ᠬᠤᠷᠢᠮ ᠤᠨ ᠢᠷᠦᠭᠡᠯ
ᠵᠧ︕
ᠬᠦᠯᠢᠶᠡᠭᠰᠡᠭᠡᠷ ᠪᠠᠶᠢᠭᠠᠳ
ᠬᠤᠪᠢ ᠲᠠᠢ ᠬᠦᠷᠭᠡᠨ ᠲᠠᠭᠠᠷᠠᠯᠠ
ᠰᠤᠩᠭᠤᠭᠰᠠᠭᠠᠷ ᠪᠠᠶᠢᠭᠠᠳ
ᠰᠣᠳᠤᠨ ᠪᠠᠷᠢ ᠤᠯᠳᠠᠯᠠ︕
ᠬᠤᠣᠰ ᠰᠠᠷᠠ ᠶᠢᠨ ᠬᠤᠣᠰ ᠡᠳᠦᠷ
ᠬᠤᠪᠣᠷ ᠰᠠᠶᠢᠨ ᠮᠣᠷᠢᠨ ᠴᠠᠭ ︵ᠪᠠᠰᠠ ᠲᠠᠤᠯᠠᠢ ᠴᠠᠭ ᠭᠡᠳᠡᠭ︶
ᠣᠯᠳᠠᠰᠢ ᠦᠭᠡᠢ ᠦᠯᠵᠠᠶᠢᠲᠤ ᠴᠠᠭ
ᠤᠴᠠᠷᠠᠭᠰᠠᠨ ᠬᠤᠶᠠᠭᠤᠯᠠ ᠶᠢᠨ ᠪᠡᠯᠭᠡᠲᠦ ᠴᠠᠭ
ᠵᠠᠶᠠᠭᠠᠲᠤ ᠬᠤᠶᠠᠭᠤᠯᠠ ᠶᠢᠨ ᠵᠢᠷᠭᠠᠯᠲᠤ ᠴᠠᠭ
ᠵᠢᠷᠭᠠᠵᠤ ᠠᠮᠢᠳᠤᠷᠠᠬᠤ ᠡᠬᠢᠯᠡᠯᠲᠡ ᠶᠢᠨ ᠴᠠᠭ ᠡ︕
ᠵᠧ︕
ᠪᠠᠯᠵᠢᠨᠢᠮᠠ ᠪᠠᠯᠪᠠ ᠲᠠᠭᠠᠷᠢᠭᠰᠠᠨ
ᠪᠠᠶᠠᠷ ᠵᠢᠷᠭᠠᠯᠲᠤ ᠡᠨᠡ ᠴᠠᠭ ᠲᠤ
ᠬᠠᠷᠠ ᠦᠰᠦ ᠪᠠᠨ ᠬᠠᠭᠠᠯᠵᠤ
ᠬᠠᠭᠠᠨ ᠲᠡᠭᠷᠢ ᠳᠡᠭᠡᠨ ᠮᠦᠷᠭᠦᠭᠰᠡᠨ
ᠬᠠᠶᠢᠷᠠᠲᠡᠢ ᠦᠷᠡᠰ ᠢᠶᠠᠨ ᠢᠷᠦᠭᠡᠶᠡ︕
ᠭᠠᠷ ᠭᠠᠷ ᠢᠶᠠᠨ ᠬᠤᠯᠪᠤᠵᠦ
ᠭᠠᠯ ᠪᠤᠷᠬᠠᠨ ᠳᠠᠭᠠᠨ ᠰᠦᠭᠦᠳᠦᠭᠰᠡᠨ
ᠭᠠᠯ ᠲᠠᠢ ᠴᠤᠭ ᠲᠠᠢ ᠦᠷᠡᠰ ᠢᠶᠠᠨ ᠢᠷᠦᠭᠡᠶᠡ︕
ᠵᠧ︕
ᠤᠮ ᠰᠠᠶᠢᠨ ᠠᠮᠤᠭᠤᠯᠠᠩ ᠲᠠᠨ ᠪᠤᠯᠲᠤᠭᠠᠢ
ᠤᠷᠲᠤ ᠨᠠᠰᠤᠯᠠᠵᠤ ᠤᠳᠠᠭᠠᠨ ᠵᠢᠷᠭᠠᠲᠤᠭᠠᠢ
ᠬᠦᠦ ᠬᠡᠥᠬᠡᠨ ᠲᠡᠭᠰᠢ ᠵᠠᠶᠠᠭᠠᠵᠤ
ᠬᠦᠷᠦᠩᠭᠡ ᠡᠳ᠋ ᠵᠤᠵᠠᠭᠠᠷᠠᠵᠤ
ᠪᠠᠶᠠᠨ ᠶᠠᠪᠤ᠂ ᠪᠠᠭᠠᠲᠤᠷ ᠶᠠᠪᠤ︕
ᠣᠯᠵᠠ ᠲᠠᠢ ᠶᠠᠪᠤ᠂ ᠣᠮᠤᠭ ᠲᠠᠢ ᠶᠠᠪᠤ︕
ᠪᠠᠷᠠᠭᠤᠨ ᠳᠠᠯᠠᠢ ᠶᠢᠨ ᠤᠰᠤᠨ ᠳᠤ ᠠᠳᠠᠯᠢ
ᠡᠯᠪᠡᠭ ᠳᠡᠯᠪᠡᠭ ᠪᠤᠶᠠᠨ ᠲᠠᠢ ᠶᠠᠪᠤ︕
ᠪᠠᠵᠠᠮᠠᠨ ᠮᠣᠳᠤᠨ ᠤ ᠨᠠᠪᠴᠢᠨ ᠳᠤ ᠠᠳᠠᠯᠢ
ᠵᠦᠭᠡᠯᠡᠬᠡᠨ ᠢᠨᠠᠭ ᠬᠠᠶᠢᠷᠠ ᠲᠠᠢ ᠶᠠᠪᠤ︕
ᠵᠡᠭᠦᠨ ᠳᠠᠯᠠᠢ ᠶᠢᠨ ᠤᠰᠤᠨ ᠳᠤ ᠠᠳᠠᠯᠢ
ᠡᠯᠪᠡᠭ ᠵᠣᠵᠠᠭᠠᠨ ᠠᠰᠢᠭ ᠲᠠᠢ ᠶᠠᠪᠤ︕
ᠵᠢᠮᠢᠰ ᠤᠨ ᠮᠣᠳᠤᠨ ᠤ ᠨᠠᠪᠴᠢᠨ ᠳᠤ ᠠᠳᠠᠯᠢ
ᠵᠦᠭᠡᠯᠡᠬᠡᠨ ᠲᠦᠷᠦᠯ ᠰᠠᠲᠤᠨ ᠲᠠᠢ ᠶᠠᠪᠤ︕
ᠬᠠᠰ ᠴᠠᠭᠠᠨ ᠭᠡᠷ ᠢᠶᠠᠨ
ᠬᠠᠨᠢ ᠨᠦᠭᠦᠳ ᠢᠶᠠᠷ ᠳᠦᠭᠦᠷᠭᠡᠵᠦ ᠶᠠᠪᠤ︕
ᠬᠠᠮᠤᠭ ᠣᠯᠠᠨ ᠤ ᠪᠠᠨ ᠳᠤᠮᠳᠠ
ᠬᠠᠶᠢᠲᠠᠩ ᠴᠡᠴᠡᠭ ᠰᠢᠭ ᠳᠡᠯᠭᠡᠷᠡᠵᠦ ᠶᠠᠪᠤ︕
ᠠᠪᠤ ᠡᠵᠢ ᠪᠠᠨ ᠬᠦᠨᠳᠦᠯᠡᠵᠦ ᠶᠠᠪᠤ
ᠠᠬᠠ ᠳᠡᠭᠦᠦᠨᠠᠷ ᠢᠶᠠᠨ ᠲᠤᠰᠠᠯᠠᠵᠤ ᠶᠠᠪᠤ
ᠠᠯᠳᠠᠷ ᠨᠡᠷᠡ ᠪᠠᠨ ᠮᠠᠨᠳᠤᠭᠤᠯᠵᠤ ᠶᠠᠪᠤ
ᠠᠪᠳᠠᠷᠠ ᠳᠦᠭᠦᠷᠡᠩ ᠵᠣᠭᠤᠰ ᠲᠠᠢ ᠶᠠᠪᠤ ᠡ︕
ᠠᠳᠤᠭᠤ ᠮᠠᠯ ᠢᠶᠠᠨ ᠦᠷᠡᠵᠢᠭᠦᠯᠵᠦ ᠶᠠᠪᠤ
ᠠᠩᠭᠠ ᠬᠡᠦᠬᠡᠳ ᠢᠶᠠᠨ ᠰᠣᠶᠤᠯᠵᠢᠭᠤᠯᠵᠦ ᠶᠠᠪᠤ
ᠠᠵᠢᠯᠴᠢ ᠬᠦᠳᠡᠯᠮᠦᠷᠢᠴᠢ ᠪᠣᠷᠤᠭᠵᠢᠭᠤᠨ ᠶᠠᠪᠤ
ᠠᠳᠠᠯ ᠭᠡᠷ ᠲᠡᠭᠡᠨ ᠥᠭᠡᠳᠡ ᠲᠠᠢ ᠶᠠᠪᠤ ᠡ︕
ᠦᠷᠦᠮᠡ ᠲᠣᠰᠤᠨ ᠳᠤ ᠪᠢᠯᠠᠭᠤᠷᠠᠵᠤ ᠶᠠᠪᠤ
ᠦᠨᠢ ᠡᠭᠦᠷᠢᠳᠡ ᠬᠦᠨᠡᠰᠦ ᠲᠠᠢ ᠶᠠᠪᠤ
ᠦᠨᠳᠦᠰᠦᠲᠡᠨ ᠤᠭᠰᠠᠭᠠᠲᠠᠨ ᠢᠶᠠᠨ ᠮᠠᠨᠳᠤᠭᠤᠯᠵᠤ ᠶᠠᠪᠤ
ᠦᠯᠵᠡᠢ ᠮᠦᠷ ᠲᠠᠢ ᠲᠠᠶᠢᠪᠣᠩ ᠶᠠᠪᠤ ᠡ︕
ᠨᠠᠷᠠᠨ ᠳᠤ ᠠᠳᠠᠯᠢ ᠮᠠᠨᠳᠤᠵᠦ ᠶᠠᠪᠤ
ᠨᠠᠷᠠᠰᠤᠨ ᠳᠤ ᠠᠳᠠᠯᠢ ᠬᠦᠭᠡᠷᠡᠵᠦ ᠶᠠᠪᠤ
ᠰᠠᠷᠠᠨ ᠳᠤ ᠠᠳᠠᠯᠢ ᠭᠡᠷᠡᠯᠲᠤᠵᠦ ᠶᠠᠪᠤ
ᠽᠠᠨᠪᠤᠳᠢᠪ ᠢ ᠵᠠᠬᠢᠷᠴᠦ ᠶᠠᠪᠤ ᠡ︕
ᠵᠧ ︕ ᠬᠤᠷᠤᠢ︕ ᠬᠤᠷᠤᠢ︕