ᠬᠡᠤᠬᠡᠳ ᠦᠶᠡ ᠰᠠᠶᠢᠬᠠᠨ
ᠡᠬᠡ ᠶᠢᠨ ᠰᠦ ᠶᠢ ᠰᠢᠮᠡᠵᠦ
ᠡᠩᠭᠦᠷᠡᠢ ᠬᠠᠶᠢᠷᠠ ᠶᠢ ᠬᠦᠷᠲᠡᠵᠦ
ᠡᠴᠢᠭᠡ ᠳᠡᠭᠡᠨ ᠡᠷᠳᠡᠨᠢ ᠠᠳᠠᠯᠢ
ᠡᠷᠬᠡ ᠳᠤᠷᠠ ᠪᠠᠷ ᠢᠶᠠᠨ ᠲᠤᠷᠨᠢᠬᠤ
ᠬᠡᠤᠬᠡᠳ ᠦᠶᠡ ᠰᠠᠶᠢᠬᠠᠨ᠃
ᠬᠠᠯᠠᠭᠤᠨ ᠦᠯᠦᠭᠡᠢ ᠳᠤ ᠪᠦᠪᠡᠶᠢᠯᠡᠭᠳᠡᠵᠦ
ᠬᠠᠶᠢᠷᠠ ᠶᠢᠨ ᠳᠠᠯᠠᠢ ᠳᠤ ᠱᠣᠩᠪᠠᠵᠤ
ᠬᠠᠮᠤᠭ ᠰᠠᠶᠢᠨ ᠢ ᠡᠳ᠋ᠯᠡᠵᠦ
ᠬᠦᠭᠡᠷᠦᠬᠦᠨ ᠪᠤᠶᠢᠵᠢᠵᠦ ᠶᠠᠪᠤᠭᠠ
ᠬᠡᠣᠬᠡᠳ ᠦᠶᠡ ᠰᠠᠶᠢᠬᠠᠨ᠃
ᠡᠴᠢᠭᠡ ᠶᠢᠨ ᠢᠶᠠᠨ ᠳᠠᠯᠠᠶᠢᠭᠰᠠᠨ ᠭᠠᠷ ᠢ
ᠡᠬᠡᠭᠦᠯᠦᠨ ᠪᠣᠴᠠᠭᠠᠨ ᠠᠪᠠᠴᠢᠭᠤᠯᠵᠤ
ᠡᠬᠡ ᠶᠢᠨ ᠢᠶᠠᠨ ᠠᠭᠤᠷᠯᠠᠭᠰᠠᠨ ᠴᠢᠷᠠᠢ ᠶᠢ
ᠡᠷᠭᠢᠭᠡᠳ ᠳᠠᠬᠢᠨ ᠢᠨᠢᠶᠡᠯᠭᠡᠴᠢᠳᠡᠭ
ᠬᠡᠤᠬᠡᠳ ᠦᠶᠡ ᠰᠠᠶᠢᠬᠠᠨ᠃
ᠰᠤᠷᠭᠠᠭᠤᠯᠢ ᠶᠢᠨ ᠪᠤᠱᠤᠭᠠ ᠶᠢ ᠠᠯᠬᠤᠵᠦ
ᠰᠤᠶᠤᠯ ᠮᠡᠳᠡᠯᠭᠡ ᠶᠢ ᠡᠵᠡᠮᠰᠢᠵᠦ
ᠰᠢᠮᠳᠠᠨ ᠴᠢᠷᠮᠠᠶᠢᠨ ᠰᠤᠷᠤᠯᠴᠠᠵᠤ
ᠰᠣᠳᠣᠨ ᠵᠢᠭᠦᠷ ᠤᠷᠭᠤᠬᠤ
ᠬᠡᠤᠬᠡᠳ ᠦᠶᠡ ᠰᠠᠶᠢᠬᠠᠨ᠃
ᠠᠪᠤ ᠪᠣᠯᠤᠨ ᠮᠦᠮᠦ ᠶᠢᠨ ᠢᠶᠠᠨ
ᠠᠯᠠᠭᠠᠨ ᠳᠡᠭᠡᠷᠡ ᠨᠢ ᠪᠦᠮᠪᠦᠷᠢᠵᠦ
ᠠᠴᠢᠲᠤ ᠬᠦᠨᠳᠦᠲᠦ ᠪᠠᠭᠰᠢ ᠶᠢᠨ ᠢᠶᠠᠨ
ᠠᠷᠢᠭᠤᠨ ᠰᠤᠷᠭᠠᠯ ᠢ ᠬᠦᠷᠲᠡᠬᠦ
ᠬᠡᠣᠬᠡᠳ ᠦᠶᠡ ᠰᠠᠶᠢᠬᠠᠨ᠃
ᠡᠭᠡᠷᠡᠮᠡ ᠲᠠᠯᠠ ᠶᠢᠨ ᠳᠤᠮᠳᠠᠭᠤᠷ
ᠡᠪᠡᠰᠦ ᠬᠤᠸᠠᠷ ᠤᠨ ᠳᠡᠷᠭᠡᠲᠡᠭᠦᠷ
ᠡᠷᠬᠡ ᠳᠤᠷᠠ ᠪᠠᠷ ᠭᠦᠶᠦᠯᠳᠦᠨ
ᠡᠷᠪᠡᠬᠡᠢ ᠪᠠᠷᠢᠨ ᠬᠦᠭᠡᠭᠡᠴᠡᠯᠳᠦᠬᠦ
ᠬᠡᠣᠬᠡᠳ ᠦᠶᠡ ᠰᠠᠶᠢᠬᠠᠨ᠃
ᠲᠤᠭᠤᠯ ᠢᠶᠠᠨ ᠬᠠᠷᠢᠭᠤᠯᠵᠤ
ᠲᠠᠯᠠ ᠪᠠᠷ ᠢᠶᠠᠨ ᠲᠣᠭᠯᠠᠯᠳᠤᠵᠤ
ᠲᠠᠪᠠ ᠪᠠᠷ ᠢᠶᠠᠨ ᠨᠠᠭᠠᠳᠴᠤ
ᠲᠣᠮᠤᠵᠢᠨ ᠪᠣᠶᠢᠵᠢᠭᠠ
ᠬᠡᠣᠬᠡᠳ ᠦᠶᠡ ᠰᠠᠶᠢᠬᠠᠨ᠃
ᠬᠡᠰᠡᠭ ᠰᠢᠬᠢᠷ ᠢ ᠴᠦ ᠪᠣᠯᠢᠶᠠᠯᠳᠤᠭᠠᠳ
ᠬᠤᠭᠤᠷᠤᠨᠳᠤ ᠪᠠᠨ ᠮᠠᠷᠭᠤᠭᠠᠨ ᠪᠣᠯᠴᠢᠬᠠᠳᠠᠭ
ᠬᠡᠮᠬᠡᠳᠡᠭ ᠪᠣᠣᠪᠤ ᠶᠢ ᠨᠢ ᠢᠳᠡᠴᠢᠭᠡᠪᠡᠯ
ᠬᠡᠮᠵᠢᠶᠡ ᠴᠦ ᠦᠭᠡᠢ ᠨᠠᠶᠢᠵᠠᠯᠠᠴᠢᠬᠠᠳᠠᠭ
ᠬᠡᠤᠬᠡᠳ ᠦᠶᠡ ᠰᠠᠶᠢᠬᠠᠨ᠃
ᠤᠯᠠᠭᠠᠨ ᠪᠦᠴᠡ ᠳᠠᠷᠪᠠᠯᠵᠠᠭᠦᠯᠵᠦ
ᠦᠶᠡ ᠬᠤᠷᠠᠭ ᠢᠶᠠᠷ ᠢᠶᠠᠨ ᠬᠦᠭᠡᠷᠦᠯᠳᠦᠵᠦ
ᠡᠳᠦᠷᠵᠢᠨ ᠴᠡᠩᠭᠡᠯᠳᠦᠨ ᠨᠠᠶᠢᠷᠠᠯᠳᠤᠬᠤ
ᠤᠭᠤᠷᠠᠭ ᠲᠠᠷᠢᠬᠢ ᠪᠠᠨ ᠬᠦᠭᠵᠢᠭᠡᠬᠦ
ᠬᠡᠣᠬᠡᠳ ᠦᠶᠡ ᠰᠠᠶᠢᠬᠠᠨ᠃
ᠪᠣᠯᠳᠠᠭ ᠰᠠᠨ ᠪᠣᠯ ᠬᠡᠣᠬᠡᠳ ᠦᠶᠡ ᠳᠡᠭᠡᠨ
ᠪᠣᠴᠠᠭᠠᠳ ᠳᠠᠬᠢᠨ ᠣᠴᠢᠨᠠ ᠳ᠋ᠠ
ᠪᠠᠭ᠋ᠠᠳᠤᠯ ᠢ ᠲᠠᠲᠠᠭᠠᠳ ᠪᠠᠶᠢᠳᠠᠭ
ᠪᠠᠭᠠ ᠨᠠᠰᠤᠨ ᠤ ᠮᠢᠨᠢ ᠶᠢᠷᠳᠢᠨᠴᠤ ᠶᠢᠨ
ᠬᠡᠤᠬᠡᠳ ᠦᠶᠡ ᠰᠠᠶᠢᠬᠠᠨ᠃
ᠬᠦᠮᠦᠨ ᠪᠦᠬᠦᠨ ᠳᠤ ᠲᠤᠬᠢᠶᠠᠯᠳᠤᠳᠠᠭ
ᠬᠦᠰᠡᠭᠡᠳ ᠳᠠᠬᠢᠭᠠᠳ ᠢᠷᠡᠭᠡ ᠦᠭᠡᠢ
ᠬᠠᠶᠢᠷᠠ ᠰᠢᠩᠭᠡᠭᠡᠭᠰᠡᠨ ᠪᠠᠭᠠ ᠨᠠᠰᠤᠨ ᠤ
ᠬᠡᠥᠭᠡᠳ ᠦᠶᠡ ᠰᠠᠶᠢᠬᠠᠨ
ᠬᠡᠤᠭᠡᠳ ᠦᠶᠡ ᠳᠤᠷᠠᠰᠤᠯᠲᠡᠢ︕