ᠴᠢᠩ ᠱᠦᠢ ᠾᠧ ᠰᠢᠶᠠᠨ ᠪᠠᠶᠢᠴᠠᠭᠠᠬᠤ ᠬᠣᠷᠢᠢ᠎ᠠ ︽ᠨᠡᠶᠢᠲᠡ ᠠᠰᠢᠭᠲᠤ  ᠵᠠᠷᠭᠤ + ᠨᠣᠭᠣᠭᠠᠷᠠᠭᠤᠯᠬᠤ ᠨᠦᠬᠦᠵᠦ ᠨᠡᠮᠡᠭᠳᠡᠭᠦᠯᠬᠦ︾ ᠪᠡᠷ 422.22 ᠮᠦ ᠭᠠᠯ ᠠᠯᠳᠠᠭᠰᠠᠨ ᠭᠠᠵᠠᠷ ᠤᠷᠭᠤᠮᠠᠯ  ᠬᠤᠴᠢᠯᠭ᠎ᠠ  ᠰᠡᠷᠭᠦᠭᠡᠬᠦ  ᠠᠬᠢᠭᠤᠯᠪᠠ 

     2024 ᠣᠨ  ᠡᠴᠡ ᠨᠠᠰᠢ᠂ ᠴᠢᠩ ᠱᠦᠢ  ᠾᠧ ᠰᠢᠶᠠᠨ  ᠪᠠᠶᠢᠴᠠᠭᠠᠬᠤ ᠬᠣᠷᠢᠢ᠎ᠠ ᠪᠦᠬᠦ ᠰᠢᠶᠠᠨ ︽ᠠᠮᠢ ᠠᠬᠤᠢ ᠪᠠᠷ ᠰᠢᠶᠠᠨ  ᠢ ᠪᠠᠶᠢᠭᠤᠯᠬᠤ᠂ ᠠᠮᠢ ᠠᠬᠤᠢ ᠪᠠᠷ ᠰᠢᠶᠠᠨ  ᠢ ᠬᠦᠴᠦᠷᠬᠡᠭᠵᠢᠭᠦᠯᠬᠦ᠂ ᠠᠮᠢ ᠠᠬᠤᠢ ᠪᠠᠷ ᠰᠢᠶᠠᠨ  ᠢ ᠰᠢᠯᠢᠳᠡᠭᠵᠢᠭᠦᠯᠬᠦ᠂ ᠠᠮᠢ ᠠᠬᠤᠢ ᠪᠠᠷ ᠰᠢᠶᠠᠨ  ᠢ ᠮᠠᠨᠳᠤᠭᠤᠯᠬᠤ᠂ ᠠᠮᠢ ᠠᠬᠤᠢ ᠪᠠᠷ ᠠᠷᠠᠳ  ᠢ ᠪᠠᠶᠠᠵᠢᠭᠤᠯᠬᠤ︾ᠶᠡᠷᠦᠩᠬᠡᠢ ᠬᠠᠷᠠᠯᠲᠠ  ᠲᠣᠭᠣᠷᠢᠨ  ᠳ᠋ᠦ᠂ ᠪᠣᠬᠢᠷᠲᠤᠯ ᠦᠭᠡᠢ ᠬᠥᠭᠵᠢᠯᠲᠡ ᠪᠡᠷ ᠨᠡᠶᠢᠲᠡ  ᠠᠰᠢᠭᠲᠤ ᠵᠠᠷᠭᠤ  ᠪᠠᠶᠢᠴᠠᠭᠠᠬᠤ ᠠᠵᠢᠯ  ᠢ  ᠢᠮᠠᠭᠲᠠ ᠬᠦᠳᠦᠯᠦᠨ ᠳᠠᠭᠠᠭᠤᠯᠬᠤ  ᠪᠠᠷᠢᠮᠲᠠᠯᠠᠵᠤ᠂ ︽ᠲᠤᠰᠬᠠᠶᠢᠵᠢᠭᠰᠠᠨ ᠬᠢᠨᠠᠯᠲᠠ ᠲᠠᠯᠪᠢᠬᠤ + ᠰᠡᠷᠭᠦᠭᠡᠯᠲᠡ  ᠴᠢᠨᠠᠷᠲᠠᠢ ᠬᠠᠤᠯᠢ  ᠪᠠᠷᠢᠯᠲᠠ+ ᠨᠡᠶᠢᠭᠡᠮᠴᠢᠯᠡᠭᠰᠡᠨ ᠵᠠᠰᠠᠯᠲᠠ + ᠤᠯᠠᠨ ᠡᠰᠢᠴᠢᠯᠡᠭᠰᠡᠨ ᠬᠠᠮᠵᠢᠯᠴᠠᠭ᠎ᠠ︾ ᠥᠷᠨᠢᠭᠦᠯᠬᠦ ᠪᠡᠷ ᠳᠠᠮᠵᠢᠭᠤᠯᠵᠤ᠂ ᠴᠢᠩ ᠱᠦᠢ  ᠾᠧ ᠰᠢᠶᠠᠨ  ᠤᠢ ᠰᠢᠭᠤᠢ ᠡᠬᠢ ᠪᠠᠶᠠᠯᠢᠭ  ᠬᠠᠮᠠᠭᠠᠯᠠᠯᠲᠠ ᠪᠠ ᠠᠮᠢ ᠠᠬᠤᠢ  ᠪᠣᠯᠪᠠᠰᠤᠨ  ᠪᠠᠶᠢᠭᠤᠯᠤᠯᠲᠠ   ᠳᠦ ᠴᠢᠩᠭ᠎ᠠ ᠬᠦᠴᠦᠲᠡᠢ ᠬᠠᠤᠯᠢ ᠴᠠᠭᠠᠵᠠ  ᠪᠠᠲᠤᠯᠠᠭ᠎ᠠ ᠬᠠᠩᠭᠠᠵᠠᠢ᠃  ᠰᠢᠳᠭᠡᠭ᠍ᠰᠡᠨ ᠯᠢ ᠶᠦᠨ ᠶᠢᠩ  ᠭᠠᠯ ᠠᠯᠳᠠᠭᠰᠠᠨ ᠰᠡᠵᠢᠭᠯᠡᠯᠲᠡᠶ ᠬᠡᠷᠡᠭ ᠲᠦ ᠂ ᠰᠡᠷᠭᠦᠭᠡᠯᠲᠡ  ᠴᠢᠨᠠᠷᠲᠠᠶ  ᠬᠠᠤᠯᠢ ᠪᠠᠷᠢᠬᠤ ᠣᠶᠢᠯᠠᠭᠠᠭᠳᠠᠬᠤᠨ  ᠢ ᠭᠦᠨᠵᠡᠭᠡᠶ ᠨᠠᠶᠢᠳᠠᠪᠤᠷᠢᠵᠢᠭᠤᠯᠵᠤ ᠂ ᠠᠮᠢ ᠠᠬᠤᠶ ᠣᠷᠴᠢᠨ ᠲᠣᠭᠣᠷᠢᠨ ᠪᠠ ᠡᠬᠢ ᠪᠠᠶᠠᠯᠢᠭ  ᠬᠠᠮᠠᠭᠠᠯᠠᠯᠲᠠ  ᠮᠥᠨ ᠴᠢᠨᠠᠷ  ᠢ ᠠᠬᠢᠭᠤᠯᠤᠨ ᠂ ᠰᠢᠶᠠᠨ ᠣᠶ ᠰᠢᠭᠤᠶ  ᠲᠣᠪᠴᠢᠶ᠎ᠠ ᠂ ᠰᠢᠶᠠᠨ  ᠰᠢᠭᠦᠬᠦ ᠬᠣᠷᠢᠶ᠎ᠠ ᠲᠠᠶ ᠬᠦᠴᠦ ᠪᠡᠨ ᠬᠠᠮᠲᠤᠳᠬᠠᠨ ᠡᠷᠡᠭᠦᠦ  ᠬᠡᠷᠡᠭ  ᠳᠠᠭᠠᠯᠳᠤᠭᠰᠠᠨ ᠢᠷᠭᠡᠨ  ᠬᠡᠷᠡᠭ  ᠨᠡᠶᠢᠲᠡ ᠠᠰᠢᠭᠲᠤ  ᠵᠠᠷᠭᠤ  ᠳ᠋ᠦ ᠣᠶ ᠮᠣᠳᠣ ᠨᠥᠬᠥᠵᠦ ᠳᠠᠷᠢᠭᠰᠠᠨ ᠵᠢᠴᠢ ᠤᠷᠭᠤᠮᠠᠯ  ᠬᠤᠴᠢᠯᠭ᠎ᠠ ᠰᠡᠷᠭᠦᠭᠡᠭᠰᠡᠨ ᠪᠠᠶᠢᠳᠠᠯ  ᠳᠦ ᠴᠢᠭᠯᠡᠭᠦᠯᠦᠨ ᠪᠠᠶᠢᠴᠠᠭᠠᠵᠤ ᠬᠢᠨᠠᠯᠲᠠ ᠲᠠᠯᠪᠢᠬᠤ ᠠᠵᠢᠯ  ᠢ ᠥᠷᠨᠢᠭᠦᠯᠬᠦ ᠪᠡᠷ ᠳᠠᠮᠵᠢᠭᠤᠯᠤᠨ ᠂ ᠣᠶ ᠰᠢᠭᠤᠶ  ᠲᠣᠪᠴᠢᠶ᠎ᠠ  ᠲᠥᠯᠥᠪᠦᠷᠢ ᠥᠭᠬᠦ ᠡᠭᠦᠷᠭᠡᠲᠦ ᠬᠥᠮᠦᠨ  ᠢ ᠰᠢᠪᠠᠳᠠᠵᠤ ᠪᠠᠶᠢᠭᠠᠳ ᠨᠥᠬᠥᠵᠦ ᠳᠠᠷᠢᠵᠤ ᠨᠣᠭᠣᠭᠠᠷᠠᠭᠤᠯᠬᠤ ᠠᠷᠭ᠎ᠠ ᠮᠠᠶ᠋ᠢᠭ   ᠬᠣᠬᠢᠷᠠᠭᠰᠠᠨ ᠣᠷᠴᠢᠨ ᠲᠣᠭᠣᠷᠢᠨ ᠢ ᠰᠡᠷᠭᠦᠭᠡᠬᠦ  ᠢᠳᠡᠪᠬᠢᠲᠡᠶ ᠠᠬᠢᠭᠤᠯᠪᠠ ᠃  
     2024 ᠣᠨ  4 ᠰᠠᠷ᠎ᠠ 1  ᠡᠳᠦᠷ ᠂ ᠵᠠᠭᠠᠯᠳᠤᠭᠳᠠᠭᠴᠢ ᠯᠢ  ᠤᠪᠤᠭᠲᠤ ᠨᠤᠲᠤᠭ ᠲᠠᠭᠠᠨ ᠬᠠᠷᠢᠵᠤ ᠲᠣᠰᠬᠣᠨ  ᠳᠦ ᠳᠠᠬᠢᠯᠭ᠎ᠠ ᠬᠢᠬᠦ ᠳᠡᠭᠡᠨ ᠴᠠᠭᠠᠰᠤ ᠰᠢᠲᠠᠭᠠᠬᠤ ᠶᠠᠪᠤᠴᠠ ᠳᠦ ᠪᠣᠯᠭᠣᠮᠵᠢ ᠥᠬᠡᠶ ᠡᠴᠡ ᠪᠣᠯᠵᠣ ᠡᠷᠬᠢᠨ ᠲᠣᠭᠣᠷᠢᠨ  ᠬᠤᠪᠠᠬᠠᠶ ᠡᠪᠡᠰᠦ  ᠨᠣᠴᠣᠭᠠᠭᠠᠳ ᠠᠭᠤᠯᠠᠨ ᠲᠦᠢᠮᠡᠷ ᠭᠠᠷᠭᠠᠵᠤ ᠂ ᠶᠡᠷᠦᠩᠬᠡᠶ ᠲᠠᠯᠠᠪᠠᠶ ᠨᠢ 422.22 ᠮᠥ ᠪᠠᠶᠢᠵᠤ ᠂ ᠬᠡᠲᠦ ᠨᠣᠴᠣᠭᠠᠭᠰᠠᠨ ᠭᠠᠵᠠᠷ  ᠬᠡᠰᠡᠭ ᠣᠶ ᠮᠣᠳᠣ ᠂ ᠡᠪᠡᠰᠦᠲᠦ ᠭᠠᠵᠠᠷ ᠥᠷᠲᠡᠭ ᠨᠢ ᠠᠷᠠᠳ  ᠵᠣᠭᠣᠰ   2141624.75 ᠲᠥᠭᠥᠷᠢᠭ ᠪᠠᠶᠢᠵᠤ ᠂ ᠲᠣᠰᠣᠲᠤ ᠨᠠᠷᠠᠰᠤ ᠂ ᠬᠠᠷᠭᠠᠶ ᠵᠡᠷᠭᠡ ᠤᠷᠭᠤᠮᠠᠯ  ᠢ ᠪᠠᠭᠲᠠᠭᠠᠨ᠎ᠠ ᠃ ᠬᠡᠷᠡᠭ ᠭᠠᠷᠤᠭᠰᠠᠨ  ᠳᠠᠷᠠᠭ᠎ᠠ ᠵᠠᠭᠠᠯᠳᠤᠭᠳᠠᠭᠴᠢ ᠯᠢ ᠤᠪᠤᠭᠲᠤ ᠰᠠᠨᠠᠭᠠᠴᠢᠯᠠᠭ᠎ᠠ  ᠡᠴᠡ ᠪᠠᠨ ᠭᠠᠯ ᠠᠶᠤᠯ ᠮᠡᠳᠡᠭᠦᠯᠦᠭᠰᠡᠨ ᠪᠥᠭᠡᠳ ᠭᠠᠯ ᠭᠠᠷᠤᠭᠰᠠᠨ ᠲᠤᠬᠠᠶ   ᠭᠠᠵᠠᠷ ᠲᠤ ᠶᠡᠬᠡ ᠭᠠᠯ   ᠢ ᠤᠨᠲᠠᠷᠭᠠᠬᠤ ᠪᠣᠯᠲᠠᠯ᠎ᠠ ᠠᠪᠤᠷᠠᠨ ᠲᠤᠰᠠᠯᠠᠬᠤ ᠠᠵᠢᠯ ᠬᠢᠭᠰᠡᠭᠡᠷ ᠢᠷᠡᠵᠡᠶ ᠃ 2024 ᠣᠨ  7 ᠰᠠᠷ᠎ᠠ  4 ᠡᠳᠦᠷ ᠂ ᠴᠢᠩ ᠱᠦᠶ ᠾᠧ ᠰᠢᠶᠠᠨ  ᠪᠠᠶᠢᠴᠠᠭᠠᠬᠤ ᠬᠣᠷᠢᠶ᠎ᠠ ᠯᠢ  ᠤᠪᠤᠭᠲᠤ ᠵᠢᠨ ᠭᠠᠯ ᠠᠯᠳᠠᠭᠰᠠᠨ ᠬᠡᠷᠡᠭ ᠲᠦ ᠴᠢᠭᠯᠡᠭᠦᠯᠦᠨ ᠴᠢᠩ ᠱᠦᠶ ᠾᠧ ᠰᠢᠶᠠᠨ  ᠰᠢᠭᠦᠬᠦ ᠬᠣᠷᠢᠶ᠎ᠠ  ᠳᠦ  ᠡᠷᠡᠭᠦᠦ  ᠬᠡᠷᠡᠭ  ᠳᠠᠭᠠᠯᠳᠤᠭᠤᠯᠤᠯ ᠢᠷᠭᠡᠨ ᠬᠡᠷᠡᠭ  ᠨᠡᠶᠢᠲᠡ   ᠠᠰᠢᠭᠲᠤ ᠵᠠᠭᠠᠯᠳᠤᠯᠭ᠎ᠠ ᠭᠠᠷᠭᠠᠵᠤ ᠂ 2024 ᠣᠨ 9 ᠰᠠᠷ᠎ᠠ  30  ᠡᠳᠦᠷ ᠂ ᠴᠢᠩ ᠱᠦᠶ ᠾᠧ ᠰᠢᠶᠠᠨ  ᠰᠢᠭᠦᠬᠦ ᠬᠣᠷᠢᠶ᠎ᠠ ᠵᠠᠭᠠᠯᠳᠤᠭᠳᠠᠭᠴᠢ ᠯᠢ  ᠤᠪᠤᠭᠲᠤ ᠭᠠᠯ ᠠᠯᠳᠠᠭᠰᠠᠨ ᠶᠠᠯ᠎ᠠ ᠪᠠᠷ  ᠬᠠᠤᠯᠢ ᠶᠣᠰᠣᠭᠠᠷ ᠰᠢᠳᠬᠡᠵᠦ ᠂ ᠭᠤᠷᠪᠠᠨ ᠵᠢᠯ ᠬᠤᠭᠤᠴᠠᠭ᠎ᠠ ᠲᠠᠶ ᠬᠤᠷᠢᠵᠤ᠂ ᠡᠷᠡᠭᠦᠦ ᠰᠢᠳᠬᠡᠯ  ᠢ ᠳᠥᠷᠪᠡᠨ ᠵᠢᠯ ᠬᠣᠶᠢᠰᠢᠯᠠᠭᠤᠯᠬᠤ ᠪᠠᠷ ᠰᠢᠳᠬᠡᠪᠡ ᠃ ᠰᠢᠭᠦᠨ ᠲᠠᠰᠤᠯᠤᠯᠲᠠ ᠳᠠᠭᠤᠰᠬᠤ ᠦᠶ᠎ᠡ ᠳᠦ ᠂ ᠵᠠᠭᠠᠯᠳᠤᠭᠳᠠᠭᠴᠢ ᠯᠢ  ᠤᠪᠤᠭᠲᠤ ᠭᠠᠯ ᠠᠯᠳᠠᠭᠰᠠᠨ ᠭᠠᠵᠠᠷ  ᠤᠷᠭᠤᠮᠠᠯ ᠬᠤᠴᠢᠯᠭ᠎ᠠ   ᠰᠡᠷᠭᠦᠭᠡᠬᠦ ᠢᠨᠵᠧᠨᠧᠷᠢᠩ  ᠵᠦᠢᠯᠡᠰ ᠱᠠᠭᠠᠷᠳᠠᠯᠭ᠎ᠠ ᠶᠣᠰᠣᠭᠠᠷ 422.22 ᠮᠥ ᠤᠷᠭᠤᠮᠠᠯ  ᠬᠤᠴᠢᠯᠭ᠎ᠠ   ᠰᠡᠷᠭᠦᠭᠡᠬᠦ ᠠᠵᠢᠯ   ᠢ ᠪᠡᠶᠡᠯᠡᠭᠦᠯᠵᠡᠶ ᠂ ᠴᠢᠩ ᠱᠦᠶ ᠾᠧ ᠰᠢᠶᠠᠨ  ᠠᠷᠠᠳ  ᠪᠠᠶᠢᠴᠠᠭᠠᠬᠤ ᠬᠣᠷᠢᠶ᠎ᠠ ᠪᠣᠯᠤᠨ ᠰᠢᠶᠠᠨ  ᠰᠢᠭᠦᠬᠦ ᠬᠣᠷᠢᠶ᠎ᠠ ᠂ ᠣᠶ ᠰᠢᠭᠤᠶ   ᠲᠣᠪᠴᠢᠶ᠎ᠠ ᠲᠤᠬᠠᠶ   ᠭᠠᠵᠠᠷ ᠲᠤᠨᠢ ᠪᠠᠶᠢᠴᠠᠭᠠᠨ ᠦᠵᠡᠭᠰᠡᠨ  ᠳᠠᠷᠠᠭ᠎ᠠ ᠂ ᠵᠠᠭᠠᠯᠳᠤᠭᠳᠠᠭᠴᠢ ᠯᠢ ᠤᠪᠤᠭᠲᠤ ᠵᠢᠨ  ᠭᠠᠯ ᠠᠯᠳᠠᠭᠰᠠᠨ ᠭᠠᠵᠠᠷ ᠲᠤ ᠨᠥᠬᠥᠵᠦ ᠤᠷᠭᠤᠭᠤᠯᠤᠨ ᠨᠣᠭᠣᠭᠠᠷᠠᠭᠤᠯᠵᠤ ᠂ ᠨᠡᠶᠢᠲᠡ   ᠠᠰᠢᠭᠲᠤ ᠵᠠᠷᠭᠤ   ᠪᠦᠬᠦᠨ    ᠨᠢ ᠪᠡᠶᠡᠯᠡᠭᠦᠯᠦᠭᠰᠡᠨ   ᠢ ᠨᠤᠲᠠᠯᠠᠭᠠᠳ ᠵᠠᠭᠠᠯᠳᠤᠯᠭ᠎ᠠ ᠪᠠᠨ ᠪᠤᠴᠠᠭᠠᠵᠠᠶ ᠃ 
      ᠣᠳᠣᠬᠠᠨ ᠪᠣᠯᠲᠠᠯ᠎ᠠ ᠂ 107.2 ᠮᠥ ᠲᠤᠷᠤᠭ ᠮᠣᠳᠣᠨ  ᠣᠶᠢᠲᠤ ᠭᠠᠵᠠᠷ  ᠤᠷᠭᠤᠮᠠᠯ  ᠬᠤᠴᠢᠯᠭ᠎ᠠ  ᠡᠳᠡᠭᠡᠷᠡᠯᠲᠡ  ᠨᠣᠷᠮ᠎ᠠ ᠨᠢᠭᠡᠨᠲᠡ 85% ᠡᠴᠡ ᠳᠡᠭᠡᠭᠰᠢ ᠳ᠋ᠦ ᠬᠦᠷᠴᠦ ᠂ 56.31 ᠮᠥ ᠪᠤᠲᠠ ᠮᠣᠳᠣᠨ  ᠣᠶᠢᠲᠤ ᠭᠠᠵᠠᠷ ᠨᠢᠭᠡᠨᠲᠡ 100% ᠪᠠᠷ ᠡᠳᠡᠭᠡᠷᠡᠵᠦ ᠂ 212.92 ᠮᠥ ᠡᠪᠡᠰᠦᠲᠦ ᠭᠠᠵᠠᠷ ᠨᠢᠭᠡᠨᠲᠡ 100% ᠪᠠᠷ ᠡᠳᠡᠭᠡᠷᠡᠵᠡᠶ ᠃ ᠳᠠᠷᠠᠭᠠᠴᠢ  ᠠᠯᠬᠤᠮ ᠳᠤ᠂ ᠴᠢᠩ ᠱᠦᠢ  ᠾᠧ ᠰᠢᠶᠠᠨ  ᠪᠠᠶᠢᠴᠠᠭᠠᠬᠤ ᠬᠣᠷᠢᠢ᠎ᠠ ᠠᠮᠢ ᠠᠬᠤᠢ ᠰᠡᠷᠭᠦᠭᠡᠯᠲᠡ  ᠨᠣᠭᠣᠭᠠᠷᠠᠭᠤᠯᠤᠯᠲᠠ ᠪᠠᠶᠢᠳᠠᠯ  ᠢ ᠦᠷᠭᠦᠯᠵᠢᠯᠡᠨ ᠰᠢᠯᠭᠠᠨ ᠠᠪᠬᠤ︽ᠡᠷᠬᠢᠨ ᠬᠠᠷᠠᠬᠤ︾ ᠪᠠ ︽ᠰᠡᠷᠭᠦᠭᠡᠬᠦ + ᠨᠥᠬᠥᠪᠦᠷᠢᠯᠡᠨ ᠲᠦᠯᠦᠬᠦ +  ᠨᠦᠬᠦᠪᠦᠷᠢᠯᠡᠨ ᠬᠢᠬᠦ︾ᠪᠦᠬᠦ ᠶᠠᠪᠤᠴᠠ  ᠬᠢᠨᠠᠯᠲᠠ ᠲᠠᠯᠪᠢᠬᠤ ᠵᠠᠭᠪᠤᠷ  ᠳᠠᠮᠵᠢᠭᠤᠯᠵᠤ᠂ ᠠᠮᠢ ᠠᠬᠤᠢ  ᠰᠡᠷᠭᠦᠭᠡᠯᠲᠡ  ᠪᠣᠳᠠᠲᠠᠢ ᠦᠷ᠎ᠡ ᠪᠦᠲᠦᠮᠵᠢ ᠤᠯᠬᠤ  ᠪᠠᠲᠤᠯᠠᠨ᠎ᠠ᠃ 

         ᠡᠬᠡ ᠪᠢᠴᠢᠭ   ᠬᠠᠩᠭᠠᠭᠴᠢ ᠄ ᠸᠠᠩ ᠬᠣᠩ 
         ᠣᠷᠴᠢᠭᠤᠯᠤᠭᠴᠢ᠄ ᠪᠠᠢ ᠴᠢᠩ ᠯᠢᠨ

ᠵᠣᠬᠢᠶᠠᠭᠴᠢ : ᠪᠠᠢ ᠴᠢᠩ ᠯᠢᠨ