ᠨᠤᠳᠤᠭ ᠮᠢᠨᠢ ᠡᠩᠬᠦᠷᠡᠢ
ᠡᠯᠪᠡᠷᠢᠯᠳᠦ ᠡᠴᠢᠭᠡ ᠪᠠᠨ ᠰᠢᠭ ᠳᠡᠭᠡᠳᠥᠯᠡᠳᠡᠭ
ᠬᠦᠭᠡ ᠲᠡᠭᠷᠢ ᠮᠢᠨᠢ ᠡᠩᠬᠦᠷᠡᠢ
ᠡᠨᠡᠷᠢᠯᠳᠦ ᠡᠭᠡ ᠪᠠᠨ ᠰᠢᠭ ᠰᠢᠳᠦᠳᠡᠭ
ᠬᠦᠷᠦᠰᠦᠳᠦ ᠲᠡᠯᠡᠭᠡᠢ ᠮᠢᠨᠢ ᠡᠩᠬᠦᠷᠡᠢ
ᠠᠮᠤᠭᠤᠯᠠᠩ ᠲᠡᠭᠷᠢ ᠶᠢᠨ ᠡᠯᠢᠭᠡᠨ ᠳᠤ ᠪᠦᠪᠡᠶᠢᠯᠡᠭᠳᠡᠭᠰᠡᠨ
ᠬᠦᠪᠥᠩ ᠴᠠᠭᠠᠨ ᠡᠭᠦᠯᠡᠰ ᠮᠢᠨᠢ ᠡᠩᠬᠦᠷᠡᠢ
ᠠᠷᠭᠤᠮᠠᠭ ᠬᠦᠯᠦᠭ ᠤᠨ ᠲᠤᠭᠤᠷᠠᠢ ᠲᠠᠴᠢᠭᠢᠨᠡᠭᠰᠡᠨ
ᠠᠭᠤᠳᠠᠮ ᠲᠠᠯᠠ ᠮᠢᠨᠢ ᠡᠩᠬᠦᠷᠡᠢ
ᠦᠭᠭᠢᠶᠡᠮᠤᠷ ᠡᠵᠢ ᠶᠢᠨ ᠮᠢᠨᠢ ᠰᠦ ᠰᠢᠭ ᠤᠡᠳᠤᠷᠤᠭᠰᠠᠨ
ᠷᠠᠰᠢᠶᠠᠨ ᠪᠤᠯᠠᠭ ᠮᠢᠨᠢ ᠡᠩᠬᠦᠷᠡᠢ
ᠦᠷᠦ ᠵᠢᠷᠦᠭᠡ ᠶᠢ ᠳᠤᠭᠳᠤᠯᠲᠠᠯᠠ ᠰᠢᠷᠤᠩᠬᠠᠶᠢᠯᠠᠳᠠᠭ
ᠤᠷᠳᠦ ᠶᠢᠨ ᠲᠠᠭᠤᠤ ᠮᠢᠨᠢ ᠡᠩᠬᠦᠷᠡᠢ
ᠬᠦᠮᠦᠨ ᠮᠠᠯ ᠤᠨ ᠴᠤᠤᠷᠢᠶᠠ ᠪᠠᠷ ᠴᠠᠯᠭᠢᠯᠠᠭᠰᠠᠨ
ᠠᠷᠢᠭᠤᠨ ᠲᠤᠩᠭᠠᠯᠠᠭ ᠭᠤᠤᠯ ᠮᠢᠨᠢ ᠡᠩᠬᠦᠷᠡᠢ
ᠠᠭᠤᠤ ᠳᠡᠭᠡᠳᠦᠰ ᠤᠨ ᠮᠢᠨᠢ ᠠᠮᠢᠨ ᠰᠢᠳᠦᠭᠡᠨ
ᠲᠠᠷᠬᠠᠨ ᠴᠡᠩᠭᠡᠷ ᠠᠭᠤᠯᠠᠰ ᠮᠢᠨᠢ ᠮᠢᠨᠢ ᠡᠩᠬᠦᠷᠡᠢ
ᠲᠠᠯᠠ ᠲᠦᠭᠦᠷᠦᠮᠡ ᠲᠠᠷᠬᠠᠨ ᠪᠡᠯᠴᠢᠭᠰᠡᠨ
ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠮᠢᠨᠢ ᠡᠩᠬᠦᠷᠡᠢ
ᠲᠠᠷᠠᠭ ᠠᠶᠢᠷᠠᠭ ᠪᠢᠯᠬᠠᠨ ᠬᠦᠭᠡᠰᠦᠷᠦᠭᠰᠡᠨ
ᠲᠠᠩᠰᠤᠭ ᠰᠠᠶᠢᠬᠠᠨ ᠠᠮᠢᠳᠤᠷᠠᠯ ᠮᠢᠨᠢ ᠡᠩᠬᠦᠷᠡᠢ
ᠤᠨᠠᠭᠠᠨ ᠪᠠᠭᠠ ᠠᠴᠠ ᠲᠤᠭᠯᠠᠨ ᠦᠰᠦᠭᠰᠡᠨ
ᠵᠡᠭᠦᠳᠦᠨ ᠳᠤ ᠲᠤᠷᠤᠯᠵᠠᠳᠠᠭ ᠭᠡᠷ ᠮᠢᠨᠢ ᠡᠩᠬᠦᠷᠡᠢ
ᠤᠩᠭᠤᠨ ᠪᠠᠶᠢᠭᠠᠯᠢ ᠪᠠᠨ ᠠᠮᠢ ᠲᠠᠢ ᠪᠠᠨ ᠬᠤᠯᠪᠤᠭᠰᠠᠨ
ᠵᠢᠷᠦᠭᠡ ᠴᠠᠶᠢᠯᠭᠠᠨ ᠮᠠᠯᠴᠢᠳ ᠮᠢᠨᠢ ᠡᠩᠬᠦᠷᠡᠢ
ᠡᠷᠴᠢ ᠵᠤᠷᠢᠭ ᠢ ᠬᠦᠪᠴᠢᠯᠡᠭᠰᠡᠨ ᠮᠤᠩᠭᠤᠯ ᠬᠡᠯᠡ ᠮᠢᠨᠢ ᠡᠩᠬᠦᠷᠡᠢ
ᠡᠪᠦᠭᠡ ᠳᠡᠭᠡᠳᠦᠰ ᠤᠨ ᠦᠪᠯᠡᠭᠰᠡᠨ ᠮᠤᠩᠭᠤᠯ ᠰᠤᠶᠤᠯ ᠮᠢᠨᠢ ᠡᠩᠬᠦᠷᠡᠢ
ᠡᠵᠡᠨ ᠴᠢᠩᠭᠢᠰ ᠠᠴᠠ ᠵᠠᠶᠠᠭᠠᠭᠰᠠᠨᠮᠤᠩᠭᠤᠯ ᠨᠤᠳᠤᠭ ᠮᠢᠨᠢ ᠡᠩᠬᠦᠷᠡᠢ
ᠡᠩ ᠲᠡᠯᠡᠭᠡᠢ ᠳᠤ ᠮᠡᠨᠳᠦᠯᠡᠭᠰᠡᠨ ᠮᠤᠩᠭᠤᠯ ᠵᠠᠶᠠᠭᠠ ᠮᠢᠨᠢ ᠡᠩᠬᠦᠷᠡᠢ
ᠡᠩᠬᠦᠷᠡᠢ ᠨᠤᠳᠤᠭ ᠮᠢᠨᠢ ᠡᠵᠡᠭᠦᠶᠢᠷᠡᠭᠡᠳ ᠪᠠᠶᠢᠨᠠ
ᠡᠵᠡᠨ ᠪᠠᠨ ᠦᠭᠡᠶᠢᠯᠡᠭᠡᠳ ᠬᠦᠭᠡᠷᠦᠬᠦᠢ ᠪᠠᠶᠢᠨᠠ
ᠡᠩᠬᠦᠷᠡᠢ ᠮᠠᠯᠴᠢᠳ ᠮᠢᠨᠢ ᠡᠮᠭᠡᠨᠢᠵᠦ ᠪᠠᠶᠢᠨᠠ
ᠡᠮᠵᠡᠭᠯᠡᠭᠰᠡᠨ ᠨᠢᠳᠦᠨ ᠳᠤ ᠨᠢ ᠨᠢᠯᠪᠤᠰᠦ ᠳᠦᠭᠦᠷᠦᠨᠡᠮ︕