ᠵᠠᠮᠤᠬᠠ
ᠠᠨᠳᠠ ᠶᠢᠨ ᠲᠠᠩᠭᠠᠷᠢᠭ ᠦᠴᠣᠭᠡᠳᠣᠷ ᠪᠢᠴᠢᠭᠳᠡᠵᠦ
ᠨᠦᠬᠦᠷᠯᠡᠯ ᠤᠨ ᠵᠠᠢ ᠵᠦᠢᠭᠰᠡᠨ
ᠠᠮᠢ ᠨᠠᠰᠥᠨ ᠤ ᠡᠮᠵᠡᠭᠯᠡᠯ ᠦᠨᠦᠳᠦᠷ ᠮᠠᠷᠳᠠᠭᠳᠠᠨᠠ
ᠲᠡᠮᠣᠵᠢᠨ ᠤ ᠲᠡᠷᠭᠡᠳᠡ ᠣᠴᠢᠷ ᠲᠠᠢ ᠲᠡᠯᠪᠡᠷᠡᠭᠰᠡᠨ ᠲᠠᠷᠢ ᠪᠣᠯ ᠵᠠᠮᠤᠬᠠ
ᠲᠡᠭᠷᠢ ᠶᠢᠨ ᠣᠷᠴᠢᠯ ᠳᠤ ᠪᠣᠷᠣᠭᠤ ᠵᠦᠭᠯᠡᠭᠰᠡᠨ
ᠲᠡᠷᠭᠡ ᠪᠣᠯ ᠵᠠᠮᠤᠬᠠ
ᠠᠨᠳᠠ ᠶᠢᠨ ᠢᠶᠠᠨ ᠵᠦᠭ ᠰᠢᠭᠤᠷᠭᠠᠯᠠᠭᠰᠠᠨ
ᠰᠦᠷᠭᠡᠣ ᠣᠮᠤᠭ ᠪᠣᠯ ᠵᠠᠮᠤᠬᠠ
ᠠᠨᠳᠠᠭᠠᠢ ᠪᠠᠨ ᠲᠡᠪᠴᠢᠭᠡᠳ ᠡᠰᠭᠡᠭᠳᠡᠭᠰᠡᠨ
ᠰᠣᠷᠪᠢ ᠲᠠᠢ ᠵᠡᠭᠦᠳᠦ ᠪᠣᠯ ᠵᠠᠮᠤᠬᠠ
ᠨᠢᠭᠤᠴᠠ ᠲᠣᠪᠴᠢᠶᠠᠨ ᠠᠴᠠ ᠡᠩᠰᠡᠷᠡᠭᠰᠡᠨ
ᠦᠨᠦᠴᠢᠨ ᠰᠡᠭᠦᠷᠡᠰᠣ ᠵᠠᠮᠤᠬᠠ ᠪᠠᠶᠢᠭᠰᠠᠨ ᠠᠴᠠ
ᠨᠢᠭᠡᠳᠣᠯ ᠵᠠᠳᠠᠷᠠᠯ ᠤᠨ ᠨᠡᠭᠦᠳᠡᠯ ᠤᠨ
ᠦᠷᠦᠭᠡᠰᠦᠨ ᠯᠣᠬᠢᠭ ᠵᠠᠮᠤᠬᠠ ᠪᠠᠶᠢᠭᠰᠠᠨ ᠠᠴᠠ
ᠬᠠᠨᠢ ᠬᠠᠶᠠ ᠰᠢᠷᠬᠠᠯᠠᠳᠠᠭ ᠢ
ᠬᠠᠭᠠᠴᠠᠯ ᠬᠠᠶᠠ ᠣᠶᠠᠷᠠᠳᠠᠭ ᠢ
ᠦᠰ ᠬᠠᠶᠠ ᠠᠯᠳᠠᠷᠠᠳᠠᠭ ᠢ
ᠦᠬᠦᠯ ᠬᠠᠶᠠ ᠮᠦᠩᠬᠡᠷᠡᠳᠡᠭ ᠢ
ᠵᠡᠷᠭᠡᠯᠭᠡᠨ ᠰᠢᠭ ᠵᠠᠮᠬᠠᠷᠠᠬᠤ ᠳᠤ ᠪᠠᠨ
ᠵᠠᠮᠤᠬᠠ ᠰᠢᠪᠡᠨᠡᠭᠰᠡᠨ ᠶᠣᠮ
ᠵᠡᠭᠦᠳᠦᠨ ᠠᠴᠠ ᠪᠠᠨ ᠪᠣᠴᠠᠬᠤ ᠳᠤ ᠪᠠᠨ
ᠵᠢᠷᠦᠮ ᠪᠠᠷ ᠢᠶᠠᠨ ᠪᠢᠴᠢᠭᠯᠡᠭᠰᠡᠨ ᠶᠣᠮ
ᠦᠨᠳᠦᠷᠯᠢᠭ ᠤᠨ ᠬᠦᠬᠡ ᠲᠡᠭᠷᠢ ᠳᠤ ᠮᠦᠩᠬᠡᠷᠡᠭᠰᠡᠨ
ᠦᠷᠦᠭᠡᠰᠦᠨ ᠨᠠᠷᠠᠨ ᠢ ᠭᠬᠢᠷᠳᠦᠭᠡᠬᠦ ᠦᠭᠡᠢ ᠭᠡᠵᠦ
ᠦᠬᠦᠯ ᠤᠨ ᠦᠨᠡᠨ ᠦᠴᠢᠭᠯᠡᠯ ᠢᠶᠠᠷ
ᠦᠪᠡᠷ ᠤᠨ ᠲᠡᠦᠬᠡ ᠪᠠᠨ ᠴᠢᠯᠠᠭᠤᠵᠢᠯᠠᠭᠤᠯᠣᠭᠰᠠᠨ ᠶᠣᠮ
ᠴᠠᠭᠠᠨ ᠬᠡᠷᠡᠮ ᠤᠨ ᠴᠠᠭᠠᠨᠠ ᠨᠠᠭᠠᠨᠠᠬᠠᠨ
ᠳᠣᠮᠤᠭ ᠤᠨ ᠦᠨᠡᠨ ᠴᠠᠳᠢᠭ ᠬᠦᠦᠷᠨᠢᠵᠦ
ᠵᠠᠭᠤᠨ ᠵᠠᠭᠤᠨ ᠤ ᠦᠨᠳᠦᠷᠯᠢᠭ ᠲᠤ
ᠳᠣᠬᠢᠶᠠᠨ ᠳᠡᠮᠳᠡᠭ ᠲᠠᠯᠪᠢᠭᠰᠠᠨ ᠶᠣᠮ
ᠵᠠᠭᠤᠨ ᠤ ᠵᠠᠭᠤᠨ ᠳᠤ ᠲᠠᠮᠵᠢᠨ
ᠲᠡᠣᠬᠡ ᠪᠠᠨ ᠪᠢᠳᠡ ᠮᠠᠷᠳᠠᠭᠰᠠᠭᠠᠷ
ᠵᠠᠭᠤᠨ ᠵᠠᠭᠤᠨ ᠤ ᠦᠷᠳᠡᠭᠡᠨ ᠳᠤ
ᠵᠠᠮᠤᠬᠠ ᠪᠣᠯᠵᠦ ᠲᠣᠭᠯᠠᠭᠰᠠᠭᠠᠷ
ᠵᠣᠰᠠᠯᠠᠩ ᠤᠨ ᠨᠣᠭᠤᠭᠠᠨ ᠪᠠᠭᠤᠷᠢ ᠪᠠᠨ
ᠵᠠᠭᠤᠷᠮᠠᠭ ᠪᠣᠯᠭᠠᠵᠣ ᠬᠤᠴᠣᠷᠭᠠᠴᠢᠬᠠᠭᠰᠠᠨ ᠶᠣᠮ
ᠣᠳᠣ
ᠪᠣᠭᠤᠷᠣᠯ ᠲᠠᠯᠠ ᠳᠤ
ᠪᠣᠰᠤᠭᠠ ᠦᠰᠦᠭ
ᠪᠣᠳᠣᠩ ᠲᠠᠢ ᠰᠠᠷᠬᠤᠳ ᠢᠶᠠᠷ
ᠰᠡᠪᠳᠦᠬᠦ ᠳᠤ
ᠪᠣᠷᠬᠠᠨ ᠬᠠᠯᠳᠣᠨ ᠠᠴᠠ ᠬᠡᠯᠳᠡᠷᠡᠭᠰᠡᠨ ᠴᠢᠯᠠᠭᠤᠳ ᠦᠥᠷᠰᠡᠨᠡ
ᠪᠣᠯᠬᠢᠭᠰᠠᠨ ᠠᠳᠣᠭᠤᠳ ᠢᠵᠢᠯᠢ ᠡᠷᠢᠯᠬᠢᠯᠡᠨ ᠨᠠᠳᠬᠤᠨᠠ
ᠠᠷᠠᠩᠭᠠᠯᠠᠭᠰᠠᠨ ᠴᠢᠨ᠋ᠸᠠ ᠶᠢᠨ ᠳᠡᠯ ᠠᠴᠠ
ᠠᠯᠳᠠᠷᠠᠭᠰᠠᠨ ᠮᠦᠰᠦ ᠭᠤᠭᠤᠵᠢᠨ
ᠠᠷᠪᠠᠨ ᠭᠤᠷᠪᠠᠳᠣᠭᠠᠷ ᠵᠠᠭᠤᠨ
ᠠᠽᠢᠶᠠ ᠶᠢᠨ ᠬᠠᠷᠠ ᠰᠢᠭᠤᠷᠭᠠ ᠶᠢ ᠯᠡ ᠬᠤᠷᠮᠣᠶᠢᠯᠠᠨᠠ… …
ᠲᠡᠣᠬᠡ ᠶᠢᠨ ᠵᠠᠢ ᠠᠴᠠ
ᠬᠦᠮᠦᠨ ᠤ ᠵᠠᠢ ᠬᠡᠴᠡᠭᠦᠳᠡᠵᠦ
ᠡᠷᠢᠯ ᠦᠷᠬᠦᠯᠵᠢᠯᠡᠨᠡ
ᠬᠦᠷ ᠬᠠᠭᠠᠨ ᠤ ᠣᠳᠣᠭᠰᠠᠨ ᠵᠦᠭ ᠠᠴᠠ ᠯᠨ
ᠨᠦᠬᠦᠷᠯᠡᠯ … …
ᠢᠳᠡᠭᠡᠯ … …
ᠲᠡᠷᠰᠡᠯᠡᠯ… …
ᠵᠠᠳᠠᠷᠠᠯ… …
… … ᠤᠨ
ᠴᠢᠰᠣᠳᠣ ᠰᠣᠷᠭᠠᠮᠵᠢ ᠯᠠ ᠰᠢᠭᠤᠷᠭᠠᠯᠠᠨ ᠰᠢᠭᠤᠷᠭᠠᠯᠠᠨ ᠣᠷᠭᠤᠨᠠ ᠡ … …