ᠨᠢᠭᠡ ᠡᠲᠡᠭᠡᠳ ᠨᠢ ᠣᠷᠢᠳᠠᠪᠡᠷ ᠭᠠᠷ ᠬᠦᠳᠡᠯᠦᠭᠰᠡᠨ ᠪᠠᠢᠢᠳᠠᠯ ᠳᠤᠤᠷᠠ᠂ ᠨᠦᠭᠦᠭᠡ ᠡᠲᠡᠭᠡᠳ ᠨᠢ ᠭᠡᠳᠡᠷᠭᠦ ᠴᠣᠬᠢᠯᠲᠠ ᠦᠭᠬᠦ ᠠᠵᠢᠯᠯᠠᠭᠠ ᠨᠢ ᠵᠦᠢ ᠶᠣᠰᠣᠨ ᠤ ᠬᠠᠮᠠᠭᠠᠯᠠᠯᠲᠠ ᠳᠤ ᠲᠣᠭᠠᠴᠢᠭᠳᠠᠨᠠ ᠦᠦ︖
2021 ᠣᠨ ᠳᠤ᠂ ᠾᠧᠦ ᠣᠪᠣᠭᠲᠣ ᠪᠣᠯᠣᠨ ᠦ᠋ ᠣᠪᠣᠭᠲᠣ ᠦᠣᠰᠢᠨ ᠬᠤᠰᠢᠭᠤᠨ ᠤ ᠨᠢᠭᠡᠨ ᠪᠠᠯᠭᠠᠰᠣ ᠶᠢᠨ ᠨᠢᠭᠡᠨ ᠪᠠᠭᠤᠳᠠᠯ ᠳᠤ ᠢᠬᠢᠷ ᠰᠢᠬᠢᠷ ᠣᠴᠢᠷ ᠠᠴᠠ ᠬᠡᠯᠡ ᠠᠮᠠ ᠪᠣᠯᠵᠤ ᠦ᠋ ᠣᠪᠣᠭᠲᠣ᠂ ᠾᠧᠦ ᠣᠪᠣᠭᠲᠣ ᠶᠢᠨ ᠲᠣᠯᠣᠭᠠᠢ ᠶᠢ ᠨᠢᠭᠡ ᠨᠢᠳᠣᠷᠭᠠᠳᠣᠪᠠ᠂ ᠾᠧᠦ ᠣᠪᠣᠭᠲᠣ ᠢᠴᠢᠩᠭᠦᠷᠡᠨ ᠠᠭᠤᠷᠯᠠᠬᠤ ᠳᠠᠭᠠᠨ ᠦ᠋ ᠣᠪᠣᠭᠲᠣ ᠶᠢ ᠬᠠᠷᠢᠭᠤ ᠵᠣᠳᠣᠵᠣ ᠬᠤᠶᠠᠷ ᠡᠲᠡᠭᠡᠳ ᠢᠶᠠᠷ ᠢᠶᠠᠨ ᠬᠠᠷᠢᠯᠴᠠᠨ ᠵᠣᠳᠣᠯᠴᠠᠪᠠ᠃ ᠵᠣᠳᠤᠯᠴᠠᠭᠠᠨ ᠤ ᠳᠣᠮᠳᠠ ᠾᠧᠦ ᠣᠪᠣᠭᠲᠣ᠂ ᠦ᠋ ᠣᠪᠣᠭᠲᠣ ᠤᠨ ᠭᠤᠷᠪᠠᠨ ᠰᠢᠳᠦ ᠶᠢ ᠨᠢ ᠣᠨᠠᠭᠠᠪᠠ᠃ ᠬᠢᠨᠠᠨ ᠲᠣᠭᠲᠠᠭᠠᠭᠰᠠᠨ ᠢᠶᠠᠷ ᠦ᠋ ᠣᠪᠣᠭᠲᠣ ᠤᠨ ᠰᠢᠷᠬᠠ ᠨᠢ ᠭᠦᠩᠭᠡᠨ ᠰᠢᠷᠬᠠ ᠶᠢᠨ ᠬᠤᠶᠠᠳᠣᠭᠠᠷ ᠳᠡᠰ ᠲᠤ ᠬᠦᠷᠪᠡ᠃ ᠡᠴᠦᠰ ᠲᠦ ᠦᠣᠰᠢᠨ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠰᠢᠭᠦᠬᠦ ᠬᠤᠷᠢᠶᠠ ᠾᠧᠦ ᠣᠪᠣᠭᠲᠣ ᠶᠢ ᠵᠤᠷᠢᠭᠤᠳᠠ ᠭᠡᠮᠳᠦᠭᠡᠭᠰᠡᠨ ᠶᠠᠯᠠ ᠪᠠᠷ ᠵᠢᠷᠭᠤᠭᠠᠨ ᠰᠠᠷᠠ ᠬᠤᠷᠢᠵᠤ ᠬᠦᠳᠡᠯᠮᠦᠷᠢᠯᠡᠭᠦᠯᠬᠦ ᠪᠠᠷ ᠰᠢᠳᠭᠡᠵᠦ᠂ ᠨᠢᠭᠡ ᠵᠢᠯ ᠠᠯᠭᠤᠷᠯᠠᠬᠤ ᠪᠠᠷ ᠰᠢᠭᠦᠨ ᠲᠠᠰᠤᠯᠵᠠᠢ᠃ ᠦ᠋ ᠣᠪᠣᠭᠲᠣ ᠴᠦ ᠬᠦᠮᠦᠨ ᠢ ᠵᠣᠳᠣᠭᠰᠠᠨ ᠪᠣᠯᠬᠤᠷ ᠲᠣᠲᠣᠭᠠᠳᠣ ᠶᠢ ᠬᠠᠮᠠᠭᠠᠯᠠᠬᠤ ᠪᠠᠶᠢᠭᠤᠯᠭᠠ ᠶᠢᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠰᠢᠳᠭᠡᠯ ᠣᠯᠪᠠ᠃
ᠳᠡᠭᠡᠷᠡᠬᠢ ᠬᠡᠷᠡᠭ ᠢ ᠪᠠᠶᠢᠴᠠᠭᠠᠬᠤ ᠶᠠᠪᠤᠴᠠ ᠳᠣᠮᠳᠠ᠂ ᠾᠧᠦ ᠣᠪᠣᠭᠲᠣ ᠶᠡᠷᠦ ᠨᠢ᠄ ︽ᠦ᠋ ᠣᠪᠣᠭᠲᠣ ᠣᠷᠢᠳᠠᠪᠡᠷ ᠭᠠᠷ ᠬᠦᠳᠡᠯᠵᠦ ᠨᠠᠮᠠᠶᠢ ᠵᠣᠳᠣᠭᠰᠠᠨ ᠠᠴᠠ ᠪᠢ ᠰᠠᠶ᠋ᠢ ᠬᠠᠷᠢᠭᠤ ᠵᠣᠳᠣᠪᠠ᠂ ᠮᠢᠨᠦ ᠦᠢᠯᠡ ᠠᠵᠢᠯᠯᠠᠭᠠ ᠪᠣᠯ ᠵᠦᠢ ᠶᠣᠰᠣᠨ ᠤ ᠬᠠᠮᠠᠭᠠᠯᠠᠯᠲᠠ ᠮᠦᠨ︾ ᠭᠡᠵᠦ ᠣᠮᠤᠭ ᠲᠡᠭᠦᠯᠳᠡᠷ ᠶᠠᠷᠢᠵᠤ ᠪᠠᠶᠢᠯᠠ ᠃ ᠤᠳᠤᠬᠠᠨ ᠳᠤ ᠣᠯᠠᠩᠬᠢ ᠬᠦᠮᠦᠰ᠂ ᠾᠧᠦ ᠤᠪᠤᠭᠲᠤ ᠰᠢᠭ᠋ ᠵᠦᠢ ᠶᠣᠰᠣᠨ ᠤ ᠬᠠᠮᠠᠭᠠᠯᠠᠯᠲᠠ ᠳᠤ ᠪᠣᠷᠣᠭᠤ ᠲᠠᠨᠢᠯᠲᠠ ᠲᠠᠢ᠂ ᠲᠡᠭᠡᠪᠡᠯ ᠵᠦᠢ ᠶᠣᠰᠣᠨ ᠤ ᠬᠠᠮᠠᠭᠠᠯᠠᠯᠲᠠ ᠭᠡᠵᠦ ᠴᠣᠬᠤᠮ ᠶᠠᠭᠤ ᠪᠤᠢ︖
ᠵᠦᠢ ᠶᠣᠰᠣᠨ ᠤ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠮᠦᠨ ᠴᠢᠨᠠᠷ ᠪᠣᠯ ᠬᠠᠣᠯᠢ ᠪᠣᠰᠤ ᠬᠠᠯᠳᠠᠯᠭᠠ ᠶᠢ ᠬᠤᠷᠢᠭᠯᠠᠵᠣ᠂ ᠬᠠᠣᠯᠢ ᠶᠣᠰᠣᠨ ᠤ ᠡᠷᠬᠡ ᠠᠰᠢᠭ ᠢ ᠬᠠᠮᠠᠭᠠᠯᠠᠬᠤ ᠳᠤ ᠪᠠᠶᠢᠨᠠ᠂ ᠪᠣᠰᠣᠳ ᠬᠦᠮᠦᠨ ᠳᠤ ᠴᠣᠬᠢᠭᠳᠠᠭᠠᠳ ᠭᠡᠳᠡᠷᠭᠦ ᠴᠣᠬᠢᠯᠲᠠ ᠦᠭᠬᠦ ᠨᠢ ᠶᠡᠷᠦ ᠳᠡᠭᠡᠨ ᠬᠠᠷᠢᠯᠴᠠᠨ ᠵᠣᠳᠣᠯᠴᠠᠭᠰᠠᠨ ᠳᠤ ᠲᠣᠭᠠᠴᠢᠭᠳᠠᠨᠠ᠃ ᠤᠴᠢᠷ ᠨᠢ᠂ ᠲᠤᠬᠠᠢ ᠶᠢᠨ ᠦᠶᠡᠰ ᠬᠤᠶᠠᠷ ᠡᠲᠡᠭᠡᠳ ᠢᠶᠠᠷ ᠢᠶᠠᠨ ᠪᠦᠷ ᠡᠰᠡᠷᠭᠦ ᠡᠲᠡᠭᠡᠳ ᠢᠶᠠᠨ ᠬᠠᠣᠯᠢ ᠪᠣᠰᠤ ᠢᠶᠠᠷ ᠬᠤᠬᠢᠷᠠᠭᠤᠯᠬᠤ ᠶᠢ ᠬᠦᠭᠡᠭᠡᠴᠡᠯᠳᠦᠵᠣ᠂ ᠵᠦᠢ ᠶᠣᠰᠣᠨ ᠤ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠵᠣᠷᠢᠯᠭᠠ ᠦᠨᠳᠦᠰᠦᠨ ᠳᠡᠭᠡᠨ ᠣᠷᠣᠰᠢᠬᠤ ᠦᠭᠡᠢ᠂ ᠡᠶᠢᠮᠦ ᠠᠴᠠ ᠵᠦᠢ ᠶᠣᠰᠣᠨ ᠤ ᠬᠠᠮᠠᠭᠠᠯᠠᠯᠲᠠ ᠪᠣᠯᠵᠤ ᠪᠦᠷᠢᠯᠳᠦᠬᠦ ᠦᠭᠡᠢ᠃
1᠂ ᠵᠦᠢ ᠶᠣᠰᠣᠨ ᠤ ᠬᠠᠮᠠᠭᠠᠯᠠᠯᠲᠠ ᠨᠢ ᠳᠣᠣᠷᠠᠬᠢ ᠲᠠᠪᠣᠨ ᠨᠦᠬᠦᠴᠡᠯ ᠳᠤ ᠨᠡᠶᠢᠴᠡᠬᠦ ᠬᠡᠷᠡᠭᠲᠡᠢ᠄
ᠨᠢᠭᠡ᠂ ᠵᠦᠢ ᠶᠣᠰᠣᠨ ᠤ ᠬᠠᠮᠠᠭᠠᠯᠠᠯᠲᠠ ᠨᠢ ᠵᠠᠪᠠᠯ ᠬᠠᠣᠯᠢ ᠪᠣᠰᠤ ᠬᠠᠯᠳᠠᠯᠭᠠ ᠳᠤ ᠵᠣᠷᠢᠭᠤᠯᠤᠭᠰᠠᠨ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ( ᠬᠤᠶᠠᠷ ᠬᠦᠮᠦᠨ ᠵᠢᠴᠢ ᠬᠤᠶᠠᠷ ᠠᠴᠠ ᠳᠡᠭᠡᠭᠰᠢᠬᠢ ᠬᠦᠮᠦᠨ ᠬᠡᠷᠡᠭᠦᠯ ᠵᠣᠳᠣᠭᠠᠨ ᠬᠢᠵᠤ᠂ ᠨᠢᠭᠡ ᠡᠲᠡᠭᠡᠳ ᠨᠢ ᠣᠷᠢᠳᠠᠪᠡᠷ ᠭᠠᠷ ᠬᠦᠳᠡᠯᠵᠦ᠂ ᠨᠦᠭᠦᠭᠡ ᠡᠲᠡᠭᠡᠳ ᠨᠢ ᠭᠡᠳᠡᠷᠭᠦ ᠴᠣᠬᠢᠯᠲᠠ ᠦᠭᠬᠦ ᠠᠵᠢᠯᠯᠠᠭᠠ ᠨᠢ ᠵᠦᠢ ᠶᠣᠰᠣᠨ ᠤ ᠬᠠᠮᠠᠭᠠᠯᠠᠯᠲᠠ ᠳᠤ ᠲᠣᠭᠠᠴᠢᠭᠳᠠᠬᠤ ᠦᠭᠡᠢ ᠃ ᠬᠠᠣᠯᠢ ᠪᠣᠰᠤ ᠬᠠᠯᠳᠠᠯᠭᠠ ᠨᠢ ᠡᠷᠬᠡᠪᠰᠢ ᠪᠣᠰᠣᠳᠴᠢ ᠲᠠᠯᠠ ᠪᠠᠷ ᠦᠨᠡᠨᠬᠦ ᠣᠷᠣᠰᠢᠵᠤ ᠪᠠᠶᠢᠬᠤ ᠬᠡᠷᠡᠭᠲᠡᠢ᠂ ᠬᠠᠷᠢᠨ ᠪᠡᠶᠡᠴᠢ ᠲᠠᠯᠠ ᠶᠢᠨ ᠲᠠᠭᠠᠮᠠᠭᠯᠠᠯ ᠪᠢᠰᠢ᠃︶
ᠬᠤᠶᠠᠷ᠂ ᠬᠠᠣᠯᠢ ᠪᠣᠰᠤ ᠬᠠᠯᠳᠠᠯᠭᠠ ᠨᠢ ᠵᠠᠪᠠᠯ ᠶᠠᠭ ᠰᠠᠶᠢᠬᠠᠨ ᠶᠠᠪᠣᠭᠳᠠᠵᠤ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ( ᠰᠠᠨᠠᠭᠠᠴᠢᠯᠠᠭᠠ ᠠᠴᠠ ᠪᠠᠨ ᠬᠠᠣᠯᠢ ᠪᠣᠰᠤ ᠬᠠᠯᠳᠠᠯᠭᠠ ᠬᠢᠬᠦ ᠪᠠᠨ ᠵᠣᠭᠰᠣᠭᠰᠠᠨ᠂ ᠡᠰᠡᠭᠦᠯᠡ ᠨᠢᠭᠡᠨᠲᠡ ᠬᠠᠣᠯᠢ ᠪᠣᠰᠤ ᠬᠠᠯᠳᠠᠯᠭᠠ ᠬᠢᠵᠦ ᠳᠠᠭᠤᠰᠣᠭᠰᠠᠨ ᠦᠢᠯᠡ ᠠᠵᠢᠯᠯᠠᠭᠠᠲᠠᠨ ᠳᠤ ᠴᠢᠭᠯᠡᠭᠦᠯᠦᠭᠰᠡᠨ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠵᠦᠢ ᠶᠣᠰᠣᠨ ᠤ ᠬᠠᠮᠠᠭᠠᠯᠠᠯᠲᠠ ᠳᠤ ᠲᠣᠭᠠᠴᠢᠭᠳᠠᠬᠤ ᠦᠭᠡᠢ᠃ )
ᠭᠤᠷᠪᠠ᠂ ᠵᠦᠢ ᠶᠣᠰᠣᠨ ᠤ ᠬᠠᠮᠠᠭᠠᠯᠠᠯᠲᠠ ᠨᠢ ᠵᠠᠪᠠᠯ ᠬᠠᠣᠯᠢ ᠪᠣᠰᠤ ᠪᠠᠷ ᠬᠠᠯᠳᠠᠭᠰᠠᠨ ᠦᠢᠯᠡ ᠠᠵᠢᠯᠯᠠᠭᠠᠲᠠᠨ ᠤ ᠲᠣᠰ ᠪᠡᠶᠡᠨ ᠳᠤᠨᠢ ᠴᠢᠭᠯᠡᠭᠦᠯᠦᠭᠰᠡᠨ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ︵ᠬᠡᠷᠪᠡ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠬᠠᠣᠯᠢ ᠪᠣᠰᠤ ᠪᠠᠷ ᠬᠠᠯᠳᠠᠭᠰᠠᠨ ᠦᠢᠯᠡ ᠠᠵᠢᠯᠯᠠᠭᠠᠲᠠᠨ ᠳᠤ ᠴᠢᠭᠯᠡᠭᠦᠯᠦᠭᠰᠡᠨ ᠪᠢᠰᠢ᠂ ᠬᠠᠷᠢᠨ ᠬᠤᠯᠪᠣᠭᠳᠠᠯ ᠦᠭᠡᠢ ᠭᠤᠷᠪᠠᠳᠡᠬᠢ ᠡᠲᠡᠭᠡᠳ ᠲᠤ ᠴᠢᠭᠯᠡᠭᠦᠯᠦᠭᠰᠡᠨ ᠪᠠᠶᠢᠪᠠᠯ᠂ ᠵᠦᠢ ᠶᠣᠰᠣᠨ ᠤ ᠬᠠᠮᠠᠭᠠᠯᠠᠯᠲᠠ ᠳᠤ ᠲᠣᠭᠠᠴᠢᠭᠳᠠᠬᠤ ᠦᠭᠡᠢ᠃ )
ᠳᠦᠷᠪᠡ᠂ ᠵᠦᠢ ᠶᠣᠰᠣᠨ ᠤ ᠬᠠᠮᠠᠭᠠᠯᠠᠯᠲᠠ ᠨᠢ ᠵᠣᠬᠢᠬᠤ ᠬᠡᠮᠵᠢᠶᠡᠨ ᠤ ᠬᠡᠪᠴᠢᠶᠡᠨ ᠠᠴᠠ ᠬᠡᠳᠦᠷᠡᠵᠤ ᠪᠣᠯᠬᠤ ᠦᠭᠡᠢ᠃ ︵ᠡᠬᠢᠨ ᠳᠡᠭᠡᠨ ᠵᠦᠢ ᠶᠣᠰᠣᠨ ᠤ ᠬᠠᠮᠠᠭᠠᠯᠠᠯᠲᠠ ᠬᠢᠭᠰᠡᠨ ᠪᠣᠯᠪᠠᠴᠤ ᠰᠡᠭᠦᠯᠡᠷ ᠨᠢ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠠᠴᠠ ᠢᠯᠡᠳᠲᠡ ᠬᠡᠳᠦᠷᠡᠵᠦ ᠬᠦᠨᠳᠦ ᠶᠡᠭᠡ ᠬᠤᠬᠢᠷᠠᠯ ᠣᠴᠠᠷᠠᠭᠤᠯᠣᠭᠰᠠᠨ ᠪᠠᠶᠢᠪᠠᠯ ᠬᠠᠮᠠᠭᠠᠯᠠᠯᠲᠠ ᠬᠡᠳᠦᠷᠡᠭᠰᠡᠨ ᠳᠤ ᠲᠣᠭᠠᠴᠢᠭᠳᠠᠨᠠ᠃ ᠡᠷᠡᠭᠦᠦ ᠶᠢᠨ ᠬᠠᠣᠯᠢ ᠶᠢᠨ ᠬᠤᠷᠢᠳᠣᠭᠠᠷ ᠵᠣᠶᠢᠯ ᠤᠨ ᠭᠤᠷᠪᠠᠳᠣᠭᠠᠷ ᠵᠣᠷᠪᠣᠰ ᠲᠤ ᠲᠣᠭᠲᠠᠭᠠᠭᠰᠠᠨ ᠪᠠᠶᠢᠳᠠᠯ ᠡᠭᠦᠨ ᠳᠤ ᠪᠠᠭᠲᠠᠬᠤ ᠦᠭᠡᠢ᠃︶
ᠲᠠᠪᠤ᠂ ᠵᠦᠢ ᠶᠣᠰᠣᠨ ᠤ ᠬᠠᠮᠠᠭᠠᠯᠠᠯᠲᠠ ᠨᠢ ᠬᠠᠣᠯᠢ ᠪᠣᠰᠤ ᠪᠠᠷ ᠬᠠᠯᠳᠠᠭᠰᠠᠨ ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠬᠤᠷᠢᠭᠯᠠᠨ ᠵᠣᠭᠰᠣᠭᠠᠬᠤ ᠦᠶᠡ ᠳᠤ ᠬᠠᠣᠯᠢ ᠪᠣᠰᠤ ᠪᠠᠷ ᠬᠠᠯᠳᠠᠭᠰᠠᠨ ᠦᠢᠯᠡ ᠠᠵᠢᠯᠯᠠᠭᠠᠲᠠᠨ ᠳᠤ ᠬᠤᠬᠢᠷᠠᠯ ᠤᠴᠠᠷᠠᠭᠤᠯᠤᠭᠰᠠᠨ ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠵᠢᠭᠠᠨᠠ᠃
2᠂ ᠦᠷᠭᠦᠯᠵᠢ ᠲᠣᠬᠢᠶᠠᠯᠳᠣᠳᠠᠭ ᠬᠦᠩᠭᠡᠨ ᠰᠢᠷᠬᠠ ᠶᠢᠨ ᠬᠤᠶᠠᠳᠣᠭᠠᠷ ᠲᠡᠰ ᠨᠢ ᠳᠣᠣᠷᠠᠬᠢ ᠮᠡᠲᠦ᠄
1. ᠲᠣᠯᠣᠭᠠᠢ ᠶᠢᠨ ᠠᠷᠠᠰᠤᠨ ᠤ ᠰᠢᠷᠬᠠ ᠪᠣᠶᠣ ᠰᠣᠷᠪᠢ ᠶᠢᠨ ᠣᠷᠲᠣ ᠶᠢᠨ ᠬᠡᠮᠵᠢᠶᠠ ᠨᠢ 8cm ᠡᠴᠡ ᠳᠡᠭᠡᠭᠰᠢ᠃
2. ᠬᠦᠯ ᠭᠠᠷ ᠤᠨ ᠠᠷᠠᠰᠤᠨ ᠤ ᠨᠢᠭᠡ ᠬᠡᠰᠡᠭ ᠤᠨ ᠰᠢᠷᠬᠠ ᠪᠣᠶᠣ ᠰᠣᠷᠪᠢ ᠶᠢᠨ ᠣᠷᠲᠣ ᠶᠢᠨ ᠬᠡᠮᠵᠢᠶᠠ ᠨᠢ 10cm ᠡᠴᠡ ᠳᠡᠭᠡᠭᠰᠢ᠂ ᠬᠤᠶᠠᠷ ᠠᠴᠠ ᠳᠡᠭᠡᠭᠰᠢ ᠰᠢᠷᠬᠠᠨ ᠤ ᠠᠮᠠᠰᠠᠷ ᠪᠣᠶᠤ ᠰᠣᠷᠪᠢ ᠶᠢᠨ ᠣᠷᠲᠣ ᠶᠢᠨ ᠬᠡᠮᠵᠢᠶᠠ ᠶᠢᠨ ᠨᠡᠶᠢᠯᠡᠪᠦᠷᠢ ᠨᠢ 15cm ᠡᠴᠡ ᠳᠡᠭᠡᠭᠰᠢ᠃
3. ᠨᠢᠭᠤᠷ ᠤᠨ ᠬᠡᠰᠡᠭ ᠤᠨ ᠭᠠᠭᠴᠠ ᠰᠢᠷᠬᠠᠨ ᠤ ᠠᠮᠠᠰᠠᠷ ᠪᠣᠶᠣ ᠰᠣᠷᠪᠢ ᠶᠢᠨ ᠣᠷᠲᠣ ᠶᠢᠨ ᠬᠡᠮᠵᠢᠶᠠ ᠨᠢ 4.5cm ᠡᠴᠡ ᠳᠡᠭᠡᠭᠰᠢ᠂ ᠣᠯᠠᠨ ᠰᠢᠷᠬᠠᠨ ᠤ ᠠᠮᠠᠰᠠᠷ ᠪᠣᠶᠤ ᠰᠣᠷᠪᠢ ᠶᠢᠨ ᠣᠷᠲᠣ ᠶᠢᠨ ᠬᠡᠮᠵᠢᠶᠡ ᠶᠢᠨ ᠨᠡᠶᠢᠯᠡᠪᠦᠷᠢ ᠨᠢ 8cm ᠡᠴᠡ ᠳᠡᠭᠡᠭᠰᠢ᠃
4. ᠬᠦᠵᠦᠭᠦᠨ ᠤ ᠡᠮᠦᠨᠡ ᠬᠡᠰᠡᠭ ᠤᠨ ᠭᠠᠭᠴᠠ ᠰᠢᠷᠬᠠᠨ ᠤ ᠠᠮᠠᠰᠠᠷ ᠪᠣᠶᠣ ᠰᠣᠷᠪᠢ ᠶᠢᠨ ᠣᠷᠲᠣ ᠶᠢᠨ ᠬᠡᠮᠵᠢᠶᠠ ᠨᠢ 5cm ᠡᠴᠡ ᠳᠡᠭᠡᠭᠰᠢ᠂ ᠣᠯᠠᠨ ᠰᠢᠷᠬᠠᠨ ᠤ ᠠᠮᠠᠰᠠᠷ ᠪᠣᠶᠤ ᠰᠣᠷᠪᠢ ᠶᠢᠨ ᠣᠷᠲᠣ ᠶᠢᠨ ᠬᠡᠮᠵᠢᠶᠠ ᠶᠢᠨ ᠨᠡᠶᠢᠯᠡᠪᠦᠷᠢ ᠨᠢ 8cm ᠡᠴᠡ ᠳᠡᠭᠡᠭᠰᠢ᠃
5. ᠪᠡᠶᠠ ᠶᠢᠨ ᠭᠠᠳᠠᠷᠭᠤ ᠶᠢᠨ ᠭᠠᠭᠴᠠ ᠰᠢᠷᠬᠠᠨ ᠤ ᠠᠮᠠᠰᠠᠷ ᠪᠣᠶᠣ ᠰᠣᠷᠪᠢ ᠶᠢᠨ ᠣᠷᠲᠣ ᠶᠢᠨ ᠬᠡᠮᠵᠢᠶᠠ ᠨᠢ 10cm ᠡᠴᠡ ᠳᠡᠭᠡᠭᠰᠢ᠂ ᠣᠯᠠᠨ ᠰᠢᠷᠬᠠᠨ ᠤ ᠠᠮᠠᠰᠠᠷ ᠪᠣᠶᠤ ᠰᠣᠷᠪᠢ ᠶᠢᠨ ᠣᠷᠲᠣ ᠶᠢᠨ ᠬᠡᠮᠵᠢᠶᠠ ᠶᠢᠨ ᠨᠡᠶᠢᠯᠡᠪᠦᠷᠢ ᠨᠢ 15cm ᠡᠴᠡ ᠳᠡᠭᠡᠭᠰᠢ᠃
6. ᠰᠢᠳᠦ ᠨᠢ ᠬᠤᠶᠠᠷ ᠠᠴᠠ ᠳᠡᠭᠡᠭᠰᠢ ᠣᠨᠠᠬᠤ ᠪᠣᠶᠣ ᠭᠡᠮᠳᠦᠬᠦ᠃
7. ᠡᠷᠡᠬᠡᠢ ᠬᠤᠷᠣᠭᠤ ᠠᠴᠠ ᠪᠣᠰᠣᠳ ᠬᠤᠷᠣᠭᠠᠨ ᠤ ᠦᠶᠡ ᠨᠢ ᠬᠤᠭᠤᠷᠠᠬᠤ ᠪᠣᠶᠣ ᠲᠠᠰᠣᠷᠠᠬᠤ᠃
ᠢᠷᠭᠤᠢ ᠮᠡᠳᠡᠭᠡᠯᠡᠪᠠ