ᠡᠵᠢ ᠮᠢᠨᠢ
ᠪᠢ ᠡᠵᠢ ᠶᠢᠨ ᠢᠶᠡᠨ ᠴᠠᠰᠦ ᠬᠢᠰᠬᠢᠯᠡᠬᠦ ᠠᠨᠢᠷ ᠢ
ᠴᠢᠩᠨᠠᠬᠤ ᠬᠡᠷᠡᠭᠲᠡᠢ
ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠳᠤ
ᠲᠡᠮᠡᠭᠡ ᠬᠠᠷᠢᠭᠤᠯᠵᠤ ᠶᠠᠪᠤᠭᠰᠠᠨ
ᠨᠠᠰᠤᠨ ᠪᠠᠭᠠ ᠶᠢᠨ ᠲᠡᠷᠡ ᠨᠢᠭᠡᠨ ᠦᠷᠯᠦᠭᠡ ᠶᠢ
ᠪᠢ ᠶᠡᠷᠦ ᠨᠢ ᠮᠠᠷᠲᠠᠲᠠᠭ ᠦᠭᠡᠢ ᠶᠤᠮ
ᠰᠢᠷᠠ ᠨᠢᠷᠤᠭᠤᠨ ᠬᠡᠮᠡᠬᠦ ᠭᠤᠪᠢ ᠶᠢᠨ ᠭᠦᠨ ᠳᠦ
ᠲᠠᠩ ᠮᠠᠶᠢᠬᠠᠨ ᠢᠶᠠᠷ ᠢᠶᠠᠨ ᠤᠲᠤᠷᠯᠠᠵᠤ
ᠰᠤᠯᠢ ᠬᠠᠯᠢᠭᠤᠷᠠᠭᠰᠠᠨ ᠤᠭᠴᠢᠨ ᠳᠤ
ᠰᠦᠷᠦᠭ ᠲᠡᠮᠡᠭᠡ ᠪᠡᠨ ᠬᠤᠲᠠᠯᠠᠵᠤ
ᠡᠵᠢ ᠲᠠᠢ ᠪᠠᠨ ᠨᠢᠭᠡ ᠡᠪᠦᠯᠵᠢᠭᠰᠡᠨ ᠶᠤᠮᠰᠠᠨ
ᠱᠠᠷ ᠱᠠᠷ ᠵᠢᠷ ᠵᠢᠷ ᠫᠤᠷ ᠫᠤᠷ
ᠰᠠᠶᠢᠬᠠᠨ ᠬᠦᠭᠵᠢᠮᠯᠢᠭ ᠴᠢᠮᠡᠭᠡᠨ ᠲᠤᠮᠲᠠ
ᠰᠢᠷᠠ ᠨᠢᠷᠤᠭᠠᠨ ᠤ ᠴᠠᠰᠤᠲᠠᠢ ᠨᠢᠭᠡᠨ ᠦᠷᠯᠦᠭᠡ
ᠨᠤᠶᠢᠷ ᠠᠴᠠ ᠪᠠᠨ ᠪᠢ ᠰᠡᠷᠡᠵᠦ ᠪᠢᠯᠡ
ᠲᠡᠮᠡᠭᠡᠳ ᠦᠨ ᠬᠢᠰᠬᠢᠯᠡᠬᠦ ᠴᠢᠮᠡᠭᠡᠨ
ᠲᠤᠲᠤᠷᠠ ᠠᠴᠠ
ᠲᠤᠲᠤᠬᠠᠨ ᠨᠠᠰᠢᠯᠠᠬᠤ ᠡᠵᠢ ᠶᠢᠨ ᠢᠶᠡᠨ ᠠᠨᠢᠷ ᠢ
ᠲᠠᠨᠢᠯᠠ ᠪᠢ
ᠲᠡᠭᠡᠲᠡᠯᠡ ᠡᠵᠢ ᠮᠢᠨᠢ
ᠲᠤᠭᠤᠭᠠ ᠲᠦᠭᠦᠷᠡᠩ ᠴᠠᠰᠦ ᠬᠠᠮᠤᠵᠤ ᠢᠷᠡᠭᠡᠳ
ᠲᠤᠷᠯᠤᠭ ᠤᠨ ᠬᠤᠵᠤᠤᠯᠠ ᠶᠢᠨ ᠲᠦᠷᠡᠯᠵᠡᠭᠰᠡᠨ
ᠭᠠᠯ ᠲᠡᠭᠡᠷᠡ
ᠢᠩᠭᠡᠨ ᠰᠦᠲᠡᠢ ᠴᠠᠢ ᠪᠡᠨ ᠰᠠᠮᠠᠷᠴᠤ
ᠭᠤᠪᠢ ᠶᠢᠨ ᠨᠠᠷᠠ ᠪᠠᠨ ᠮᠢᠯᠢᠶᠠᠵᠤ ᠪᠢᠯᠡ
ᠲᠡᠷᠡ ᠴᠠᠢ ᠶᠢᠨ ᠠᠮᠲᠠ
ᠤᠲᠤ ᠴᠤ ᠲᠠᠩᠨᠠᠢ ᠳᠤ ᠠᠮᠲᠠᠭᠲᠠᠨᠠ
ᠲᠡᠷᠡ ᠬᠦᠯ ᠦᠨ ᠴᠢᠮᠡᠭᠡ
ᠤᠲᠤ ᠴᠤ ᠴᠢᠬᠢᠨ ᠳᠦ ᠰᠤᠨᠤᠰᠲᠠᠨᠠ ᠃