︽ᠪᠤᠭᠤ ᠬᠠᠳᠬᠤᠮᠠᠯᠲᠤ ᠬᠥᠬᠦᠦᠷ ᠳᠠᠯᠢᠩ︾ ᠤᠨ ᠪᠠᠭ᠋ᠠᠳᠤᠯᠳᠤ ᠲᠠᠶᠢᠯᠪᠤᠷᠢ ᠣᠷᠣᠰᠢᠪᠠᠢ
ᠠᠮᠤᠷ ᠠᠶᠢᠯᠠᠳᠬᠠᠨ ᠮᠡᠨᠳᠦᠯᠡᠬᠦ ᠳᠤ
ᠠᠮᠤᠭᠤᠯᠠᠩ ᠤᠨ ᠪᠡᠯᠭᠡᠰᠢᠶᠡᠯᠲᠦ ᠬᠥᠬᠦᠦᠷ ᠢᠶᠠᠨ ᠰᠣᠯᠢᠯᠴᠠᠳᠠᠭ᠂
ᠠᠰᠢᠳᠠ ᠶᠢᠨ ᠲᠦᠪᠰᠢᠨ ᠡᠩᠬᠡ ᠶᠢᠨ ᠠᠪᠢᠳᠯᠠᠯ
ᠠᠮᠠᠨ ᠪᠡᠯᠭᠡ ᠶᠢᠨ ᠠᠶᠢᠯᠠᠳᠬᠠᠯ ᠪᠦᠷᠢ ᠳᠤ ᠲᠣᠭᠲᠠᠨ ᠣᠷᠣᠰᠢᠭ ᠭᠡᠵᠦ
ᠠᠭᠤᠰᠬᠢ ᠵᠢᠷᠦᠬᠡ ᠪᠠᠨ ᠬᠠᠶᠢᠷᠠᠯᠠᠬᠤ ᠮᠡᠲᠦ ᠢᠷᠦᠭᠡᠯ ᠵᠦᠩᠨᠡᠯ ᠲᠤᠭᠲᠠᠭᠠᠭᠴᠢ ᠬᠥᠬᠦᠦᠷ ᠢᠶᠠᠨ
ᠠᠮᠢᠨᠴᠢᠯᠠᠨ ᠨᠠᠨᠳᠢᠩᠨᠠᠵᠤ ᠠᠬᠤᠶᠢᠲᠠᠢ ᠲᠣᠬᠢᠲᠠᠢ ᠤᠭᠤᠲᠠᠯᠠᠨ ᠳᠠᠯᠢᠩᠨᠠᠳᠠᠭ᠃
ᠠᠳᠤᠭᠤ ᠪᠠᠨ ᠠᠷᠠᠴᠢᠯᠠᠨ ᠪᠠᠶᠢᠭᠰᠠᠭᠠᠷ ᠠᠷᠠᠨᠵᠠᠯ ᠪᠣᠯᠭᠠᠳᠠᠭ ᠠᠰᠤᠷᠤ ᠪᠦᠲᠦᠭᠡᠯᠴᠢ ᠮᠣᠩᠭᠤᠯᠴᠤᠳ
ᠠᠯᠠᠭᠠᠨ ᠴᠢᠨᠡᠬᠡᠨ ᠵᠦᠢᠯ ᠳᠤ ᠴᠣ᠋ ᠤᠬᠠᠭᠠᠨ ᠰᠠᠨᠠᠭᠠ ᠤᠷᠭᠤᠭᠤᠯᠤᠨ ᠤᠷᠠᠯᠠᠬᠤ ᠶᠢ ᠬᠢᠴᠢᠶᠡᠭᠰᠡᠭᠡᠷ᠂
ᠠᠭᠯᠠᠭ ᠣᠢ ᠶᠢ ᠰᠦᠪᠡᠯᠡᠨ ᠠᠲᠠᠷ ᠲᠠᠯᠠ ᠶᠢ ᠵᠦᠰᠦᠨ ᠠᠶᠠ ᠲᠠᠭᠠ ᠲᠠᠢ ᠣᠷᠣᠰᠢᠨ ᠲᠥᠯᠵᠢᠭᠴᠦ
ᠠᠰᠤᠷᠤ ᠰᠡᠷᠭᠡᠭ ᠪᠤᠭᠤ ᠰᠤᠭᠤ ᠶᠢᠨ ᠬᠠᠳᠬᠤᠮᠠᠯᠲᠤ ᠳᠠᠯᠢᠩ ᠪᠣᠯᠪᠠᠰᠤ᠂
ᠠᠰᠠᠬᠤ ᠭᠠᠯ ᠤᠨ ᠰᠣᠷ ᠰᠢᠭ ᠦᠭᠡᠳᠡᠯᠡᠨ ᠪᠠᠳᠠᠷᠠᠬᠤ ᠴᠤᠭ ᠬᠡᠶᠢᠮᠣᠷᠢ ᠶᠢᠨ ᠲᠡᠷᠢᠭᠦᠨ ᠪᠡᠯᠭᠡᠳᠡᠯ᠂
ᠠᠬᠤᠢ ᠣᠷᠴᠢᠯᠠᠩ ᠢᠶᠠᠷ ᠠᠶᠠᠲᠠᠢ ᠵᠤᠭᠠᠯᠠᠬᠤ ᠪᠠᠶᠠᠷ ᠪᠠᠭ᠋ᠠᠳᠤᠯ ᠬᠤᠣᠰᠯᠠᠬᠤ ᠶᠢᠨ ᠲᠡᠭᠦᠰ ᠪᠡᠯᠭᠡᠳᠡᠯ᠂
ᠠᠪᠤ ᠶᠢᠨ ᠦᠪ ᠢᠶᠠᠨ ᠬᠦᠷᠦᠩᠭᠡᠰᠢᠭᠦᠯᠦᠨ ᠲᠠᠩᠰᠤᠭ ᠠᠮᠢᠳᠤᠷᠠᠬᠤ ᠠᠵᠠ ᠵᠢᠷᠭᠠᠯ ᠤᠨ ᠴᠢᠨᠳᠠᠮᠤᠨᠢ ᠪᠡᠯᠭᠡᠳᠡᠯ᠂
ᠠᠰ ᠤᠨ ᠪᠡᠶᠡ ᠨᠢ ᠳᠠᠭᠠᠭᠠᠮᠠ ᠦᠭᠡᠢ ᠠᠵᠢᠯ ᠦᠢᠯᠡᠰ ᠴᠣᠭᠴᠠᠯᠠᠭᠳᠠᠬᠤ ᠦᠯᠵᠡᠢ ᠮᠥᠷ ᠤᠨ ᠭᠦᠢᠴᠡᠳ ᠪᠡᠯᠭᠡᠳᠡᠯ᠃
ᠠᠮᠢᠲᠠᠨ ᠵᠢᠷᠭᠤᠭᠠᠨ ᠵᠦᠢᠯ ᠤᠨ ᠠᠷᠢᠭ ᠶᠣᠰᠣᠨ ᠢᠶᠠᠷ ᠠᠮᠢᠳᠤᠷᠠᠯ ᠦᠢᠯᠡᠰ ᠢᠶᠠᠨ ᠠᠷᠤᠤᠬᠠᠨ ᠴᠣᠭᠴᠠᠯᠠᠭᠴᠢ ᠲᠠ
ᠠᠵᠢᠨᠠᠢ ᠰᠢᠲᠦᠭᠡᠨᠲᠦ ᠤᠬᠠᠭᠠᠨ ᠳᠤ ᠪᠠᠨ ᠠᠷᠠᠭᠢᠲᠠᠢ ᠡᠳ᠋ᠯᠡ᠃
ᠠᠩᠬᠠᠨ ᠠᠴᠠ ᠪᠠᠨ ᠶᠡᠷᠦ ᠭᠠᠩᠳᠠᠨ ᠪᠠᠭᠤᠷᠠᠰᠢ ᠦᠭᠡᠢ ᠬᠠᠲᠠᠨ ᠵᠣᠷᠢᠭ ᠲᠠᠢ ᠲᠠᠪᠲᠠᠭᠳᠠᠵᠤ
ᠠᠯᠢ ᠣᠯᠠᠨ ᠤ ᠳᠤᠮᠳᠠ ᠠᠯᠬᠢᠨᠴᠢᠯᠠᠨ ᠬᠤᠰᠢᠭᠤᠴᠢᠯᠠᠬᠤ ᠬᠡᠶᠢᠮᠤᠷᠢ ᠰᠦᠯᠳᠡ ᠲᠠᠢ ᠪᠣᠯᠬᠤ ᠪᠣᠯᠲᠤᠭᠠᠢ︕
ᠠᠭᠠᠷ ᠤᠨ ᠨᠠᠷᠠᠨ ᠰᠠᠷᠠᠨ ᠭᠡᠷᠡᠯ ᠲᠤᠶᠠᠭᠠ ᠲᠠᠢ ᠪᠠᠨ ᠡᠭᠦᠷᠢᠲᠡ ᠴᠤᠭ ᠣᠷᠣᠰᠢᠳᠠᠭ ᠰᠢᠭ᠋
ᠠᠷᠤ ᠦᠪᠦᠷ ᠢᠶᠠᠷ ᠨᠢ ᠪᠠᠶᠠᠷ ᠬᠦᠷ ᠳᠦᠭᠦᠷᠡᠩ ᠴᠠᠯᠭᠢᠲᠤᠭᠠᠢ︕
ᠠᠯᠬᠤᠭᠠᠳ ᠭᠠᠷᠪᠠᠯ ᠣᠯᠵᠠ ᠲᠠᠢ ᠣᠷᠣᠭᠠᠳ ᠢᠷᠡᠪᠡᠯ ᠬᠤᠶᠢᠮᠤᠷ ᠰᠠᠭᠠᠲᠠᠭᠤᠯᠤᠭᠴᠢ ᠬᠤᠩᠭᠤᠷ ᠲᠠᠢ
ᠠᠷᠰᠢ ᠶᠢᠨ ᠠᠳᠢᠰ ᠢ ᠬᠦᠷᠲᠡᠵᠦ ᠠᠰᠢᠲᠠᠢ ᠰᠠᠶᠢᠬᠠᠨ ᠠᠵᠠ ᠵᠢᠷᠭᠠᠯ ᠡᠳ᠋ᠯᠡᠭᠡᠰᠡᠢ︕
ᠠᠩᠭᠢᠶᠠ ᠰᠡᠷᠭᠡᠭᠵᠢᠨ ᠠᠪᠬᠠᠯᠵᠢ ᠰᠠᠶᠢᠵᠢᠷᠠᠨ ᠠᠵᠢᠯ ᠦᠢᠯᠡᠰ ᠨᠢ ᠦᠭᠡᠳᠡᠯᠡᠨ ᠮᠠᠨᠳᠤᠵᠤ
ᠠᠶᠢᠮᠠᠭ ᠤᠭᠰᠠᠭᠠᠨ ᠤ ᠪᠠᠨ ᠨᠡᠷᠡ ᠴᠤᠤ ᠶᠢ ᠨᠡᠶᠢᠲᠡ ᠣᠯᠠᠨ ᠳᠤ ᠠᠯᠳᠠᠷᠰᠢᠭᠤᠯᠤᠨ ᠳᠠᠭᠤᠷᠢᠰᠤᠯᠲᠤᠭᠠᠢ︕
ᠠᠨᠳᠠᠯ ᠦᠭᠡᠢ ᠴᠢᠮᠪᠠᠢ ᠬᠠᠳᠬᠤᠭᠰᠠᠨ ᠬᠡᠭᠡᠨᠴᠢᠷ ᠳᠠᠯᠢᠩ ᠤᠨ
ᠠᠨᠴᠢ ᠲᠥᠯᠥᠪ ᠢ ᠨᠢ ᠲᠠᠭᠠᠰᠢᠶᠠᠨ ᠪᠣᠯᠭᠤᠭᠠᠭᠰᠠᠨ ᠲᠠᠨ ᠳᠤ
ᠠᠮᠤᠷ ᠠᠰᠠᠭᠤᠨ ᠬᠠᠮᠠᠷ ᠲᠠᠮᠠᠬᠢᠯᠠᠬᠤ ︿︿ᠬᠥᠬᠦᠦᠷ﹀﹀ ᠨᠢ ᠴᠤ
ᠠᠶᠢᠷᠠᠭ ᠲᠠᠷᠠᠭ ᠠᠭᠤᠯᠬᠤ ᠰᠢᠷᠢ ᠬᠥᠮ ᠰᠠᠪᠠ ᠶᠢᠨ ᠨᠦᠭᠦᠭᠡ ᠨᠡᠷᠡ ᠨᠢ ᠪᠣᠯᠬᠤ ᠶᠢ
ᠠᠷᠢᠭᠤᠨ ᠴᠠᠭᠠᠨ ᠢᠳᠡᠭᠡᠨ ᠠᠮᠰᠠᠭᠤᠯᠳᠠᠭ ᠮᠣᠩᠭᠤᠯ ᠵᠠᠩ ᠦᠢᠯᠡ ᠶᠢᠨ ᠬᠦᠨᠳᠦᠳᠭᠡᠯ ᠪᠣᠯᠭᠠᠵᠤ ᠳᠡᠭᠡᠵᠢᠯᠡᠭᠦᠯᠦᠶᠡ᠃
ᠠᠤᠭᠠ ᠮᠣᠩᠭᠤᠯ ᠰᠣᠶᠣᠯ ᠤᠨ ᠤᠯᠠᠮᠵᠢᠯᠠᠨ ᠠᠭᠤᠳᠠᠯᠬᠤ ᠵᠦᠢᠯ ᠣᠯᠠᠨ ᠪᠣᠢ᠂
ᠠᠪᠬᠠᠯᠵᠢᠲᠦ ᠬᠦᠮᠦᠰ ᠲᠠ ᠪᠢᠳᠡ ᠭᠠᠷ ᠲᠤ ᠦᠷᠲᠦᠭᠰᠡᠨ ᠢ ᠪᠠᠨ ᠪᠦᠭᠲᠦᠯᠡᠬᠦ ᠠᠴᠠ ᠡᠬᠢᠯᠡᠭᠦᠯᠵᠦ
ᠠᠬᠤ ᠰᠣᠶᠣᠯ ᠢᠶᠠᠨ ᠪᠠᠭ᠋ᠠᠷᠬᠠᠨ ᠠᠭᠤᠳᠠᠯᠯᠠᠵᠤ ᠭᠦᠨ ᠰᠢᠮᠡ ᠶᠢ ᠨᠢ ᠬᠦᠷᠲᠡᠵᠡᠭᠡᠶᠡ︕