︽ᠪᠠᠭᠠᠲᠥᠷ ᠡᠮᠡᠭᠲᠡᠢ︾ ᠪᠠᠯᠠᠷᠠᠲᠠᠯ᠎ᠠ ᠣᠣᠭᠣᠭᠠᠳ ᠴᠠᠭᠳᠠᠭᠠᠨ ᠲᠡᠷᠭᠡ ᠪᠠᠯᠪᠠᠷᠠᠲᠠᠯ᠎ᠠ ᠨᠦᠳᠦᠯ᠎ᠡ 

     ︽ᠪᠠᠭᠠᠬᠠᠨ ᠣᠣᠭᠣᠪᠠᠯ ᠪᠠᠯ ᠰᠢᠭ᠋᠂ ᠪᠠᠯᠠᠷᠠᠲᠠᠯ᠎ᠠ ᠣᠣᠭᠣᠪᠠᠯ ᠮᠠᠯ ᠰᠢᠭ︾ ᠭᠡᠳᠡᠭ ᠠᠷᠢᠬᠢᠨ  ᠲᠣᠬᠠᠢ ᠶᠠᠷᠢᠭᠰᠠᠨ ᠰᠠᠢᠬᠠᠨ ᠦᠭᠡ ᠪᠠᠢᠳᠠᠭ ᠰᠠᠨ᠃ ᠪᠠᠯᠠᠷᠠᠲᠠᠯ᠎ᠠ ᠣᠣᠭᠣᠬᠣ  ᠪᠠᠷ ᠪᠠᠷᠠᠬᠣ ᠦᠭᠡᠢ ᠪᠠᠰᠠ ᠵᠠᠯᠭᠠᠭᠠᠳ ᠲᠡᠷᠭᠡ ᠪᠠᠷᠢᠵᠣ ᠵᠠᠮ ᠳᠤ ᠭᠠᠷᠴᠢᠬᠠᠪᠠᠯ ᠪᠠᠷᠴᠢᠳ ᠦᠭᠡᠳᠠ ᠠᠴᠠ ᠵᠢᠳᠭᠦᠯᠡᠭᠰᠡ ᠪᠠᠯᠠᠭ ᠣᠴᠢᠷ ᠪᠣᠯᠴᠢᠬᠠᠬᠤ ᠪᠢᠰᠢᠥ︕
    ᠬᠡᠷᠡᠭ ᠡᠷᠭᠢᠴᠡᠭᠦᠯᠡᠯ᠄
    2022 ᠣᠨ 1 ᠰᠠᠷ᠎ᠠ ᠨᠢᠭᠡᠨ ᠡᠳᠦᠷ᠂  ᠯᠠᠨ ᠣᠪᠣᠭᠲᠣ ︵ ᠪᠤᠷᠤᠭᠤᠯᠠᠭᠰᠠᠨ ᠣᠪᠣᠭ︶ ᠪᠦᠰᠡᠭᠦᠢ ᠡᠷ᠎ᠡ ᠨᠦᠬᠦᠷ ᠲᠠᠢ ᠪᠠᠨ ᠦᠳᠡ ᠪᠣᠳᠠᠭ᠎ᠠ ᠪᠠᠨ ᠢᠳᠡᠵᠣ ᠬᠠᠷ᠎ᠠ ᠠᠷᠢᠬᠢ ᠨᠢᠭᠡ ᠴᠣᠮᠣ ᠬᠠᠭᠠᠰ ᠢ ᠪᠠᠯᠭᠤᠵᠠᠢ᠃ ᠪᠣᠳᠠᠭ᠎ᠠ ᠪᠠᠨ ᠢᠳᠡᠵᠦ ᠠᠷᠢᠬᠢ ᠪᠠᠨ ᠪᠠᠯᠭᠤᠵᠣ ᠲᠠᠭᠤᠰᠣᠭᠠᠳ ᠲᠠᠬᠢᠨ ᠬᠤᠭᠤᠯᠠᠨ ᠭᠡᠷ ᠲᠤ ᠨᠠᠶᠢᠵᠠ ᠪᠠᠨ ᠡᠷᠢᠵᠣ ᠣᠴᠢᠭᠠᠳ ᠨᠢᠭᠡ ᠯᠣᠩᠬᠤ ᠬᠠᠷ᠎ᠠ ᠠᠷᠢᠬᠢ ᠬᠤᠶᠠᠭᠤᠯᠠ ᠪᠠᠨ ᠬᠠᠭᠠᠰᠯᠠᠵᠣ ᠣᠣᠭᠤᠵᠣ ᠲᠠᠭᠤᠰᠣᠭᠠᠳ ᠲᠡᠷᠭᠡᠨ ᠦᠨᠡᠮᠯᠡᠯ ᠦᠭᠡᠢ  ᠯᠠᠨ ᠣᠪᠣᠭᠲᠣ ︵ ᠪᠤᠷᠤᠭᠤᠯᠠᠭᠰᠠᠨ ᠣᠪᠣᠭ︶ ᠪᠦᠰᠡᠭᠦᠢ ᠨᠠᠶᠢᠵᠠ ᠲᠡᠷᠭᠡ ᠪᠠᠷᠢᠵᠣ ᠭᠡᠷ ᠲᠤ ᠪᠠᠨ ᠬᠠᠷᠢᠬᠤ ᠵᠠᠮ ᠳᠤ ᠪᠠᠨ ᠳᠦᠷᠪᠡᠨ ᠲᠡᠷᠭᠡ ᠲᠠᠷᠠᠭᠠᠯᠠᠨ ᠮᠦᠷᠭᠦᠵᠦ ᠬᠠᠮᠤᠭ ᠰᠡᠭᠦᠯ ᠳᠤ ᠴᠠᠭᠳᠠᠭᠠᠨ ᠲᠡᠷᠭᠡ ᠨᠦᠳᠦᠵᠦ ᠵᠦᠳᠡᠭᠦᠬᠡᠨ ᠵᠣᠭᠰᠣᠭᠰᠠᠨ ᠪᠠᠶᠢᠨ᠎ᠠ᠃ ᠲᠡᠭᠡᠭᠡᠳ ᠲᠠᠪᠣᠨ ᠲᠡᠷᠭᠡ ᠠᠳᠠᠯᠢ ᠪᠣᠰᠦ ᠬᠡᠮᠵᠢᠶᠡᠨ ᠰᠦᠢᠲᠦᠯ ᠭᠠᠷᠴᠠᠢ᠃ ᠲᠦᠩᠯᠢᠶᠣᠣ ᠬᠤᠲᠠ ᠪᠢᠩ ᠰᠢᠨ ᠬᠠᠣᠯᠢ ᠴᠠᠭᠠᠵᠠ ᠰᠢᠯᠭᠠᠨ ᠲᠣᠭᠲᠠᠭᠠᠯᠲᠠ ᠪᠠᠶᠢᠭᠤᠯᠣᠮᠵᠢ  ᠯᠠᠨ ᠣᠪᠣᠭᠲᠣ ︵ ᠪᠤᠷᠤᠭᠤᠯᠠᠭᠰᠠᠨ ᠣᠪᠣᠭ︶ ᠴᠢᠰᠣᠨ ᠳᠤ ᠰᠫᠢᠷᠲ ᠠᠭᠤᠯᠣᠭᠳᠠᠴᠠ ᠨᠢ 210.34mg/100m ᠪᠠᠶᠢᠬᠤ ᠲᠣᠳᠣᠯᠠᠵᠣ ᠂ ᠰᠣᠭᠲᠣᠭᠤ ᠪᠠᠷ ᠲᠡᠷᠭᠡ ᠵᠢᠯᠣᠭᠤᠳᠣᠭᠰᠠᠨ ᠳ᠋ᠦᠩ ᠭᠠᠷᠴᠠᠢ᠃ ᠠᠷᠢᠬᠢ ᠨᠢ ᠰᠡᠷᠭᠦᠭᠰᠡᠨ  ᠯᠠᠨ ᠣᠪᠣᠭᠲᠣ ︵ ᠪᠤᠷᠤᠭᠤᠯᠠᠭᠰᠠᠨ ᠣᠪᠣᠭ︶ ᠬᠠᠰᠠ ᠪᠠᠨ ᠠᠯᠠᠭᠠᠳᠠᠵᠣ ᠬᠠᠷᠠᠮᠰᠠᠭᠰᠠᠨ ᠴᠣ᠋ ᠨᠢᠭᠡᠨᠲᠠ ᠣᠷᠣᠶᠢᠲᠠᠵᠣ᠂ ᠬᠠᠣᠯᠢ ᠬᠠᠷᠢᠭᠤᠴᠠᠯᠭ᠎ᠠ ᠡᠭᠦᠷᠭᠡᠯᠡᠵᠦ ᠵᠠᠯᠬᠠᠭᠠᠯ ᠬᠦᠷᠲᠡᠭᠰᠡᠨ ᠪᠠᠶᠢᠨ᠎ᠠ᠃
    ᠣᠳᠣᠬᠠᠨ ᠳᠤ ᠠᠶᠣᠯᠲᠠᠢ ᠪᠠᠷ ᠲᠡᠷᠭᠡ ᠵᠢᠯᠣᠭᠤᠳᠬᠤ ᠶᠠᠯ᠎ᠠ ᠡᠳᠦᠷ ᠠᠴᠠ ᠡᠳᠦᠷ ᠳᠡᠭᠡᠭᠰᠢᠯᠡᠵᠦ ᠪᠠᠶᠢᠭ᠎ᠠ ᠪᠠᠶᠢᠳᠠᠯ ᠲᠠᠢ᠃ ᠮᠠᠨ ᠵᠠᠷᠣᠳ ᠬᠤᠰᠢᠭᠤᠨ ᠪᠠᠶᠢᠴᠠᠭᠠᠬᠤ ᠬᠤᠷᠢᠶ᠎ᠠ ᠪᠠᠷ ᠦᠵᠡᠬᠦ ᠳᠤ 2023ᠣᠨ ᠵᠢᠯ ᠡᠬᠢᠨ ᠠᠴᠠ ᠣᠳᠣ ᠳᠤ ᠲᠣᠯᠲᠠᠯ᠎ᠠ 185 ᠠᠶᠣᠯᠲᠠᠢ ᠪᠠᠷ ᠲᠡᠷᠭᠡ ᠵᠢᠯᠣᠭᠤᠳᠣᠭᠰᠠᠨ ᠬᠡᠷᠡᠭ ᠢ ᠬᠦᠯᠢᠶᠡᠨ ᠠᠪᠴᠣ 2022 ᠣᠨ ᠠᠳᠠᠯᠢ ᠬᠤᠭᠤᠴᠠᠭ᠎ᠠ ᠲᠠᠢ ᠠᠳᠠᠯᠢᠳᠬᠠᠪᠠᠯ 35% ᠪᠠᠷ ᠨᠡᠮᠡᠭᠳᠡᠭᠰᠡᠨ ᠪᠠᠶᠢᠨ᠎ᠠ᠃
     ᠪᠠᠶᠢᠴᠠᠭᠠᠭᠴᠢ ᠰᠠᠨᠠᠭᠤᠯᠣᠮᠵᠢ᠄
     2011 ᠣᠨ 5 ᠰᠠᠷ᠎ᠠ 1 ᠡᠳᠦᠷ ᠠᠴᠠ 《 ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠳᠣᠮᠳᠠᠳᠣ ᠠᠷᠠᠳ ᠣᠯᠣᠰ ᠡᠷᠡᠭᠦᠦ ᠬᠠᠣᠯᠢ ᠳᠤ ᠵᠠᠰᠠᠪᠦᠷᠢ ᠣᠷᠣᠭᠤᠯᠬᠤ ᠲᠦᠰᠦᠯ ︵  ︶》 ᠳᠤ ᠰᠣᠭᠲᠣᠭᠤ ᠪᠠᠷ ᠮᠠᠰᠢᠨ ᠲᠡᠷᠭᠡ ᠵᠢᠯᠣᠭᠤᠳᠬᠤ ᠦᠢᠯᠡ ᠠᠵᠢᠯᠯᠠᠭ᠎ᠠ  ᠠᠶᠣᠯᠲᠠᠢ ᠪᠠᠷ ᠲᠡᠷᠭᠡ ᠵᠢᠯᠣᠭᠤᠳᠣᠭᠰᠠᠨ ᠶᠠᠯ᠎ᠠ ᠳᠤ ᠵᠢᠩᠭᠢᠨᠢ ᠪᠠᠷ ᠣᠷᠣᠭᠤᠯᠵᠣ ᠵᠢᠯᠣᠭᠤᠴᠢ ᠡᠷᠡᠭᠦᠦ ᠬᠠᠷᠢᠭᠤᠴᠠᠯᠭ᠎ᠠ ᠨᠡᠬᠡᠮᠵᠢᠯᠡᠬᠦ ᠪᠣᠯᠣᠭᠰᠠᠨ ᠪᠠᠶᠢᠨ᠎ᠠ᠃ ᠣᠳᠣᠬᠠᠨ ᠳᠤ ᠰᠣᠭᠲᠣᠭᠤ ᠪᠠᠷ ᠲᠡᠷᠭᠡ ᠵᠢᠯᠣᠭᠤᠳᠬᠤ ᠡᠷᠡᠭᠦᠦ ᠬᠠᠣᠯᠢ ᠳᠤ ᠣᠷᠣᠭᠤᠯᠣᠭᠠᠳ ᠨᠢᠭᠡᠨᠲᠡ ᠠᠷᠪᠠᠨ ᠬᠤᠶᠠᠷ ᠵᠢᠯ ᠨᠢᠭᠤᠷ ᠢ ᠦᠵᠡᠵᠦ ᠨᠡᠶᠢᠭᠡᠮ ᠲᠠᠶᠠᠭᠠᠷ ᠪᠦᠷ ᠠᠷᠢᠬᠢ ᠣᠣᠭᠤᠵᠣ ᠰᠣᠭᠲᠣᠭᠤ ᠪᠠᠷ ᠲᠡᠷᠭᠡ ᠵᠢᠯᠣᠭᠤᠳᠬᠤ ᠡᠰᠡᠷᠭᠦᠴᠡᠵᠦ ᠬᠤᠷᠢᠭᠯᠠᠵᠤ ᠪᠠᠶᠢᠬᠤ ᠳᠤ ᠮᠦᠨ 《ᠪᠡᠶ᠎ᠡ ᠪᠠᠷ ᠬᠠᠥᠯᠢ ᠲᠣᠷᠰᠢᠵᠦ 》 ᠪᠠᠶᠢᠭ᠎ᠠ ᠪᠠᠭᠠᠲᠤᠷᠯᠢᠭ ᠬᠦᠮᠦᠰ ᠵᠦᠩᠳᠡᠭᠡᠨ ᠬᠠᠷᠠᠭᠳᠠᠳᠠᠭ ᠢ ᠶᠠᠭᠠᠬᠢᠯᠲᠠᠢ ᠪᠢᠯᠡ᠃ ᠠᠷᠢᠬᠢ ᠣᠣᠭᠤᠵᠣ ᠲᠡᠷᠭᠡ ᠵᠢᠯᠣᠭᠤᠳᠣᠭᠰᠠᠨ ᠵᠢᠯᠣᠭᠤᠴᠢ ᠬᠠᠣᠯᠢ ᠴᠠᠭᠠᠵᠠ ᠬᠠᠷᠢᠭᠤᠴᠠᠯᠭ᠎ᠠ ᠡᠭᠦᠷᠭᠡᠯᠡᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠠᠵᠣ ᠠᠬᠤᠢ ᠲᠠᠯ᠎ᠠ ᠪᠠᠷ᠂ ᠣᠶᠣᠨ ᠰᠡᠳᠭᠢᠯᠭᠡ ᠲᠠᠯ᠎ᠠ ᠪᠠᠷ ᠴᠣᠬᠢᠯᠲᠠ ᠣᠯᠵᠣ᠂ ᠨᠡᠶᠢᠲᠡ ᠠᠮᠣᠷ ᠲᠦᠪᠰᠢᠨ ᠢ ᠰᠦᠷᠳᠡᠭᠦᠯᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠨᠡᠩ ᠢᠯᠡᠭᠦᠦ ᠠᠶᠢᠯ ᠭᠡᠷ ᠴᠦ ᠬᠤᠣᠷᠳᠠᠭᠤᠯᠵᠣ ᠨᠦᠯᠦᠭᠡᠯᠡᠬᠦ ᠶᠣᠮ᠃ ᠭᠡᠲᠡᠯ᠎ᠡ ᠠᠶᠣᠯᠲᠠᠢ ᠪᠠᠷ ᠲᠡᠷᠭᠡ ᠵᠢᠯᠣᠭᠤᠳᠬᠤ ᠶᠠᠯ᠎ᠠ ᠮᠦᠨ ᠴᠦ ᠡᠷᠡᠭᠦᠦ ᠬᠡᠷᠡᠭ 《ᠲᠦᠷᠦᠭᠦᠦ ᠨᠡᠷᠡᠰ 》 ᠲᠤ ᠶᠠᠪᠣᠭ᠎ᠠ ᠶᠣᠮ᠃ ᠰᠢᠯᠲᠠᠭᠠᠨ ᠢ ᠨᠢ ᠡᠷᠢᠪᠡᠯ ᠬᠡᠷᠡᠭ ᠡᠭᠦᠰᠭᠡᠭᠴᠢᠳ ᠬᠠᠣᠯᠢ ᠴᠠᠭᠠᠵᠠ ᠦᠵᠡᠯᠲᠡ ᠲᠠᠨᠢᠯᠲᠠ ᠪᠠᠭᠤᠷᠠᠢ᠂ ᠦᠪᠡᠷ ᠦᠢᠯᠡ ᠠᠵᠢᠯᠯᠠᠭ᠎ᠠ ᠳᠤ ᠵᠣᠯᠲᠠᠢ ᠭᠤᠷᠢᠳᠠᠯ ᠡᠪᠦᠷᠯᠡᠵᠦ᠂  ᠮᠢᠨᠦ ᠪᠡᠶᠡᠨ ᠳᠤ ᠲᠣᠰᠴᠣ ᠢᠷᠡᠬᠦ ᠦᠭᠡᠢ ᠪᠠᠶᠢᠬ᠎ᠠ ᠭᠡᠵᠦ ᠪᠣᠳᠣᠳᠠᠭ ᠠᠴᠠ ᠪᠣᠯᠣᠭᠰᠠᠨ ᠶᠣᠮ᠃ ᠠᠷᠢᠬᠢ ᠣᠣᠭᠤᠭᠰᠠᠨ ᠠᠴᠠ ᠰᠡᠭᠦᠯᠡᠷ ᠲᠡᠷᠭᠡ ᠵᠢᠯᠣᠭᠤᠳᠪᠠᠯ ᠰᠫᠢᠷᠲ ᠰᠡᠲᠡᠯᠲᠡ᠂ ᠮᠢᠨᠴᠦᠭᠦᠷᠡᠯ ᠳᠣᠣᠷ᠎ᠠ ᠬᠦᠮᠦᠨ ᠬᠦᠷᠦᠯᠴᠡᠬᠦ ᠰᠡᠷᠡᠯ ᠴᠢᠳᠠᠪᠦᠷᠢ᠂ ᠮᠠᠭᠠᠳᠯᠠᠬᠤ ᠴᠢᠳᠠᠪᠦᠷᠢ ᠪᠠ ᠠᠵᠢᠯᠯᠠᠬᠤ ᠴᠢᠳᠠᠪᠦᠷᠢ ᠢᠯᠡᠳᠲᠡ ᠳᠣᠷᠣᠭᠰᠢᠯᠠᠳᠠᠭ᠃ ᠮᠠᠲ᠋ᠧᠷᠢᠶᠠᠯ ᠳᠤ ᠲᠡᠮᠳᠡᠭᠯᠡᠭᠰᠡᠨ  ᠠᠷᠢᠬᠢ ᠣᠣᠭᠤᠭᠰᠠᠨ ᠳᠠᠷᠠᠭ᠎ᠠ ᠮᠠᠰᠢᠨ ᠲᠡᠷᠭᠡ ᠵᠢᠯᠣᠭᠤᠳᠪᠠᠯ ᠵᠠᠮ ᠬᠠᠷᠢᠯᠴᠠᠭᠠᠨ ᠠᠳᠡᠯ ᠡᠭᠦᠰᠬᠦ ᠨᠣᠷᠮ᠎ᠠ ᠶᠡᠷᠦ ᠦᠶ᠎ᠡ ᠠᠴᠠ ᠠᠷᠪᠠᠨ ᠵᠢᠷᠭᠤᠭᠠᠨ ᠲᠠᠬᠢᠨ   ᠨᠡᠮᠡᠭᠳᠡᠳᠡᠭ᠃ ᠦᠷᠭᠡᠨ ᠣᠯᠠᠨ ᠵᠢᠯᠣᠭᠤᠴᠢ ᠨᠠᠷ ᠬᠤᠨᠳᠠᠭ᠎ᠠ ᠲᠠᠢ ᠠᠷᠢᠬᠢ ᠪᠠᠨ ᠪᠠᠯᠭᠤᠪᠠᠯ ᠲᠡᠷᠭᠡ ᠵᠢᠯᠣᠭᠤᠳᠬᠤ ᠲᠠᠰᠤ ᠴᠡᠭᠡᠷᠯᠡᠬᠦ ᠬᠡᠷᠡᠭᠲᠡᠢ᠃ ᠠᠷᠢᠬᠢ ᠣᠣᠭᠤᠪᠠᠯ ᠲᠡᠷᠭᠡ ᠵᠢᠯᠣᠭᠤᠳᠬᠤ ᠦᠭᠡᠢ᠂ ᠲᠡᠷᠭᠡ ᠵᠢᠯᠣᠭᠤᠳᠪᠠᠯ ᠠᠷᠢᠬᠢ ᠣᠣᠭᠤᠬᠤ ᠦᠭᠡᠢ ᠪᠠᠶᠢᠵᠣ᠂ ᠦᠪᠡᠷ ᠪᠡᠶ᠎ᠡ᠂ ᠦᠷᠦᠭᠡᠯ ᠪᠣᠰᠣᠳ᠂ ᠠᠶᠢᠯ ᠭᠡᠷ᠂ ᠨᠡᠶᠢᠭᠡᠮ ᠳᠠᠶᠠᠭᠠᠷ ᠲᠤ ᠬᠠᠷᠢᠭᠤᠴᠠᠭᠠᠷᠠᠢ︕
    ᠬᠠᠣᠯᠢ ᠳᠦᠷᠢᠮ ᠴᠦᠷᠬᠡᠯᠭᠡ᠄
    1.《 ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠳᠣᠮᠳᠠᠳᠣ ᠠᠷᠠᠳ ᠣᠯᠣᠰ ᠡᠷᠡᠭᠦᠦ ᠬᠠᠣᠯᠢ 》 ᠵᠠᠭᠤ ᠭᠤᠴᠢᠨ ᠭᠤᠷᠪᠠᠳᠣᠭᠠᠷ ᠵᠣᠷᠪᠣᠰ 《 ᠠᠶᠣᠯᠲᠠᠢ ᠪᠠᠷ ᠲᠡᠷᠭᠡ  ᠵᠢᠯᠤᠭᠤᠳᠤᠭᠰᠠᠨ ᠶᠠᠯ᠎ᠠ 》᠄ ᠵᠠᠮ ᠳᠡᠭᠡᠷ᠎ᠡ ᠮᠠᠰᠢᠨ ᠲᠡᠷᠭᠡ ᠵᠢᠯᠣᠭᠤᠳᠣᠭᠰᠠᠨ ᠳᠣᠣᠷᠠᠬᠢ ᠦᠢᠯᠡ ᠪᠠᠶᠢᠳᠠᠯ ᠨᠢᠭᠡ ᠨᠢ ᠪᠠᠶᠢᠪᠠᠯ᠂ ᠬᠣᠷᠢᠵᠣ ᠬᠦᠳᠡᠯᠮᠦᠷᠢᠯᠡᠭᠦᠯᠬᠦ  ᠪᠠ ᠵᠣᠭᠤᠰ  ᠲᠣᠷᠭᠠᠬᠤ ᠪᠠᠷ ᠰᠢᠢᠳᠭᠡᠨ᠎ᠡ ᠃
     ︵ᠨᠢᠭᠡ︶  ᠨᠡᠬᠡᠨ ᠬᠦᠭᠡᠭᠡᠴᠡᠯᠳᠦᠵᠦ  ᠵᠢᠯᠤᠭᠤᠳᠤᠭᠰᠠᠨ ᠦᠢᠯᠡ ᠪᠠᠶᠢᠳᠠᠯ ᠨᠢ ᠬᠦᠨᠳᠦ ᠨᠣᠴᠢᠲᠠᠢ ᠪᠠᠶᠢᠬᠤ
     ︵ᠬᠤᠶᠠᠷ︶ ᠰᠣᠭᠲᠣᠭᠤ ᠪᠠᠷ ᠮᠠᠰᠢᠨ ᠲᠡᠷᠭᠡ ᠵᠢᠯᠣᠭᠤᠳᠣᠭᠰᠠᠨ
      ︵ᠭᠤᠷᠪᠠ︶ ᠰᠣᠷᠭᠠᠭᠤᠯᠢ ᠰᠣᠷᠣᠭᠴᠢ  ᠵᠦᠭᠡᠭᠡᠪᠦᠷᠢᠯᠡᠬᠦ ᠠᠵᠢᠯ ᠡᠰᠡᠪᠡᠯ ᠵᠢᠭᠤᠴᠢᠯᠠᠯ ᠵᠣᠴᠢᠳ ᠢ  ᠵᠦᠭᠡᠭᠡᠪᠦᠷᠢᠯᠡᠬᠦ ᠠᠵᠢᠯ ᠬᠢᠵᠦ ᠪᠠᠶᠢᠭ᠎ᠠ ᠬᠦᠮᠦᠰ᠂  ᠵᠦᠭᠡᠭᠡᠪᠦᠷᠢᠯᠡᠵᠦ ᠪᠣᠯᠬᠤ ᠲᠤᠭ᠎ᠠ ᠠᠴᠠ ᠬᠡᠳᠦ ᠬᠡᠲᠦᠷᠡᠲᠡᠯ᠎ᠡ ᠬᠦᠮᠦᠨ ᠲᠡᠭᠡᠭᠡᠵᠦ᠂ ᠡᠰᠡᠪᠡᠯ ᠲᠣᠭᠲᠠᠭᠰᠠᠨ ᠬᠤᠷᠳᠣᠴᠠ ᠠᠴᠠ ᠬᠡᠳᠦ ᠬᠡᠲᠦᠷᠡᠭᠰᠡᠨ ᠬᠤᠷᠳᠣᠴᠠ ᠪᠠᠷ ᠮᠠᠰᠢᠨ ᠵᠢᠯᠣᠭᠤᠳᠣᠭᠰᠠᠨ︔
     ︵ᠳᠥᠷᠪᠡ︶ ᠠᠶᠣᠯᠲᠠᠢ ᠬᠢᠮᠢ ᠪᠣᠳᠠᠰ ᠢ ᠲᠡᠭᠡᠭᠡᠪᠦᠷᠢᠯᠡᠵᠦ᠂ ᠠᠶᠣᠯᠲᠣ ᠬᠢᠮᠢ ᠪᠣᠳᠠᠰ ᠠᠮᠣᠷ ᠲᠦᠪᠰᠢᠨ ᠬᠠᠮᠢᠶᠠᠷᠦᠯᠲᠠ ᠲᠣᠭᠲᠠᠭᠠᠯ ᠢ ᠵᠦᠷᠢᠴᠡᠵᠦ᠂ ᠨᠡᠶᠢᠭᠡᠮ ᠨᠡᠶᠢᠲᠡ ᠠᠮᠣᠷ ᠲᠦᠪᠰᠢᠨ ᠳᠤ ᠬᠤᠬᠢᠷᠠᠯ ᠣᠴᠠᠷᠠᠭᠤᠯᠣᠭᠰᠠᠨ︔
    2. 2013 ᠣᠨ 12 ᠰᠠᠷ᠎ᠠ 18 ᠡᠳᠦᠷ  ᠠᠷᠠᠳ ᠳᠡᠭᠡᠳᠦ ᠰᠢᠭᠦᠬᠦ ᠬᠤᠷᠢᠶ᠎ᠠ᠂ ᠳᠡᠭᠡᠳᠦ ᠪᠠᠶᠢᠴᠠᠭᠠᠬᠤ ᠬᠤᠷᠢᠶ᠎ᠠ᠂ ᠳᠣᠲᠣᠭᠠᠳᠣ ᠬᠠᠮᠠᠭᠠᠯᠠᠬᠤ ᠶᠠᠮᠣᠨ ᠠᠴᠠ  ᠲᠣᠭᠲᠠᠭᠠᠭᠰᠠᠨ 《 ᠰᠣᠭᠲᠣᠭᠤ ᠪᠠᠷ ᠮᠠᠰᠢᠨ ᠲᠡᠷᠭᠡ ᠵᠢᠯᠣᠭᠤᠳᠬᠤ ᠡᠷᠡᠭᠦᠦ ᠬᠡᠷᠡᠭ ᠢ ᠰᠢᠢᠳᠭᠡᠬᠦ ᠳᠤ ᠬᠡᠷᠡᠭᠯᠡᠬᠦ ᠬᠠᠣᠯᠢ ᠴᠠᠭᠠᠵᠠ ᠠᠰᠠᠭᠤᠳᠠᠯᠳ  ᠲᠤᠬᠠᠢ ᠰᠠᠨᠠᠯ 》 ᠨᠢᠭᠡᠳᠦᠭᠡᠷ ᠵᠣᠷᠪᠣᠰ᠄ ᠵᠠᠮ ᠳᠡᠭᠡᠷ᠎ᠡ ᠮᠠᠰᠢᠨ ᠲᠡᠷᠭᠡ ᠵᠢᠯᠣᠭᠤᠳᠣᠭᠴᠢ ᠵᠢᠨ ᠴᠢᠰᠦᠨ ᠰᠫᠢᠷᠲ  ᠠᠭᠤᠯᠣᠭᠳᠠᠴᠠ 80 mg/100ml  ᠡᠴᠡ ᠳᠡᠭᠡᠭᠰᠢ ᠪᠠᠶᠢᠪᠠᠯ ᠰᠣᠭᠲᠣᠭᠤ ᠪᠠᠷ ᠮᠠᠰᠢᠨ ᠲᠡᠷᠭᠡ ᠵᠢᠯᠣᠭᠤᠳᠣᠭᠰᠠᠨ ᠳᠤ ᠲᠣᠭᠠᠴᠠᠭᠳᠠᠵᠤ᠂ ᠡᠷᠡᠭᠦᠦ  ᠬᠠᠥᠯᠢ ᠵᠢᠨ ᠵᠠᠭᠤ ᠭᠤᠴᠢᠨ ᠭᠤᠷᠪᠠᠳᠣᠭᠠᠷ ᠵᠦᠢᠯ ᠲᠣᠭᠲᠠᠭᠠᠯ ᠶᠣᠰᠣᠭᠠᠷ ᠠᠶᠣᠯᠲᠠᠢ ᠪᠠᠷ ᠮᠠᠰᠢᠨ ᠲᠡᠷᠭᠡ ᠵᠢᠯᠣᠭᠤᠳᠦᠭ᠌ᠰᠠᠨ ᠶᠠᠯ᠎ᠠ ᠪᠠᠷ ᠶᠠᠯ᠎ᠠ ᠲᠣᠭᠲᠠᠭᠠᠵᠣ ᠰᠢᠢᠳᠭᠡᠨ᠎ᠡ ᠃            
    

ᠵᠣᠬᠢᠶᠠᠭᠴᠢ : ᠲᠦᠩᠯᠢᠶᠣᠣ ᠬᠤᠲᠠ ᠵᠠᠷᠣᠳ ᠬᠤᠰᠢᠭᠤᠨ  ᠠᠷᠠᠳ  ᠪᠠᠶᠢᠴᠠᠭᠠᠬᠤ  ᠬᠤᠷᠢᠶ᠎ᠠ