ᠲᠤᠷᠠᠰᠤᠮᠵᠢ ᠠᠨᠢᠷᠯᠠᠬᠤ ᠬᠥᠳᠡᠭᠡ ᠮᠢᠨᠢ
ᠪᠠᠶᠠᠨ ᠲᠠᠷᠭᠤᠨ ᠨᠠᠮᠤᠷ ᠠᠶᠠᠷᠯᠠᠵᠤ ᠣᠳᠬᠤ ᠳᠤ
ᠪᠠᠷᠠᠯᠠᠨ ᠬᠤᠴᠤᠷᠤᠭᠰᠠᠨ ᠪᠢ ᠪᠠᠭᠠ ᠨᠠᠰᠤ ᠪᠠᠨ ᠲᠤᠷᠠᠰᠤᠯᠠ
ᠪᠠᠭᠠᠯ ᠨᠣᠬᠠᠢ ᠲᠠᠢ ᠥᠶᠡᠷᠭᠡᠭᠰᠡᠨ ᠲᠡᠷᠡ ᠡᠳᠤᠷ ᠬᠤᠨᠤᠭ
ᠪᠠᠭᠠ ᠨᠠᠰᠤᠨ ᠤ ᠨᠠᠨᠳᠢᠨ ᠲᠤᠷᠠᠳᠬᠠᠯ ᠬᠥᠳᠡᠭᠡ ᠳᠤ ᠪᠠᠶᠢᠯᠠ
ᠥᠨᠢᠶᠡ ᠲᠤᠭᠤᠯ ᠨᠡᠶᠢᠯᠡᠬᠦᠯᠥᠯᠡ ᠭᠡᠰᠡᠨ ᠡᠵᠢ ᠶᠢᠨ ᠳᠠᠭᠤᠨ
ᠥᠨᠥᠭᠡᠨ ᠤ ᠤᠴᠢᠷ ᠰᠢᠭ᠋ ᠰᠠᠨᠠᠭᠳᠠᠭᠠᠳ ᠪᠠᠶᠢᠬᠤ ᠶᠤᠮ
ᠥᠷᠬᠦᠯᠵᠢ ᠲᠤᠭᠯᠠᠵᠤ ᠪᠠᠶᠢᠭᠰᠠᠨ ᠭᠤᠤ ᠵᠢᠯᠠᠭᠠ ᠬᠥᠷᠲᠡᠯᠡ
ᠦᠷᠦᠴᠡᠴᠡᠭᠡᠵᠢᠨ ᠳᠤ ᠬᠤᠷᠭᠤᠳᠠᠵᠥ ᠬᠤᠴᠤᠷᠤᠭᠰᠠᠨ ᠪᠢᠯᠡ
ᠤᠷᠭᠠᠨ ᠳᠡᠭᠡᠬᠦᠷ ᠠᠯᠬᠤᠵᠤ ᠪᠤᠯᠬᠤ ᠥᠭᠡᠢ ᠭᠡᠰᠡᠨ ᠠᠪᠤ ᠶᠢᠨ ᠵᠠᠬᠢᠶᠠ
ᠤᠬᠠᠭᠠᠨ ᠪᠤᠳᠤᠯ ᠳᠤ ᠮᠢᠨᠢ ᠥᠨᠢᠳᠡ ᠬᠠᠳᠠᠩᠰᠢᠯᠠ
ᠤᠨᠠᠭᠠ ᠳᠠᠭᠠ ᠲᠠᠢ ᠤᠷᠤᠯᠳᠤᠨ ᠬᠥᠶᠤᠭ᠍ᠰᠡᠨ ᠮᠢᠨᠢ ᠬᠥᠷᠳᠡᠯᠡ
ᠤᠭᠤᠷᠠᠭ ᠲᠠᠷᠢᠬᠢᠨ ᠳᠤ ᠥᠷᠬᠦᠯᠵᠢ ᠪᠤᠳᠤᠭᠳᠠᠬᠤ ᠶᠤᠮᠰᠠᠨ
ᠬᠠᠮᠳᠤ ᠮᠥᠬᠦ ᠲᠡᠬᠦᠵᠥ ᠶᠠᠪᠤᠭᠰᠠᠨ ᠪᠠᠭᠠ ᠶᠢᠨ ᠮᠢᠨᠢ ᠨᠠᠶᠢᠵᠠ
ᠬᠠᠶᠠ ᠨᠢᠭᠡ ᠪᠤᠳᠤᠯ ᠳᠤ ᠵᠢᠷᠪᠢᠰᠬᠢᠨ ᠤᠷᠤᠵᠥ ᠰᠠᠨᠠᠭᠠᠯᠵᠠᠨᠠ
ᠬᠠᠳᠠᠭᠠᠭᠰᠠᠨ ᠠᠭᠠᠷᠤᠤᠯ ᠢᠶᠠᠨ ᠬᠤᠪᠢᠶᠠᠯᠴᠠᠭᠰᠠᠨ ᠭᠡᠤᠭᠡᠳ ᠥᠶᠡ
ᠬᠠᠮᠤᠭ ᠠᠴᠠ ᠡᠷᠬᠢᠮ ᠨᠥᠬᠦᠷᠯᠡᠯ ᠪᠠᠶᠢᠭᠰᠠᠨ
ᠲᠤᠭᠤᠨᠤ ᠪᠠᠷ ᠬᠠᠷᠠᠭᠰᠠᠨ ᠣᠳᠤᠳ ᠨᠢ ᠬᠠᠮᠤᠭ ᠭᠡᠷᠡᠯᠲᠡᠢ ᠪᠠᠶᠢᠭᠰᠠᠨ
ᠲᠤᠯᠭᠠᠨ ᠤ ᠭᠠᠯ ᠤᠨ ᠣᠴᠢ ᠨᠢ ᠬᠠᠮᠤᠭ ᠢᠯᠴᠢ ᠲᠠᠢ ᠪᠠᠶᠢᠭᠰᠠᠨ
ᠲᠤᠷᠭᠠᠨ ᠳᠡᠪᠡᠯ ᠢᠶᠠᠷ ᠴᠢᠮᠡᠭᠰᠡᠨ ᠨᠢ ᠬᠠᠮᠤᠭ ᠭᠤᠶᠤ ᠪᠠᠶᠢᠭᠰᠠᠨ
ᠲᠤᠭᠤᠯ ᠤᠨ ᠪᠡᠯᠴᠢᠭᠡᠷ ᠲᠤ ᠲᠤᠭᠯᠠᠭᠠ ᠨᠢ ᠬᠠᠮᠤᠭ ᠬᠥᠭᠡᠷᠤᠬᠦᠨ ᠪᠠᠶᠢᠭᠰᠠᠨ
ᠡᠪᠦᠭᠡ ᠡᠮᠡᠭᠡ ᠪᠠᠨ ᠰᠠᠨᠠᠬᠤ ᠪᠠᠷ ᠬᠥᠳᠡᠭᠡ ᠪᠠᠨ ᠮᠥᠷᠤᠭᠡᠳᠳᠡᠭ
ᠡᠭᠡᠵᠡᠭᠡᠢ ᠲᠠᠢ ᠴᠠᠢ ᠪᠠᠨ ᠣᠭᠤᠴᠢᠬᠤ ᠪᠠᠷ ᠬᠥᠳᠡᠭᠡ ᠪᠠᠨ ᠰᠠᠨᠠᠳᠠᠭ
ᠡᠷᠴᠢᠯᠡᠨ ᠳᠠᠪᠬᠢᠭᠠ ᠮᠣᠷᠢᠳ ᠢ ᠬᠠᠷᠠᠬᠤ ᠪᠠᠷ ᠬᠥᠳᠡᠭᠡ ᠮᠢᠨᠢ ᠪᠤᠳᠤᠭᠳᠠᠳᠠᠭ
ᠡᠷᠭᠡ ᠥᠭᠡᠢ ᠯᠡ ᠠᠭᠠᠳᠠᠷ ᠪᠤᠷᠤᠭᠠᠨ ᠳᠤ ᠬᠥᠳᠡᠭᠡ ᠪᠠᠨ ᠳᠠᠭᠠᠳᠬᠠᠳᠠᠭ
ᠲᠣᠭᠤᠭᠠ ᠲᠠᠢ ᠥᠷᠤᠮᠡ ᠳᠤ ᠭᠤᠷᠢᠳᠠᠨ ᠬᠥᠶᠥᠭᠰᠡᠨ
ᠪᠠᠯᠴᠢᠷ ᠨᠠᠰᠤ ᠮᠢᠨᠢ ᠮᠢᠨᠥ ᠠᠮᠢᠨ ᠬᠥᠳᠡᠭᠡ ᠳᠤ ᠪᠠᠶᠢᠨᠠ
ᠲᠤᠶᠢᠭ ᠠᠶᠠᠯᠠᠨ ᠬᠤᠷᠠᠭᠠ ᠲᠡᠪᠡᠷᠢᠨ ᠲᠤᠷᠨᠢᠭᠰᠠᠠ
ᠪᠠᠭᠠ ᠶᠢᠨ ᠥᠶᠡ ᠮᠢᠨᠢ ᠮᠢᠨᠥ ᠠᠭᠤᠳᠠᠮ ᠬᠥᠳᠡᠭᠡ ᠳᠤ ᠪᠠᠶᠢᠨᠠ
ᠬᠥᠳᠡᠭᠡ ᠶᠢᠨ ᠠᠭᠠᠷ ᠢᠶᠠᠨ ᠴᠡᠭᠡᠵᠢ ᠲᠥᠬᠦᠷᠡᠩ ᠠᠮᠢᠰᠬᠤᠮᠠᠷ ᠪᠠᠶᠢᠨᠠ
ᠬᠥᠭᠡᠮᠳᠥᠭ ᠠᠭᠤᠯᠠᠨ ᠤ ᠱᠣᠪᠬᠤ ᠣᠷᠬᠢᠯ ᠳᠤ ᠪᠠᠨ ᠠᠪᠠᠷᠢᠮᠠᠷ ᠪᠠᠶᠢᠨᠠ
ᠬᠥᠪᠡᠭᠡ ᠬᠢᠵᠠᠭᠠᠷ ᠥᠭᠡᠢ ᠭᠤᠪᠢ ᠨᠤᠳᠤᠭ ᠢᠶᠠᠨ ᠪᠠᠷᠠᠯᠠᠮᠠᠷ ᠪᠠᠶᠢᠨᠠ
ᠬᠥᠭᠡᠷᠤᠬᠦᠨ ᠪᠠᠭᠠ ᠶᠢᠨ ᠢᠯᠳᠠᠮ ᠨᠤᠳᠤᠭ ᠲᠤ ᠪᠠᠨ ᠬᠥᠷᠥᠮᠡᠷ ᠪᠠᠶᠢᠨᠠ᠃