ᠢᠨᠳᠡᠷ ᠤᠨ ᠮᠠᠭᠲᠠᠭᠠᠯ
︵ᠬᠤᠯᠪᠤᠭᠠ︶
ᠠᠷᠠᠯᠲᠤ ᠬᠤᠭᠤᠷ ᠢᠶᠠᠨ ᠪᠠᠷᠢᠯᠠ ᠪᠢ
ᠠᠶᠠᠯᠭᠤ ᠬᠦᠭᠵᠢᠮ ᠢᠶᠠᠨ ᠡᠭᠦᠰᠭᠡᠶᠡ
ᠠᠬᠠ ᠳᠡᠭᠦᠦ ᠣᠯᠠᠨ ᠲᠠᠨᠠᠷ ᠲᠠᠭᠠᠨ
ᠢᠨᠳᠡᠷ ᠪᠠᠯᠭᠠᠰᠤ ᠪᠠᠨ ᠬᠤᠯᠪᠤᠵᠦ ᠦᠭᠭᠦᠶᠡ᠃
ᠤᠲᠠᠰᠤᠲᠤ ᠴᠤᠭᠤᠷ ᠢᠶᠠᠨ ᠠᠳᠬᠤᠯᠠ ᠪᠢ
ᠤᠶᠠᠩᠭᠠᠲᠤ ᠳᠠᠭᠤᠤ ᠪᠠᠨ ᠲᠠᠭᠤᠯᠠᠶᠠ
ᠦᠷᠭᠡᠨ ᠣᠯᠠᠨ ᠲᠠᠨᠠᠷ ᠲᠠᠭᠠᠨ
ᠢᠨᠳᠡᠷ ᠪᠠᠯᠭᠠᠰᠤ ᠪᠠᠨ ᠮᠠᠭᠲᠠᠵᠤ ᠦᠭᠭᠦᠶᠡ᠃
ᠳᠡᠭᠲᠡᠷ ᠳᠡᠭᠲᠡᠷ ᠦᠭᠡᠳᠡᠯᠡᠬᠦ ᠱᠠᠲᠤ ᠶᠢ
ᠢᠨᠳᠡᠷ ᠭᠡᠵᠦ ᠬᠡᠯᠡᠨᠡ ᠦᠦ ᠳ᠋ᠠ
ᠳᠠᠪᠰᠢᠨ ᠳᠠᠪᠰᠢᠬᠤ ᠵᠠᠯᠠᠶᠢᠳ ᠤᠨ ᠲᠥᠪ ᠢ
ᠢᠨᠳᠡᠷ ᠭᠡᠵᠦ ᠳᠠᠭᠤᠳᠠᠨᠠ ᠰᠢᠤ᠃
ᠵᠠᠯᠠᠶᠢᠳ ᠬᠤᠰᠢᠭᠤᠨ ᠤ ᠲᠥᠪ ᠪᠠᠯᠭᠠᠰᠤ
ᠵᠢᠷᠭᠤᠭᠠᠨ ᠲᠥᠮᠡᠨ ᠬᠦᠮᠦᠨ ᠲᠠᠢ ᠬᠤᠲᠠ ᠪᠠᠯᠭᠠᠰᠤ
ᠵᠢᠷᠠᠨ ᠵᠢᠯ ᠤᠨ ᠬᠦᠭᠵᠢᠯᠲᠡ ᠲᠠᠢ ᠣᠷᠤᠨ ᠪᠠᠯᠭᠠᠰᠤ
ᠵᠢᠷᠭᠠᠯᠲᠤ ᠠᠮᠢᠳᠤᠷᠠᠯ ᠤᠨ ᠪᠡᠯᠭᠡᠳᠡᠯ ᠲᠠᠢ ᠪᠠᠯᠭᠠᠰᠤ᠃
ᠦᠩᠭᠡᠷᠡᠭᠰᠡᠨ ᠤ ᠲᠡᠤᠬᠡ ᠶᠢ ᠨᠢ ᠬᠡᠯᠡᠪᠡᠯ
ᠦᠨᠡᠭᠡᠷ ᠢᠲᠡᠭᠡᠵᠦ ᠶᠠᠳᠠᠮᠠᠷ ᠪᠠᠶᠢᠨᠠ
ᠦᠴᠦᠭᠡᠳᠦᠷ ᠤᠨ ᠪᠠᠶᠢᠳᠠᠯ ᠢ ᠨᠢ ᠦᠬᠦᠯᠡᠪᠡᠯ
ᠡᠪᠳᠡᠷᠬᠡᠢ ᠴᠤᠴᠠᠷᠬᠠᠢ ᠨᠢ ᠠᠷᠭᠠ ᠦᠭᠡᠢ ᠪᠠᠶᠢᠨᠠ᠃
ᠡᠩᠬᠦᠯ ᠳᠣᠩᠬᠤᠯ ᠵᠠᠮ ᠨᠤᠭᠤᠳ ᠨᠢ
ᠡᠪᠡᠰᠦ ᠰᠢᠷᠠᠯᠵᠢ ᠤᠷᠭᠤᠭᠰᠠᠨ ᠶᠤᠮ
ᠡᠷᠪᠡᠬᠡᠷ ᠰᠡᠷᠪᠡᠬᠡᠷ ᠬᠡᠳᠤᠨ ᠤᠯᠢᠶᠠᠰᠦ ᠨᠢ
ᠠᠳᠡ ᠲᠡᠨᠳᠡ ᠦᠨᠦᠴᠢᠷᠡᠭᠰᠡᠨ ᠶᠤᠮ᠃
ᠡᠭᠦᠯᠡ ᠰᠡᠯᠬᠢᠨ ᠳᠡᠭᠳᠡᠪᠡᠯ ᠳ᠋ᠠ
ᠡᠯᠡᠰᠦ ᠲᠤᠭᠤᠰᠤ ᠬᠡᠶᠢᠰᠳᠡᠭ ᠪᠠᠶᠢᠨᠠ
ᠦᠳᠡᠰᠢ ᠤᠷᠤᠢ ᠪᠣᠯᠪᠠᠯ ᠳ᠋ᠠ
ᠦᠵᠡᠬᠦ ᠨᠢᠳᠤᠨ ᠳᠤ ᠬᠠᠷᠠᠩᠭᠤᠢ ᠪᠠᠶᠢᠨᠠ᠃
ᠲᠣᠭᠤᠰᠬᠠ ᠸᠠᠭᠠᠷ ᠤᠨ ᠪᠠᠶᠢᠰᠢᠩ ᠭᠡᠪᠡᠯ
ᠲᠤᠩ ᠴᠦᠬᠡᠨ ᠬᠠᠷᠠᠭᠳᠠᠳᠠᠭ ᠪᠠᠶᠢᠨᠠ
ᠲᠤᠮᠤ ᠰᠢᠭ ᠳᠡᠯᠭᠡᠭᠦᠷ ᠭᠡᠪᠡᠯ
ᠲᠣᠭᠠᠨ ᠳᠤ ᠤᠷᠤᠬᠤ ᠨᠢ ᠴᠦᠬᠡᠨ ᠪᠠᠶᠢᠨᠠ᠃
ᠦᠨᠦᠳᠦᠷ ᠢ ᠨᠢ ᠦᠵᠡᠵᠦ ᠬᠠᠷᠠᠪᠡᠯ
ᠦᠰᠦᠳ ᠶᠡᠭᠡ ᠬᠤᠪᠢᠷᠠᠯᠲᠠ ᠲᠠᠢ ᠪᠠᠶᠢᠨᠠ
ᠦᠩᠭᠡ ᠲᠦᠷᠰᠦ ᠨᠢ ᠰᠢᠨᠡᠲᠦᠭᠡᠳ
ᠡᠳᠦᠷ ᠠᠴᠠ ᠡᠳᠦᠷ ᠬᠦᠭᠵᠢᠵᠦ ᠪᠠᠶᠢᠨᠠ᠃
ᠦᠨᠳᠦᠷ ᠰᠦᠷᠯᠢᠭ ᠠᠰᠠᠷ ᠲᠠᠭᠳᠤ
ᠡᠭᠦᠯᠡᠨ ᠳᠤ ᠰᠢᠷᠭᠤᠮᠠᠷ ᠰᠦᠨᠳᠡᠷᠯᠡᠯᠡ
ᠦᠷᠭᠡᠨ ᠳᠠᠷᠳᠠᠩ ᠵᠠᠭᠡᠯᠢ ᠭᠤᠲᠤᠮᠵᠢ
ᠦᠨᠡᠬᠡᠷ ᠭᠤᠶᠤᠬᠠᠨ ᠳᠡᠪᠢᠰᠥᠭᠳᠡᠯᠡ᠃
ᠬᠤᠲᠠ ᠪᠠᠯᠭᠠᠰᠤ ᠨᠢ ᠬᠦᠭᠵᠢᠭᠡᠳ
ᠬᠤᠳᠠᠯᠳᠤᠭᠠ ᠮᠠᠶᠢᠮᠠᠢ ᠨᠢ ᠬᠦᠭᠵᠢᠶᠡᠨᠲᠡᠢ
ᠬᠤᠸᠠᠷ ᠴᠡᠴᠡᠭ ᠮᠢᠷᠠᠯᠵᠠᠭᠠᠳ
ᠬᠤᠲᠠᠯᠠ ᠣᠯᠠᠨ ᠨᠢ ᠪᠠᠶᠠᠰᠬᠤᠯᠠᠩᠲᠡᠢ᠃
ᠦᠩᠭᠡ ᠪᠦᠷᠢ ᠶᠢᠨ ᠳ᠋ᠧᠩ ᠨᠤᠭᠤᠳ ᠨᠢ
ᠦᠲᠡᠰᠢ ᠶᠢᠨ ᠬᠠᠷᠠᠩᠭᠤᠢ ᠶᠢ ᠭᠡᠷᠡᠯᠲᠦᠭᠦᠯᠵᠡᠢ
ᠦᠵᠡᠮᠵᠢᠲᠦ ᠰᠠᠶᠢᠬᠠᠨ ᠲᠢᠶᠠᠲᠷ ᠨᠢ
ᠦᠢ ᠲᠦᠮᠡᠨ ᠤ ᠨᠠᠷᠭᠢᠶᠠᠨᠲᠡᠢ᠃
ᠲᠡᠷᠭᠡ ᠮᠠᠰᠢᠨ ᠣᠯᠠᠰᠢᠷᠠᠭᠠᠳ
ᠲᠡᠭᠡᠭᠡᠪᠦᠷᠢ ᠶᠢᠨ ᠦᠢᠯᠡᠰ ᠬᠦᠭᠵᠢᠯᠡ
ᠲᠠᠸᠠᠷ ᠪᠠᠷᠠᠭᠠ ᠡᠯᠪᠡᠭᠵᠢᠭᠡᠭᠡᠳ
ᠲᠦᠮᠡᠨ ᠤ ᠠᠮᠢᠳᠤᠷᠠᠯ ᠪᠠᠶᠠᠯᠢᠭᠵᠢᠯᠠ᠃
ᠤᠳᠠ ᠤᠯᠢᠶᠠᠰᠤ ᠨᠠᠷᠠᠰᠤ ᠮᠠᠶᠢᠯᠠᠰᠤ
ᠵᠠᠮ ᠤᠨ ᠬᠦᠪᠡᠭᠡ ᠪᠠᠷ ᠵᠢᠭᠳᠡᠷᠡᠯᠡ
ᠤᠯᠠᠭᠠᠨ ᠬᠤᠸᠠᠷ ᠰᠢᠷᠠ ᠴᠡᠴᠡᠭ
ᠵᠡᠭᠡᠯᠢ ᠶᠢᠨ ᠵᠠᠬᠠ ᠪᠠᠷ ᠮᠢᠷᠠᠯᠵᠠᠯᠠ᠃
ᠠᠮᠳᠠᠲᠤ ᠴᠡᠪᠡᠷᠬᠡᠨ ᠲᠠᠲᠠᠭᠠᠯ ᠤᠰᠤ ᠨᠢ
ᠡᠷᠦᠭᠡ ᠪᠦᠷᠢ ᠳᠤ ᠬᠦᠷᠭᠡᠭᠳᠡᠯᠡ
ᠡᠪᠦᠯ ᠤᠨ ᠲᠤᠯᠠᠭᠠᠨ ᠢᠯᠴᠢ ᠨᠢ
ᠦᠷᠦᠭᠡ ᠪᠣᠯᠭᠠᠨ ᠳᠤ ᠨᠡᠪᠲᠡᠷᠡᠯᠡ᠃
ᠡᠮᠨᠡᠯᠭᠡ ᠶᠢᠨ ᠦᠢᠯᠡᠰ ᠬᠦᠭᠵᠢᠭᠡᠳ
ᠡᠷᠡᠭᠦᠯ ᠡᠩᠬᠡ ᠶᠢ ᠪᠠᠳᠤᠯᠠᠵᠤ ᠪᠠᠶᠢᠨᠠ
ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠢ ᠡᠷᠬᠢᠮᠯᠡᠭᠡᠳ
ᠦᠲᠡᠯᠦᠭᠰᠡᠨ ᠵᠠᠯᠠᠭᠤᠰ ᠴᠢᠬᠢᠷᠠᠭᠵᠢᠵᠤ ᠪᠠᠶᠢᠨᠠ᠃
ᠠᠰᠢᠭ ᠤᠷᠤᠯᠭᠠ ᠨᠢ ᠨᠡᠮᠡᠭᠳᠡᠭᠡᠳ
ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠨᠢ ᠴᠢᠨᠡᠭᠡᠯᠢᠭᠵᠢᠵᠦ ᠪᠠᠶᠢᠨᠠ
ᠣᠷᠤᠨ ᠰᠠᠭᠤᠴᠠ ᠨᠢ ᠰᠢᠨᠡᠳᠦᠭᠡᠳ
ᠠᠳᠠᠯ ᠦᠢᠯᠡᠰ ᠨᠢ ᠬᠦᠭᠵᠢᠵᠦ ᠪᠠᠶᠢᠨᠠ᠃
ᠬᠤᠷᠴᠢᠬᠢᠨᠠᠨ ᠤᠷᠤᠰᠬᠤ ᠠᠮᠢᠨ ᠭᠤᠣᠯ ᠨᠢ
ᠬᠠᠰ ᠤᠨ ᠪᠦᠰᠡᠯᠡᠭᠦᠷ ᠴᠦ ᠥᠭᠡᠷᠡ ᠦᠦ ᠳ᠋ᠠ
ᠬᠤᠯᠠ ᠣᠶᠢᠷᠠ ᠶᠢᠨ ᠵᠣᠴᠢᠳ ᠲᠠᠭᠠᠨ
ᠬᠠᠳᠠᠭ ᠢᠶᠠᠨ ᠳᠡᠪᠰᠢᠭᠦᠯᠦᠭᠰᠡᠨ ᠴᠦ ᠥᠭᠡᠷᠡ ᠦᠦ ᠳ᠋ᠠ
ᠲᠣᠷᠠᠨ ᠰᠠᠶᠢᠬᠠᠨ ᠨᠠᠭᠤᠷ ᠨᠢ
ᠲᠣᠯᠢ ᠪᠣᠯᠤᠷ ᠴᠦ ᠥᠭᠡᠷᠡ ᠦᠦ ᠳ᠋ᠠ
ᠳᠤᠮᠳᠠ ᠨᠢ ᠰᠦᠭᠯᠡᠶᠢᠭᠰᠡᠨ ᠠᠷᠠᠯ ᠨᠢ
ᠲᠤᠭ ᠮᠠᠯᠠᠭᠠᠢ ᠴᠦ ᠥᠭᠡᠷᠡ ᠦᠦ ᠳ᠋ᠠ᠃
ᠵᠢᠵᠢᠭ ᠬᠤᠲᠠ ᠪᠠᠯᠭᠠᠰᠤᠨ ᠤ ᠪᠠᠶᠢᠭᠤᠯᠤᠯᠲᠠ
ᠵᠢᠱᠢᠶᠡ ᠪᠣᠯᠣᠯᠠ ᠪᠦᠬᠦ ᠣᠷᠤᠨ ᠳᠠᠭᠠᠨ
ᠵᠠᠯᠠᠶᠢᠳ ᠠᠯᠳᠠᠷ ᠢᠶᠠᠨ ᠮᠠᠨᠳᠤᠭᠤᠯᠤᠭᠠᠳ
ᠵᠢᠪᠬᠤᠭᠠ ᠲᠡᠭᠦᠯᠳᠡᠷ ᠤᠷᠤᠭᠰᠢᠯᠠᠵᠤ ᠪᠠᠶᠢᠨᠠ᠃
ᠤᠶᠤᠨ ᠤ ᠪᠣᠯᠪᠠᠰᠤᠨ ᠤ ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠯᠲᠠ
ᠣᠷᠤᠨ ᠲᠠᠶᠠᠭᠠᠷ ᠳᠠᠭᠤᠷᠢᠶᠠᠯ ᠪᠣᠯᠣᠯᠠ
ᠣᠷᠴᠢᠨ ᠲᠤᠭᠤᠷᠢᠨ ᠨᠢ ᠴᠡᠪᠡᠷᠰᠢᠭᠡᠳ
ᠦᠢ ᠲᠦᠮᠡᠨ ᠳᠡᠭᠡᠨ ᠲᠠᠭᠠᠯᠠᠭᠳᠠᠬᠤ ᠪᠣᠯᠣᠯᠠ᠃