ᠸᠢᠴᠠᠲ ᠳᠡᠭᠡᠷᠡ ᠬᠠᠭᠤᠷᠮᠠᠭ ᠳᠠᠮᠠᠬᠢ ᠪᠣᠷᠣᠯᠠᠭᠤᠯᠵᠣ᠂ ᠬᠠᠣᠯᠢ ᠪᠣᠰᠣ ᠠᠰᠢᠭ ᠬᠦᠷᠲᠡᠨ ᠪᠠᠷᠢᠪᠴᠢᠯᠠᠭᠳᠠᠪᠠ
︽ᠪᠢ ᠬᠠᠭᠤᠷᠮᠠᠭ ᠲᠠᠮᠠᠬᠢ ᠪᠤᠷᠤᠯᠠᠭᠤᠯᠤᠭᠠᠳ ᠬᠤᠣᠷᠯᠠᠭᠳᠠᠭᠴᠢ ᠳᠤ ᠣᠰᠣᠯᠳᠠᠯᠠ᠂ ᠨᠠᠳᠠᠳᠤ ᠪᠣᠷᠣᠭᠤ ᠪᠠᠨ ᠵᠠᠰᠠᠬᠤ ᠵᠠᠪᠰᠢᠶᠠᠨ ᠥᠭᠬᠦ ᠪᠤᠯᠪᠠᠤ︖ ︾ ᠡᠨᠡ ᠪᠣᠯ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠣᠨ ᠬᠤᠶᠢᠳᠣ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠᠨ ᠤ ᠪᠠᠶᠢᠴᠠᠭᠠᠬᠤ ᠳᠣᠰᠢᠶᠠᠯᠲᠠᠨ ᠲᠦᠷ ᠬᠤᠷᠢᠬᠤ ᠭᠠᠵᠠᠷ ᠯᠠᠪᠯᠠᠨ ᠠᠰᠠᠭᠤᠬᠤ ᠦᠶᠡ ᠳᠤ ᠶᠠᠯᠡ ᠬᠢᠭᠰᠡᠨ ᠰᠡᠵᠢᠭᠲᠡᠨ ᠤ ᠦᠨᠡᠨ ᠰᠡᠳᠬᠢᠯ ᠤᠨ ᠭᠡᠮᠰᠢᠯ ᠮᠦᠨ᠃ 2022 ᠣᠨ ᠤ 7 ᠰᠠᠷᠠ ᠶᠢᠨ 29 ᠤ ᠡᠳᠦᠷ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠣᠨ ᠬᠤᠶᠢᠳᠣ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠬᠠᠭᠤᠷᠮᠠᠭ ᠴᠢᠨᠠᠷ ᠮᠠᠭᠤᠲᠠᠢ ᠲᠠᠸᠠᠷ ᠪᠣᠷᠣᠯᠠᠭᠤᠯᠣᠭᠰᠠᠨ ᠶᠠᠯᠡ ᠶᠢᠨ ᠰᠡᠵᠢᠭᠳᠡᠨ ᠮᠢᠶᠤᠤ ᠣᠪᠣᠭᠳᠣ (ᠪᠤᠷᠣᠭᠤᠯᠠᠭᠰᠠᠨ ᠤᠪᠤᠭ) ᠶᠢ ᠪᠠᠷᠢᠪᠴᠢᠯᠠᠬᠤ ᠶᠢ ᠵᠦᠪᠰᠢᠶᠡᠷᠡᠪᠡ᠃
ᠪᠠᠶᠢᠴᠠᠭᠠᠭᠰᠠᠨ ᠪᠠᠷ 2022 ᠣᠨ ᠤ 1 ᠰᠠᠷᠠ ᠶᠢᠨ 10 ᠤ ᠡᠳᠦᠷ ᠪᠠᠢ ᠣᠪᠣᠭᠳᠣ (ᠪᠤᠷᠣᠭᠤᠯᠠᠭᠰᠠᠨ ᠤᠪᠤᠭ) ᠸᠢᠴᠠᠲ ᠳᠡᠭᠡᠷᠡ ᠪᠣᠰᠣᠳ ᠤᠨ ᠲᠠᠨᠢᠯᠴᠠᠭᠤᠯᠭᠠ ᠪᠠᠷ ᠶᠠᠯᠠ ᠬᠢᠭᠰᠡᠨ ᠰᠡᠵᠢᠭᠲᠡᠨ ᠮᠢᠶᠤᠤ ᠣᠪᠣᠭᠳᠣ ᠶᠢ ᠳᠠᠨᠢᠭᠰᠠᠨ ᠤ ᠳᠠᠷᠠᠭᠠ᠂ ᠳᠡᠭᠦᠨ ᠢ ᠯᠢᠶᠣᠤᠨᠢᠩ ᠮᠤᠵᠢ ᠶᠢᠨ Y ᠬᠤᠲᠠ ᠳᠤ ᠦᠪᠡᠷᠲᠡᠭᠡᠨ ᠨᠢᠭᠡᠨ ᠳᠡᠯᠭᠡᠭᠦᠷ ᠡᠵᠡᠩᠨᠡᠵᠦ ᠪᠠᠶᠢᠬᠤ ᠶᠢ ᠮᠡᠳᠡᠨ᠂ ᠮᠢᠶᠤᠤ ᠣᠪᠣᠭᠳᠣ ᠳᠤ ᠬᠤᠸᠠᠩ ᠶᠢᠨ ᠶᠧ ︵ᠲᠢᠶᠠᠨ ᠶᠧ︶ ᠣᠷᠢᠶᠠᠮᠠᠯ ᠳᠠᠮᠠᠬᠢ ᠬᠤᠳᠠᠯᠳᠣᠨ ᠠᠪᠬᠤ ᠱᠠᠭᠠᠷᠳᠠᠯᠭᠠ ᠳᠣᠷᠠᠳᠴᠠᠢ᠃ ᠡᠭᠦᠨ ᠳᠤ ᠮᠢᠶᠤᠤ ᠣᠪᠣᠭᠳᠣ ᠳᠡᠭᠦᠨ ᠤ ᠳᠡᠭᠡᠷᠡ ᠭᠠᠷ ᠠᠴᠠ ᠪᠠᠨ ᠨᠢᠭᠡ ᠬᠠᠪᠲᠠᠭᠠ ᠳᠠᠮᠠᠬᠢ 400 ᠲᠦᠭᠦᠷᠢᠭ ᠤᠨ ᠦᠨᠡ ᠪᠠᠷ ᠶᠡᠭᠡ ᠬᠡᠮᠵᠢᠶᠠᠨ ᠤ ᠬᠤᠸᠠᠩ ᠶᠢᠨ ᠶᠧ ︵ᠲᠢᠶᠠᠨ ᠶᠧ︶ ᠣᠷᠢᠶᠠᠮᠠᠯ ᠳᠠᠮᠠᠬᠢ ᠣᠷᠣᠭᠤᠯᠪᠠ᠃ 2022 ᠣᠨ ᠤ 1 ᠰᠠᠷᠠ ᠶᠢᠨ 20 ᠤ ᠦᠳᠠ ᠳᠤ᠂ ᠮᠢᠶᠤᠤ ᠣᠪᠣᠭᠳᠣ ᠳᠡᠭᠦᠨ ᠤ ᠬᠠᠮᠰᠠᠭᠠᠳᠠᠨ ᠸᠠᠩ ᠣᠪᠣᠭᠳᠣ (ᠪᠤᠷᠣᠭᠤᠯᠠᠭᠰᠠᠨ ᠤᠪᠤᠭ) ᠲᠠᠢ ᠬᠤᠯᠪᠣᠭᠠᠯᠠᠨ 75 ᠬᠠᠪᠲᠠᠭᠠ ᠣᠷᠢᠶᠠᠮᠠᠯ ᠳᠠᠮᠠᠬᠢ ᠪᠠᠨ ᠵᠢᠵᠢᠭ ᠮᠠᠰᠢᠨ ᠲᠡᠷᠭᠡ ᠪᠠᠷ ᠯᠢᠶᠣᠤᠨᠢᠩ ᠮᠤᠵᠢ ᠶᠢᠨ Y ᠬᠤᠲᠠ ᠠᠴᠠ ᠲᠦᠩᠯᠢᠶᠤᠤ ᠬᠤᠳᠠ ᠶᠢᠨ ᠬᠤᠷᠴᠢᠨ ᠵᠡᠭᠦᠨ ᠬᠤᠶᠢᠳᠣ ᠬᠤᠰᠢᠭᠤᠨ ᠤ ᠨᠢᠭᠡᠨ ᠪᠠᠯᠭᠠᠰᠣᠨ ᠤ ᠠᠵᠣ ᠣᠶᠢᠯᠡᠳᠪᠦᠷᠢ ᠶᠢᠨ ᠳᠣᠭᠤᠷᠢᠭ ᠤᠨ ᠣᠶᠢᠷᠠᠯᠴᠠᠭᠠ ᠲᠡᠭᠡᠭᠡᠨ ᠠᠪᠴᠢᠷᠠᠵᠤ᠂ ᠨᠢᠭᠡ ᠬᠠᠪᠲᠠᠭᠠ ᠪᠦᠷᠢ ᠶᠢ 860 ᠲᠦᠭᠦᠷᠢᠭ ᠪᠠᠷ ᠬᠤᠣᠷᠯᠠᠭᠳᠠᠭᠴᠢ ᠪᠠᠢ ᠣᠪᠣᠭᠳᠣ ᠳᠤ ᠬᠤᠳᠠᠯᠳᠣᠨ ᠦᠭᠭᠦᠭᠡᠳ 64500 ᠲᠦᠭᠦᠷᠢᠭ ᠵᠣᠭᠤᠰ ᠬᠤᠷᠢᠶᠠᠪᠠ᠃ ᠬᠤᠣᠷᠯᠠᠭᠳᠠᠭᠴᠢ ᠪᠠᠢ ᠣᠪᠣᠭᠳᠣ ᠳᠣᠰ ᠳᠠᠮᠠᠬᠢ ᠶᠢ ᠬᠤᠳᠠᠯᠳᠣᠨ ᠠᠪᠣᠭᠰᠠᠨ ᠤ ᠰᠡᠭᠦᠯᠡᠷ ᠲᠠᠮᠠᠬᠢ ᠶᠢᠨ ᠭᠠᠳᠠᠷ ᠪᠣᠭᠤᠯᠲᠠ ᠶᠢ ᠬᠠᠷᠭᠤᠯᠣᠨ ᠦᠵᠡᠬᠦ ᠪᠠᠷ ᠳᠠᠮᠵᠢᠨ ᠰᠡᠪ ᠲᠠᠢ ᠪᠠᠶᠢᠬᠤ ᠶᠢ ᠮᠡᠳᠡᠭᠡᠳ ᠳᠣᠣᠷᠠ ᠨᠢ ᠨᠠᠪᠴᠢᠨ ᠳᠠᠮᠠᠬᠢᠨ ᠤ ᠳᠣᠪᠴᠢᠶᠠᠨ ᠳᠤ ᠢᠯᠡᠴᠢᠯᠡᠨ ᠮᠡᠳᠡᠭᠦᠯᠵᠡᠢ᠃ ᠬᠢᠨᠠᠨ ᠳᠣᠭᠳᠠᠭᠠᠭᠰᠠᠨ ᠢᠶᠠᠷ ᠪᠠᠢ ᠣᠪᠣᠭᠳᠣ ᠤᠨ ᠬᠤᠳᠠᠯᠳᠣᠨ ᠠᠪᠣᠭᠰᠠᠨ 76 ᠬᠠᠪᠲᠠᠭᠠ ᠣᠷᠢᠶᠠᠮᠠᠯ ᠳᠠᠮᠠᠬᠢ ᠪᠣᠯ ᠬᠠᠭᠤᠷᠮᠠᠭ ᠴᠢᠨᠠᠷ ᠮᠠᠭᠤᠲᠠᠢ ᠣᠷᠢᠶᠠᠮᠠᠯ ᠳᠠᠮᠠᠬᠢ ᠬᠡᠮᠡᠨ ᠳᠣᠳᠣᠯᠠᠵᠠᠢ᠃
ᠳᠣᠰ ᠬᠡᠷᠡᠭ ᠲᠤ ᠵᠣᠷᠢᠭᠤᠯᠣᠨ᠂ ᠪᠠᠶᠢᠴᠠᠭᠠᠬᠤ ᠪᠠᠶᠢᠭᠤᠯᠭᠠ ᠦᠷᠭᠡᠨ ᠣᠯᠠᠨ ᠲᠦᠮᠡᠨ ᠢ ᠰᠠᠨᠠᠭᠤᠯᠬᠤ ᠨᠢ ᠄ ᠰᠡᠷᠡᠮᠵᠢ ᠶᠢᠨ ᠣᠬᠠᠮᠰᠠᠷ ᠪᠠᠨ ᠳᠡᠭᠡᠭᠰᠢᠯᠡᠭᠦᠯᠦᠨ᠂ ᠨᠠᠪᠴᠢᠨ ᠳᠠᠮᠠᠬᠢᠨ ᠤ ᠤᠶᠢᠯᠡᠳᠪᠦᠷᠢ ᠤᠨ ᠣᠶᠢᠯᠡᠳᠪᠦᠷᠢᠯᠡᠭᠰᠡᠨ ᠳᠠᠮᠠᠬᠢ ᠠᠴᠠ ᠪᠣᠰᠣᠳ ᠣᠷᠢᠶᠠᠮᠠᠯ ᠳᠠᠮᠠᠬᠢ ᠶᠢ ᠪᠢᠲᠡᠭᠡᠢ ᠬᠤᠳᠠᠯᠳᠣᠨ ᠠᠪᠣᠭᠠᠷᠠᠢ᠂ ᠰᠠᠨᠠᠮᠰᠠᠷ ᠦᠭᠡᠢ ᠠᠵᠤ ᠠᠬᠤᠢ ᠶᠢᠨ ᠬᠤᠬᠢᠷᠠᠯ ᠳᠤ ᠣᠴᠠᠷᠠᠬᠤ ᠠᠴᠠ ᠵᠠᠯᠠᠰᠬᠢᠬᠦ ᠬᠡᠷᠡᠭᠲᠡᠢ᠃ ᠳᠠᠷᠠᠭᠠᠴᠢ ᠪᠠᠷ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠣᠨ ᠬᠤᠶᠢᠳᠣ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠬᠠᠣᠯᠢ ᠪᠠᠷ ᠵᠠᠰᠠᠬᠤ ᠤᠬᠠᠭᠤᠯᠭᠠ ᠶᠢ ᠦᠷᠭᠦᠯᠵᠢ ᠶᠢᠨ ᠴᠢᠨᠠᠷᠲᠠᠢ ᠬᠢᠵᠤ᠂ ᠬᠠᠣᠯᠢ ᠪᠣᠰᠣ ᠠᠵᠢᠯᠯᠠᠭᠠ ᠳᠤ ᠴᠢᠩᠭᠠ ᠴᠣᠬᠢᠯᠲᠠ ᠦᠭᠴᠦ᠂ ᠬᠠᠭᠤᠷᠮᠠᠭ ᠴᠢᠨᠠᠷ ᠮᠠᠭᠤᠲᠠᠢ ᠲᠠᠸᠠᠷ ᠶᠢ ᠣᠶᠢᠯᠡᠳᠪᠦᠷᠢᠯᠡᠵᠣ ᠪᠣᠷᠣᠯᠠᠭᠤᠯᠬᠤ ᠠᠵᠢᠯᠯᠠᠭᠠ ᠶᠢ ᠦᠯᠦ ᠬᠦᠯᠢᠴᠡᠨ᠂ ᠣᠯᠣᠰ ᠨᠡᠶᠢᠲᠡ ᠶᠢᠨ ᠠᠰᠢᠭ ᠳᠣᠰᠠ ᠪᠠ ᠬᠡᠷᠡᠭᠯᠡᠭᠴᠢᠳ ᠤᠨ ᠠᠰᠢᠭ ᠳᠣᠰᠠ ᠶᠢ ᠬᠦᠴᠦᠲᠡᠢ ᠬᠠᠮᠠᠭᠠᠯᠠᠬᠤ ᠪᠠᠷ ᠪᠠᠶᠢᠨᠠ᠃
ᠸᠧᠢ ᠶᠢᠨ ᠷᠥᠩ ᠤᠷᠴᠢᠭᠤᠯᠪᠠ