᠯᠠ ᠪᠠᠷ ᠲᠤᠷᠠᠳᠤᠭᠰᠠᠨ ᠶᠠᠪᠤᠳᠠᠯ ᠪᠣᠯ ᠤᠳᠤᠬᠠᠨ ᠤ ᠮᠡᠬᠡᠯᠡᠬᠦ ᠤᠷᠤᠭ ᠤᠨ ᠡᠬᠦᠰᠴᠥ ᠪᠠᠶᠢᠭᠠ ᠮᠡᠬᠡᠯᠡᠬᠦ ᠡᠳᠡᠭᠡᠳ ᠤᠨ ᠬᠡᠷᠡᠭ ᠥᠢᠯᠡᠳᠴᠥ ᠪᠣᠰᠤᠳ ᠢ ᠮᠡᠬᠡᠯᠡᠬᠦ ᠳᠡᠭᠡᠨ ᠶᠠᠷᠤ ᠳᠤ ᠪᠠᠨ ᠬᠡᠷᠡᠭᠯᠡᠵᠦ ᠪᠠᠶᠢᠭᠠ ᠠᠷᠭᠠ ᠮᠠᠶ᠋ᠢᠭ ᠪᠤᠯᠤᠨᠠ᠃
ᠲᠠ ᠤᠯᠠᠨ ᠳᠠᠭᠠᠨ ᠤᠨᠴᠠᠭᠠᠶᠢᠯᠠᠨ ᠰᠠᠨᠠᠭᠤᠯᠤᠶᠠ᠂ ᠰᠡᠷᠡᠮᠵᠢᠯᠡᠭᠡᠷᠡᠢ︕