ᠴᠤᠬᠤᠮ ᠬᠡᠨ ᠤ ᠲᠦᠯᠦᠭᠡ ᠱᠤᠷᠤᠩ ᠳᠤ ᠰᠠᠭᠤᠪᠠ
ᠡᠪᠦᠯ ᠦᠨ ᠰᠡᠭᠦᠯᠴᠢ ᠵᠢᠨ ᠨᠢᠭᠡᠨ ᠰᠦᠨᠢ᠂ ᠬᠤᠤᠷᠯᠠᠭᠳᠠᠭᠴᠢ ᠯᠢᠦ ᠤᠪᠤᠭᠲᠤ ᠨᠢ ᠲᠠᠨᠢᠯ ᠪᠤᠰᠤ ᠬᠦᠮᠦᠨ ᠳᠦ ᠴᠤᠬᠢᠭᠳᠠᠵᠤ᠂ ᠬᠠᠥᠯᠢ ᠪᠤᠰᠤ ᠪᠡᠷ ᠪᠦᠬᠦᠯᠢ ᠳᠦᠷᠪᠡᠨ ᠴᠠᠭ ᠬᠢᠷᠢᠲᠡᠢ ᠬᠤᠷᠢᠭᠳᠠᠵᠤ᠂ ᠬᠠᠷᠠ ᠲᠠᠮᠤᠯᠠᠯ ᠠᠮᠰᠠᠵᠤ ᠠᠷᠠᠢ ᠯᠠ ᠠᠮᠢ ᠲᠠᠢ ᠲᠤᠲᠠᠭᠠᠵᠤ ᠭᠠᠷᠴᠠᠢ᠃ ᠦᠢᠷᠠ ᠳᠤ᠂ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠵᠠᠭᠠᠯᠳᠤᠭᠳᠠᠭᠴᠢ ᠯᠢ ᠤᠪᠤᠭᠲᠤ ᠪᠤᠯᠤᠨ ᠴᠢᠦ ᠤᠪᠤᠭᠲᠤ ᠶᠢ ᠬᠠᠥᠯᠢ ᠪᠤᠰᠤ ᠪᠡᠷ ᠬᠤᠷᠢᠭᠰᠠᠨ ᠶᠠᠯᠠ ᠪᠡᠷ ᠠᠯᠪᠠᠨ ᠵᠠᠭᠠᠯᠳᠤᠯᠭᠠ ᠬᠢᠭᠰᠡᠨ ᠪᠠᠶᠢᠨᠠ᠃
2016 ᠤᠡ ᠦ 12 ᠰᠠᠷᠠ ᠵᠢᠨ 1 ᠦ ᠤᠷᠤᠢ ᠵᠢᠨ 9᠄35 ᠦᠶᠡ ᠪᠡᠷ᠂ ᠵᠠᠭᠠᠯᠳᠤᠭᠳᠠᠭᠴᠢ ᠯᠢ ᠤᠪᠤᠭᠲᠤ᠂ ᠴᠢᠦ ᠤᠪᠤᠭᠲᠤ ᠪᠤᠯᠤᠨ ᠬᠤᠤᠷᠯᠠᠭᠳᠠᠭᠴᠢ ᠯᠢᠦ ᠤᠪᠤᠭᠲᠤ ᠵᠢᠨ ᠨᠠᠶᠢᠵᠠ ᠦᠬᠢᠨ ᠭᠤᠷᠪᠠᠭᠤᠯᠠ ᠰᠢᠷᠠᠯᠠᠭᠠ ᠵᠢᠨ ᠬᠤᠭᠤᠯᠠᠨ ᠭᠡᠷ ᠲᠦ ᠠᠷᠢᠬᠢ ᠤᠤᠭᠤᠵᠤ ᠪᠠᠷᠠᠭᠠᠳ ᠭᠠᠷᠬᠤ ᠦᠶᠡ ᠳ᠋ᠠᠬᠡᠨ ᠯᠢᠦ ᠤᠪᠤᠭᠲᠤ ᠲᠠᠢ ᠬᠠᠷᠭᠤᠪᠡ᠃ ᠡᠳᠡ ᠭᠤᠷᠪᠠᠭᠤᠯᠠ ᠪᠠᠨ ᠮᠠᠰᠢᠨ ᠪᠠᠷᠢᠵᠤ ᠯᠢᠦ ᠤᠪᠤᠭᠲᠤ ᠶᠢ ᠠᠷᠤ ᠡᠴᠡ ᠨᠢ ᠨᠡᠬᠡᠮᠵᠢᠯᠡᠨ ᠬᠦᠭᠡᠭᠡᠵᠦ ᠬᠤᠲᠠ ᠵᠢᠨ ᠲᠡᠭᠦᠷᠭᠡ ᠵᠢᠨ ᠵᠠᠰᠠᠮᠠᠯ ᠵᠠᠮ ᠬᠦᠷᠬᠦ ᠳᠦ ᠬᠦᠭᠡᠭᠡᠨ ᠭᠦᠢᠴᠡᠵᠦ᠂ ᠲᠡᠭᠦᠨ ᠢ ᠮᠠᠰᠢᠨ ᠡᠴᠡ ᠨᠢ ᠴᠢᠷᠴᠤ ᠭᠠᠷᠭᠠᠨ ᠡᠵᠡᠭᠦᠢ ᠬᠡᠭᠡᠷᠡ ᠠᠭᠯᠠᠭ ᠠᠭᠤᠯᠠᠨ ᠳᠤ ᠠᠪᠠᠴᠢᠵᠤ᠂ ᠨᠠᠶᠢᠵᠠ ᠦᠬᠢᠨ ᠲᠠᠢ ᠪᠠᠨ ᠢᠨᠠᠭ ᠤᠨ ᠬᠠᠷᠢᠴᠠᠭᠠ ᠪᠠᠨ ᠲᠠᠰᠤᠯᠬᠤ ᠬᠡᠷᠡᠭᠲᠡᠢ ᠭᠡᠮᠡᠨ ᠰᠦᠷᠳᠡᠭᠦᠯᠦᠨ ᠴᠤᠬᠢᠭᠰᠠᠨ ᠪᠠᠶᠢᠨᠠ᠃ ᠯᠢᠦ ᠤᠪᠤᠭᠲᠤ ᠨᠠᠶᠢᠵᠠ ᠦᠬᠢᠨ ᠦ ᠪᠠᠨ ᠬᠠᠪᠰᠤᠷᠤᠯᠭᠠ ᠪᠡᠷ ᠯᠢ ᠤᠪᠤᠭᠲᠤ ᠪᠤᠯᠤᠨ ᠴᠢᠦ ᠤᠪᠤᠭᠲᠤ ᠵᠢᠨ ᠰᠠᠨᠠᠮᠰᠠᠷ ᠦᠭᠡᠢ ᠪᠠᠶᠢᠬᠤ ᠶᠢ ᠲᠠᠯᠢᠮᠳᠠᠭᠤᠯᠤᠨ ᠲᠤᠲᠠᠭᠠᠨ ᠭᠠᠷᠴᠤ᠂ ᠲᠤᠲᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠᠨ ᠤ ᠲᠤᠮᠢᠯᠠᠭᠰᠠᠨ ᠰᠠᠯᠪᠤᠷᠢ ᠳᠤ ᠬᠦᠷᠴᠦ ᠬᠡᠷᠡᠭ ᠮᠡᠳᠡᠭᠦᠯᠵᠠᠢ᠃
ᠢᠩᠭᠢᠭᠡᠳ ᠬᠤᠶᠠᠷ ᠰᠠᠷᠠ ᠲᠠᠢ ᠨᠢᠯᠬᠠ ᠦᠷᠡ ᠵᠢᠨ ᠡᠴᠢᠭᠡ ᠰᠠᠭᠤᠭᠰᠠᠨ ᠯᠢ ᠤᠪᠤᠭᠲᠤ ᠪᠤᠯᠤᠨ ᠭᠠᠯ ᠵᠠᠯᠠᠭᠤ ᠨᠠᠰᠤᠨ ᠳ᠋ᠠᠭᠠᠨ ᠪᠠᠶᠢᠭᠠ ᠴᠢᠦ ᠤᠪᠤᠭᠲᠤ ᠱᠤᠷᠤᠩ ᠳᠤ ᠤᠷᠤᠵᠤ᠂ ᠬᠠᠥᠯᠢ ᠴᠠᠭᠠᠵᠠ ᠵᠢᠨ ᠬᠠᠲᠠᠭᠤ ᠰᠢᠳᠭᠡᠯ ᠢ ᠬᠦᠯᠢᠶᠡᠨ ᠰᠠᠭᠤᠬᠤ ᠪᠤᠯᠵᠠᠢ᠃ ᠋
ᠠᠮᠢᠳᠤᠷᠠᠯ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠵᠠᠮ ᠢ ᠰᠤᠩᠭᠤᠵᠤ᠂ ᠦᠪᠡᠷ ᠦᠨ ᠭᠡᠷ ᠪᠦᠯᠢ ᠳ᠋ᠠᠬᠡᠨ ᠬᠠᠷᠢᠭᠤᠴᠠᠯᠭᠠ ᠲᠠᠢ᠂ ᠬᠠᠥᠯᠢ ᠳᠦᠷᠢᠮ ᠢ ᠰᠠᠬᠢᠭᠰᠠᠨ ᠠᠷᠠᠳ ᠢᠷᠭᠡᠨ ᠪᠤᠯᠵᠤ᠂ ᠡᠶᠡ ᠵᠤᠬᠢᠴᠠᠩᠭᠤᠢ ᠨᠡᠶᠢᠭᠡᠮ ᠳᠦ ᠵᠣᠯ ᠵᠢᠷᠭᠠᠯᠲᠠᠢ ᠠᠮᠢᠳᠤᠷᠠᠵᠠᠭᠠᠶᠠ︕