ᠨᠢᠭᠡ ᠬᠤᠪᠢ ᠢᠨᠠᠭ ᠤᠨ ᠵᠠᠬᠢᠳᠠᠯ
ᠭᠤᠴᠢᠨ ᠵᠢᠯ ᠤᠨ ᠡᠮᠤᠨᠡ ᠪᠢ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠵᠤ ᠪᠠᠶᠢᠭᠠ ᠦᠶᠡᠰ ᠨᠢᠭᠡᠨ ᠬᠤᠪᠢ ᠢᠨᠠᠭ ᠤᠨ ᠵᠠᠬᠢᠳᠠᠯ ᠪᠢᠴᠢᠭᠰᠡᠨ᠃ ᠲᠡᠷᠡ ᠨᠢ ᠮᠢᠨᠤ ᠬᠠᠮᠤᠭ ᠠᠩᠬᠠᠨ ᠤ ᠪᠢᠴᠢᠭᠰᠡᠨ ᠪᠦᠭᠡᠳ ᠮᠦᠨ ᠴᠦ ᠬᠠᠮᠤᠭ ᠰᠡᠭᠦᠯᠴᠢ ᠶᠢᠨ ᠪᠢᠴᠢᠭᠰᠡᠨ ᠢᠨᠠᠭ ᠤᠨ ᠵᠠᠬᠢᠳᠠᠯ ᠪᠣᠯᠤᠨᠠ᠃ ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠣᠳᠤ ᠪᠣᠯᠲᠠᠯᠠ ᠪᠢ ᠭᠠᠭᠴᠠ ᠬᠤᠪᠢ ᠢᠨᠠᠭ ᠤᠨ ᠵᠠᠬᠢᠳᠠᠯ ᠪᠢᠴᠢᠯᠡ ᠭᠡᠰᠡᠨ ᠦᠭᠡ᠃
ᠬᠠᠷᠠᠵᠤ ᠪᠠᠶᠢᠲᠠᠯᠠ ᠲᠡᠭᠦᠰᠬᠦ ᠣᠶᠢᠷᠠᠲᠤᠯᠠ᠃ ᠬᠠᠮᠲᠦ ᠨᠥᠬᠦᠳ ᠤᠨ ᠬᠠᠶᠠ ᠵᠠᠷᠢᠮ ᠨᠢ ᠬᠡᠨ ᠬᠡᠨ ᠬᠤᠭᠤᠷᠤᠨᠳᠤ ᠪᠠᠨ ᠢᠨᠠᠭᠯᠠᠵᠤ ᠬᠠᠶᠢᠷᠠ ᠰᠡᠳᠭᠢᠯᠭᠡ ᠲᠠᠢ ᠪᠤᠯᠴᠢᠬᠠᠯᠠ ᠭᠡᠵᠦ ᠳᠡᠭᠡᠭᠦᠷ ᠳᠣᠣᠭᠤᠷ ᠬᠡᠯᠡᠯᠴᠡᠬᠦ ᠨᠢ ᠨᠠᠳᠠ ᠶᠢ ᠰᠡᠮᠡᠬᠡᠷ ᠪᠠᠴᠢᠮᠳᠠᠭᠤᠯᠵᠤ ᠭᠠᠷᠤᠨᠠ᠃ ︽ᠤᠳᠣ ᠬᠥᠳᠡᠯᠬᠦ ᠦᠭᠡᠢ ᠪᠣᠯ ᠪᠣᠯᠬᠤ ᠦᠭᠡᠢ︾ ᠭᠡᠰᠡᠨ ᠰᠡᠴᠡᠨᠪᠠᠭᠠᠨᠠ ᠶᠢᠨ ᠭᠡᠯᠡᠭᠰᠡᠨ ᠱᠤᠭ ᠶᠥᠮᠦᠷᠯᠢᠭ ᠦᠭᠡ ᠨᠢ ᠨᠠᠳᠠ ᠳᠤ ᠢᠨᠢᠶᠡᠳᠥᠮ ᠰᠢᠭ ᠵᠣᠷᠢᠭᠵᠢᠭᠤᠯᠤᠯ ᠰᠢᠭ᠋᠃ ᠪᠠᠳᠮᠠ ᠪᠤᠰᠤᠳ ᠲᠤ ᠬᠠᠶᠢᠷᠠ ᠰᠡᠳᠭᠢᠯᠭᠡ ᠪᠠᠨ ᠲᠤᠰᠢᠶᠠᠴᠢᠬᠠᠰᠠᠨ᠂ ᠦᠵᠦᠮ ᠠᠯᠢ ᠡᠷᠲᠡ ᠡᠷᠡᠭᠲᠡᠢ ᠨᠦᠬᠦᠷ ᠢᠶᠠᠨ ᠰᠤᠩᠭᠤᠴᠢᠬᠠᠭᠰᠠᠨ᠂ ᠳᠡᠯᠭᠡᠷᠮᠡ ᠶᠢᠨ ᠰᠠᠨᠠᠭᠠ ᠬᠠᠷᠠᠴᠠ ᠳᠡᠩᠳᠡᠭᠦᠥ ᠦᠨᠳᠦᠷ᠂ ᠦᠷᠡᠵᠢᠮᠢᠰ ᠤᠨ ᠥᠩᠭᠡ ᠵᠢᠰᠦ ᠲᠤᠩ ᠪᠠᠷᠤᠭᠲᠠᠶᠢᠬᠠᠨ᠃ ᠶᠠᠭᠠᠬᠢᠳᠠᠭ ᠪᠢᠯᠡ᠂ ᠬᠤᠷᠢᠨ ᠨᠢᠭᠡᠨ ᠡᠮᠡᠭᠲᠡᠢ ᠰᠤᠷᠤᠭᠴᠢ ᠪᠠᠨ ᠵᠠᠬᠠ ᠳᠠᠷᠠᠭᠠᠯᠠᠨ ᠪᠤᠳᠤᠭᠰᠠᠨ ᠴᠢᠨᠢ ᠠᠯᠢᠮᠠ ᠪᠢᠳᠡ ᠬᠤᠶᠠᠭᠤᠯᠠ ᠪᠣᠯ ᠨᠤᠲᠤᠭ ᠨᠢᠭᠡᠳᠡᠨ ᠪᠦᠭᠡᠳ ᠠᠩᠬᠠ ᠳᠤᠮᠳᠠᠳᠤ ᠠᠴᠠ ᠦᠨᠳᠦᠷ ᠳᠤᠮᠳᠠᠳᠤ ᠳᠤ ᠪᠠᠶᠢᠭᠠ ᠦᠶᠡᠰ ᠲᠡᠭᠡᠨ ᠴᠦ ᠨᠢᠭᠡ ᠠᠩᠬᠢ ᠶᠢᠨ ᠬᠠᠮᠲᠤ ᠰᠤᠷᠤᠭᠴᠢ ᠪᠠᠶᠢᠭᠰᠠᠨ᠂ ᠨᠠᠰᠤ ᠰᠠᠴᠠᠭᠤ᠂ ᠲᠡᠷᠡ ᠠᠰᠪᠤᠷ ᠴᠠᠶᠢᠯᠭᠠᠨ᠂ ᠬᠡᠵᠢᠶᠡᠳᠡᠢᠨᠢᠶᠡᠮᠰᠦᠭᠯᠡᠩᠭᠦᠢ ᠴᠢᠷᠠᠶᠢᠯᠠᠵᠤ᠂ ᠵᠠᠩ ᠠᠭᠠᠰᠢ ᠰᠠᠶᠢᠨ ᠵᠡᠷᠭᠡ ᠤᠯᠠᠨ ᠠᠷᠪᠢᠨ ᠢ ᠪᠣᠳᠤᠯᠬᠢᠯᠠᠵᠤ ᠲᠤᠩᠭᠠᠭᠰᠠᠨ ᠤ ᠬᠤᠶᠢᠨᠠ ᠪᠢ ᠨᠢᠭᠡᠨ ᠤᠷᠤᠢ ᠶᠢᠨ ᠳᠠᠪᠲᠠᠯᠭᠠ ᠶᠢᠨ ᠴᠠᠭ ᠲᠤ ᠪᠡᠶᠡ ᠪᠠᠨ ᠵᠣᠷᠢᠭᠵᠢᠭᠤᠯᠤᠨ ᠵᠢᠷᠤᠭᠡ ᠪᠠᠨ ᠪᠦᠳᠦᠭᠦᠷᠡᠭᠦᠯᠵᠦ ᠠᠯᠢᠮᠠ ᠳᠤ ᠢᠨᠠᠭ ᠤᠨ ᠵᠠᠬᠢᠳᠠᠯ ᠪᠢᠴᠢᠬᠦ ᠪᠠᠷ ᠵᠣᠷᠢᠭ ᠰᠢᠭᠤᠳᠤᠯᠠ᠃ ᠲᠡᠭᠡᠭᠡᠳ ᠡᠬᠢᠯᠡᠩᠭᠦᠲᠡ ᠪᠠᠨ ᠴᠣᠬᠤᠮ ᠶᠠᠭᠤ ᠬᠡᠯᠡᠵᠥ ᠶᠠᠭᠠᠬᠢᠵᠤ ᠪᠢᠴᠢᠬᠦ ᠪᠠᠨ ᠤᠯᠵᠣ ᠶᠠᠳᠠᠨ ᠪᠣᠳᠤᠭᠰᠠᠭᠠᠷ ᠪᠠᠶᠢᠵᠤ᠄
︽ᠬᠠᠶᠢᠷᠠᠲᠤ ᠳᠣᠲᠤᠨᠤ ᠬᠠᠮᠲᠤ ᠰᠤᠷᠤᠯᠭᠠᠲᠠᠨ ᠠᠯᠢᠮᠠ ᠲᠠᠨᠠ ︾ ᠭᠡᠵᠤ ᠬᠡᠳᠦ ᠤᠳᠠᠭᠠ ᠳᠠᠬᠢᠨ ᠳᠠᠪᠲᠠᠨ ᠪᠢᠴᠢᠵᠦ᠂ ᠳᠠᠬᠢᠨ ᠳᠠᠪᠲᠠᠵᠤ ᠨᠤᠭᠤᠴᠢᠵᠤ ᠪᠠᠶᠢᠵᠤ ᠡᠴᠣᠰ ᠲᠡᠭᠡᠨ ︽ᠬᠠᠶᠢᠷᠠᠲᠤ ᠳᠣᠲᠤᠨᠤ ᠰᠤᠷᠤᠯᠭᠠᠲᠠᠨ ᠠᠯᠢᠮᠠ ᠲᠠᠨᠠ ᠄
ᠦᠨᠤ ᠪᠢ ᠲᠤᠰ ᠵᠠᠬᠢᠳᠠᠯ ᠢ ᠪᠢᠴᠢᠵᠦ ᠴᠢᠮᠠ ᠳᠠᠭᠠᠨ ᠬᠡᠳᠤᠨ ᠦᠭᠡ ᠬᠡᠯᠡᠵᠦ ᠰᠡᠳᠭᠢᠯ ᠤᠨ ᠨᠢᠭᠤᠴᠠ ᠰᠠᠨᠠᠭᠠᠨ ᠤ ᠪᠣᠳᠤᠯᠭᠠ ᠪᠠᠨ ᠢᠯᠡᠳᠭᠡᠬᠦ ᠶᠢ ᠵᠤᠷᠢᠮᠤᠢ᠃ ᠮᠡᠳᠡᠭᠡᠵᠢ ᠪᠠᠷ ᠪᠢᠳᠡ ᠬᠤᠶᠠᠭᠤᠯᠠ ᠪᠣᠯ ᠬᠡᠳᠦᠨ ᠵᠢᠯ ᠤᠨ ᠡᠮᠤᠨᠡ ᠳᠤᠮᠳᠠᠲᠤ ᠰᠤᠷᠭᠠᠭᠤᠯᠢ ᠳᠤ ᠪᠠᠶᠢᠭᠠ ᠳᠠᠭᠠᠨ ᠨᠢᠭᠡ ᠪᠠᠭᠰᠢ ᠶᠢᠨ ᠰᠤᠷᠭᠠᠯ ᠢ ᠬᠥᠷᠲᠡᠵᠥ᠂ ᠨᠢᠭᠡ ᠲᠤᠭᠤᠭᠠᠨ ᠠᠴᠠ ᠬᠤᠭᠤᠯᠠ ᠢᠳᠡᠭᠰᠡᠨ ᠨᠢᠭᠡ ᠠᠩᠬᠢ ᠶᠢᠨ ᠬᠠᠮᠲᠦ ᠰᠤᠷᠤᠯᠭᠠᠲᠠᠨ ᠪᠦᠭᠡᠳ ᠨᠤᠲᠤᠭ ᠨᠢᠭᠡᠲᠡᠨ ᠪᠣᠯᠤᠨᠠ᠃ ᠥᠨᠦ ᠳᠠᠬᠢᠨ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠳᠤ ᠴᠤᠭᠭᠠᠷ ᠰᠢᠯᠭᠠᠵᠤ ᠬᠠᠮᠲᠤᠪᠠᠷ ᠡᠯᠰᠡᠭᠳᠡᠵᠦ ᠢᠷᠡᠭᠡᠳ ᠨᠢᠭᠡ ᠠᠩᠬᠢ ᠳᠤ ᠨᠢᠭᠡ ᠪᠠᠭᠰᠢ ᠶᠢᠨ ᠰᠤᠷᠭᠠᠯ ᠢ ᠬᠥᠷᠲᠡᠵᠥ ᠶᠠᠪᠤᠭᠠ ᠮᠢᠨᠢ ᠶᠠᠭᠤᠲᠡᠢ ᠬᠤᠪᠢ ᠪᠠᠷᠢᠯᠳᠤᠯᠭᠠ ᠲᠠᠢ ᠵᠠᠶᠠᠭᠠ ᠨᠢᠭᠡᠲᠡᠢ ᠭᠡᠵᠤ ᠦᠵᠡᠵᠦ ᠪᠣᠯᠤᠨᠠ᠃ ᠪᠢ ᠴᠢᠮᠠ ᠶᠢ ᠤᠶᠢᠯᠠᠭᠠᠬᠤ ᠪᠦᠭᠡᠳ ᠲᠠ ᠴᠦ ᠨᠠᠳᠠ ᠶᠢ ᠤᠶᠢᠯᠠᠭᠠᠨᠠ᠂ ᠪᠢᠳᠡ ᠤᠳᠠᠭᠠᠨ ᠡᠳᠥᠷ ᠤᠷᠲᠦ ᠬᠤᠭᠤᠴᠠᠭᠠ ᠬᠠᠮᠲᠤ ᠶᠢᠨ ᠰᠤᠷᠤᠯᠴᠠᠯᠭᠠ ᠶᠢᠨ ᠶᠠᠪᠦᠴᠠ ᠳᠤ ᠬᠤᠭᠤᠷᠤᠨᠳᠤ ᠪᠠᠨ ᠰᠡᠳᠬᠢᠯ ᠰᠠᠨᠠᠭᠠ ᠪᠠᠨ ᠮᠡᠳᠡᠯᠴᠡᠭᠰᠡᠨ ᠬᠥᠮᠥᠰ ᠪᠣᠯᠬᠤ ᠲᠤᠯᠠ ᠪᠢ ᠴᠢᠮᠠ ᠳᠤ ᠬᠠᠶᠢᠷᠠ ᠲᠠᠢ ᠭᠡᠳᠡᠭ ᠢᠶᠠᠨ ᠮᠡᠳᠡᠭᠳᠡᠶᠡ᠃
ᠡᠶᠢᠮᠦ ᠠᠴᠠ ᠰᠢᠭᠤᠳ ᠬᠡᠯᠡᠬᠦ ᠤᠴᠢᠷ ᠭᠡᠪᠡᠯ ᠂ ᠬᠤᠵᠢᠮ ᠲᠡᠭᠦᠰᠥᠭᠰᠡᠨ ᠤ ᠬᠤᠶᠢᠨᠠ ᠪᠢ ᠴᠢᠮᠠ ᠲᠠᠢ ᠬᠠᠮᠲᠤ ᠭᠡᠷ ᠪᠥᠯᠢ ᠪᠠᠶᠢᠭᠤᠯᠵᠤ ᠠᠵᠤ ᠠᠮᠢᠳᠤᠷᠠᠬᠤ ᠶᠢ ᠬᠥᠰᠡᠮᠥᠢ᠃
ᠵᠥᠪᠰᠢᠶᠡᠷᠡᠬᠦ ᠪᠣᠯᠪᠠᠤ︕
ᠡᠭᠦᠨᠡ᠄ ᠱᠤᠸᠠᠩ ᠶᠢᠨ ᠪᠣᠤ ᠠᠴᠠ
1981ᠣᠨ ᠤ 7 ᠰᠠᠷᠠ ᠶᠢᠨ20 ᠡᠳᠤᠷ ︾ ᠃
ᠶᠠᠭᠤ ᠴᠦ ᠭᠡᠰᠡᠨ ᠡᠨᠡᠬᠦ ᠬᠤᠪᠢ ᠢᠨᠠᠭ ᠤᠨ ᠵᠠᠬᠢᠳᠠᠯ ᠢᠶᠠᠨ ᠪᠢᠴᠢᠵᠦ ᠳᠠᠭᠤᠰᠬᠠᠵᠤ ᠤᠷᠲᠤ ᠭᠡᠭᠴᠢ ᠠᠮᠢᠰᠬᠤᠵᠤ ᠡᠷᠭᠢᠨ ᠲᠣᠭᠤᠷᠢᠨ ᠢ ᠬᠠᠷᠠᠭᠰᠠᠨ ᠴᠢᠨᠢ ᠠᠩᠬᠢ ᠶᠢᠨ ᠭᠡᠷ ᠲᠤ ᠪᠢ ᠭᠠᠭᠴᠠᠭᠠᠷ ᠥᠯᠡᠳᠡᠭᠡᠳ ᠪᠠᠶᠢᠯᠠ᠃ ᠲᠡᠭᠡᠭᠡᠳ ᠵᠠᠬᠢᠳᠠᠯ ᠢᠶᠠᠨ ᠪᠢ ᠳᠡᠪᠲᠡᠷ ᠤᠨ ᠳᠣᠲᠤᠷᠠ ᠪᠠᠨ ᠬᠠᠪᠴᠢᠭᠤᠯᠵᠤ ᠪᠠᠶᠢᠷᠢ ᠳᠠᠭᠠᠨ ᠬᠠᠷᠢᠭᠰᠠᠨ ᠴᠦ ᠠᠯᠢᠮᠠ ᠳᠤ ᠴᠣᠬᠤᠮ ᠬᠡᠷᠬᠢᠨ ᠭᠠᠷᠲᠠᠭᠤᠯᠬᠤ ᠪᠢᠯᠡ ᠭᠡᠵᠤ ᠰᠠᠨᠠᠭᠠ ᠵᠤᠪᠠᠯᠠ᠃ ᠵᠣᠯ ᠢᠶᠠᠷ ᠠᠯᠢᠮᠠ᠂ ᠠᠯᠲᠠᠨᠭᠡᠷᠡᠯ᠂ ᠰᠠᠷᠠᠨᠴᠣᠭᠲᠤ᠂ ᠰᠣᠭᠲᠤᠭᠤ ᠪᠠᠭᠠᠲᠤᠷ ᠲᠠᠢ ᠪᠢᠳᠡ ᠬᠡᠳᠥᠭᠦᠯᠡ ᠪᠣᠯ ᠭᠠᠷᠠᠭ ᠤᠨ ᠲᠠᠪᠤᠨ ᠤ ᠨᠢᠭᠡ ᠵᠢᠵᠢᠭᠦᠷ ᠤᠨ ᠡᠭᠡᠯᠵᠢ ᠪᠠᠶᠢᠵᠡᠢ᠃ ᠭᠤᠷᠪᠠᠳᠡᠬᠢ ᠡᠳᠥᠷ ᠤᠨ ᠭᠠᠷᠠᠭ ᠤᠨ ᠲᠠᠪᠤᠨ ᠤ ᠡᠷᠲᠡ ᠶᠢᠨ ᠲᠠᠮᠢᠷ ᠤᠨ ᠳᠠᠷᠠᠭᠠ ᠪᠢᠳᠡ ᠬᠡᠳᠥᠭᠦᠯᠡ ᠠᠩᠬᠢ ᠶᠢᠨ ᠭᠡᠷ ᠲᠤ ᠵᠢᠵᠢᠭᠦᠷᠯᠡᠬᠦ ᠪᠠᠷ ᠤᠴᠢᠭᠰᠠᠨ ᠳᠤ ᠰᠣᠭᠲᠤᠭᠤ ᠪᠠᠭᠠᠲᠤᠷ ᠲᠦᠷᠦᠭᠦᠦ ᠣᠷᠤᠢ ᠨᠢ ᠰᠣᠭᠲᠤᠲᠠᠯᠠ ᠠᠷᠢᠬᠢᠳᠠᠭᠠᠳ ᠪᠠᠰᠠ ᠯᠠ ᠪᠠᠶᠢᠷᠢ ᠳᠠᠭᠠᠨ ᠤᠨᠲᠠᠭᠰᠠᠭᠠᠷ᠂ ᠰᠠᠷᠠᠨᠴᠣᠭᠲᠤ ᠠᠯᠲᠠᠨᠭᠡᠷᠡᠯ ᠲᠠᠢ ᠬᠤᠶᠠᠭᠤᠯᠠ ᠰᠠᠭᠤᠯᠠᠭᠠ ᠠᠪᠴᠤ ᠤᠰᠤ ᠠᠪᠴᠢᠷᠠᠬᠤ ᠪᠠᠷ ᠶᠠᠪᠤᠪᠠ᠃ ᠠᠩᠬᠢ ᠶᠢᠨ ᠭᠡᠷ ᠲᠤ ᠵᠦᠪᠬᠡᠨ ᠠᠯᠢᠮᠠ ᠪᠢᠳᠡ ᠬᠤᠶᠠᠭᠤᠯᠠ ᠱᠦᠭᠦᠷ ᠠᠤᠬᠠᠳ ᠭᠠᠵᠠᠷ ᠴᠡᠪᠡᠷᠯᠡᠬᠦ ᠪᠠᠷ ᠲᠡᠭᠦᠨ ᠤ ᠮᠣᠩᠭᠠᠨᠢᠵᠤ ᠪᠠᠶᠢᠭᠰᠠᠨ ᠵᠠᠪ ᠲᠤ ᠪᠢ ᠳᠡᠪᠲᠡᠷ ᠳᠣᠲᠤᠷᠠ ᠠᠴᠠ ᠪᠠᠨ ᠢᠨᠠᠭ ᠤᠨ ᠵᠠᠬᠢᠳᠠᠯ ᠢᠶᠠᠨ ᠭᠠᠷᠭᠠᠵᠤ ︽ᠠᠯᠢᠮᠠ᠂ ᠮᠠᠢ ︾ ᠭᠡᠵᠤ ᠥᠭᠡᠷᠡ ᠶᠠᠭᠤ ᠴᠦ ᠶᠠᠷᠢᠭᠰᠠᠨ ᠦᠭᠡᠢ ᠲᠡᠭᠦᠨ ᠳᠤ ᠭᠠᠷᠲᠠᠭᠤᠯᠲᠠᠯᠠ ᠡᠭᠦᠳᠡ ᠨᠡᠭᠡᠭᠡᠭᠳᠡᠵᠥ ᠰᠠᠷᠠᠨᠴᠤᠭᠲᠤ ᠠᠯᠲᠠᠨᠭᠡᠷᠡᠯ ᠬᠤᠶᠠᠭᠤᠯᠠ ᠰᠠᠭᠤᠯᠠᠭᠠ ᠲᠠᠢ ᠤᠰᠤ ᠪᠠᠨ ᠴᠠᠯᠬᠢᠯᠠᠭᠤᠯᠤᠭᠰᠠᠭᠠᠷ ᠤᠷᠤᠵᠤ ᠢᠷᠡᠯᠡ᠃ ︽ᠪᠤᠷᠬᠠᠨ︕ ︾ ᠶᠠᠭᠤ ᠴᠦ ᠭᠡᠰᠡᠨ ᠪᠢ ᠲᠡᠷᠡᠬᠦ ᠬᠤᠪᠢ ᠵᠠᠬᠢᠳᠠᠯ ᠢᠶᠠᠨ ᠠᠯᠢᠮᠠ ᠳᠤ ᠰᠡᠮᠡᠬᠡᠷ ᠭᠠᠷᠲᠠᠭᠤᠯᠵᠤ ᠵᠠᠪᠳᠤᠯᠠ᠃ ᠰᠠᠷᠠᠨᠴᠣᠭᠲᠤ ᠠᠯᠲᠠᠨᠭᠡᠷᠡᠯ ᠬᠤᠶᠠᠭᠤᠯᠠ ᠰᠡᠷᠡᠵᠦ ᠮᠡᠳᠡᠭᠰᠡᠨ ᠶᠠᠩᠵᠤ ᠦᠭᠡᠢ ᠨᠢ ᠢᠯᠡᠬᠡᠨ᠃
ᠨᠢᠭᠡ ᠡᠳᠤᠷ ᠦᠩᠭᠡᠷᠡᠪᠡ᠂ ᠠᠯᠢᠮᠠ ᠨᠠᠳᠠ ᠬᠠᠷᠢᠭᠤ ᠴᠢᠮᠡᠭᠡ ᠦᠭᠡᠢ᠂ ᠬᠤᠶᠠᠷ ᠡᠳᠤᠷ᠂ ᠭᠤᠷᠪᠠᠨ ᠬᠤᠨᠤᠭ ᠦᠩᠭᠡᠷᠡᠪᠡ᠃ ᠲᠡᠷᠡ ᠮᠦᠨ ᠯᠠ ᠬᠠᠷᠢᠭᠤ ᠴᠢᠮᠡᠭᠡ ᠠᠯᠠᠭᠠ᠃ ᠲᠡᠷᠡ ᠦᠶᠡ ᠳᠤ ᠨᠠᠳᠠ ᠬᠠᠮᠢᠭᠠ ᠠᠴᠠ ᠪᠠᠭᠰᠢ ᠶᠢᠨ ᠬᠢᠴᠢᠶᠡᠯ ᠢ ᠰᠤᠨᠤᠰᠴᠤ ᠰᠤᠷᠬᠤ ᠰᠡᠳᠬᠢᠯ ᠪᠠᠶᠢᠬᠤᠪ ᠳ᠋ᠠ᠂ ᠴᠠᠭ ᠢᠮᠠᠭᠲᠠ ᠠᠯᠢᠮᠠ ᠶᠢᠨ ᠬᠠᠷᠢᠭᠤ ᠴᠢᠮᠡᠭᠡ ᠶᠢ ᠬᠥᠰᠡᠨᠡ᠃ ᠨᠢᠭᠡ ᠭᠠᠷᠠᠭ ᠥᠩᠭᠡᠷᠡᠭᠰᠡᠨ ᠤ ᠳᠠᠷᠠᠭᠠ ᠭᠠᠷᠠᠭ ᠤᠨ ᠲᠠᠪᠤᠨ ᠤ ᠵᠢᠵᠢᠭᠦᠷ ᠤᠨ ᠡᠭᠡᠯᠵᠢ ᠳᠤ ᠪᠣᠰᠤᠳ ᠨᠥᠬᠦᠳ ᠪᠠᠶᠢᠭᠠ ᠦᠭᠡᠢ ᠵᠠᠪ ᠲᠤ ᠪᠢ ᠬᠥᠯᠢᠶᠡᠵᠥ ᠲᠡᠰᠭᠡᠯ ᠦᠭᠡᠢ ᠲᠡᠭᠦᠨ ᠠᠴᠠ᠄
——ᠠᠯᠢᠮᠠ ᠨᠦᠬᠦᠷ ᠡ ᠄ ᠵᠠᠬᠢᠳᠠᠯ ᠢ ᠤᠩᠰᠢᠭᠰᠠᠨ ᠦᠦ︖ ᠬᠠᠷᠢᠭᠤ ᠴᠢᠮᠡᠭᠡ ᠶᠢ ᠴᠢᠨᠢ ᠬᠥᠯᠢᠶᠡᠭᠡᠳ ᠤᠳᠠᠯᠠ᠂᠂᠂᠂ ᠭᠡᠬᠦ ᠮᠢᠨᠤ ᠦᠭᠡᠨ ᠤ ᠬᠠᠷᠢᠭᠤ ᠳᠤ ᠲᠡᠭᠦᠨ ᠤ ᠴᠢᠷᠡᠢ ᠪᠠᠨ ᠤᠯᠠᠶᠢᠯᠭᠠᠨ᠄
——ᠪᠢ ᠲᠠᠨ ᠢ ᠲᠤᠩ ᠤᠶᠢᠯᠠᠭᠠᠨᠠ᠂ ᠭᠡᠲᠡᠯᠡ ᠪᠢ ᠢᠨᠠᠭ ᠤᠷᠤᠭ ᠤᠨ ᠤᠴᠢᠷ ᠢ ᠲᠦᠷ ᠪᠣᠳᠤᠯᠬᠢᠯᠠᠬᠤ ᠦᠭᠡᠢ᠂ ᠬᠤᠵᠢᠮ ᠲᠡᠭᠦᠰᠥᠭᠰᠡᠨ ᠤ ᠬᠤᠶᠢᠨᠠ ᠡᠭᠡᠴᠢ ᠶᠢᠨ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠣᠷᠤᠨ ᠤ ᠲᠥᠪ ᠲᠤ ᠣᠴᠢᠵᠤ ᠠᠵᠢᠯᠯᠠᠬᠤ ᠰᠠᠨᠠᠭᠠ ᠲᠠᠢ᠂ ᠡᠶᠢᠮᠤ ᠠᠴᠠ᠂᠂᠂᠂ ᠭᠡᠵᠥ ᠦᠭᠡ ᠪᠠᠨ ᠳᠤᠳᠠᠭᠤ ᠭᠡᠯᠡᠪᠡ᠃
1981ᠣᠨ ᠤ 7 ᠰᠠᠷᠠ ᠶᠢᠨ 20 ᠤ ᠡᠳᠤᠷ ᠪᠢᠯᠡ᠃ ᠳᠦᠷᠪᠡᠨ ᠵᠦᠭ ᠨᠠᠢᠮᠠᠨ ᠵᠣᠪᠬᠢᠰ ᠠᠴᠠ ᠴᠤᠭᠯᠠᠷᠠᠨ ᠢᠷᠡᠵᠦ ᠬᠤᠶᠠᠷ ᠵᠢᠯ ᠤᠨ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠮᠲᠤ ᠶᠢᠨ ᠠᠮᠢᠳᠤᠷᠠᠯ ᠰᠤᠷᠤᠯᠭᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠰᠠᠨᠠᠭᠠ ᠰᠡᠳᠬᠢᠯ ᠢᠶᠠᠨ ᠮᠡᠳᠡᠯᠴᠡᠵᠤ ᠰᠠᠯᠤᠯᠴᠠᠬᠤ ᠳᠤ ᠪᠡᠷᠬᠡ ᠲᠠᠨᠢᠯᠴᠠᠵᠤ ᠳᠠᠰᠤᠯᠴᠠᠭᠰᠠᠨ ᠳᠦᠴᠢᠨ ᠬᠤᠶᠠᠷ ᠨᠦᠬᠦᠳ ᠮᠢᠨᠢ ᠰᠢᠯᠢᠳᠡᠭ ᠬᠢᠷᠢ ᠪᠦᠲᠦᠮᠵᠢ ᠪᠠᠷ ᠰᠤᠷᠤᠯᠭᠠ ᠪᠠᠨ ᠲᠡᠭᠦᠰᠭᠡᠵᠦ ᠡᠬᠡ ᠰᠤᠷᠭᠠᠭᠤᠯᠢ ᠡᠨᠡᠷᠢᠯᠲᠦ ᠪᠠᠭᠰᠢ ᠨᠠᠷ ᠠᠴᠠ ᠪᠠᠨ ᠠᠶᠠᠷᠯᠠᠨ ᠰᠠᠯᠤᠯᠴᠠᠵᠤ ᠵᠠᠷᠢᠮ ᠨᠢ ᠬᠤᠰᠢᠭᠤ ᠨᠤᠲᠤᠭ ᠲᠠᠭᠠᠨ ᠬᠤᠪᠢᠶᠠᠷᠢᠯᠠᠭᠳᠠᠵᠤ᠂ ᠵᠠᠷᠢᠮ ᠨᠢ ᠬᠠᠷᠢ ᠨᠤᠲᠤᠭ ᠲᠤ ᠬᠠᠶᠢᠷᠠᠯᠠᠭᠰᠠᠨ ᠨᠢᠭᠡ ᠪᠠᠨ ᠪᠤᠷᠪᠢᠳᠠᠭᠠᠳ ᠶᠠᠪᠤᠬᠤ ᠳᠤ ᠠᠯᠢᠮᠠ ᠪᠢᠳᠡ ᠬᠤᠶᠠᠭᠤᠯᠠ ᠠᠳᠠᠯᠢ ᠨᠢᠭᠡ ᠬᠤᠰᠢᠭᠤ ᠪᠠᠯᠭᠠᠰᠤᠨ ᠳᠠᠭᠠᠨ ᠦᠯᠡᠳᠡᠵᠤ᠂ ᠲᠡᠷᠡ ᠮᠠᠨᠢ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠬᠤᠪᠢᠶᠠᠭᠳᠠᠨ ᠪᠢ ᠳᠤᠮᠳᠠᠲᠤ ᠰᠤᠷᠭᠠᠭᠤᠯᠢ ᠳᠤ ᠬᠤᠪᠢᠶᠠᠭᠳᠠᠵᠤ ᠪᠠᠭᠰᠢᠯᠠᠭᠰᠠᠨ ᠪᠠᠶᠢᠯᠠ᠃
ᠲᠡᠭᠡᠭᠡᠳ ᠲᠡᠭᠦᠰᠥᠭᠰᠡᠨ ᠤ ᠳᠠᠷᠠᠭᠠ ᠵᠢᠯ ᠨᠢ ᠪᠢ ᠪᠣᠰᠤᠳ ᠬᠡᠦᠬᠡᠨ ᠲᠠᠢ ᠬᠤᠷᠢᠮᠯᠠᠵᠤ ᠠᠯᠢ ᠬᠡᠳᠦᠶᠢᠨ ᠭᠡᠷ ᠪᠦᠯᠢ ᠪᠣᠯᠴᠢᠬᠠᠭᠰᠠᠨ ᠪᠠᠶᠢᠲᠠᠯᠠ ᠠᠯᠢᠮᠠ ᠮᠦᠨ ᠯᠠ ᠬᠠᠷᠢ ᠳᠤ ᠮᠤᠷᠳᠠᠭᠠ ᠦᠭᠡᠢ ᠪᠠᠶᠢᠯᠠ᠃ ᠬᠡᠳᠦᠨ ᠵᠢᠯ ᠤᠨ ᠳᠠᠷᠠᠭᠠ ᠠᠯᠢᠮᠠ ᠦᠨᠡᠬᠡᠷ ᠡᠭᠡᠴᠢ ᠶᠢᠨ ᠢᠶᠠᠨ ᠪᠠᠶᠢᠭᠠ ᠤᠷᠤᠨ ᠤ ᠲᠥᠪ ᠲᠤ ᠠᠵᠢᠯ ᠰᠢᠯᠵᠢᠭᠡᠳ ᠶᠠᠪᠤᠴᠢᠬᠠᠯᠠ᠂᠂᠂᠂
ᠣᠷᠴᠢᠮᠬᠠᠨ ᠪᠠᠭᠰᠢ ᠶᠢᠨ ᠰᠤᠷᠭᠠᠭᠤᠯᠢ ᠠᠴᠠ ᠲᠡᠭᠦᠰᠦᠭᠰᠡᠨ ᠮᠠᠨ ᠤ ᠠᠩᠭᠢ ᠶᠢᠨ ᠬᠠᠮᠲᠤ ᠰᠤᠷᠤᠭᠴᠢᠳ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠨ ᠭᠤᠴᠢᠨ ᠵᠢᠯ ᠤᠨ ᠣᠢ ᠪᠠᠨ ᠳᠤᠷᠠᠰᠬᠠᠬᠤ ᠨᠠᠶᠢᠷ ᠨᠠᠭᠠᠳᠤᠮ ᠤᠨ ᠴᠤᠭᠯᠠᠭᠠᠨ ᠤᠯᠠᠭᠠᠨᠬᠤᠲᠠ ᠳᠤ ᠪᠣᠯᠤᠭᠰᠠᠨ ᠳᠤ ᠠᠯᠢᠮᠠ ᠴᠦ ᠠᠯᠤᠰ ᠬᠤᠯᠠ ᠤᠷᠤᠨ ᠤ ᠲᠥᠪ ᠠᠴᠠ ᠬᠦᠷᠦᠭᠡᠳ ᠢᠷᠡᠯᠡ᠃ ᠲᠡᠷᠡ ᠮᠦᠨ ᠯᠠ ᠠᠩᠬᠠᠨ ᠤ ᠪᠠᠨ ᠰᠢᠭ᠋ ᠢᠨᠢᠶᠡᠮᠰᠦᠭ ᠴᠢᠷᠠᠶᠢᠯᠠᠵᠤ᠂ ᠡᠶᠡᠯᠰᠡᠭ ᠳᠣᠲᠤᠨᠤ᠂ ᠨᠠᠶᠢᠷ ᠳᠡᠭᠡᠷᠡ ᠤᠯᠠᠨ ᠤ ᠪᠠᠨ ᠳᠤᠮᠳᠠ ᠬᠥᠭᠡᠷᠴᠦ ᠬᠥᠭᠰᠡᠭᠡᠳ ᠯᠠ ᠭᠠᠷᠤᠨᠠ᠃
ᠨᠠᠶᠢᠷ ᠤᠨ ᠰᠢᠷᠡᠭᠡᠨ ᠳᠤ ᠬᠤᠷᠠᠨ ᠴᠤᠭᠯᠠᠷᠠᠭᠰᠠᠨ ᠬᠠᠮᠲᠤ ᠨᠦᠬᠦᠳ ᠭᠤᠴᠢᠨ ᠵᠢᠯ ᠤᠨ ᠲᠣᠷᠰᠢ ᠬᠤᠪᠢ ᠬᠤᠪᠢᠨ ᠤ ᠠᠵᠢᠯ ᠤᠶᠢᠯᠡᠰ᠂ ᠠᠳᠠᠯ ᠠᠮᠢᠳᠤᠷᠠᠯ᠂ ᠦᠷᠡ ᠬᠡᠥᠭᠡᠳ ᠢᠶᠠᠨ ᠨᠢᠭᠡᠳ ᠨᠢᠭᠡ ᠪᠠᠷ ᠬᠠᠮᠲᠤ ᠨᠦᠬᠦᠳ ᠲᠡᠭᠡᠨ ᠨᠠᠷᠢᠨ ᠨᠢᠭᠲᠠ ᠲᠠᠨᠢᠯᠴᠠᠭᠤᠯᠵᠤ ᠭᠠᠷᠤᠭᠰᠠᠨ ᠠᠴᠠ ᠠᠯᠢᠮᠠ ᠪᠣᠯ ᠠᠵᠢᠯ ᠤᠶᠢᠯᠡᠰ ᠲᠡᠭᠡᠨ ᠭᠢᠯᠠᠷᠠᠭᠤᠯᠤᠨ ᠠᠯᠳᠠᠷ ᠨᠡᠷᠡ ᠪᠠᠨ ᠮᠠᠨᠳᠤᠭᠤᠯᠵᠤ ᠶᠠᠪᠤᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠡᠷᠦᠭᠡ ᠭᠡᠷ ᠲᠡᠭᠡᠨ ᠰᠡᠳᠬᠢᠯ ᠲᠡᠨᠢᠭᠦᠨ ᠵᠣᠯ ᠵᠢᠷᠭᠠᠯᠲᠡᠢ ᠠᠵᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠠ ᠶᠢ ᠨᠢ ᠰᠤᠨᠤᠰᠤᠭᠠᠳ ᠪᠢ ᠴᠦ ᠳᠣᠳᠤᠷᠠ ᠪᠠᠨ ᠰᠡᠮᠡᠬᠡᠷ ᠰᠡᠳᠬᠢᠯ ᠪᠠᠶᠠᠰᠴᠤ ᠭᠠᠷᠤᠭᠰᠠᠨ ᠪᠠᠶᠢᠯᠠ᠃
ᠬᠤᠶᠠᠷ ᠡᠳᠥᠷ ᠤᠨ ᠬᠠᠮᠲᠤ ᠶᠢᠨ ᠨᠠᠶᠢᠷ ᠬᠤᠷᠤᠮᠬᠠᠨ ᠵᠠᠭᠤᠷᠠ ᠦᠩᠭᠡᠷᠡᠨ ᠤᠳᠴᠦ ᠦᠨᠳᠦᠷᠯᠡᠬᠦ ᠪᠣᠯᠤᠭᠰᠠᠨ ᠭᠤᠷᠪᠠᠳᠡᠬᠢ ᠡᠳᠥᠷ ᠤᠨ ᠦᠷᠯᠦᠭᠡ ᠶᠢᠨ ᠬᠤᠭᠤᠯᠠᠨ ᠤ ᠳᠠᠷᠠᠭᠠ ᠪᠢᠳᠡ ᠵᠣᠴᠢᠳ ᠤᠨ ᠪᠠᠭᠤᠳᠠᠯ ᠤᠨ ᠡᠭᠦᠳᠡᠨ ᠡᠮᠤᠨᠡ ᠬᠤᠭᠤᠷᠤᠨᠳᠤ ᠪᠠᠨ ᠰᠠᠯᠵᠤ ᠶᠠᠳᠠᠨ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠭᠡᠰᠡᠨ ᠦᠭᠡᠢ ᠭᠠᠷ ᠭᠠᠷ ᠢᠶᠠᠨ ᠠᠳᠬᠤᠯᠴᠠᠨ᠂ ᠪᠡᠶᠡ ᠪᠡᠶᠡ ᠪᠠᠨ ᠲᠡᠪᠡᠷᠢᠯᠴᠡᠬᠦ ᠳᠤ ᠪᠢ ᠴᠦ ᠠᠯᠢᠮᠠ ᠶᠢᠨ ᠭᠠᠷ ᠢ ᠠᠵᠢᠭ ᠦᠭᠡᠢ ᠴᠢᠩᠭᠠᠬᠠᠨ ᠠᠳᠬᠤᠵᠤ ︽ᠠᠯᠢᠮᠠ ᠪᠠᠶᠠᠷᠲᠡᠢ ︾ ᠭᠡᠵᠦ ᠲᠡᠭᠦᠨ ᠲᠠᠢ ᠰᠠᠯᠬᠤ ᠶᠣᠰᠣ ᠶᠢ ᠭᠥᠢᠴᠡᠳᠭᠡᠬᠦ ᠳᠤ ᠲᠡᠭᠦᠨ ᠤ ᠴᠢᠷᠡᠢ ᠮᠡᠳᠡᠭᠳᠡᠮᠡ ᠤᠯᠠᠰᠬᠢᠨ ᠮᠢᠨᠦ ᠥᠭᠡᠳᠡ ᠢᠨᠢᠶᠡᠮᠰᠦᠭᠯᠡᠵᠦ ᠭᠠᠷᠤᠯᠠ᠃
2011ᠣᠨ ᠤ 9 ᠰᠠᠷᠠ ᠢᠨᠳᠡᠷ ᠲᠤ