ᠪᠠᠶᠢᠴᠠᠭᠠᠬᠤ ᠡᠳᠦᠷ ᠦᠨ ᠰᠣᠨᠢᠨ ᠄ ᠵᠠᠶᠠᠭᠠ ᠪᠣᠳᠣᠵᠤ ᠴᠢᠳᠠᠬᠤ ︽ ᠳᠣᠯᠣᠭᠠᠨ ᠳᠠᠭᠢᠨᠢ ︾ ᠨᠢ ᠬᠦᠮᠦᠨ ᠮᠡᠬᠡᠯᠡᠵᠦ ᠪᠠᠷᠢᠪᠴᠢᠯᠠᠭᠲᠠᠬᠤ ᠪᠠᠨ ᠪᠤᠲᠤᠵᠤ ᠭᠠᠷᠭᠠᠵᠤ ᠲᠡᠶᠢᠯᠦᠭᠰᠡᠨ ᠦᠭᠡᠢ
ᠵᠢᠰᠦ ᠴᠢᠷᠠᠶ ᠶᠢ ᠨᠢ ᠦᠵᠡᠭᠰᠡᠨ ᠴᠦ ᠲᠡᠷᠡ ᠂ ᠭᠠᠷ ᠤᠨ ᠵᠢᠷᠤᠭᠠᠰᠤ ᠶᠢ ᠨᠢ ᠦᠵᠡᠭᠰᠡᠨ ᠴᠦ ᠲᠡᠷᠡ ᠂ ᠵᠣᠭᠣᠰ ᠭᠠᠷᠭᠠᠵᠤ ᠥᠭᠳᠡᠭ ᠯᠡ ᠶᠤᠮ ᠪᠣᠯ 《 ᠳᠣᠯᠣᠭᠠᠨ ᠳᠠᠭᠢᠨᠢ 》 ᠳᠠᠷᠤᠶ 《 ᠡᠷᠳᠡᠨᠢ 》 ᠢᠶᠠᠨ ᠭᠠᠷᠭᠠᠵᠤ ᠭᠠᠶ ᠪᠠᠷᠴᠢᠳ ᠬᠦᠴᠢᠷ ᠰᠠᠭᠠᠳ ᠢ ᠠᠷᠢᠯᠭᠠᠵᠤ ᠲᠡᠶᠢᠯᠲᠡᠭ ᠪᠠᠶᠢᠨᠠ ᠃ ᠣᠶᠢᠷᠠ ᠳᠤ ᠂ ᠡᠨᠡ ᠬᠦ ᠬᠤᠪᠢᠯᠭᠠᠨ ︽ ᠲᠤᠯᠤᠭᠠᠨ ᠳᠠᠭᠢᠨᠢ ︾ ᠾᠧ ᠣᠪᠣᠭᠲᠤ ᠬᠢᠬᠠᠨ ᠮᠡᠬᠡᠯᠡᠭᠰᠡᠨ ᠶᠠᠯᠠ ᠢᠶᠡᠷ ᠰᠡᠵᠢᠭᠯᠡᠭᠲᠡᠭᠡᠳ᠂ ᠥᠪᠥᠷ ᠮᠣᠩᠭᠣᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠬᠥᠬᠡᠬᠣᠲᠠ ᠶᠢᠨ ᠢᠦᠶ ᠴᠢᠤᠸᠠᠨ ᠲᠣᠭᠣᠷᠢᠭ ᠤᠨ ᠪᠠᠶᠢᠴᠠᠭᠠᠬᠤ ᠬᠣᠷᠢᠶᠠ ᠠᠴᠠ ᠠᠯᠪᠠᠨ ᠵᠠᠭᠠᠯᠳᠤᠯᠭᠠ ᠭᠠᠷᠭᠠᠵᠤ ᠂ ᠲᠣᠰ ᠬᠡᠷᠡᠭ ᠢ ᠶᠠᠭ ᠰᠢᠢᠳᠪᠦᠷᠢᠯᠡᠵᠦ ᠪᠠᠶᠢᠨᠠ ᠃
ᠡᠨᠡ ᠵᠢᠯ ᠦᠨ 5 ᠰᠠᠷᠠ ᠳᠤ ᠂ ᠵᠠᠩ ᠠᠪᠠᠬᠠᠢ ᠲᠣᠮᠢᠯᠠᠭᠰᠠᠨ ᠰᠠᠯᠪᠤᠷᠢ ᠳᠤ ᠭᠦᠶᠦᠨ ᠣᠷᠣᠵᠤ ᠬᠡᠷᠡᠭ ᠮᠡᠳᠡᠭᠦᠯᠦᠭᠡᠳ ᠂ ᠲᠠᠷᠡ 《ᠳᠣᠯᠣᠭᠠᠨ ᠳᠠᠭᠢᠨᠢ 》 ᠳᠤ ᠮᠡᠬᠡᠯᠡᠭᠳᠡᠵᠡᠢ ᠭᠡᠪᠡ ᠃ ᠤᠤᠯ ᠨᠢ ᠂ ᠡᠮᠦᠨᠡ ᠨᠢᠭᠡ ᠬᠤᠭᠤᠴᠠᠭᠠᠨ ᠳᠤ ᠵᠠᠩ ᠠᠪᠠᠬᠠᠢ ᠠᠮᠢᠳᠤᠷᠠᠯ ᠤᠨ ᠳᠤᠮᠳᠠ ᠤᠳᠠᠭᠠ ᠳᠠᠷᠠᠭᠠᠯᠠᠨ ᠰᠠᠭᠠᠳ ᠪᠡᠷᠬᠡᠰᠢᠶᠡᠯ ᠳᠦ ᠤᠴᠠᠷᠠᠵᠤ ᠂ ᠨᠢᠭᠡ ᠵᠠᠶᠠᠭᠠ ᠰᠠᠶᠢᠨ ᠪᠤᠲᠤᠲᠠᠭ《 ᠳᠣᠯᠣᠭᠠᠨ ᠳᠠᠭᠢᠨᠢ 》 ᠭᠡᠳᠡᠭ ᠲᠥᠯᠭᠡᠴᠢᠨ ᠪᠠᠶᠢᠬᠤ ᠶᠢ ᠰᠣᠨᠣᠰᠤᠭᠰᠠᠨ ᠡᠴᠡ ᠲᠡᠭᠦᠨ ᠢ ᠡᠷᠢᠵᠤ ᠲᠥᠯᠭᠡ ᠦᠵᠡᠭᠦᠯᠬᠦ ᠪᠡᠷ ᠰᠢᠶᠳᠪᠡ ᠃ ᠪᠠᠰᠠ 《 ᠳᠣᠯᠣᠭᠠᠨ ᠳᠠᠭᠢᠨᠢ 》 ᠳᠤ ᠲᠣᠰ ᠬᠥᠮᠦᠨ ᠦ ᠰᠡᠭᠦᠳᠡᠷ ᠪᠠ ᠬᠣᠶᠠᠷ ᠭᠠᠷ ᠤᠨ ᠰᠡᠭᠦᠳᠡᠷ ᠢ ᠢᠯᠡᠭᠡᠵᠡᠶ ᠃
《 ᠳᠣᠯᠣᠭᠠᠨ ᠳᠠᠭᠢᠨᠢ 》 ᠵᠠᠩ ᠠᠪᠠᠬᠠᠶ ᠳᠤ ᠬᠡᠯᠡᠭᠰᠡᠨ ᠨᠢ ᠂ 《 ᠴᠢᠨᠦ ᠠᠵᠠ ᠮᠠᠭᠤ ᠂ ᠳᠠᠷᠠᠭᠠ ᠵᠢᠯ ᠴᠢᠨᠦ ᠪᠡᠶᠡ ᠴᠢᠨᠢ ᠬᠦᠨᠳᠦ ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠲᠡᠨᠡ ᠂ ᠤᠷᠦᠬ ᠤᠨ ᠪᠠᠶᠢᠳᠠᠯ ᠳᠤ ᠴᠤ ᠵᠠᠯᠭᠠᠭᠠ ᠪᠠᠷ ᠠᠰᠠᠭᠤᠳᠠᠯ ᠭᠠᠷᠴᠤ᠂ ᠤᠷᠦᠬ ᠰᠠᠯᠬᠤ ᠳᠤ ᠲᠤᠯᠭᠠᠷᠠᠵᠤ ᠮᠡᠳᠡᠨᠡ᠃︾ ᠵᠠᠩ ᠠᠪᠠᠬᠠᠢ ᠨᠢᠭᠡ ᠯᠡ ᠰᠣᠴᠢᠨ ᠭᠡᠯᠮᠡᠭᠳᠡᠵᠦ᠂ ᠰᠢᠢᠳᠪᠦᠷᠢᠯᠡᠬᠦ ᠠᠷᠭᠠ ᠪᠠᠶᠢᠨᠠ ᠤᠤ ᠦᠭᠡᠢ ᠤᠤ ᠭᠡᠵᠦ ᠪᠠᠶᠢᠨ ᠳᠠᠬᠢᠨ ᠠᠰᠠᠭᠤᠪᠠ᠃ ᠵᠠᠩ ᠠᠪᠠᠬᠠᠶ ᠶᠢᠨ ᠢᠳᠡᠭ ᠢᠳᠡᠭ ᠢᠶᠡᠷ ᠢᠲᠡᠭᠡᠵᠦ ᠪᠠᠶᠢᠬᠤ ᠶᠢ ᠦᠵᠡᠭᠡᠳ ᠂ ᠳᠣᠯᠣᠭᠠᠨ ᠳᠠᠭᠢᠨᠢ ᠲᠤᠮ ᠲᠠᠷᠤᠯᠭᠠ ᠬᠢᠬᠦ ᠪᠡᠷ ᠳᠠᠮᠵᠢᠨ ᠲᠡᠭᠦᠨ ᠦ ᠭᠠᠮᠰᠢᠭ ᠢ ᠠᠷᠢᠯᠭᠠᠵᠤ ᠂ ᠵᠠᠷᠤᠳᠠᠯ ᠨᠢ ᠲᠦᠮᠡᠨ ᠲᠥᠭᠥᠷᠢᠭ ᠡᠴᠡ 10 ᠲᠦᠮᠡ ᠭᠠᠷᠤᠶ ᠲᠥᠭᠥᠷᠢᠭ ᠬᠦᠷᠲᠡᠯᠡ ᠠᠳᠠᠯᠢ ᠦᠭᠡᠶ ᠂ ᠥᠪᠡᠷ ᠢᠶᠡᠷ ᠰᠣᠩᠭᠣ ᠭᠡᠪᠡ ᠃ ᠵᠠᠩ ᠠᠪᠠᠬᠠᠢ ᠪᠣᠳᠣᠯᠬᠢᠯᠠᠭᠰᠠᠨ ᠤ ᠳᠠᠷᠠᠭᠠ ᠂ 《 ᠳᠣᠯᠣᠭᠠᠨ ᠳᠠᠭᠢᠨᠢ 》 ᠳᠦ ᠲᠦᠮᠡ ᠭᠠᠷᠤᠶ ᠲᠥᠭᠥᠷᠢᠭ ᠶᠠᠪᠤᠭᠤᠯᠵᠤ ᠦᠭᠬᠦᠭᠰᠡᠨ ᠪᠠᠶᠢᠨᠠ ᠃ ᠲᠣᠰ ᠡᠳᠦᠷ ᠦᠨ ᠣᠷᠣᠢ ᠂ 《 ᠳᠣᠯᠣᠭᠠᠨ ᠳᠠᠭᠢᠨᠢ 》 ᠵᠠᠩ ᠠᠪᠠᠬᠠᠶ ᠳᠤ ᠸᠢᠳᠢᠣ᠋ ᠶᠠᠪᠤᠭᠤᠯᠵᠤ ᠂ ᠨᠢᠭᠡᠨᠲᠡ ᠲᠤᠮ ᠲᠠᠷᠤᠯᠭᠠ ᠬᠢᠵᠦ ᠳᠠᠭᠤᠰᠴᠠᠶ ᠂100 ᠡᠳᠦᠷ ᠦᠨ ᠳᠠᠷᠠᠭᠠ ᠲᠡᠭᠦᠨ ᠲᠡᠶ ᠬᠠᠷᠢᠯᠴᠠ ᠭᠡᠪᠡ ᠃
ᠡᠭᠦᠨ ᠡᠴᠡ ᠡᠬᠢᠯᠡᠨ ᠂ ᠵᠠᠩ ᠠᠪᠠᠬᠠᠶ ︽ ᠰᠠᠶᠢᠨ ᠠᠵᠠ ︾ ᠬᠦᠷᠴᠦ ᠢᠷᠡᠬᠦ ᠶᠢ ᠬᠦᠰᠡᠵᠦ ᠡᠬᠢᠯᠡᠪᠡ ᠃ ᠭᠡᠲᠡᠯᠡ ᠴᠠᠭ ᠮᠦᠴᠡ ᠦᠩᠭᠡᠷᠡᠬᠦ ᠶᠢ ᠲᠠᠭᠠᠯᠲᠤᠨ ᠵᠠᠩ ᠠᠪᠠᠬᠠᠶ ᠥᠪᠡᠷ ᠦᠨ ᠰᠠᠶᠢᠨ ᠠᠵᠠ ᠪᠠᠨ ᠬᠦᠯᠢᠶᠡᠵᠦ ᠤᠯᠤᠭᠰᠠᠨ ᠦᠭᠡᠢ ᠪᠠᠶᠢᠵᠤ ᠂ ᠮᠡᠬᠡᠯᠡᠭᠳᠡᠭᠰᠡᠨ ᠰᠢᠭ ᠰᠠᠨᠠᠭᠳᠠᠵᠤ ᠂ ᠬᠡᠷᠡᠭ ᠮᠡᠳᠡᠭᠦᠯᠪᠡ ᠃
ᠰᠢᠭᠦᠨ ᠠᠰᠠᠭᠤᠬᠤ ᠪᠠᠷ ᠳᠠᠮᠵᠢᠭᠠᠳ ᠾᠧ ᠣᠪᠣᠭᠲᠤ ᠹᠸᠤᠳᠠᠯ ᠤᠨ ᠮᠤᠬᠤᠷ ᠪᠢᠰᠢᠷᠡᠯ ᠦᠨ ᠠᠷᠭᠠ ᠪᠠᠷᠢᠯ ᠢ ᠠᠰᠢᠭᠯᠠᠨ ᠂ 《ᠡᠪᠡᠳᠴᠢᠨ ᠦᠵᠡᠵᠦ ᠭᠠᠮᠰᠢᠭ ᠢ ᠠᠷᠢᠯᠭᠠᠬᠤ 》《 ᠤᠷᠤᠭ ᠂ ᠠᠵᠢᠯ ᠤᠨ ᠬᠤᠪᠢ ᠵᠠᠶᠠᠭᠠ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ 》 ᠪᠠᠷ ᠵᠠᠩ ᠠᠪᠠᠬᠠᠶ ᠶᠢᠨ 1 ᠲᠦᠮᠡ ᠭᠠᠷᠤᠶ ᠲᠥᠭᠥᠷᠢᠭ ᠦᠨ ᠵᠣᠭᠣᠰ ᠮᠥᠩᠭᠥ ᠶᠢ ᠮᠡᠬᠡᠯᠡᠨ ᠠᠪᠴᠠᠶ ᠃ ᠪᠠᠶᠢᠴᠠᠭᠠᠬᠤ ᠲᠤᠰᠢᠶᠠᠯᠲᠠᠨ ᠾᠧ ᠣᠪᠣᠭᠲᠤ ᠳᠤ ᠬᠠᠤᠯᠢ ᠲᠠᠶᠢᠯᠪᠤᠷᠢᠯᠠᠨ ᠶᠣᠰᠣ ᠶᠠᠷᠢᠵᠤ ᠂ ᠾᠧ ᠣᠪᠣᠭᠲᠤ ᠹᠸᠤᠳᠠᠯ ᠤᠨ ᠮᠤᠬᠤᠷ ᠪᠢᠰᠢᠷᠡᠯ ᠢ ᠠᠰᠢᠭᠯᠠᠨ ᠮᠡᠬᠡᠯᠡᠭᠰᠡᠨ ᠠᠵᠢᠯᠯᠠᠭᠠ ᠪᠠᠨ ᠥᠴᠢᠭᠯᠡᠨ ᠮᠡᠳᠡᠷᠡᠵᠦ᠂ ᠰᠠᠨᠠᠭᠠᠴᠢᠯᠠᠭᠠ ᠠᠴᠠ ᠪᠠᠨ ᠶᠠᠯᠠ ᠪᠠᠨ ᠮᠡᠳᠡᠷᠡᠵᠦ ᠲᠣᠷᠭᠠᠭᠤᠯᠢ ᠶᠢ ᠬᠦᠯᠢᠶᠡᠪᠡ᠃