ᠮᠠᠷᠢᠶ᠎ᠠ ᠰᠢᠭᠤᠷᠠᠭᠤᠯᠬᠤ ᠺᠣᠹᠧ᠂  ᠰᠢᠭᠤᠷᠠᠬᠤ ᠨᠢ ᠴᠢᠨᠦ ᠡᠷᠡᠭᠦᠯ ᠴᠢᠭᠢᠷᠠᠭ ᠮᠠᠭᠠᠳ

︽ ᠸᠢᠴᠠᠲ ︾᠂ ︽ ᠴᠤᠤᠷᠢᠶ᠎ᠠ ᠳᠠᠪᠴᠠᠩ︾ ᠵᠡᠷᠭᠡ ᠰᠦᠯᠵᠢᠶᠡᠨ ᠤ ᠲᠠᠪᠴᠠᠩ ᠨᠢ ᠡᠵᠡᠩᠨᠡᠭᠴᠢᠳ ᠤᠨ ᠦᠶᠯᠡᠳᠬᠦᠨ   ᠢᠶᠠᠨ  ᠤᠬᠠᠭᠤᠯᠬᠤ ᠪᠠ ᠬᠡᠷᠡᠭᠯᠡᠭᠴᠢᠳ  ᠤᠨ ᠦᠶᠯᠡᠳᠬᠦᠨ ᠬᠤᠳᠠᠯᠳᠤᠨ ᠠᠪᠬᠤ  ᠳᠤ ᠴᠥᠮ ᠲᠥᠬᠥᠮ ᠨᠥᠬᠥᠴᠡᠯ ᠬᠠᠩᠭᠠᠭᠰᠠᠨ ᠪᠣᠯᠪᠠᠴᠤ ᠰᠦᠯᠵᠢᠶᠡᠨ  ᠤ ᠲᠠᠪᠴᠠᠩ   ᠤᠨ ᠦᠨᠡᠨ ᠬᠤᠳᠠᠯ  ᠢ ᠢᠯᠭᠠᠬᠤᠶ᠎ᠠ ᠪᠡᠷᠬᠡ ᠨᠢ ᠪᠠᠰᠠ ᠵᠠᠷᠢᠮ ᠬᠠᠸᠯᠢ ᠪᠤᠰᠤ ᠡᠲᠡᠭᠡᠳ  ᠤᠨ ᠰᠦᠯᠵᠢᠶ᠎ᠡ  ᠶᠢ ᠠᠰᠢᠭᠯᠠᠨ ᠬᠣᠸᠷ  ᠬᠥᠨᠥᠭᠡᠯ ᠲᠡᠶ ᠢᠳᠡᠭᠡᠨ  ᠢ ᠪᠣᠷᠣᠯᠠᠭᠤᠯᠬᠤ  ᠳᠤ ᠵᠠᠪᠰᠢᠬᠤ ᠲᠣᠬᠢᠶᠠᠯ ᠬᠠᠩᠭᠠᠭᠰᠠᠨ ᠪᠠᠢᠨ᠎ᠠ᠃ ᠣᠶᠢᠷ᠎ᠠ  ᠳᠤ ᠂ ᠪᠠᠭᠠᠷᠢᠨ ᠪᠠᠷᠠᠭᠤᠨ ᠬᠣᠰᠢᠭᠤᠨ  ᠤ ᠪᠠᠶᠢᠴᠠᠭᠠᠬᠤ ᠬᠣᠷᠢᠶ᠎ᠠ ᠨᠢ ᠸᠢᠴᠠᠲ   ᠢᠶᠡᠷ ᠲᠠᠮᠵᠢᠨ ᠬᠣᠸᠷ  ᠬᠥᠨᠥᠭᠡᠯ ᠲᠡᠶ ᠢᠳᠡᠭᠡᠨ ᠪᠣᠷᠣᠯᠠᠭᠤᠯᠤᠭᠰᠠᠨ ᠬᠣᠶᠠᠷ ᠶᠠᠯ᠎ᠠ ᠬᠢᠭᠰᠡᠨ ᠰᠡᠵᠢᠭᠳᠡᠨ  ᠢ  ᠪᠠᠷᠢᠪᠴᠢᠯᠠᠪᠠ᠃

ᠬᠡᠷᠡᠭ  ᠤᠨ ᠪᠠᠶᠢᠳᠠᠯ ᠤᠨ ᠲᠣᠪᠴᠢ ᠲᠠᠨᠢᠯᠴᠠᠭᠤᠯᠭ᠎ᠠ᠄

2021ᠣᠨ ᠳᠤ᠂ ᠵᠠᠩ ᠣᠪᠣᠭᠲᠤ ᠨᠢ ᠠᠩᠬᠠᠷᠤᠯ ᠲᠠᠯᠪᠢᠵᠤ ᠪᠠᠶᠢᠭᠰᠠᠨ ᠰᠢᠭᠤᠳ ᠨᠡᠪᠲᠡᠷᠡᠭᠦᠯᠭᠡ   ᠶᠢᠨ ᠭᠣᠣᠯ ᠨᠡᠪᠲᠡᠷᠡᠭᠦᠯᠦᠭᠴᠢ ᠨᠡᠯᠢᠶᠡᠳ ᠲᠤᠷᠠᠭᠰᠠᠨ ᠢ ᠦᠵᠡᠭᠡᠳ᠂ ᠲᠤᠰ ᠭᠣᠣᠯ ᠨᠡᠪᠲᠡᠷᠡᠭᠦᠯᠦᠭᠴᠢ  ᠲᠠᠢ ᠰᠢᠭᠤᠳ ᠱᠣᠭᠤᠮ ᠢᠶᠠᠷ ᠬᠠᠷᠢᠯᠴᠠᠵᠤ ᠂ ᠮᠠᠷᠢᠶ᠎ᠠ ᠪᠠᠨ   ᠰᠢᠭᠤᠷᠠᠭᠤᠯᠭᠤᠰᠠᠨ ︽ᠨᠢᠭᠤᠴᠠ ᠵᠣᠷ︾ ᠢ ᠨᠢ ᠣᠯᠪᠠ᠃ ᠲᠤᠰ ᠭᠣᠣᠯ ᠨᠡᠪᠲᠡᠷᠡᠭᠦᠯᠦᠭᠴᠢ ᠨᠢ ᠵᠠᠩ ᠣᠪᠣᠭᠲᠤ  ᠳᠤ ᠮᠠᠷᠢᠶ᠎ᠠ ᠰᠢᠭᠤᠷᠠᠭᠤᠯᠬᠤ ᠺᠤᠹᠸ ᠤᠤᠭᠤᠭᠰᠠᠨ  ᠢ ᠬᠡᠯᠡᠵᠦ ᠥᠭᠭᠦᠭᠰᠡᠨ ᠮᠦᠷᠳᠡᠭᠡᠨ ᠵᠠᠩ ᠣᠪᠣᠭᠲᠤ  ᠳᠤ ᠲᠤᠰ ᠺᠤᠹᠸ  ᠶᠢ ᠲᠠᠨᠢᠯᠴᠠᠭᠤᠯᠪᠠ᠃ ᠵᠠᠩ ᠣᠪᠣᠭᠲᠤ ᠺᠤᠹᠸ ᠬᠤᠳᠠᠯᠳᠤᠨ ᠠᠪᠴᠤ ᠤᠤᠭᠤᠭᠰᠠᠨ  ᠦ ᠲᠠᠷᠠᠭ᠎ᠠ ᠵᠣᠬᠢᠬᠤ ᠬᠡᠮᠵᠢᠶ᠎ᠡ ᠪᠡᠷ ᠮᠠᠷᠢᠶ᠎ᠠ ᠰᠢᠭᠤᠷᠠᠭᠤᠯᠬᠤ ᠦᠢᠯᠡᠳᠦᠯ  ᠭᠠᠷᠪᠠ᠃ 2021 ᠣᠨ  ᠤ 11 ᠰᠠᠷ᠎ᠠ  ᠠᠴᠠ ᠂ ᠵᠠᠩ ᠣᠪᠣᠭᠲᠤ ᠸᠢᠴᠠᠲ  ᠤᠨ ᠨᠠᠶᠢᠵᠠ  ᠶᠢᠨ ᠲᠣᠭᠣᠷᠢᠭ  ᠢᠶᠡᠷ ᠢᠶᠡᠨ ᠮᠠᠷᠢᠶ᠎ᠠ ᠰᠢᠭᠤᠷᠠᠭᠤᠯᠬᠤ ᠺᠤᠹᠸ ᠬᠤᠳᠠᠯᠳᠤᠵᠤ ᠡᠬᠢᠯᠡᠵᠡᠶ᠃ ᠡᠨᠡ ᠬᠤᠭᠤᠴᠠᠭᠠᠨ  ᠳᠦ ᠵᠠᠷᠢᠮ ᠲᠤᠰ ᠺᠤᠹᠸ  ᠢ  ᠤᠭᠤᠤᠭᠰᠠᠨ  ᠬᠦᠮᠦᠨ ᠵᠢᠷᠦᠬᠡ ᠲᠦᠭᠰᠢᠬᠦ ᠂ ᠳᠤᠷ᠎ᠠ ᠪᠤᠯᠭᠢᠬᠤ ᠵᠡᠷᠭᠡ  ᠨᠠᠵᠠᠭᠠᠢ ᠦᠶᠯᠡᠳᠦᠯ ᠲᠡᠶ ᠭᠡᠵᠦ ᠲᠡᠭᠦᠨ  ᠳᠦ ᠲᠤᠰᠬᠠᠭᠰᠠᠨ ᠪᠣᠯᠪᠠᠴᠤ  ᠲᠡᠷᠡ ᠪᠣᠷᠣᠯᠠᠭᠤᠯᠬᠤ ᠪᠠᠨ ᠵᠣᠭᠰᠣᠭᠰᠠᠨ ᠥᠬᠡᠶ ᠃ 2022 ᠣᠨ   ᠤ 6 ᠰᠠᠷ᠎ᠠ  ᠳᠤ᠂ ᠮᠠ ᠣᠪᠣᠭᠲᠤ ᠨᠢ ᠵᠠᠩ ᠣᠪᠣᠭᠲᠤ   ᠶᠢᠨ ᠸᠢᠴᠠᠲ  ᠤᠨ ᠨᠠᠶᠢᠵᠠ  ᠶᠢᠨ ᠲᠣᠭᠣᠷᠢᠭ   ᠢ ᠣᠯᠵᠤ ᠦᠵᠡᠭᠡᠳ ᠵᠠᠩ ᠣᠪᠣᠭᠲᠤ  ᠶᠢᠨ ᠺᠤᠹᠸ   ᠶᠢ ᠬᠤᠳᠠᠯᠳᠤᠨ ᠠᠪᠴᠤ  ᠤᠭᠤᠤᠵᠠᠢ᠃ ᠲᠡᠷᠡ ᠲᠤᠰ ᠺᠤᠹᠸ  ᠶᠢ  ᠤᠭᠤᠤᠭᠰᠠᠨ   ᠤ ᠳᠠᠷᠠᠭ᠎ᠠ ᠵᠣᠬᠢᠬᠤ  ᠬᠡᠮᠵᠢᠶ᠎ᠡ  ᠪᠡᠷ ᠮᠠᠷᠢᠶ᠎ᠠ ᠰᠢᠭᠤᠷᠠᠭᠤᠯᠬᠤ ᠦᠶᠯᠡᠳᠦᠯ ᠲᠡᠶ ᠶᠢ ᠮᠡᠳᠡᠭᠰᠡᠨ   ᠤ ᠳᠠᠷᠠᠭ᠎ᠠ ᠪᠠᠰᠠ ᠸᠢᠴᠠᠲ   ᠤᠨ ᠨᠠᠶᠢᠵᠠ  ᠶᠢᠨ ᠲᠣᠭᠣᠷᠢᠭ  ᠢᠶᠡᠷ ᠢᠶᠡᠨ ᠳᠠᠮᠵᠢᠭᠤᠯᠤᠨ ᠬᠤᠳᠠᠯᠳᠤᠵᠤ ᠡᠬᠢᠯᠡᠵᠡᠶ ᠃ 2023 ᠣᠨ  ᠤ 10 ᠰᠠᠷ᠎ᠠ ᠳᠤ᠂ ᠯᠢ ᠣᠪᠣᠭᠲᠤ ᠮᠠ ᠣᠪᠣᠭᠲᠤ  ᠠᠴᠠ ᠺᠤᠹᠸ ᠬᠤᠳᠠᠯᠳᠤᠨ ᠠᠪᠴᠤ ᠬᠤᠳᠠᠯᠳᠤᠪᠠ᠃ 2023 ᠣᠨ   ᠤ 11 ᠰᠠᠷ᠎ᠠ  ᠳᠦ᠂ ᠯᠢ ᠣᠪᠣᠭᠲᠤ  ᠡᠴᠡ ᠺᠤᠹᠸ ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠬᠥᠮᠦᠨ   ᠤ ᠵᠢᠷᠦᠬᠡ ᠨᠢ ᠲᠦᠭᠰᠢᠵᠦ ᠂ ᠬᠣᠷᠭᠣᠰᠣᠯᠠᠬᠤ ᠦᠢᠯᠡᠳᠦᠯ ᠭᠠᠷᠴᠠᠢ᠃ ᠲᠡᠭᠡᠭᠡᠳ ᠪᠠᠶᠢᠴᠠᠭᠠᠨ ᠰᠢᠯᠭᠠᠬᠤ ᠪᠠᠶᠢᠭᠤᠯᠤᠮᠵᠢ ᠳᠦ ᠨᠠᠶᠢᠳᠠᠵᠤ ᠺᠤᠹᠸ ᠶᠢ ᠪᠠᠶᠢᠴᠠᠭᠠᠨ ᠰᠢᠯᠭᠠᠭᠤᠯᠤᠭᠰᠠᠨ  ᠳᠦ ᠂ ᠺᠤᠹᠸ ᠳᠣᠲᠣᠷ᠎ᠠ ᠤᠯᠤᠰ   ᠡᠴᠡ ᠢᠳᠡᠭᠡᠨ  ᠤ ᠵᠦᠢᠯ ᠳᠦ ᠴᠠᠭᠠᠵᠠᠯᠠᠭᠰᠠᠨ  《ᠰᠢ ᠪᠦ᠋ ᠴᠢᠦᠶ ᠮᠢᠩ》  ᠤᠨ ᠪᠦᠷᠢᠯᠳᠦᠬᠦᠨ ᠠᠭᠤᠯᠤᠭᠳᠠᠵᠤ ᠪᠠᠢᠨ᠎ᠠ ᠭᠡᠵᠦ ᠲᠤᠳᠤᠯᠠᠪᠠ᠃ ᠲᠤᠰ  ᠬᠡᠷᠡᠭᠯᠡᠭᠴᠢ ᠪᠠᠶᠢᠴᠠᠭᠠᠨ ᠰᠢᠯᠭᠠᠭᠰᠠᠨ ᠳ᠋ᠦᠩ  ᠢᠶᠠᠨ ᠯᠢ ᠣᠪᠣᠭᠲᠤ  ᠳᠦ ᠮᠡᠳᠡᠭᠳᠡᠪᠡ᠃ ᠯᠢ ᠣᠪᠣᠭᠲᠤ  ᠳᠠᠬᠢᠨ ᠮᠠ ᠣᠪᠣᠭᠲᠤ ᠪᠣᠯᠤᠨ ᠵᠠᠩ ᠣᠪᠣᠭᠲᠤ  ᠳᠦ ᠮᠡᠳᠡᠭᠳᠡᠪᠡ᠃ ᠭᠡᠪᠡᠴᠦ ᠮᠠ ᠣᠪᠣᠭᠲᠤ ᠂ ᠵᠠᠩ ᠣᠪᠣᠭᠲᠤ ᠬᠣᠶᠠᠭᠤᠯᠠ ᠠᠰᠢᠭ ᠲᠤᠰᠠ ᠤᠯᠬᠤ  ᠶᠢᠨ ᠲᠥᠯᠥᠭᠡ ᠮᠥᠨ ᠯᠡ ᠪᠣᠷᠣᠯᠠᠭᠤᠯᠬᠤ ᠪᠠᠨ ᠵᠣᠭᠰᠣᠭᠰᠠᠨ ᠦᠭᠡᠶ ᠂ ᠬᠡᠷᠡᠭ ᠭᠠᠷᠳᠠᠯ᠎ᠠ ᠪᠣᠷᠣᠯᠠᠭᠤᠯᠵᠠᠶ ᠃

ᠰᠢ ᠪᠦ᠋ ᠴᠢᠦᠶ ᠮᠢᠩ ᠪᠣᠯ ᠨᠢᠭᠡ ᠵᠦᠢᠯ  ᠦᠨ ᠢᠳᠡᠭᠡᠨ  ᠦ ᠳᠤᠷᠠᠰᠢᠯ  ᠢ ᠬᠣᠷᠢᠭᠯᠠᠬᠤ ᠡᠮ ᠮᠥᠨ᠃ ᠲᠥᠪ ᠮᠡᠳᠡᠷᠡᠯ   ᠦᠨ ᠰᠢᠰᠲ᠋ᠧᠮ   ᠢ ᠬᠣᠷᠢᠭᠯᠠᠬᠤ ᠪᠠᠷ ᠳᠡᠮᠵᠢᠨ ᠢᠳᠡᠭᠡᠨ   ᠤ ᠳᠤᠷᠠᠰᠢᠯ   ᠢ ᠪᠠᠭᠤᠷᠠᠭᠤᠯᠵᠤ ᠂ ᠭᠡᠳᠡᠰᠦ ᠴᠠᠳᠬᠤᠯᠠᠩ ᠲᠥᠷᠥᠭᠳᠡᠯ   ᠢ ᠨᠡᠮᠡᠭᠳᠡᠭᠦᠯᠦᠨ ᠂ ᠡᠨᠧᠷᠭᠢ  ᠶᠢᠨ ᠬᠣᠷᠣᠭᠳᠠᠯ   ᠢ ᠲᠦᠷᠭᠡᠳᠬᠡᠵᠦ ᠂ ᠵᠢᠷᠦᠬᠡ ᠲᠦᠭᠰᠢᠬᠦ ᠂ ᠬᠣᠷᠭᠣᠰᠣᠯᠠᠬᠤ ᠂ ᠠᠮᠠ ᠬᠠᠲᠠᠬᠤ ᠂ ᠨᠣᠶᠢᠷ ᠠᠯᠳᠠᠬᠤ ᠂ ᠲᠣᠯᠣᠭᠠᠶ ᠡᠷᠭᠢᠬᠦ ᠵᠡᠷᠭᠡ ᠨᠠᠵᠠᠭᠠᠢ ᠲᠤᠰᠬᠠᠯ   ᠢ ᠡᠭᠦᠰᠭᠡᠵᠦ ᠂ ᠵᠢᠷᠦᠬᠡ ᠴᠢᠰᠤᠨ ᠰᠤᠳᠠᠯ   ᠤᠨ ᠡᠪᠡᠳᠴᠢᠨ  ᠳᠦ ᠨᠡᠷᠪᠡᠭᠳᠡᠬᠦ ᠲᠦᠭᠰᠢᠭᠦᠷᠢ ᠶᠢ ᠨᠡᠮᠡᠭᠳᠡᠭᠦᠯᠳᠡᠭ ᠃ 2010 ᠣᠨ   ᠠᠴᠠ ᠡᠬᠢᠯᠡᠨ ᠤᠯᠤᠰ   ᠤᠨ ᠢᠳᠡᠭᠡᠨ   ᠤ ᠵᠦᠢᠯ ᠂ ᠡᠮ   ᠦᠨ ᠵᠦᠢᠯ   ᠤᠨ ᠬᠢᠨᠠᠯᠲᠠ ᠬᠠᠮᠢᠶᠠᠷᠤᠯᠲᠠ  ᠶᠢᠨ ᠲᠣᠪᠴᠢᠶ᠎ᠠ   ᠠᠴᠠ ᠮᠠᠨ   ᠤ ᠤᠯᠤᠰ ᠲᠤ ᠰᠢ ᠪᠦ᠋ ᠴᠢᠦᠶ ᠮᠢᠩ ᠲᠠᠢ ᠡᠮ   ᠤᠨ ᠨᠠᠶᠢᠷᠠᠯᠲᠠ ᠪᠠ ᠲᠦᠭᠦᠬᠡᠶ ᠮᠠᠲ᠋ᠧᠷᠢᠶᠠᠯ   ᠤᠨ ᠡᠮ   ᠢ ᠦᠢᠯᠡᠳᠪᠦᠷᠢᠯᠡᠬᠦ᠂ ᠪᠣᠷᠣᠯᠠᠭᠤᠯᠬᠤ ᠪᠠ ᠬᠡᠷᠡᠭᠯᠡᠬᠦ   ᠶᠢ ᠵᠤᠭᠰᠤᠭᠠᠪᠠ ᠃

ᠪᠠᠶᠢᠴᠠᠭᠠᠬᠤ ᠲᠤᠰᠢᠶᠠᠯᠲᠠᠨ   ᠤ ᠰᠠᠨᠠᠭᠤᠯᠭ᠎ᠠ᠄

︽ᠡᠴᠡᠩᠬᠡᠶ ᠶᠢ ᠭᠤᠸ᠎ᠠ ᠰᠠᠢᠬᠠᠨ ᠢᠶᠠᠷ ᠦᠵᠡᠬᠦ︾ ᠨᠢ ᠮᠠᠰᠢ ᠣᠯᠠᠨ ᠬᠥᠮᠦᠨ   ᠤ ᠬᠥᠭᠡᠭᠡᠴᠡᠯᠳᠦᠯ ᠶᠤᠮ ᠃ ᠡᠷᠡᠭᠦᠯ ᠠᠷᠭ᠎ᠠ  ᠪᠡᠷ ᠮᠠᠷᠢᠶ᠎ᠠ ᠰᠢᠭᠤᠷᠠᠭᠤᠯᠬᠤ  ᠨᠢ ᠺᠠᠯᠣᠷᠢ  ᠶᠢ ᠰᠢᠲᠠᠭᠠᠵᠤ᠂  ᠭᠤᠸ᠎ᠠ ᠰᠠᠶᠢᠬᠠᠨ   ᠢ ᠡᠷᠬᠢᠮᠯᠡᠳᠡᠭ ᠬᠥᠮᠦᠰ   ᠦᠨ ᠬᠦᠰᠡᠯ ᠪᠤᠯᠤᠨ᠎ᠠ᠃ ᠭᠡᠪᠡᠴᠦ ᠮᠠᠷᠢᠶ᠎ᠠ ᠰᠢᠭᠤᠷᠠᠭᠤᠯᠬᠤ ᠬᠦᠰᠡᠯ ᠡᠴᠡ ᠪᠣᠯᠵᠤ᠂ ᠰᠣᠬᠣᠷ ᠪᠠᠯᠠᠶ  ᠪᠡᠷ ᠣᠨᠴᠠ ᠦᠢᠯᠡᠳᠦᠯ ᠲᠡᠶ ᠮᠠᠷᠢᠶ᠎ᠠ ᠰᠢᠭᠤᠷᠠᠭᠤᠯᠬᠤ ᠢᠳᠡᠭᠡᠨ︵ᠡᠮ︶  ᠢ ᠢᠳᠡᠪᠡᠯ ᠂ ᠡᠴᠡᠩᠬᠡᠶ ᠪᠣᠯᠬᠤ ᠬᠥᠭᠡᠭᠡᠴᠡᠯᠳᠦᠯ   ᠢ ᠦᠨᠡᠰᠦᠨ ᠲᠣᠪᠷᠠᠭ ᠪᠣᠯᠭᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠪᠡᠶ᠎ᠡ  ᠶᠢᠨ ᠡᠷᠡᠭᠦᠯ ᠴᠢᠭᠢᠷᠠᠭ ᠲᠤ ᠬᠣᠬᠢᠷᠠᠯ ᠤᠴᠠᠷᠠᠭᠤᠯᠵᠤ᠂ ᠰᠥᠷᠴᠦ ᠪᠣᠯᠤᠰᠢ ᠦᠭᠡᠢ ᠬᠣᠣᠷ ᠬᠥᠨᠥᠭᠡᠯ ᠤᠴᠠᠷᠠᠭᠤᠯᠬᠤ ᠪᠤᠯᠤᠨ᠎ᠠ᠃

    ᠨᠠᠢᠷᠠᠭᠤᠯᠤᠭᠴᠢ᠄ ᠰᠤᠶᠤᠯ

    ᠤᠷᠴᠢᠭᠤᠯᠤᠭᠴᠢ᠄ ᠳᠤᠷᠠᠨ