ᠤᠷᠠᠳ ᠪᠥᠰᠡᠬᠦᠢ
ᠬᠤᠯᠤᠰᠤᠲᠠᠢ ᠨᠠᠭᠤᠷ ᠲᠤ ᠱᠤᠮᠪᠠᠨ ᠶᠠᠪᠤᠬᠤ
ᠬᠤᠨ ᠴᠠᠭᠠᠨ ᠭᠠᠯᠠᠭᠤ ᠰᠢᠪᠠᠭᠤᠥᠬᠠᠢ ᠰᠢᠭ᠋
ᠬᠤᠲᠠᠯᠠ ᠤᠯᠠᠨ ᠤ ᠬᠠᠷᠠᠴᠠ ᠶᠢ ᠪᠤᠯᠢᠶᠠᠭᠰᠠᠨ
ᠬᠤᠩᠭᠤᠷᠬᠠᠨ ᠪᠤᠯᠪᠠᠷᠠᠢ ᠤᠷᠠᠳ ᠪᠥᠰᠡᠬᠦᠢ ᠃
ᠵᠡᠭᠡᠷᠡ ᠲᠠᠭᠰᠢᠭᠰᠠᠨ ᠭᠤᠪᠢ ᠶᠢᠨ ᠠᠭᠤᠵᠢᠮ ᠳᠤ
ᠵᠡᠯᠡᠨ ᠳᠡᠭᠡᠷᠡ ᠪᠠᠨ ᠥᠷᠯᠥᠭᠡ ᠶᠢᠨ ᠨᠠᠷᠠ ᠪᠠᠨ ᠤᠭᠲᠤᠳᠠᠭ
ᠵᠡᠬᠦᠳᠤᠨ ᠳᠤ ᠥᠷᠬᠦᠯᠵᠢ ᠳᠤᠷᠠᠰᠤᠭᠳᠠᠨ ᠲᠤᠳᠤᠷᠠᠭᠠ
ᠵᠡᠷᠭᠡᠯᠭᠡᠨ ᠳᠤ ᠭᠠᠩᠬᠤᠵᠤ ᠶᠠᠪᠤᠭᠠ ᠤᠷᠠᠳ ᠪᠥᠰᠡᠬᠦᠢ᠃
ᠬᠠᠯᠢᠭᠤᠳᠤ ᠭᠤᠤᠯ ᠤᠷᠤᠭᠤ ᠠᠳᠤᠭᠤ ᠪᠠᠨ ᠵᠠᠯᠠᠴᠢᠬᠠᠭᠠᠳ
ᠬᠠᠳᠠᠷᠢᠭᠠ ᠰᠠᠶᠢᠪᠤᠷ ᠢᠶᠠᠷ ᠲᠥᠷᠥᠭᠡ ᠵᠢᠭᠢᠵᠦ ᠲᠡᠮᠡᠤᠬᠦᠯᠵᠥ ᠶᠠᠪᠤᠭᠠ
ᠬᠠᠰᠢᠷ ᠤᠷᠭᠠᠴᠢᠨ ᠵᠠᠯᠠᠭᠤ ᠶᠢᠨ ᠤᠷᠮᠠ ᠰᠡᠷᠬᠦᠭᠡᠭᠰᠡᠨ
ᠬᠠᠷᠠᠬᠠᠨ ᠪᠠᠭᠠ ᠠᠭᠠᠰᠢ ᠲᠥᠯᠬᠢᠨ ᠤᠷᠠᠳ ᠪᠥᠰᠡᠬᠦᠢ᠃
ᠲᠠᠯᠠ ᠶᠢᠨ ᠬᠥᠭᠡᠷᠥᠬᠦᠨ ᠰᠤᠭᠤ ᠰᠢᠭ᠋ ᠬᠠᠶᠢᠷᠠ ᠶᠢ ᠪᠤᠯᠢᠶᠠᠭᠰᠠᠨ
ᠲᠠᠨᠠᠨ ᠴᠠᠭᠠᠨ ᠭᠡᠷ ᠤᠨ ᠴᠢᠮᠡᠭ ᠪᠤᠯᠤᠭᠰᠠᠨ ᠬᠤᠩᠭᠤᠷᠬᠠᠨ ᠬᠠᠨᠢ
ᠳᠡᠯᠭᠡᠷ ᠰᠠᠶᠢᠬᠠᠨ ᠬᠠᠩᠭᠠᠢ ᠨᠤᠳᠤᠭ ᠲᠤ ᠪᠠᠨ ᠥᠬᠢᠨ ᠨᠢ ᠪᠤᠯᠵᠥ
ᠳᠠᠩᠴᠢ ᠰᠠᠶᠢᠬᠠᠨ ᠲᠥᠷᠥᠭᠰᠡᠨ ᠭᠤᠸᠠᠯᠢᠭ ᠤᠷᠠᠳ ᠪᠥᠰᠡᠬᠦᠢ᠃
ᠴᠤᠭᠯᠢᠭ ᠵᠠᠯᠠᠭᠤᠰ ᠤᠨ ᠰᠡᠳᠬᠢᠯ ᠢ ᠠᠷᠭᠠᠮᠵᠢᠭᠰᠠᠨ
ᠴᠤᠩᠵᠢ ᠪᠠᠷ ᠨᠤᠳᠤᠭ ᠲᠠᠢ ᠥᠬᠢᠨ ᠥᠷᠡ ᠳᠤ
ᠴᠤᠬᠢᠯᠠᠭᠰᠠᠨ ᠵᠢᠷᠤᠭᠡ ᠪᠠᠨ ᠳᠠᠷᠤᠵᠤ ᠶᠠᠳᠠᠨ
ᠴᠤᠯᠮᠥᠨ ᠭᠠᠷᠭᠠᠨ ᠳᠠᠪᠬᠢᠵᠤ ᠬᠥᠷᠥᠭᠰᠡᠨ ᠨᠢ ᠥᠨᠡᠨ ᠲᠠᠢ᠃
ᠪᠠᠶ᠋ᠨᠬᠠᠩᠭᠠᠢ ᠨᠤᠳᠤᠭ ᠤᠨ ᠬᠤᠶᠢᠮᠤᠷ ᠲᠤ
ᠪᠠᠶᠠᠷ ᠤᠨ ᠡᠳᠦᠷ ᠢᠶᠠᠨ ᠪᠡᠯᠡᠭᠯᠡᠬᠦ ᠪᠠᠷ
ᠪᠠᠶᠠᠰᠤᠨ ᠪᠥᠵᠢᠭᠯᠡᠭᠰᠡᠨ ᠭᠤᠸᠠ ᠥᠬᠢᠳ ᠲᠤ
ᠪᠠᠭ᠋ᠠᠳᠤᠨ ᠬᠠᠶᠢᠷᠠᠯᠠᠭᠰᠠᠨ ᠵᠠᠯᠠᠭᠤᠰ ᠮᠣᠩᠳᠠᠬᠤ ᠥᠭᠡᠢ ᠳ᠋ᠠ᠃
ᠤᠯᠠᠭᠠᠨ ᠵᠡᠭᠡᠷᠳᠡ ᠳᠤ ᠪᠠᠨ ᠮᠤᠷᠳᠠᠭᠰᠠᠨ ᠵᠠᠯᠠᠭᠤ ᠶᠢᠨ
ᠤᠯᠠᠭᠠᠨ ᠰᠤᠮᠤᠨ ᠤ ᠳᠡᠯᠯᠡᠭᠡᠨ ᠳᠤ ᠶᠠᠪᠤᠭᠰᠠᠨ ᠨᠢ
ᠤᠷᠭᠠᠯᠠᠬᠤ ᠡᠷᠳᠡᠮ ᠢᠶᠠᠨ ᠰᠢᠯᠭᠠᠭᠰᠠᠨ ᠴᠦ ᠶᠤᠮ ᠤᠤ
ᠤᠴᠠᠷᠠᠯᠳᠤ ᠬᠠᠨᠢ ᠶᠢᠨ ᠪᠠᠨ ᠪᠣᠯᠵᠤᠭᠠᠨ ᠳᠤ ᠮᠤᠷᠳᠠᠭᠰᠠᠨ ᠶᠤᠮ ᠤᠤ ᠳ᠋ᠠ᠃
ᠪᠠᠶᠠᠷ ᠤᠨ ᠮᠥᠰᠢᠶᠡᠯ ᠲᠤᠳᠤᠷᠠᠭᠰᠠᠨ ᠪᠤᠯᠪᠠᠷᠠᠢ ᠴᠢᠷᠠᠢ ᠶᠢ
ᠪᠠᠭ᠋ᠠᠷᠬᠠᠵᠤ ᠲᠤᠭᠤᠭᠰᠠᠨ ᠬᠠᠷᠠᠴᠠ ᠲᠥᠬᠦᠷᠡᠩ
ᠪᠠᠶᠠᠵᠢᠯ ᠤᠨ ᠬᠠᠷᠭᠤᠢ ᠳᠤ ᠵᠤᠷᠢᠭ ᠬᠥᠪᠴᠢᠯᠡᠭᠰᠡᠨ
ᠪᠠᠶᠠᠨ ᠰᠤᠮᠤ ᠶᠢᠨ ᠤᠬᠠᠭᠠᠯᠢᠭ ᠤᠷᠠᠨ ᠪᠥᠰᠡᠬᠦᠢ᠃
2017.5.4 ᠪᠠᠳᠤᠬᠠᠭᠠᠯᠭᠠ ᠳᠤ