︽ ︾ ᠵᠢᠨ ᠮᠡᠬᠡᠯᠡᠯ
ᠨᠠᠰᠤᠳᠠᠢ ᠯᠢ ᠤᠪᠤᠭᠳᠤ ︵︶ ᠰᠦᠯᠵᠢᠶᠡᠨ ᠲᠡᠭᠡᠷᠡ ᠬᠡᠬᠡᠨᠴᠢᠷ ᠡᠮᠡᠭᠳᠡᠢ ᠪᠠᠷ ᠤᠪᠯᠠᠵᠤ᠂ ᠬᠤᠶᠠᠷ ᠡᠷᠡᠭᠳᠡᠢ ᠶᠢᠨ ᠮᠦᠩᠭᠦ ᠶᠢ ᠮᠡᠬᠡᠯᠡᠭᠰᠡᠨ ᠡᠴᠡ ᠵᠠᠷᠤᠳ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠶᠢᠨ ᠠᠯᠪᠠᠨ ᠶᠢ ᠬᠦᠯᠢᠶᠡᠵᠦ᠂ ᠰᠢᠬᠦᠬᠦ ᠬᠤᠷᠢᠶᠠᠨ ᠲᠡᠭᠦᠨ ᠢ ᠨᠠᠢᠮᠠᠨ ᠰᠠᠷᠠ ᠬᠤᠭᠤᠴᠠᠭᠠ ᠲᠠᠢ ᠬᠤᠷᠢᠵᠤ᠂ ᠬᠤᠶᠠᠷ ᠮᠢᠩᠭᠠᠨ ᠲᠦᠭᠦᠷᠢᠭ ᠢᠶᠡᠷ ᠶᠠᠯᠠᠳᠠᠬᠤ ᠪᠠᠷ ᠨᠡᠶᠢᠯᠡᠬᠦᠯᠦᠨ ᠰᠢᠢᠳᠬᠡᠪᠡ᠃
ᠬᠡᠷᠡᠭ ᠦᠨ ᠪᠤᠳᠠᠲᠦ ᠪᠠᠶᠢᠳᠠᠯ᠄
2021 ᠤᠨ ᠤ 7 ᠰᠠᠷᠠ ᠳᠤ᠂ ᠸᠠᠩ ᠤᠪᠤᠭᠳᠤ ︵ᠡᠷᠡᠭᠲᠡᠢ︶ ︽ ︾ ᠵᠤᠭᠤᠭᠳᠠᠬᠤ ᠵᠦᠬᠡᠯᠡᠨ ᠲᠤᠨᠤᠭ ᠢᠶᠠᠷ ᠲᠠᠮᠵᠢᠨ ᠨᠢᠬᠡᠨ ᠡᠮᠡᠭᠳᠡᠢ ᠲᠠᠢ ᠲᠠᠨᠢᠯᠴᠠᠵᠠᠢ᠃ ᠲᠤᠰ ᠡᠮᠡᠭᠳᠡᠢ ᠦᠪᠡᠷ ᠢ ᠪᠠᠨ ᠰᠢᠶᠤᠤ ᠬᠡᠵᠦ ᠲᠠᠨᠢᠯᠴᠠᠭᠤᠯᠤᠨ᠂ ᠤᠯᠠᠨ ᠰᠡᠬᠦᠳᠡᠷ ᠪᠠ ᠸᠢᠳᠢᠣ᠋ ᠶᠠᠪᠤᠭᠤᠯᠵᠤ᠂ ᠸᠠᠩ ᠤᠪᠤᠭᠳᠤ ᠶᠢᠨ ᠢᠳᠡᠬᠡᠯ ᠢ ᠤᠯᠤᠭᠰᠠᠨ ᠲᠠᠷᠠᠭᠠ᠂ ᠬᠤᠭᠤᠯᠠ ᠢᠳᠡᠬᠦ ᠵᠤᠭᠤᠰ ᠦᠬᠡᠢ᠂ ᠲᠡᠷᠬᠡᠨ ᠡᠨᠳᠡᠯ ᠭᠠᠷᠴᠤ ᠡᠮᠨᠡᠬᠦᠯᠬᠦ ᠵᠤᠭᠤᠰ ᠳᠤᠲᠠᠵᠤ ᠪᠣᠢ ᠭᠡᠬᠦ ᠮᠡᠳᠦ ᠶᠢᠨ ᠰᠢᠯᠳᠠᠭᠠᠨ ᠢᠶᠠᠷ ᠲᠤᠰᠠᠯᠠᠮᠵᠢ ᠭᠤᠶᠤᠵᠠᠢ᠃ ᠲᠡᠭᠡᠭᠡᠳ ᠸᠠᠩ ᠤᠪᠤᠭᠳᠤ ᠰᠦᠯᠵᠢᠶᠠᠨ ᠤ ᠤᠨᠠᠭᠤᠯᠢ ᠳᠤ ᠤᠨᠠᠵᠤ᠂ ᠲᠡᠭᠦᠨ ᠦ ᠬᠦᠰᠡᠭᠰᠡᠨ ᠪᠦᠬᠦᠨ ᠢ ᠨᠢ ᠬᠠᠩᠭᠠᠵᠤ᠂ ᠲᠦᠷᠪᠡᠨ ᠡᠳᠦᠷ ᠦᠨ ᠲᠤᠳᠤᠷᠠ ᠸᠢᠴᠠᠲ ᠪᠠᠷ ᠮᠢᠩᠭᠠ ᠭᠠᠷᠤᠢ ᠲᠦᠭᠦᠷᠢᠭ ᠰᠢᠯᠵᠢᠭᠦᠯᠦᠨ ᠦᠭᠪᠡ᠃ ᠲᠤᠰ ᠵᠢᠯ ᠦᠨ 7 ᠰᠠᠷᠠ ᠶᠢᠨ15 ᠦ ᠡᠳᠦᠷ᠂ ᠲᠤᠰ ᠡᠮᠡᠭᠳᠡᠢ ᠰᠦᠯᠵᠢᠶᠡᠨ ᠨᠠᠶᠢᠵᠠ ᠨᠢ ᠪᠠᠰᠠ ᠶᠠᠭᠤᠮᠠ ᠬᠤᠳᠠᠯᠳᠤᠨ ᠠᠪᠬᠤ ᠵᠤᠭᠤᠰ ᠦᠬᠡᠢ ᠰᠢᠯᠳᠠᠭ ᠸᠠᠩ ᠤᠪᠤᠭᠳᠤ ᠳᠤ ᠨᠢᠬᠡᠨ ᠬᠡᠳᠦ ᠲᠡᠯᠬᠡᠬᠦᠷ ᠤᠨ ᠵᠤᠭᠤᠰ ᠬᠤᠷᠢᠶᠠᠬᠤ ᠺᠤᠳ᠋ ᠶᠠᠪᠤᠭᠤᠯᠵᠠᠢ᠃ ᠸᠠᠩ ᠤᠪᠤᠭᠳᠤ ᠲᠠᠩᠰᠠ ᠰᠢᠯᠵᠢᠬᠦᠯᠦᠭᠰᠡᠨ ᠲᠠᠷᠠᠭᠠ ᠤᠴᠢᠷ ᠶᠠᠪᠤᠳᠠᠯ ᠬᠠᠴᠢᠨ ᠵᠢᠭᠳᠡᠢ ᠰᠠᠨᠠᠭᠳᠠᠵᠤ᠂ ᠬᠡᠳᠦ ᠲᠡᠯᠬᠡᠬᠦᠷ ᠤᠳᠠᠰᠤᠳᠠᠵᠤ ᠰᠦᠯᠵᠢᠶᠡᠨ ᠨᠠᠶᠢᠵᠠ ᠡᠷᠡᠭᠳᠡᠢ ᠬᠦᠮᠦᠨ ᠪᠠᠶᠢᠭᠰᠠᠨ ᠢ ᠤᠯᠵᠤ ᠮᠡᠳᠡᠭᠡᠳ ᠲᠡᠷᠡ ᠲᠠᠷᠤᠢ ᠴᠠᠭᠳᠠᠭᠠ ᠳᠤ ᠮᠡᠳᠡᠬᠦᠯᠦᠭᠰᠡᠨ ᠪᠠᠶᠢᠨᠠ᠃
ᠲᠤᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠪᠠᠶᠢᠭᠤᠯᠭᠠ ᠲᠤᠷᠰᠢᠨ ᠪᠠᠶᠢᠴᠠᠭᠠᠬᠤ ᠪᠠᠷ ᠲᠠᠮᠵᠢᠨ᠂ ᠶᠠᠯᠠ ᠬᠢᠭᠰᠡᠨ ᠯᠢ ᠤᠪᠤᠭᠳᠤ ᠶᠢ ᠪᠠᠷᠢᠪᠴᠢᠯᠠᠵᠠᠢ᠃ ᠪᠠᠶᠢᠴᠠᠭᠠᠨ ᠲᠤᠳᠤᠯᠠᠭᠰᠠᠨ ᠢᠶᠠᠷ᠂ ᠯᠢ ᠤᠪᠤᠭᠳᠤ ᠸᠢᠴᠠᠲ᠂ ︽ ︾ ᠵᠡᠷᠬᠡ ᠰᠦᠯᠵᠢᠶᠡᠨ ᠦ ᠵᠤᠭᠤᠭᠳᠠᠬᠤ ᠵᠦᠬᠡᠯᠡᠨ ᠲᠤᠨᠤᠭ ᠢᠶᠠᠷ ᠲᠠᠮᠵᠢᠨ ᠡᠮᠡᠭᠳᠡᠢ ᠬᠦᠮᠦᠨ ᠦ ᠰᠡᠭᠦᠳᠡᠷ ᠢ ᠡᠷᠢᠨ᠂ ᠵᠠᠯᠠᠭᠤ ᠡᠮᠡᠭᠳᠡᠢ ᠪᠠᠷ ᠤᠪᠯᠠᠵᠤ᠂ ᠬᠤᠷᠯᠠᠭᠳᠠᠭᠴᠢ ᠶᠢᠨ ᠢᠳᠡᠬᠡᠯ ᠢ ᠤᠯᠤᠭᠰᠠᠨ ᠲᠠᠷᠠᠭᠠ ᠬᠤᠪᠴᠠᠰᠤ ᠠᠪᠬᠤ᠂ ᠡᠪᠡᠳᠴᠢᠨ ᠦᠵᠡᠬᠦᠯᠬᠦ ᠵᠡᠷᠬᠡ ᠰᠢᠯᠳᠠᠭ ᠢᠶᠠᠷ ᠪᠤᠰᠤᠳ ᠤᠨ ᠵᠤᠭᠤᠰ ᠢ ᠤᠯᠠᠨ ᠤᠳᠠᠭᠠ ᠮᠡᠬᠡᠯᠡᠪᠡ᠃ ᠪᠠᠶᠢᠴᠠᠭᠠᠬᠤ ᠶᠠᠪᠤᠴᠠ ᠳᠤ᠂ ᠲᠤᠳᠤᠭᠠᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠪᠠᠶᠢᠭᠤᠯᠭᠠ ᠨᠢᠬᠡᠨ ᠭᠤᠷᠪᠠᠨ ᠮᠢᠩᠭᠠ ᠭᠠᠷᠤᠢ ᠲᠦᠭᠦᠷᠢᠭ ᠮᠡᠬᠡᠯᠡᠭᠳᠡᠨ᠂ ᠮᠡᠬᠡᠯᠡᠭᠳᠡᠭᠰᠡᠨ ᠢᠶᠠᠨ ᠬᠠᠷᠠᠬᠠᠨ ᠰᠡᠷᠢᠵᠦ ᠤᠯᠤᠭᠠ ᠦᠬᠡᠢ ᠬᠤᠤᠷᠯᠠᠭᠳᠠᠭᠴᠢ ᠵᠠᠩ ᠤᠪᠤᠭᠳᠤ ᠶᠢ ᠤᠯᠵᠤ ᠮᠡᠳᠡᠪᠡ᠃
ᠬᠠᠤᠯᠢ ᠵᠤᠷᠪᠤᠰ ᠤᠨ ᠬᠤᠯᠪᠤᠭᠠᠰᠤ᠄
︽ ᠪᠦᠬᠦᠳᠡ ᠨᠠᠶᠢᠷᠠᠮᠳᠠᠬᠤ ᠲᠤᠮᠳᠠᠳᠤ ᠠᠷᠠᠳ ᠤᠯᠤᠰ ᠤᠨ ᠡᠷᠡᠬᠦᠦ ᠶᠢᠨ ᠬᠠᠤᠯᠢ︾ ᠶᠢᠨ ᠬᠤᠶᠠᠷ ᠵᠠᠭᠤ ᠵᠢᠷᠠᠨ ᠵᠢᠷᠭᠤᠳᠤᠭᠠᠷ ᠵᠦᠢᠯ ᠦᠨ ᠲᠤᠭᠳᠠᠭᠠᠯ ᠳᠤ᠂ ᠠᠯᠪᠠᠨ ᠤ ᠪᠠ ᠬᠤᠪᠢ ᠶᠢᠨ ᠡᠳ᠋ ᠮᠦᠩᠭᠦ ᠶᠢ ᠬᠢᠬᠠᠨ ᠮᠡᠬᠡᠯᠡᠭᠰᠡᠨ ᠪᠦᠬᠡᠳ ᠲᠤᠭᠠ ᠨᠢ ᠨᠡᠯᠢᠶᠡᠳ ᠶᠡᠬᠡ ᠪᠠᠶᠢᠪᠠᠯ᠂ ᠭᠤᠷᠪᠠᠨ ᠵᠢᠯ ᠡᠴᠡ ᠬᠤᠭᠤᠴᠠᠭᠠ ᠲᠠᠢ ᠬᠤᠷᠢᠬᠤ᠂ ᠬᠤᠷᠢᠵᠤ ᠬᠦᠳᠡᠯᠮᠦᠷᠢᠯᠡᠬᠦᠯᠬᠦ ᠪᠤᠶᠤ ᠵᠠᠬᠢᠷᠤᠨ ᠬᠠᠮᠢᠶᠠᠷᠬᠤ ᠪᠠᠷ ᠰᠢᠢᠳᠬᠡᠵᠦ᠂ ᠵᠤᠭᠤᠰ ᠢᠶᠠᠷ ᠶᠠᠯᠠᠳᠠᠬᠤ ᠪᠠᠷ ᠨᠠᠶᠢᠯᠡᠬᠦᠯᠦᠨ ᠰᠢᠢᠳᠬᠡᠬᠦ ᠪᠤᠶᠤ ᠲᠠᠩ ᠢᠶᠠᠷ ᠰᠢᠢᠳᠬᠡᠨᠡ︔ ᠡᠳ᠋ ᠮᠦᠩᠭᠦ ᠲᠤᠭᠠ ᠨᠢ ᠯᠤᠳᠤ ᠶᠡᠬᠡ ᠪᠤᠶᠤ ᠪᠤᠰᠤᠳ ᠬᠦᠨᠳᠦ ᠨᠤᠴᠢᠳᠠᠢ ᠦᠢᠯᠡ ᠪᠠᠶᠢᠳᠠᠯ ᠲᠠᠢ ᠪᠠᠶᠢᠪᠠᠯ᠂ ᠭᠤᠷᠪᠠᠨ ᠵᠢᠯ ᠡᠴᠡ ᠲᠡᠭᠡᠭᠰᠢ ᠠᠷᠪᠠᠨ ᠵᠢᠯ ᠡᠴᠡ ᠬᠤᠭᠤᠴᠠᠭᠠ ᠲᠠᠢ ᠬᠤᠷᠢᠬᠤ ᠪᠠᠷ ᠰᠢᠢᠳᠬᠡᠬᠡᠳ ᠵᠤᠭᠤᠰ ᠢᠶᠠᠷ ᠶᠠᠯᠠᠳᠠᠬᠤ ᠪᠠᠷ ᠨᠠᠶᠢᠯᠡᠬᠦᠯᠦᠨ ᠰᠢᠢᠳᠬᠡᠨᠡ︔ ᠡᠳ᠋ ᠮᠦᠩᠭᠦ ᠲᠤᠭᠠ ᠨᠢ ᠤᠨᠴᠠᠭᠠᠢ ᠯᠤᠳᠤ ᠶᠡᠬᠡ ᠪᠤᠶᠤ ᠪᠤᠰᠤᠳ ᠤᠨᠴᠠᠭᠠᠢ ᠬᠦᠨᠳᠦ ᠨᠤᠴᠢᠳᠠᠢ ᠦᠢᠯᠡ ᠪᠠᠶᠢᠳᠠᠯ ᠲᠠᠢ ᠪᠠᠶᠢᠪᠠᠯ ᠂ ᠠᠷᠪᠠᠨ ᠵᠢᠯ ᠡᠴᠡ ᠲᠡᠭᠡᠭᠰᠢ ᠬᠤᠭᠤᠴᠠᠭᠠ ᠲᠠᠢ ᠬᠤᠷᠢᠬᠤ ᠪᠤᠶᠤ ᠬᠤᠭᠤᠴᠠᠭᠠ ᠦᠬᠡᠢ ᠬᠤᠷᠢᠬᠤ ᠪᠠᠷ ᠰᠢᠢᠳᠬᠡᠵᠦ᠂ ᠵᠤᠭᠤᠰ ᠢᠶᠠᠷ ᠶᠠᠯᠠᠳᠠᠬᠤ ᠪᠤᠶᠤ ᠡᠳ᠋ ᠬᠦᠷᠦᠩᠬᠡ ᠶᠢ ᠨᠢ ᠬᠤᠷᠢᠶᠠᠵᠤ ᠠᠪᠬᠤ ᠪᠠᠷ ᠨᠡᠶᠢᠯᠡᠬᠦᠯᠦᠨ ᠰᠢᠢᠳᠬᠡᠨᠡ᠃
ᠪᠠᠶᠢᠴᠠᠭᠠᠬᠤ ᠲᠤᠰᠢᠶᠠᠯᠲᠠᠨ ᠤ ᠰᠠᠨᠠᠭᠤᠯᠭᠠ᠄
ᠤᠳᠤᠬᠠᠨ ᠳᠤ᠂ ᠮᠡᠳᠡᠬᠡ ᠵᠠᠩᠬᠢ ᠰᠦᠯᠵᠢᠶᠡᠨ ᠦ ᠨᠢᠰᠬᠦ ᠮᠡᠳᠦ ᠲᠦᠷᠬᠡᠨ ᠬᠦᠭᠵᠢᠯᠳᠡ ᠪᠢᠳᠡᠨ ᠦ ᠠᠮᠢᠳᠤᠷᠠᠯ ᠳᠤ ᠲᠦᠬᠦᠮ ᠦᠵᠡᠬᠦᠯᠬᠦ ᠶᠢᠨ ᠬᠠᠮᠳᠤ ᠪᠠᠰᠠ ᠬᠠᠤᠯᠢ ᠪᠤᠰᠤ ᠡᠳᠡᠬᠡᠳ ᠲᠦ ᠶᠡᠯᠡ ᠬᠢᠬᠦ ᠨᠦᠬᠦᠴᠡᠯ ᠬᠠᠩᠭᠠᠵᠤ᠂ ᠤᠯᠠᠨ ᠶᠠᠩᠵᠤ ᠶᠢᠨ ︽ᠰᠦᠯᠵᠢᠶᠡᠨ ᠦ ᠮᠡᠬᠡᠯᠡᠯ︾ ᠲᠠᠰᠤᠷᠠᠯᠳᠠ ᠦᠬᠡᠢ ᠪᠤᠢ᠃ ᠲᠦᠮᠡᠨ︽ ᠮᠡᠬᠡᠯᠡᠯ︾ ᠤᠭᠰᠠᠭᠠ ᠨᠢᠬᠡᠳᠡᠢ᠂ ᠮᠡᠬᠡᠯᠡᠭᠴᠢ ᠶᠢᠨ ᠠᠷᠭᠠ ᠮᠡᠬᠡ ᠶᠢ ᠲᠤᠳᠤᠷᠬᠠᠢ ᠲᠠᠨᠢᠪᠠᠰᠤ ᠮᠡᠬᠡᠯᠡᠯ ᠢ ᠠᠮᠠᠷᠬᠠᠨ ᠰᠢᠢᠳᠪᠦᠷᠢᠯᠡᠵᠦ ᠴᠢᠳᠠᠨᠠ᠃ ᠰᠦᠯᠵᠢᠶᠡ ᠪᠠᠷ ᠲᠠᠮᠵᠢᠨ ᠨᠠᠶᠢᠵᠠᠯᠠᠬᠤ ᠳ᠋ᠠᠭᠠᠨ ᠵᠠᠪᠠᠯ ᠪᠤᠯᠭᠤᠮᠵᠢᠳᠠᠢ ᠪᠠᠶᠢᠵᠤ᠂ ᠤᠯᠠᠨ ᠵᠦᠢᠯ ᠦᠨ ᠠᠷᠭᠠ ᠵᠠᠮ ᠢᠶᠠᠷ ᠨᠦᠬᠦᠬᠡ ᠡᠳᠡᠬᠡᠳ ᠦᠨ ᠢᠶᠡᠨ ᠦᠨᠡᠨ ᠪᠤᠳᠠᠳᠠᠢ ᠪᠠᠶᠢᠳᠠᠯ ᠢ ᠬᠠᠷᠭᠤᠭᠤᠯᠤᠨ᠂ ᠵᠤᠭᠤᠰ ᠵᠢᠬᠡᠯᠡᠬᠦ ᠪᠤᠶᠤ ᠪᠡᠯᠡ ᠤᠷᠤᠭᠤᠯᠤᠯᠳᠠ ᠵᠡᠷᠬᠡ ᠵᠤᠭᠤᠰ ᠮᠦᠩᠬᠦ ᠲᠠᠩᠰᠠ ᠰᠢᠯᠵᠢᠬᠦᠯᠬᠦ ᠵᠡᠷᠬᠡ ᠳᠤ ᠬᠢᠴᠢᠶᠠᠮᠵᠢᠳᠠᠢ ᠬᠠᠨᠳᠤᠵᠤ᠂ ᠤᠷᠠᠨ ᠦᠬᠡ ᠳᠦ ᠮᠡᠬᠡᠯᠡᠭᠳᠡᠬᠦ ᠦᠬᠡᠢ᠂ ᠲᠡᠭᠷᠢ ᠡᠴᠡ ᠤᠨᠠᠭᠰᠠᠨ ︽ ᠱᠠᠯᠪᠢᠩ︾ ᠢ ᠢᠳᠡᠬᠡᠬᠦ ᠦᠬᠡᠢ᠂ ᠯᠠᠪᠳᠠᠭᠤᠨ ᠬᠢᠨᠠᠮᠠᠭᠠᠢ ᠪᠠᠶᠢᠵᠤ᠂ ᠦᠪᠡᠷ ᠦᠨ ᠬᠤᠪᠢ ᠬᠦᠮᠦᠨ ᠦ ᠡᠳ᠋ ᠬᠦᠷᠦᠩᠬᠡ ᠪᠠᠨ ᠰᠠᠶᠢᠳᠤᠷ ᠬᠠᠮᠠᠭᠠᠯᠠᠬᠤ ᠬᠡᠷᠡᠭᠳᠡᠢ᠃