ᠮᠢᠨᠦ ᠬᠡᠶᠢᠰᠪᠦᠷᠢ ᠡᠮᠡᠭᠲᠡᠢ ᠨᠠᠶᠢᠵᠠ

ᠰᠦᠯᠵᠢᠶᠡᠨ ᠦ ᠴᠠᠭ ᠦᠶ᠎ᠡ ᠳᠦ ᠠᠮᠢᠳᠤᠷᠠᠵᠤ ᠪᠠᠶᠢᠭ᠎ᠠ ᠪᠢᠳᠡᠨ ᠳᠦ ᠠᠪᠴᠤ ᠬᠡᠯᠡᠪᠡᠯ ᠂ ᠸᠢᠴᠠᠲ ᠨᠢᠭᠡᠨᠲᠡ ᠣᠯᠠᠨ ᠤ ᠠᠮᠢᠳᠤᠷᠠᠯ ᠤᠨ ᠳᠤᠲᠠᠭᠳᠠᠵᠤ ᠪᠣᠯᠤᠰᠢ ᠥᠬᠡᠶ ᠬᠠᠷᠢᠯᠴᠠᠬᠤ ᠪᠠᠭᠠᠵᠢ ᠪᠣᠯᠤᠭᠰᠠᠨ ᠪᠠᠶᠢᠨ᠎ᠠ ᠃ ᠭᠡᠲᠡᠯ᠎ᠡ ᠸᠢᠴᠠᠲ  ᠢᠶᠡᠷ ᠬᠠᠷᠢᠯᠴᠠᠬᠤ ᠦᠶᠡᠰ ᠴᠢ ᠨᠥᠭᠥᠭᠡ ᠡᠲᠡᠭᠡᠳ ᠦᠨ ᠢᠶᠡᠨ  ᠦᠨᠡᠨᠬᠦ ᠪᠠᠶᠢᠳᠠᠯ ᠢ ᠣᠶᠢᠯᠠᠭᠠᠬᠤ ᠦᠭᠡᠢ ᠮᠠᠭᠠᠳ  ᠂ ᠨᠡᠩ ᠴᠤ ᠨᠥᠭᠥᠭᠡ ᠡᠲᠡᠭᠡᠳ ᠦᠨ ᠶᠠᠮᠠᠷ ᠬᠥᠮᠦᠨ ᠪᠣᠯᠬᠤ ᠶᠢ ᠮᠡᠳᠡᠬᠦ ᠦᠭᠡᠢ ᠂ ᠴᠢᠨᠠᠭᠰᠢᠯᠠᠪᠠᠯ  ᠴᠢᠨᠠᠷ ᠤᠨ  ᠢᠯᠭᠠᠯ ᠢ ᠴᠤ ᠣᠶᠢᠯᠭᠠᠬᠤ ᠦᠭᠡᠢ ᠪᠠᠶᠢᠵᠤ ᠮᠡᠳᠡᠨ᠎ᠡ ᠃ ᠶᠠᠭ ᠡᠶᠢᠮᠦ ᠤᠴᠢᠷ ᠠᠴᠠ᠂ ᠵᠠᠷᠢᠮ ᠬᠠᠸᠯᠢ ᠪᠤᠰᠤ ᠡᠲᠡᠭᠡᠳ ᠡᠨᠡ ᠬᠦ ᠪᠠᠶᠢᠳᠠᠯ ᠢ ᠠᠰᠢᠭᠯᠠᠨ ᠶᠠᠯ᠎ᠠ ᠬᠢᠭᠰᠡᠨ ᠬᠡᠷᠡᠭ ᠦᠨ ᠵᠢᠱᠢᠶ᠎ᠡ  ᠣᠷᠤᠰᠢᠵᠤ ᠪᠠᠶᠢᠨ᠎ᠠ᠃ ᠲᠡᠭᠡᠪᠡᠯ ᠳᠣᠣᠷ᠎ᠠ ᠮᠠᠨ  ᠤ ᠬᠣᠷᠢᠶᠠᠨ  ᠤ ᠣᠶᠢᠷ᠎ᠠ   ᠰᠢᠳᠬᠡᠭᠰᠡᠨ ᠨᠢᠭᠡᠨ ᠪᠤᠲᠠᠲᠤ  ᠵᠢᠱᠢᠶ᠎ᠡ ᠪᠡᠷ ᠳᠠᠮᠵᠢᠭᠤᠯᠤᠨ ᠲᠠ ᠣᠯᠠᠨ ᠳ᠋ᠥ ᠪᠡᠨ ᠶᠠᠯᠠᠲᠤ ᠡᠲᠡᠭᠡᠳ ᠬᠡᠷᠬᠢᠨ ᠸᠢᠴᠠᠲ  ᠢ ᠠᠰᠢᠭᠯᠠᠨ ᠮᠡᠬᠡᠯᠡᠯ ᠶᠠᠪᠤᠭᠤᠯᠤᠭᠰᠠᠨ  ᠢ  ᠶᠠᠷᠢᠵᠤ ᠦᠭᠬᠦ ᠪᠡᠷ ᠪᠣᠯᠣᠭᠠᠳ ᠪᠠᠶᠢᠨ᠎ᠠ ᠃

ᠬᠡᠷᠡᠭ ᠦᠨ  ᠄ 

ᠰᠢᠶᠣᠤ ᠮᠢᠩ ᠥᠪᠡᠷ ᠦᠨ ᠬᠣᠶᠠᠷ ᠭᠠᠷ ᠤᠲᠠᠰᠤᠨ ᠤ ᠨᠣᠮᠧᠷ ᠢᠶᠡᠨ ᠠᠰᠢᠭᠯᠠᠨ ᠬᠣᠶᠠᠷ ᠸᠢᠴᠠᠲ ᠤᠨ ᠨᠣᠮᠧᠷ ᠳᠠᠩᠰᠠᠯᠠᠭᠤᠯᠵᠤ ᠂ ᠡᠭᠦᠨ ᠦ ᠳᠣᠲᠣᠷᠠᠬᠢ ᠨᠢᠭᠡ ᠨᠣᠮᠧᠷ ᠨᠢ ︽ ᠮᠢᠩ ᠮᠢᠩ ︾ ᠭᠡᠵᠦ ᠂ ᠥᠪᠡᠷ ᠦᠨ ᠰᠡᠭᠦᠳᠡᠷ ᠢᠶᠡᠷ ᠢᠶᠡᠨ ᠸᠢᠴᠲ  ᠦᠨ ᠲᠣᠯᠣᠭᠠᠶ ᠶᠢᠨ  ᠵᠢᠷᠤᠭ ᠪᠣᠯᠭᠠᠵᠤ ᠨᠥᠭᠥᠭᠡ ᠨᠢᠭᠡ ᠨᠣᠮᠧᠷ  ᠲᠦ ︽ᠴᠢ ᠪᠢᠲᠡᠭᠡᠶ ᠳᠤᠲᠠᠭᠠᠷᠠᠢ︾ ᠭᠡᠰᠡᠨ ᠡᠩᠬᠦᠷᠡᠶ  ᠨᠡᠷ᠎ᠡ ᠦᠭᠴᠦ ᠂ ᠰᠦᠯᠵᠢᠶᠡᠨ ᠡᠴᠡ ᠭᠣᠶᠣ ᠬᠡᠥᠬᠡᠨ ᠦ ᠰᠡᠭᠦᠳᠡᠷ ᠪᠠᠭᠤᠯᠭᠠᠨ ᠸᠢᠴᠲ  ᠦᠨ ᠲᠣᠯᠣᠭᠠᠶ ᠶᠢᠨ  ᠵᠢᠷᠤᠭ ᠪᠤᠯᠭᠠᠨ ᠥᠪᠡᠷ ᠦᠨ ᠠᠳᠠᠯᠢ ᠪᠤᠰᠤ ᠬᠣᠶᠠᠷ ᠭᠠᠷ ᠤᠲᠠᠰᠤᠨ ᠳᠡᠭᠡᠷ᠎ᠡ ᠪᠡᠨ ᠨᠡᠪᠲᠡᠷᠡᠭᠦᠯᠦᠨ ᠬᠡᠷᠡᠭᠯᠡᠵᠡᠢ ᠃

2019 ᠣᠨ ᠤ 1 ᠰᠠᠷ᠎ᠠ ᠶᠢᠨ  ᠨᠢᠭᠡᠨ ᠡᠳᠦᠷ ᠂ ᠠ ᠶᠤᠸᠠᠨ ᠭᠡᠳᠡᠭ ᠨᠢᠭᠡᠨ ᠵᠠᠯᠠᠭ ᠸᠢᠴᠲ ᠳᠡᠭᠡᠷᠡᠬᠢ︽ᠤᠶᠢᠷ᠎ᠠ ᠬᠠᠪᠢ ᠶᠢᠨ  ᠬᠦᠮᠦᠰ ︾ ᠪᠡᠷ ᠳᠠᠮᠵᠢᠭᠤᠯᠤᠨ︽ᠴᠢ ᠪᠢᠲᠡᠭᠡᠶ ᠳᠤᠲᠠᠭᠠᠷᠠᠢ ︾ ᠭᠡᠬᠦ ᠸᠢᠴᠠᠲ ᠤᠨ ᠨᠣᠮᠧᠷ ᠢ ᠰᠢᠷᠪᠢᠨ  ᠠᠪᠴᠤ᠂ ᠡᠮᠡᠭᠲᠡᠶ ᠬᠥᠮᠦᠨ ᠭᠡᠵᠦ  ᠪᠤᠳᠤᠨ ᠲᠤᠰ ᠸᠢᠴᠠᠲ ᠤᠨ ᠨᠣᠮᠧᠷ  ᠢ ᠨᠡᠮᠡᠵᠦ ᠠᠪᠤᠭᠠᠳ ᠨᠠᠶᠢᠵᠠᠯᠠᠭᠰᠠᠨ  ᠪᠠᠶᠢᠨ᠎ᠠ ᠃ ᠠ ᠶᠤᠸᠠᠨ ᠥᠪᠡᠷ ᠦᠨ ᠪᠠᠶᠢᠳᠠᠯ  ᠢᠶᠠᠨ ᠳᠦᠭᠦᠮ ᠲᠠᠨᠢᠯᠴᠠᠭᠤᠯᠬᠤ ᠶᠢᠨ ᠬᠠᠮᠲᠤ ᠴᠠᠯᠢᠩ   ᠢᠶᠡᠨ ᠶᠠᠷᠢᠵᠤ ᠦᠭᠭᠦᠭᠰᠡᠨ ᠳᠦ ᠰᠢᠶᠣᠤ ᠮᠢᠩ ᠥᠪᠡᠷ ᠦᠨ  ᠪᠡᠶ᠎ᠡ  ᠪᠡᠨ ᠡᠮᠡᠭᠲᠡᠢ ᠶᠢᠨ ᠬᠤᠪᠢ ᠪᠠᠷ ᠲᠡᠭᠦᠨ ᠲᠠᠢ ︽ᠢᠨᠠᠭ ᠤᠨ ᠬᠠᠷᠢᠴᠠᠭ᠎ᠠ ︾ᠪᠠᠶᠢᠭᠤᠯᠵᠤ ᠪᠠᠭ᠎ᠠ ᠰᠠᠭ᠎ᠠ ᠵᠣᠭᠣᠰ ᠮᠡᠬᠡᠯᠡᠨ  ᠵᠠᠷᠤᠶ᠎ᠠ ᠬᠡᠮᠡᠨ  ᠭᠤᠷᠢᠳᠠᠵᠠᠢ ᠃  ᠲᠡᠭᠡᠭᠡᠳ ᠰᠢᠶᠣᠤ ᠮᠢᠩ ᠥᠪᠡᠷ  ᠦᠨ  ᠪᠡᠶ᠎ᠡ  ᠪᠡᠨ ᠰᠢᠨ ᠰᠢᠨ ᠭᠡᠳᠡᠭ ᠨᠡᠷ᠎ᠡ ᠲᠡᠶ ᠂ 23 ᠨᠠᠰᠤᠲᠠᠶ ᠂ ᠭᠠᠭᠴᠠ ᠪᠡᠶ᠎ᠡ ᠬᠡᠦᠭᠡᠨ᠂ ᠨᠢᠭᠡᠨ ᠬᠣᠲᠠ ᠳᠤ ᠬᠤᠪᠴᠠᠰᠤᠨ ᠤ ᠳᠡᠯᠭᠡᠭᠦᠷ ᠨᠡᠭᠡᠭᠡᠵᠦ  ᠪᠠᠶᠢᠨ᠎ᠠ ᠭᠡᠮᠡᠨ ᠲᠠᠨᠢᠯᠴᠠᠭᠤᠯᠵᠤ ᠂ ᠬᠣᠶᠠᠭᠤᠯᠠ ᠸᠢᠴᠠᠲ ᠳᠣᠲᠣᠷ᠎ᠠ ᠬᠠᠯᠠᠭᠤᠨ ᠵᠣᠭᠣᠭᠳᠠᠵᠤ ᠡᠬᠢᠯᠡᠪᠡ ᠃

ᠬᠣᠶᠠᠭᠤᠯᠠ ᠪᠠᠨ ᠲᠠᠨᠢᠯᠴᠠᠭᠠᠳ ᠬᠡᠳᠦᠨ ᠡᠳᠦᠷ  ᠪᠣᠯᠣᠭᠰᠠᠨ ᠦᠭᠡᠢ ᠂ ᠰᠢᠶᠣᠤ ᠮᠢᠩ︽ᠴᠢ ᠪᠢᠲᠡᠭᠡᠶ ᠳᠤᠲᠠᠭᠠᠷᠠᠢ︾ᠭᠡᠬᠦ ᠸᠢᠴᠠᠲ ᠤᠨ ᠨᠣᠮᠧᠷ  ᠢᠶᠠᠷ ᠨᠠᠶᠢᠵᠠ ᠶᠢᠨ ᠲᠣᠭᠣᠷᠢᠭ ᠲᠤ ᠥᠪᠡᠷ ᠢ ᠪᠡᠨ ᠵᠣᠭᠣᠰ ᠦᠭᠡᠢ ᠭᠠᠴᠢᠭᠳᠠᠵᠤ ᠪᠠᠶᠢᠨ᠎ᠠ ᠭᠡᠪᠡ ᠃ ᠠ ᠶᠤᠸᠠᠨ  ᠡᠨᠡᠭᠥ ᠪᠠᠶᠢᠳᠠᠯ ᠢ ᠣᠯᠵᠤ ᠦᠵᠡᠮᠡᠭᠴᠡ︽ ᠰᠢᠨ ᠰᠢᠨ ︾   ᠶᠢᠨ ᠲᠥᠯᠥᠭᠡ ᠂ ᠸᠢᠴᠠᠲ ᠢᠶᠠᠷ ᠲᠡᠭᠦᠨ ᠳᠦ 300 ᠲᠥᠭᠥᠷᠢᠭ ᠦᠨ ᠤᠯᠠᠭᠠᠨ ᠪᠠᠭᠯᠠᠭ᠎ᠠ  ᠶᠠᠪᠤᠭᠤᠯᠵᠤ ᠂  ᠪᠠᠭ᠎ᠠ ᠰᠠᠭ᠎ᠠ ᠶᠠᠭᠤᠮ᠎ᠠ ᠠᠪᠴᠤ ᠵᠠᠷᠤᠭᠠᠷᠠᠢ ᠭᠡᠯ᠎ᠡ᠃ ᠡᠨᠡ ᠨᠢ ᠰᠢᠶᠣᠤ ᠮᠢᠩ ᠳᠦ ᠠᠰᠢᠭ  ᠬᠦᠷᠲᠡᠬᠦ ᠠᠮᠲᠠ ᠶᠢ ᠮᠡᠳᠡᠭᠦᠯᠵᠡᠢ ᠂ ᠲᠡᠭᠡᠭᠡᠳ ᠳᠠᠷᠠᠭ᠎ᠠ ᠡᠳᠦᠷ ᠨᠢ ᠂ ᠲᠡᠷᠡ ᠪᠠᠰᠠ ᠥᠪᠡᠷ  ᠨᠤᠲᠤᠭ   ᠲᠦ ᠪᠠᠨ ᠬᠠᠷᠢᠬᠤ  ᠭᠡᠳ ᠰᠠᠨᠠᠭ᠎ᠠ ᠪᠠᠶᠢᠭᠠᠳ ᠤᠨᠤᠭ᠎ᠠ ᠬᠦᠷᠬᠦ ᠦᠭᠡᠢ ᠪᠠᠶᠢᠨ᠎ᠠ ᠭᠡᠮᠡᠨ ᠠ ᠶᠤᠸᠠᠨ ᠳᠤ ᠵᠣᠪᠠᠯᠠᠩ ᠢᠶᠠᠨ ᠲᠣᠭᠠᠴᠢᠵᠠᠢ ᠃ ᠡᠨᠡᠬᠦ ᠭᠣᠶᠣ ᠬᠡᠥᠬᠡᠨ ᠦ ᠵᠣᠪᠠᠭᠤᠷᠢ  ᠶᠢ  ᠰᠣᠨᠤᠰᠤᠭᠰᠠᠨ ᠠ ᠶᠤᠸᠠᠨ ᠬᠣᠶᠠᠷ ᠦᠭᠡ ᠬᠡᠯᠡᠭᠰᠡᠨ ᠦᠭᠡᠢ  ᠳᠠᠬᠢᠨ 300 ᠲᠥᠭᠥᠷᠢᠭ ᠦᠨ ᠤᠯᠠᠭᠠᠨ ᠪᠠᠭᠯᠠᠭ᠎ᠠ ᠶᠠᠪᠤᠭᠤᠯᠵᠠᠢ ᠃   ᠲᠡᠭᠡᠭᠡᠳ ᠡᠨᠡ ᠬᠣᠶᠠᠷ ᠬᠥᠮᠦᠨ ᠦ ᠬᠠᠷᠢᠴᠠᠭ᠎ᠠ  ᠤᠯᠠᠮ ᠨᠢᠭᠡ ᠠᠯᠬᠤᠮ   ᠨᠢᠭᠲᠠᠷᠠᠪᠠ ᠃

ᠴᠠᠭᠠᠨ ᠰᠠᠷ᠎ᠠ ᠶᠢᠨ ᠦᠶ᠎ᠡ ᠪᠡᠷ ᠠ ᠶᠤᠸᠠᠨ ᠸᠢᠴᠠᠲ ᠳᠡᠭᠡᠷ᠎ᠡ ᠰᠢᠶᠣᠣ  ᠮᠢᠩ ᠳ᠋ᠥ ᠴᠢᠮᠡᠭᠡ ᠶᠠᠪᠤᠭᠤᠯᠵᠤ ᠢᠨᠠᠭ ᠤᠨ ᠬᠠᠷᠢᠴᠠᠭ᠎ᠠ ᠪᠠᠶᠢᠭᠤᠯᠬᠤ ᠪᠠᠷ ᠭᠤᠶᠤᠴᠢᠯᠠᠭᠰᠠᠨ ᠳᠤ ᠰᠢᠶᠣᠣ  ᠮᠢᠩ ᠵᠦᠪᠰᠢᠶᠡᠷᠡᠪᠡ᠃ ᠲᠡᠭᠡᠭᠡᠳ ᠰᠢᠶᠣᠣ  ᠮᠢᠩ ᠠ ᠶᠤᠸᠠᠨ ᠤ︽ᠡᠮᠡᠭᠲᠡᠢ ᠨᠠᠶᠢᠵᠠ ︾ᠪᠣᠯᠤᠭᠰᠠᠨ ᠤ ᠬᠤᠪᠢ ᠠᠴᠠ ᠬᠣᠶᠠᠭᠤᠯᠠ  ᠸᠢᠴᠲ ᠳᠡᠭᠡᠷ᠎ᠡ ᠨᠡᠶᠢᠳᠡᠮ ᠬᠠᠷᠢᠯᠴᠠᠬᠤ ᠪᠣᠯᠵᠠᠢ ᠃  ᠬᠠᠷᠢᠯᠴᠠᠬᠤ  ᠶᠠᠪᠤᠴᠠ ᠳ᠋ᠥ ᠰᠢᠶᠣᠣ ᠮᠢᠩ ᠨᠡᠩ ᠡᠷᠢᠶᠡᠯᠡᠬᠦ ᠪᠡᠨ ᠪᠣᠯᠢᠵᠤ ᠡᠯ᠎ᠡ ᠵᠦᠢᠯ ᠦᠨ ᠰᠢᠯᠲᠠᠭ ᠢᠶᠠᠷ ᠠ ᠶᠤᠸᠠᠨ ᠠᠴᠠ ᠤᠯᠠᠭᠠᠨ ᠪᠠᠭᠯᠠᠭ᠎ᠠ ᠠᠪᠬᠤ ᠪᠣᠯᠵᠠᠢ ᠃ ᠰᠡᠭᠦᠯᠡᠷ ᠨᠢ ᠪᠠᠰᠠ ᠳᠡᠯᠭᠡᠭᠦᠷ ᠵᠠᠰᠠᠵᠤ ᠴᠢᠮᠡᠭᠯᠡᠬᠦ᠂ ᠪᠠᠷᠠᠭ᠎ᠠ ᠣᠷᠣᠭᠤᠯᠬᠤ ᠵᠡᠷᠭᠡ ᠰᠢᠯᠲᠠᠭ ᠢᠶᠠᠷ ᠠ ᠶᠤᠸᠠᠨ ᠠᠴᠠ ᠣᠯᠠᠨᠲᠠ ᠵᠣᠭᠣᠰ  ᠬᠠᠭᠤᠷᠤᠨ ᠠᠪᠤᠪᠠ᠃ ᠠ ᠶᠤᠸᠠᠨ ᠠᠴᠠ ᠰᠢᠶᠣᠣ  ᠮᠢᠩ  ᠲᠠᠢ ᠠᠭᠤᠯᠵᠠᠬᠤ ᠭᠡᠰᠡᠨ ᠳ᠋ᠥ ᠰᠢᠶᠣᠣ ᠮᠢᠩ ᠰᠠᠨᠳᠤᠷᠴᠤ ᠪᠠᠷᠠᠭ᠎ᠠ ᠣᠷᠤᠭᠤᠯᠬᠤ ᠪᠠᠷ ᠭᠠᠳᠠᠭᠰᠢ ᠭᠠᠷᠤᠨᠰᠠᠨ ᠭᠡᠳ ᠬᠤᠳᠠᠯ  ᠃ ᠠ ᠶᠤᠸᠠᠨ ᠤ ᠰᠡᠵᠢᠭᠯᠡᠬᠦ ᠡᠴᠡ ᠰᠡᠷᠭᠡᠶᠢᠯᠡᠬᠦ ᠶᠢᠨ ᠲᠥᠯᠥᠭᠡ ᠂ ᠰᠢᠶᠣᠤ ᠮᠢᠩ ᠪᠠᠰᠠ ᠥᠪᠡᠷ ᠦᠨ ᠪᠡᠶ᠎ᠡ ᠪᠡᠨ︽ ᠰᠢᠨ ᠰᠢᠨ ︾ ᠦ ᠳᠡᠭᠦᠦ  ᠨᠢ  ᠪᠤᠯᠤᠨ᠎ᠠ ᠭᠡᠵᠦ ᠠ ᠶᠤᠸᠠᠨ ᠳᠤ ᠲᠠᠨᠢᠯᠴᠠᠭᠤᠯᠵᠤ  ᠪᠠᠰᠠ ᠥᠪᠡᠷ ᠦᠨ ᠭᠠᠷ ᠤᠲᠠᠰᠤ ᠨᠢ ᠡᠪᠳᠡᠷᠡᠭᠰᠡᠨ ᠭᠡᠳᠡᠭ ᠢᠶᠡᠷ ᠰᠢᠯᠲᠠᠭ ᠪᠣᠯᠭᠠᠵᠤ ᠠ ᠶᠤᠸᠠᠨ ᠢᠶᠠᠷ ᠬᠤᠭᠤᠴᠠᠭ᠎ᠠ ᠬᠤᠪᠢᠶᠠᠨ 6200 ᠲᠥᠭᠥᠷᠢᠭ ᠦᠨ ᠥᠷᠲᠡᠭ ᠪᠦᠬᠦᠢ ᠭᠠᠷ ᠤᠲᠠᠰᠤ ᠬᠤᠳᠠᠯᠳᠤᠨ ᠠᠪᠤᠭᠤᠯᠵᠤ ︽ ᠰᠢᠨ ᠰᠢᠨ︾ ᠦ ᠳᠡᠭᠦᠦ  ᠪᠠᠷ ᠣᠪᠯᠠᠭᠠᠳ ᠠ ᠶᠤᠸᠠᠨ ᠲᠠᠶ ᠬᠠᠮᠲᠤ ᠲᠣᠰ ᠭᠠᠷ ᠤᠲᠠᠰᠤ ᠶᠢ ᠰᠤᠩᠭᠤᠵᠤ ᠠᠪᠤᠭᠰᠠᠨ  ᠪᠠᠶᠢᠨ᠎ᠠ ᠃  ᠲᠡᠭᠦᠨ ᠦ ᠳᠠᠷᠠᠭ᠎ᠠ ᠬᠠᠭᠠᠰ ᠰᠠᠷ᠎ᠠ ᠪᠣᠯᠤᠭᠰᠠᠨ ᠦᠭᠡᠢ ᠡᠵᠢ ᠨᠢ ᠡᠪᠡᠳᠴᠢᠯᠡᠵᠦ ᠡᠮᠨᠡᠯᠭᠡ ᠳᠦ ᠰᠠᠭᠤᠬᠤ ᠳᠤ ᠵᠣᠭᠣᠰ ᠬᠡᠷᠡᠭᠰᠡᠬᠦ ᠴᠢᠬᠤᠯᠠᠲᠠᠢ ᠪᠠᠶᠢᠨ᠎ᠠ ᠭᠡᠳ ᠠ ᠶᠤᠸᠠᠨ ᠠᠴᠠ 15000 ᠲᠥᠭᠥᠷᠢᠭ ᠵᠢᠭᠡᠯᠡᠵᠡᠶ ᠃ ᠢᠩᠭᠢᠭᠡᠳ ᠤᠷᠢᠳ ᠬᠣᠵᠢᠳ ᠠ ᠶᠤᠸᠠᠨ ᠠᠴᠠ68900 ᠢᠯᠡᠭᠦᠦ ᠵᠣᠭᠣᠰ ᠮᠥᠩᠭᠥ ᠮᠡᠬᠡᠯᠡᠨ ᠠᠪᠤᠭᠰᠠᠨ ᠪᠠᠶᠢᠨ᠎ᠠ ᠃ 

ᠰᠢᠶᠣᠤ ᠮᠢᠩ  ᠡᠨᠡ ᠬᠦ ᠡᠳ᠋ ᠮᠥᠩᠭᠥ ᠮᠡᠬᠡᠯᠡᠨ ᠠᠪᠬᠤ ᠠᠷᠭ᠎ᠠ ᠨᠢ ᠦᠨᠡᠬᠡᠷ ᠰᠠᠶᠢᠨ ᠠᠷᠭ᠎ᠠ  ᠭᠡᠵᠦ  ᠦᠵᠡᠭᠡᠳ ᠂ ᠠ ᠶᠤᠸᠠᠨ ᠤ ᠵᠣᠭᠣᠰ ᠮᠥᠩᠭᠥ ᠡᠳ᠋ ᠪᠣᠳᠠᠰ ᠢ ᠮᠡᠬᠡᠯᠡᠨ ᠠᠪᠬᠤ ᠶᠢᠨ ᠬᠠᠮᠲᠤ ᠂ ᠬᠡᠶᠢᠰᠪᠦᠷᠢ ︽ ᠰᠢᠨ ᠰᠢᠨ ︾ ᠦ ᠬᠢᠷᠢ ᠬᠡᠮ ᠢ ᠠᠰᠢᠭᠯᠠᠵᠤ ᠂ ᠬᠠᠮᠲᠤ   ᠤᠨ  ᠬᠦᠦ ᠠ ᠰᠢᠶᠠᠩ  ᠢ ᠮᠡᠬᠡᠯᠡᠬᠦ ᠰᠠᠨᠠᠭ᠎ᠠ ᠣᠷᠤᠵᠠᠢ᠃ ᠰᠢᠶᠣᠤ ᠮᠢᠩ ᠠ ᠰᠢᠶᠠᠩ ᠳᠤ  ᠥᠪᠡᠷ ᠦᠨ ᠡᠭᠡᠴᠢ   ᠪᠡᠨ ᠲᠠᠨᠢᠯᠴᠠᠭᠤᠯᠵᠤ  ᠦᠭᠭᠦᠶ᠎ᠡ ᠭᠡᠳ ᠥᠪᠡᠷ ᠦᠨ ︽  ᠴᠢ ᠪᠢᠳᠡᠬᠡᠢ ᠳᠤᠲᠠᠭᠠᠷᠠᠢ︾ ᠭᠡᠰᠡᠨ ᠸᠢᠴᠲ ᠨᠣᠮᠧᠷ  ᠢᠶᠠᠨ ᠠ ᠰᠢᠶᠠᠩ ᠳᠤ ᠦᠭᠭᠦᠭᠡᠳ ᠪᠠᠰᠠ ᠯᠠ︽ᠰᠢᠨ ᠰᠢᠨ ︾ᠭᠡᠳᠡᠭ ᠨᠡᠷ᠎ᠡ ᠪᠠᠷ ᠸᠢᠴᠠᠲ ᠳᠡᠭᠡᠷ᠎ᠡ ᠠ ᠰᠢᠶᠠᠩ ᠲᠠᠶ ᠶᠠᠪᠤᠯᠴᠠᠵᠤ ᠡᠬᠢᠯᠡᠵᠠᠢ᠃ ᠡᠨᠡ ᠬᠤᠭᠤᠴᠠᠭᠠᠨ ᠳᠤ  ᠲᠡᠷᠡ ᠡᠵᠢ ᠨᠢ ᠡᠪᠡᠳᠴᠢᠯᠡᠭᠡᠳ ᠵᠠᠷᠤᠳᠠᠯ ᠬᠡᠷᠡᠭᠰᠡᠬᠦ  ᠪᠡᠷ ᠰᠢᠯᠲᠠᠭ ᠪᠣᠯᠭᠠᠵᠤ ᠠ ᠰᠢᠶᠠᠩ ᠠᠴᠠ 14000 ᠭᠠᠷᠤᠶ ᠲᠥᠭᠥᠷᠢᠭ  ᠵᠢᠭᠡᠯᠡᠵᠡᠢ ᠂ ᠰᠡᠭᠦᠯᠡᠷ ᠨᠢ ᠠ ᠰᠢᠶᠠᠩ ᠲᠡᠭᠦᠨ ᠡᠴᠡ  ᠵᠢᠭᠡᠯᠡᠭᠰᠡᠨ ᠵᠣᠭᠤᠰ ᠢᠶᠠᠨ ᠪᠤᠴᠠᠭᠠᠨ ᠠᠪᠬᠤ  ᠭᠡᠵᠦ ᠸᠢᠴᠲ ᠳᠡᠭᠡᠷ᠎ᠡ ᠴᠢᠮᠡᠭᠡ ᠶᠠᠪᠤᠭᠤᠯᠤᠭᠰᠠᠨ ᠳ᠋ᠥ   ᠬᠠᠷᠢᠭᠤ ᠴᠢᠮᠡᠭᠡ ᠦᠭᠡᠢ ᠮᠦᠷᠲᠡᠭᠡᠨ  ᠭᠠᠷ ᠤᠲᠠᠰᠤ ᠪᠠᠨ ᠴᠦ ᠨᠡᠭᠡᠭᠡᠬᠦ ᠪᠡᠨ ᠪᠣᠯᠢᠵᠠᠢ ᠃ ᠡᠶᠢᠮᠦ ᠪᠠᠶᠢᠳᠠᠯ ᠢ ᠦᠵᠡᠭᠡᠳ ᠠ ᠰᠢᠶᠠᠩ ᠰᠢᠶᠣᠤ ᠮᠢᠩ  ᠢ ᠡᠷᠢᠵᠦ ᠵᠣᠭᠣᠰ  ᠪᠡᠨ ᠨᠡᠬᠡᠭᠰᠡᠨ ᠳ᠋ᠥ ᠂ ᠰᠢᠶᠣᠤ ᠮᠢᠩ ᠵᠥᠪᠬᠡᠨ 2000 ᠲᠥᠭᠥᠷᠢᠭ ᠪᠤᠴᠠᠭᠠ ᠥᠪᠡᠷ ᠢ ᠪᠡᠨ ᠡᠨᠡ ᠤᠴᠢᠷ ᠢ ᠬᠠᠮᠢᠶᠠᠷᠴᠤ  ᠳᠡᠶᠢᠯᠬᠦ ᠦᠭᠡᠢ ᠭᠡᠳ ᠬᠠᠶᠠᠭᠠᠨ  ᠳ᠋ᠦ ᠨᠢ ᠬᠠᠶᠠᠪᠠ᠃

ᠠ ᠰᠢᠶᠠᠩ ᠸᠢᠴᠲ ᠳᠡᠭᠡᠷ᠎ᠡ ︽ᠰᠢᠨ ᠰᠢᠨ ︾ ᠢ ᠡᠷᠢᠵᠦ ᠣᠯᠬᠤ ᠦᠭᠡᠢ ᠂ ᠰᠢᠶᠣᠣ ᠮᠢᠩ ᠪᠠᠰᠠ ᠬᠠᠮᠢᠶᠠᠷᠠᠬᠤ ᠦᠭᠡᠢ ᠪᠣᠯᠬᠣᠷ ᠥᠪᠡᠷ ᠢ ᠪᠡᠨ  ᠮᠡᠬᠡᠯᠡᠭᠳᠡᠵᠡᠢ ᠭᠡᠵᠢ ᠳᠣᠲᠤᠭᠠᠳᠤ  ᠶᠢ ᠬᠠᠮᠠᠭᠠᠯᠠᠬᠤ  ᠲᠣᠪᠴᠢᠶᠠᠨ ᠳ᠋ᠥ ᠬᠡᠷᠡᠭ ᠮᠡᠳᠡᠭᠦᠯᠵᠡᠢ ᠃ ᠳᠣᠲᠣᠭᠠᠳᠤ  ᠶᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶ᠎ᠠ ᠲᠣᠷᠰᠢᠨ ᠪᠠᠶᠢᠴᠠᠭᠠᠭᠠᠳ ᠰᠢᠶᠣᠣ ᠮᠢᠩ ᠦᠨ ᠶᠠᠯᠠᠲᠦ ᠠᠵᠢᠯᠯᠠᠭ᠎ᠠ ᠨᠢ ᠢᠯᠡᠴᠢᠯᠡᠭᠳᠡᠵᠡᠢ ᠃

ᠰᠢᠢᠳᠪᠦᠷᠢᠯᠡᠭᠰᠡᠨ ᠦᠷ᠎ᠡ ᠳ᠋ᠦᠩ ᠄ 

ᠵᠠᠭᠠᠯᠳᠤᠭᠳᠠᠭᠴᠢ ᠰᠢᠶᠣᠤ ᠮᠢᠩ ᠬᠠᠤᠯᠢ ᠪᠤᠰᠤ ᠪᠠᠷ ᠡᠵᠡᠮᠰᠢᠬᠦ ᠵᠣᠷᠢᠯᠭ᠎ᠠ ᠪᠠᠷ ᠂ ᠪᠤᠰᠤᠳ ᠤᠨ ᠡᠳ᠋ ᠮᠦᠩᠭᠦ  ᠶᠢ 81000 ᠭᠠᠷᠤᠶ ᠲᠥᠭᠥᠷᠢᠭ ᠮᠡᠬᠡᠯᠡᠨ ᠠᠪᠤᠭᠰᠠᠨ  ᠂ ᠲᠡᠭᠦᠨ ᠦ ᠦᠢᠯᠡ ᠠᠵᠢᠯᠯᠠᠭ᠎ᠠ ᠨᠢ ︽ᠪᠥᠬᠥᠳᠡ ᠨᠠᠶᠢᠷᠠᠮᠳᠠᠬᠤ ᠳᠤᠮᠳᠠᠳᠤ ᠠᠷᠠᠳ ᠤᠯᠤᠰ ᠤᠨ ᠡᠷᠡᠭᠦᠸ ᠶᠢᠨ ᠬᠠᠸᠯᠢ︾ ᠶᠢᠨ ᠬᠣᠶᠠᠷ ᠵᠠᠭᠤ ᠵᠢᠷᠠᠨ ᠵᠢᠷᠭᠤᠳᠤᠭᠠᠷ ᠵᠦᠶᠯ ᠦᠨ ᠲᠣᠭᠲᠠᠭᠠᠯ ᠢ ᠵᠥᠷᠢᠴᠡᠵᠦ᠂ ᠬᠢᠬᠠᠨ ᠮᠡᠬᠡᠯᠡᠭᠰᠡᠨ ᠶᠠᠯ᠎ᠠ ᠪᠤᠯᠵᠤ ᠪᠦᠷᠢᠯᠳᠦᠪᠡ᠃ ᠵᠠᠭᠠᠯᠳᠤᠭᠳᠠᠭᠴᠢ ᠰᠢᠶᠣᠤ ᠮᠢᠩ ᠰᠢᠭᠦᠯᠲᠡ ᠳᠦ ᠣᠷᠣᠯᠴᠠᠭᠰᠠᠨ ᠤ ᠳᠠᠷᠠᠭ᠎ᠠ ᠥᠪᠡᠷ ᠦᠨ ᠶᠠᠯ᠎ᠠ ᠬᠢᠭᠰᠡᠨ ᠪᠣᠳᠠᠲᠤ ᠶᠠᠪᠤᠳᠠᠯ ᠢᠶᠠᠨ ᠦᠨᠡᠨ ᠮᠥᠨ ᠢᠶᠡᠷ ᠨᠢ ᠥᠴᠢᠭᠯᠡᠵᠦ ᠂ ︽ ᠪᠥᠬᠥᠳᠡ ᠨᠠᠶᠢᠷᠠᠮᠳᠠᠬᠤ ᠳᠤᠮᠳᠠᠳᠤ ᠠᠷᠠᠳ ᠤᠯᠤᠰ ᠤᠨ ᠡᠷᠡᠭᠦᠸ ᠶᠢᠨ ᠬᠠᠸᠯᠢ︾ ᠶᠢᠨ ᠵᠢᠷᠠᠨ ᠳᠣᠯᠣᠳᠤᠭᠠᠷ ᠵᠦᠶᠯ  ᠳᠡᠬᠢ ᠭᠤᠷᠪᠠᠳᠤᠭᠠᠷ ᠪᠠᠳᠠᠭ ᠤᠨ ᠲᠣᠭᠲᠠᠭᠠᠯ ᠢ ᠦᠨᠳᠦᠰᠦᠯᠡᠨ᠂ ᠬᠦᠨᠭᠭᠡᠨ ᠰᠢᠳᠬᠡᠵᠦ ᠪᠣᠯᠬᠤ ᠵᠡᠷᠭᠡ ᠶᠢ ᠦᠨᠳᠦᠰᠦᠯᠡᠵᠦ ᠰᠢᠭᠦᠬᠦ ᠬᠣᠷᠢᠢ᠎ᠠ  ᠬᠢᠬᠠᠨ ᠮᠡᠬᠡᠯᠡᠭᠰᠡᠨ ᠶᠠᠯ᠎ᠠ ᠪᠠᠷ ᠰᠢᠶᠤᠤ ᠮᠢᠩ ᠢ ᠭᠤᠷᠪᠠᠨ ᠵᠢᠯ ᠵᠢᠨ ᠭᠠᠳᠠᠨ᠎ᠠ ᠵᠢᠷᠭᠤᠭᠠᠨ ᠰᠠᠷ᠎ᠠ  ᠲᠠᠶ ᠬᠣᠷᠢᠬᠤ ᠪᠠᠷ ᠰᠢᠳᠬᠡᠵᠦ᠂ 10000 ᠲᠥᠭᠥᠷᠢᠭ ᠵᠣᠭᠣᠰ ᠢᠶᠠᠷ  ᠶᠠᠯᠠᠳᠠᠬᠤ ᠪᠠᠷ ᠨᠡᠶᠢᠯᠡᠭᠦᠯᠦᠨ ᠰᠢᠳᠭᠡᠪᠡ᠃

ᠬᠠᠤᠯᠢ ᠴᠠᠭᠠᠵᠠ ᠶᠢᠨ ᠲᠠᠶᠢᠯᠤᠮᠵᠢ ᠄

  ᠬᠢᠬᠠᠨ ᠮᠡᠬᠡᠯᠡᠭᠰᠡᠨ ᠶᠠᠯ᠎ᠠ ᠪᠣᠯ ᠬᠠᠤᠯᠢ ᠪᠤᠰᠤ ᠪᠠᠷ ᠡᠵᠡᠮᠰᠢᠬᠦ  ᠪᠡᠷ ᠵᠣᠷᠢᠯᠭ᠎ᠠ ᠪᠣᠯᠭᠠᠵᠤ ᠂ ᠪᠣᠳᠠᠲᠤ ᠬᠡᠷᠡᠭ ᠢ ᠬᠤᠳᠠᠯ ᠢᠶᠠᠷ ᠵᠣᠬᠢᠶᠠᠬᠤ᠂ ᠡᠰᠡᠬᠦᠯ᠎ᠡ ᠦᠨᠡᠨ ᠪᠠᠶᠢᠳᠠᠯ ᠢ ᠨᠢᠭᠤᠨ ᠳᠠᠯᠳᠠᠯᠠᠬᠤ ᠠᠷᠭ᠎ᠠ ᠪᠠᠷ ᠠᠯᠪᠠᠨ ᠤ ᠪᠠ ᠠᠮᠢᠨ  ᠦ ᠵᠣᠭᠣᠰ ᠮᠥᠩᠭᠥ ᠡᠳ᠋ ᠪᠣᠳᠠᠰ   ᠂ ᠲᠣᠭ᠎ᠠ ᠬᠡᠮᠵᠢᠶ᠎ᠡ  ᠨᠢ ᠨᠡᠯᠢᠶᠡᠳ ᠶᠡᠬᠡ  ᠦᠢᠯᠡ ᠠᠵᠢᠯᠯᠠᠭ᠎ᠠ ᠃︽ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠳᠤᠮᠳᠠᠳᠤ ᠠᠷᠠᠳ ᠤᠯᠤᠰ ᠤᠨ ᠡᠷᠡᠭᠦᠦ ᠶᠢᠨ ᠬᠠᠤᠯᠢ ︾ ᠶᠢᠨ ᠬᠣᠶᠠᠷ ᠵᠠᠭᠤ ᠵᠢᠷᠠᠨ ᠵᠢᠷᠭᠤᠳᠤᠭᠠᠷ ᠵᠦᠢᠯ ᠦᠨ ᠲᠣᠭᠲᠠᠭᠠᠯ ᠳᠤ ᠂ ᠠᠯᠪᠠᠨ ᠤ ᠪᠠ ᠠᠮᠢᠨ ᠤ ᠡᠳ᠋ ᠮᠦᠩᠭᠦ ᠶᠢ ᠬᠢᠬᠠᠨ ᠮᠡᠬᠡᠯᠡᠭᠰᠡᠨ ᠪᠦᠭᠡᠳ ᠲᠣᠭ᠎ᠠ ᠨᠢ ᠨᠡᠯᠢᠶᠡᠳ ᠶᠡᠬᠡ ᠪᠠᠶᠢᠪᠠᠯ᠂ ᠭᠤᠷᠪᠠᠨ ᠵᠢᠯ ᠡᠴᠡ ᠳᠣᠭᠣᠭᠰᠢ ᠬᠤᠭᠤᠴᠠᠭ᠎ᠠ ᠲᠠᠶ ᠬᠣᠷᠢᠬᠤ᠂ ᠬᠣᠷᠢᠵᠤ ᠬᠥᠳᠡᠯᠮᠦᠷᠢᠯᠡᠭᠦᠯᠬᠦ ᠪᠤᠶᠤ ᠵᠠᠬᠢᠷᠤᠨ ᠬᠠᠮᠢᠶᠠᠷᠬᠤ ᠪᠠᠷ ᠰᠢᠳᠬᠡᠭᠡᠳ ᠵᠣᠭᠣᠰ ᠢᠶᠠᠷ  ᠶᠠᠯᠠᠳᠠᠬᠤ ᠪᠠᠷ ᠨᠡᠶᠢᠯᠡᠭᠦᠯᠦᠨ ᠰᠢᠳᠬᠡᠬᠦ ᠪᠤᠶᠤ ᠳᠠᠩᠭᠠᠷ ᠰᠢᠳᠬᠡᠨ᠎ᠡ ︔ ᠲᠣᠭ᠎ᠠ ᠨᠢ ᠯᠤᠳᠤ ᠶᠡᠬᠡ ᠪᠤᠶᠤ ᠪᠤᠰᠤᠳ ᠬᠦᠨᠳᠦ ᠨᠣᠴᠢᠲᠠᠶ ᠤᠢᠢᠯᠠ ᠪᠠᠶᠢᠳᠠᠯ ᠲᠠᠶ ᠪᠠᠶᠢᠪᠠᠯ᠂ ᠭᠤᠷᠪᠠᠨ ᠵᠢᠯ ᠡᠴᠡ ᠳᠡᠭᠡᠭᠰᠢ ᠠᠷᠪᠠᠨ ᠵᠢᠯ ᠡᠴᠡ ᠳᠣᠭᠣᠭᠰᠢ ᠬᠤᠭᠤᠴᠠᠭ᠎ᠠ ᠲᠠᠶ ᠬᠣᠷᠢᠬᠤ ᠪᠠᠷ ᠰᠢᠳᠬᠡᠭᠡᠳ ᠵᠣᠭᠣᠰ ᠢᠶᠠᠷ ᠶᠠᠯᠠᠳᠠᠬᠤ  ᠪᠠᠷ ᠨᠡᠶᠢᠯᠡᠭᠦᠯᠦᠨ ᠰᠢᠳᠬᠡᠨ᠎ᠡ︔ ᠲᠣᠭ᠎ᠠ ᠨᠢ ᠣᠨᠴᠠᠭᠠᠶ  ᠯᠤᠳᠤ ᠶᠡᠬᠡ ᠪᠤᠶᠤ ᠪᠤᠰᠤᠳ ᠣᠨᠴᠠᠭᠠᠶ ᠬᠦᠨᠳᠦ ᠨᠣᠴᠢᠲᠠᠶ ᠦᠢᠯᠡ ᠪᠠᠶᠢᠳᠠᠯ ᠲᠠᠢ ᠪᠠᠶᠢᠪᠠᠯ ᠂ ᠠᠷᠪᠠᠨ ᠵᠢᠯ ᠡᠴᠡ ᠳᠡᠭᠡᠭᠰᠢ ᠬᠤᠭᠤᠴᠠᠭ᠎ᠠ ᠲᠠᠶ ᠬᠣᠷᠢᠬᠤ ᠪᠤᠶᠤ ᠬᠤᠭᠤᠴᠠᠭ᠎ᠠ ᠤᠢᠭᠡᠢ ᠬᠣᠷᠢᠬᠤ ᠪᠠᠷ ᠰᠢᠳᠬᠡᠭᠡᠳ ᠵᠣᠭᠣᠰ ᠢᠶᠠᠷ ᠶᠠᠯᠠᠳᠠᠬᠤ ᠪᠤᠶᠤ ᠡᠳ᠋ ᠬᠦᠷᠦᠩᠭᠡ ᠶᠢ ᠨᠢ ᠬᠤᠷᠢᠶᠠᠨ ᠠᠪᠬᠤ ᠪᠠᠷ ᠨᠡᠶᠢᠯᠡᠭᠦᠯᠦᠨ ᠰᠢᠳᠬᠡᠨ᠎ᠡ᠃︽ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠳᠤᠮᠳᠠᠳᠤ ᠠᠷᠠᠳ ᠤᠯᠤᠰ ᠤᠨ ᠡᠷᠡᠭᠦᠦ ᠶᠢᠨ ᠬᠠᠤᠯᠢ︾ᠪᠣᠯᠤᠨ ᠠᠷᠠᠳ ᠤᠨ ᠳᠡᠭᠡᠳᠦ ᠰᠢᠭᠦᠬᠦ ᠬᠣᠷᠢᠶ᠎ᠠ ᠂ ᠠᠷᠠᠳ ᠤᠨ ᠳᠡᠭᠡᠳᠦ ᠪᠠᠶᠢᠴᠠᠭᠠᠬᠤ ᠬᠣᠷᠢᠶ᠎ᠠ ᠶᠢ︽ᠬᠢᠬᠠᠨ ᠮᠡᠬᠡᠯᠡᠭᠰᠡᠨ ᠡᠷᠡᠭᠦᠦ ᠶᠢᠨ ᠬᠡᠷᠡᠭ ᠢ ᠰᠢᠢᠳᠪᠦᠷᠢᠯᠡᠬᠦ  ᠳᠦ ᠬᠠᠤᠯᠢ ᠴᠠᠭᠠᠵᠠ ᠶᠢ ᠪᠣᠳᠠᠲᠠᠶ ᠬᠡᠷᠡᠭᠯᠡᠬᠦ ᠠᠰᠠᠭᠤᠳᠠᠯ ᠤᠳ ᠤᠨ ᠲᠤᠬᠠᠶ  ᠲᠠᠶᠢᠯᠤᠮᠵᠢ ︾ ᠵᠢᠨ ᠲᠣᠭᠲᠠᠭᠠᠯ ᠢ ᠦᠨᠳᠦᠰᠦᠯᠡᠨ ᠂ ᠮᠠᠨ ᠤ ᠣᠷᠣᠨ ᠤ ᠪᠣᠳᠠᠲᠤ ᠪᠠᠶᠢᠳᠠᠯ ᠲᠠᠶ ᠤᠶᠠᠯᠳᠤᠭᠤᠯᠤᠨ ᠂ ᠠᠯᠪᠠᠨ ᠤ ᠪᠠ  ᠠᠮᠢᠨ ᠤ ᠵᠣᠭᠣᠰ ᠮᠥᠩᠭᠥ ᠡᠳ᠋ ᠪᠤᠳᠠᠰ ᠢ ᠮᠡᠬᠡᠯᠡᠨ ᠠᠪᠤᠭᠰᠠᠨ ︽ ᠲᠣᠭ᠎ᠠ ᠬᠡᠮᠵᠢᠶ᠎ᠡ ᠨᠢ ᠨᠡᠯᠢᠶᠡᠳ ᠶᠡᠬᠡ ︾ ᠪᠠᠶᠢᠬᠤ  ᠵᠢᠨ ᠡᠬᠢᠯᠡᠨ ᠪᠤᠳᠤᠬᠤ ᠴᠡᠭ ᠨᠢ ᠲᠠᠪᠤᠨ ᠮᠢᠩᠭᠠᠨ ᠲᠥᠭᠥᠷᠢᠭ  ᠪᠠᠶᠢᠵᠤ ᠂ ︽ᠲᠣᠭ᠎ᠠ ᠬᠡᠮᠵᠢᠶ᠎ᠡ ᠨᠢ ᠯᠤᠳᠤ ᠶᠡᠬᠡ︾ ᠭᠡᠳᠡᠭ ᠦᠨ  ᠡᠬᠢᠯᠡᠨ ᠪᠤᠳᠤᠬᠤ ᠴᠡᠭ ᠨᠢ ᠲᠠᠪᠤᠨ ᠲᠦᠮᠡᠨ ᠲᠥᠭᠥᠷᠢᠭ  ᠂ ︽ᠲᠣᠭ᠎ᠠ ᠬᠡᠮᠵᠢᠶ᠎ᠡ ᠨᠢ ᠤᠨᠴᠠᠭᠠᠢ ᠯᠤᠳᠦ ᠶᠡᠬᠡ》 ᠶᠢᠨ ᠡᠬᠢᠯᠡᠨ ᠪᠤᠳᠤᠬᠤ ᠴᠡᠭ ᠨᠢ ᠲᠠᠪᠢᠨ ᠲᠦᠮᠡᠨ ᠲᠥᠭᠥᠷᠢᠭ ᠪᠣᠯᠤᠨ᠎ᠠ᠃

ᠨᠡᠶᠢᠲᠡᠯᠢᠭ ᠠᠴᠢ ᠬᠣᠯᠪᠣᠭᠳᠠᠯ᠄

 ᠲᠤᠰ ᠬᠡᠷᠡᠭ ᠦᠨ ᠵᠢᠱᠢᠶ᠎ᠡ ᠨᠢ ᠬᠠᠸᠯᠢ ᠴᠠᠭᠠᠵᠠ ᠶᠢᠨ  ᠬᠦᠪᠡᠭᠡ ᠵᠠᠬ᠎ᠠ ᠪᠠᠷ ᠠᠯᠬᠤᠵᠤ ᠪᠠᠶᠢᠭ᠎ᠠ ᠲᠡᠳᠡᠭᠡᠷ ᠬᠠᠸᠯᠢ ᠪᠤᠰᠤ ᠡᠲᠡᠭᠡᠳ ᠢ ᠡᠷᠲᠡᠬᠡᠨ ᠶᠠᠯ᠎ᠠ ᠬᠢᠬᠦ ᠰᠠᠨᠠᠭ᠎ᠠ ᠪᠠᠨ ᠬᠤᠷᠢᠶᠠᠵᠤ ᠂ ︽ᠠᠰᠬ᠎ᠠ ᠬᠠᠳᠠᠨ ᠤ  ᠢᠷᠮᠡᠭ ᠳᠡᠭᠡᠷ᠎ᠡ ᠠᠴᠠ ᠠᠭᠲᠠ ᠶᠢᠨ ᠵᠢᠯᠣᠭᠣ ᠪᠠᠨ ᠲᠠᠲᠠᠭᠠᠷᠠᠢ︾ ᠭᠡᠮᠡᠨ ᠰᠡᠷᠡᠮᠵᠢᠯᠡᠭᠦᠯᠦᠭᠰᠡᠨ ᠪᠠᠶᠢᠨ᠎ᠠ᠃ ᠤᠴᠢᠷ ᠨᠢ ᠲᠩᠷᠢ ᠳᠡᠭᠡᠷ᠎ᠡ ᠱᠠᠯᠪᠢᠩ ᠤᠨᠠᠬᠤ  ᠤᠴᠢᠷ ᠦᠭᠡᠢ ᠂ ᠲᠦᠷ ᠴᠠᠭ ᠦᠨ ᠠᠵᠠ ᠵᠠᠪᠰᠢᠶᠠᠨ ᠭᠡᠳ ᠬᠠᠤᠯᠢ ᠴᠠᠭᠠᠵᠠ ᠶᠢᠨ ᠬᠤᠷᠢᠭ᠎ᠠ ᠱᠤᠭᠤᠮ  ᠳᠡᠭᠡᠷ᠎ᠡ ᠬᠥᠯ ᠂ ᠶᠠᠯᠠᠲᠦ ᠠᠵᠢᠯᠯᠠᠭ᠎ᠠ ᠨᠢ ᠡᠷᠲᠡ ᠣᠷᠣᠢ ᠦᠭᠡᠢ ᠪᠣᠰᠤᠳ ᠳ᠋ᠥ ᠮᠡᠳᠡᠭᠳᠡᠬᠦ ᠨᠢ ᠯᠠᠪᠲᠠᠢ ᠃ ᠡᠭᠦᠨ  ᠦ ᠬᠠᠮᠲᠤ  ᠣᠯᠠᠨ ᠲᠦᠮᠡᠨ ᠲᠠ ᠨᠠᠷ ᠲᠦ ᠪᠡᠨ  ᠰᠠᠨᠠᠭᠤᠯᠬᠤ ᠨᠢ ᠰᠦᠯᠵᠢᠶ᠎ᠡ ᠪᠣᠯ ᠪᠣᠳᠠᠲᠤ ᠠᠬᠤᠶ  ᠳᠤ ᠰᠠᠭᠤᠷᠢᠯᠠᠭᠰᠠᠨ ᠬᠡᠶᠢᠰᠪᠦᠷᠢ ᠶᠢᠷᠲᠢᠨᠴᠦ ᠪᠣᠯᠤᠨ᠎ᠠ᠂ ᠨᠥᠭᠥᠭᠡ ᠡᠲᠡᠭᠡᠳ ᠦᠨ ᠢᠶᠡᠨ ᠦᠨᠡᠨ ᠪᠣᠳᠠᠲᠤ ᠪᠠᠶᠢᠳᠠᠯ ᠢ ᠣᠶᠢᠯᠠᠭᠠᠬᠤ ᠦᠭᠡᠢ  ᠳᠣᠣᠷ᠎ᠠ ᠂ ᠥᠪᠡᠷ ᠦᠨ ᠡᠳ᠋ ᠬᠥᠷᠥᠩᠭᠡ ᠪᠡᠨ ᠪᠢᠲᠡᠭᠡᠢ ᠳᠤᠷ᠎ᠠ ᠪᠠᠷ ᠢᠶᠠᠨ ᠰᠢᠢᠳᠪᠦᠷᠢᠯᠡᠭᠡᠷᠡᠢ᠂ ᠮᠡᠬᠡᠯᠡᠭᠳᠡᠬᠦ ᠡᠴᠡ ᠬᠢᠴᠢᠶᠡᠬᠦ ᠬᠡᠷᠡᠭᠲᠡᠢ ᠃