ᠤᠯᠤᠰ ᠨᠢᠭᠡᠳᠤᠭᠡᠷ ᠲᠡᠰ ᠬᠠᠮᠠᠭᠠᠯᠠᠯᠳᠠ ᠠᠮᠢᠳᠠᠨ ᠢ ᠠᠪᠠᠯᠠᠭᠰᠠᠠ ᠲᠠᠪᠤᠨ ᠵᠠᠭᠠᠯᠳᠤᠭᠳᠠᠭᠴᠢ ᠡᠷᠡᠬᠦᠤ ᠪᠠᠷ ᠰᠢᠳᠭᠡᠭᠳᠡᠪᠡ

  2014 ᠤᠨ 7 ᠰᠠᠷ᠎ᠠ 9 ᠡᠳᠤᠷ᠂ ᠪᠤᠭᠤᠳᠤ ᠬᠤᠳᠠ ᠠᠷᠠᠳ ᠪᠠᠶᠢᠴᠠᠭᠠᠬᠤ ᠬᠤᠷᠢᠶ᠎ᠠ ᠠᠴᠠ ᠪᠤᠭᠤᠳᠤ ᠬᠤᠳᠠ ᠠᠷᠠᠳ ᠲᠤᠮᠳᠠᠳᠤ ᠵᠡᠷᠭᠡ ᠰᠢᠬᠦᠬᠦ ᠬᠤᠷᠢᠶ᠎ᠠ ᠳᠤ ᠠᠯᠪᠠᠨ ᠵᠠᠭᠠᠯᠳᠤᠯᠭ᠎ᠠ ᠭᠠᠷᠭᠠᠵᠤ᠂ ᠭᠡᠷᠡᠭ ᠭᠠᠷᠤᠭᠰᠠᠠ ᠭᠠᠵᠠᠷ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨ ᠳᠤ ᠮᠣᠩᠭᠤᠯ ᠬᠢᠳᠠᠳ ᠬᠤᠤᠰ ᠭᠡᠯᠡ ᠪᠠᠷ ᠬᠤᠪᠤᠷ ᠦᠨᠡᠳᠤ ᠵᠡᠷᠯᠢᠭ ᠠᠮᠢᠳᠠᠨ ᠢ ᠬᠠᠤᠯᠢ ᠪᠤᠰᠤ ᠪᠠᠷ ᠠᠪᠠᠯᠠᠨ ᠠᠯᠠᠭᠰᠠᠠ ᠭᠡᠷᠡᠭ ᠢ ᠢᠯᠡ ᠪᠠᠷ ᠰᠢᠬᠦᠨ ᠲᠠᠰᠤᠯᠪᠠ᠃ ᠵᠠᠭᠠᠯᠳᠤᠭᠳᠠᠭᠴᠢ ᠲᠠᠩ ᠤᠪᠤᠭᠳᠤ ᠬᠤᠪᠤᠷ ᠦᠨᠡᠳᠤ ᠵᠡᠷᠯᠢᠭ ᠠᠮᠢᠳᠠᠨ  ᠬᠢᠭᠰᠡᠨ ᠡᠳ᠋ᠯᠡᠯ ᠢ ᠲᠠᠯᠳᠠᠭᠤᠷ ᠠᠷᠠᠯᠵᠢᠶᠠᠯᠠᠭᠰᠠᠠ ᠶᠠᠯ᠎ᠠ᠂ ᠬᠠᠤᠯᠢ ᠪᠤᠰᠤ ᠪᠠᠷ ᠫᠤᠤ ᠵᠡᠪᠰᠡᠭ ᠠᠪᠴᠤ ᠪᠠᠶᠢᠭᠰᠠᠠ ᠶᠠᠯ᠎ᠠ ᠪᠠᠷ ᠲᠦᠷᠪᠡᠨ ᠵᠢᠯ ᠬᠤᠭᠤᠴᠠᠭ᠎ᠠ ᠲᠠᠢ ᠬᠤᠷᠢᠬᠤ ᠪᠠᠷ ᠰᠢᠳᠭᠡᠭᠡᠳ᠂ ᠠᠷᠠᠳ ᠵᠤᠭᠤᠰ 30000 ᠲᠦᠬᠦᠷᠢᠭ ᠶᠠᠯᠠᠳᠠᠬᠤ ᠪᠠᠷ ᠨᠡᠶᠢᠯᠡᠬᠦᠯᠦᠨ ᠰᠢᠳᠭᠡᠪᠡ᠃ ᠵᠠᠭᠠᠯᠳᠤᠭᠳᠠᠭᠴᠢ ᠸᠠᠩ ᠤᠪᠤᠭᠳᠤ ᠬᠤᠪᠤᠷ ᠦᠨᠡᠳᠤ ᠵᠡᠷᠯᠢᠭ ᠠᠮᠢᠳᠠᠨ  ᠬᠢᠭᠰᠡᠨ ᠡᠳ᠋ᠯᠡᠯ ᠢ ᠲᠠᠯᠳᠠᠭᠤᠷ ᠠᠷᠠᠯᠵᠢᠶᠠᠯᠠᠭᠰᠠᠠ ᠶᠠᠯ᠎ᠠ ᠪᠠᠷ ᠭᠤᠷᠪᠠᠨ ᠵᠢᠯ ᠬᠤᠭᠤᠴᠠᠭ᠎ᠠ ᠲᠠᠢ ᠬᠤᠷᠢᠬᠤ ᠪᠠᠷ ᠰᠦᠳᠭᠡᠭᠡᠳ ᠲᠦᠷᠪᠡᠨ ᠵᠢᠯ ᠠᠯᠭᠤᠷᠯᠠᠨ ᠬᠦᠢᠴᠡᠳᠭᠡᠭᠡᠳ᠂ ᠠᠷᠠᠳ ᠵᠤᠭᠤᠰ 30000 ᠲᠦᠬᠦᠷᠢᠭ ᠶᠠᠯᠠᠳᠠᠬᠤ ᠪᠠᠷ ᠨᠡᠶᠢᠯᠡᠬᠦᠯᠦᠨ ᠰᠢᠳᠭᠡᠪᠡ᠃ ᠨᠦᠬᠦᠭᠡ ᠭᠤᠷᠪᠠᠨ ᠵᠠᠭᠠᠯᠳᠤᠭᠳᠠᠭᠴᠢ ᠬᠤᠪᠤᠷ ᠦᠨᠡᠳᠤ ᠵᠡᠷᠯᠢᠭ ᠠᠮᠢᠳᠠᠨ  ᠬᠢᠭᠰᠡᠨ ᠡᠳ᠋ᠯᠡᠯ ᠢ ᠲᠠᠯᠳᠠᠭᠤᠷ ᠠᠷᠠᠯᠵᠢᠶᠠᠯᠠᠭᠰᠠᠠ ᠶᠠᠯ᠎ᠠ ᠪᠠᠷ ᠭᠤᠷᠪᠠᠨ ᠵᠢᠯ ᠬᠤᠭᠤᠴᠠᠭ᠎ᠠ ᠲᠠᠢ ᠬᠤᠷᠢᠬᠤ ᠪᠠᠷ ᠰᠢᠳᠭᠡᠭᠡᠳ ᠭᠤᠷᠪᠠᠨ ᠵᠢᠯ ᠠᠯᠭᠤᠷᠯᠠᠨ ᠬᠦᠢᠴᠡᠳᠭᠡᠬᠦ ᠪᠠᠷ ᠲᠤᠭᠳᠠᠭᠠᠳ᠂ ᠠᠷᠠᠳ ᠵᠤᠭᠤᠰ 30000 ᠲᠦᠬᠦᠷᠢᠭ ᠶᠠᠯᠠᠳᠠᠬᠤ ᠪᠠᠷ ᠨᠡᠶᠢᠯᠡᠬᠦᠯᠦᠨ ᠰᠢᠳᠭᠡᠪᠡ᠃ 

    ᠲᠤᠰ ᠭᠡᠷᠡᠭ ᠲᠠᠪᠤᠨ ᠵᠠᠭᠠᠯᠳᠤᠭᠳᠠᠭᠴᠢ ᠪᠤᠯ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨ ᠮᠠᠨᠳᠤᠯ ᠪᠠᠯᠭᠠᠰᠤᠨ ᠲᠤᠰᠬᠤᠨ ᠠᠷᠠᠳ᠂ ᠲᠠᠪᠤᠭᠤᠯᠠ ᠬᠤᠭᠤᠯᠠ ᠢᠳᠡᠬᠦ ᠵᠠᠭᠤᠷ᠎ᠠ ᠮᠤᠩᠭᠤᠯ ᠬᠢᠯᠢ ᠲᠤᠳᠤᠷ᠎ᠠ ᠬᠤᠯᠠᠨ ᠭᠠᠷᠴᠤ ᠢᠷᠡᠭᠰᠡᠨ ᠢ ᠰᠤᠯᠠ ᠵᠤᠭᠤᠭᠳᠠᠵᠤ᠂ ᠤᠴᠢᠵᠤ ᠦᠵᠡᠶ᠎ᠡ ᠭᠡᠳ ᠲᠠᠪᠤᠭᠤᠯᠠ ᠪᠠᠨ ᠲᠡᠷᠭᠡ ᠪᠠᠷ ᠮᠤᠩᠭᠤᠯ ᠬᠢᠯᠢ ᠳᠤ ᠤᠷᠤᠵᠤ᠂ ᠬᠤᠯᠠᠨ ᠪᠠᠶᠢᠬᠤ ᠤᠯᠵᠤ ᠦᠵᠡᠭᠡᠳ ᠬᠤᠶᠠᠷ ᠬᠤᠯᠠᠨ ᠢ ᠫᠤᠤᠳᠠᠨ ᠠᠯᠠᠵᠤ᠂ ᠲᠤᠯᠤᠭᠠᠢ᠂ ᠰᠢᠬᠢᠷ᠎ᠡ᠂ ᠭᠡᠳᠡᠰᠤ ᠲᠤᠳᠤᠷ ᠢ ᠨᠢ ᠰᠠᠯᠭᠠᠭᠠᠳ᠂ ᠲᠡᠬᠦᠨ ᠮᠢᠬ᠎ᠠ ᠪᠤᠯᠤᠨ ᠶᠠᠰᠤ ᠨᠢ ᠤᠯᠤᠰ ᠲᠠᠭᠠᠨ ᠲᠡᠭᠡᠭᠡᠨ ᠠᠪᠴᠢᠷᠠᠵᠠᠢ᠃ 

    ᠬᠤᠯᠠᠨ ᠪᠤᠯ ᠤᠯᠤᠰ ᠨᠢᠭᠡᠳᠤᠭᠡᠷ ᠲᠡᠰ ᠬᠠᠮᠠᠭᠠᠯᠠᠯᠳᠠ ᠠᠮᠢᠳᠠᠨ᠂ ᠲᠡᠯᠡᠭᠡᠢ ᠮᠦᠬᠦᠬᠦ ᠰᠢᠬᠠᠭᠰᠠᠠ ᠠᠮᠢᠳᠠᠨ ᠪᠤᠯᠤᠨ᠎ᠠ᠃ ᠤᠳᠤ ᠪᠠᠶᠢᠭ᠎ᠠ ᠬᠤᠯᠠᠨ ᠶᠡᠷᠤᠩᠬᠡᠢ ᠲᠤᠭ᠎ᠠ ᠨᠢ 3000 ᠬᠢᠷᠢᠳᠠᠢ ᠪᠠᠶᠢᠵᠤ᠂ ᠦᠷᠭᠡᠨ ᠭᠤᠪᠢ ᠠᠭᠤᠳᠠᠮ ᠬᠦᠨᠳᠠᠢ ᠪᠠ ᠬᠠᠬᠢᠷ ᠬᠦᠢᠳᠡᠨ ᠲᠠᠴᠢᠷ ᠴᠦᠯᠦᠷᠭᠡᠭ ᠤᠷᠤᠨ ᠳᠤ ᠠᠮᠢᠳᠤᠷᠠᠳᠠᠭ᠃ 

    ᠡᠶᠢᠮᠤᠷᠬᠦ ᠭᠡᠷᠡᠭ ᠢ ᠪᠠᠶᠢᠴᠠᠭᠠᠨ ᠰᠢᠳᠭᠡᠭᠰᠡᠨ ᠨᠢ ᠬᠠᠤᠯᠢ ᠴᠠᠭᠠᠵᠠ ᠦᠵᠡᠯ ᠤᠬᠠᠮᠰᠠᠷ ᠲᠤᠳᠠᠮᠠᠭ ᠮᠠᠯᠴᠢᠨ ᠲᠦᠮᠡᠨ ᠳᠤ ᠰᠡᠷᠡᠮᠵᠢ ᠦᠭᠴᠤ᠂ ᠤᠯᠤᠰ ᠮᠦᠬᠦᠬᠦ ᠰᠢᠬᠠᠭᠰᠠᠠ ᠵᠡᠷᠯᠢᠭ ᠠᠮᠢᠳᠠᠨ ᠢ ᠬᠠᠤᠯᠢ ᠪᠤᠰᠤ ᠪᠠᠷ ᠠᠪᠠᠯᠠᠬᠤ ᠦᠷ᠎ᠡ ᠤᠷᠰᠢᠭ ᠬᠦᠨᠳᠤ ᠨᠤᠴᠢᠳᠠᠢ ᠴᠢᠨᠠᠷ ᠢ ᠮᠠᠯᠴᠢᠨ ᠲᠦᠮᠡᠨ ᠳᠤ ᠲᠠᠨᠢᠭᠤᠯᠤᠭᠰᠠᠠ ᠪᠠᠶᠢᠨ᠎ᠠ᠃ ᠲᠤᠰ ᠭᠡᠷᠡᠭ  ᠲᠠᠮᠵᠢᠭᠠᠳ᠂ ᠨᠡᠶᠢᠭᠡᠮ ᠡᠯ᠎ᠡ ᠡᠳᠡᠭᠡᠳ ᠬᠢᠨ ᠤᠯᠤᠰ ᠮᠦᠬᠦᠬᠦ ᠰᠢᠬᠠᠭᠰᠠᠠ ᠵᠡᠷᠯᠢᠭ ᠠᠮᠢᠳᠠᠨ ᠢ ᠬᠠᠮᠠᠭᠠᠯᠠᠬᠤ ᠪᠠᠨ ᠬᠦᠨᠳᠤᠳᠭᠡᠵᠤ᠂ ᠬᠤᠯᠪᠤᠭᠳᠠᠯ ᠪᠦᠬᠦᠢ ᠨᠢᠭᠡᠴᠢ ᠵᠦᠢᠯ ᠵᠦᠢᠯ ᠠᠷᠭ᠎ᠠ ᠭᠡᠮᠵᠢᠶ᠎ᠡ ᠠᠪᠴᠤ ᠪᠠᠶᠢᠭᠠᠳ᠂ ᠤᠯᠤᠰ ᠮᠦᠬᠦᠬᠦ ᠰᠢᠬᠠᠭᠰᠠᠠ ᠵᠡᠷᠯᠢᠭ ᠠᠮᠢᠳᠠᠨ ᠢ ᠬᠠᠮᠠᠭᠠᠯᠠᠬᠤ ᠲᠠᠯ᠎ᠠ ᠪᠠᠷ ᠤᠯᠠᠨ ᠲᠦᠮᠡᠨ ᠦᠵᠡᠯ ᠤᠬᠠᠮᠰᠠᠷ ᠢ ᠲᠡᠭᠡᠭᠰᠢᠯᠡᠬᠦᠯᠦᠨ᠂ ᠬᠠᠤᠯᠢ ᠪᠤᠰᠤ ᠪᠠᠷ ᠠᠪᠠᠯᠠᠭᠴᠢᠳ ᠢ ᠠᠶᠤᠯᠭᠠᠨ ᠰᠦᠷᠳᠡᠬᠦᠯᠵᠤ᠂ ᠲᠠᠯ᠎ᠠ ᠨᠤᠳᠤᠭ ᠠᠮᠢ ᠠᠬᠤᠢ ᠪᠠᠳᠤᠯᠠᠨ ᠬᠠᠮᠠᠭᠠᠯᠠᠵᠤ᠂ ᠬᠦᠮᠦᠨ ᠪᠠ ᠪᠠᠶᠢᠭᠠᠯᠢ ᠡᠶ᠎ᠡ ᠵᠤᠬᠢᠴᠠᠩᠭᠤᠢ ᠪᠠᠷ ᠤᠷᠤᠰᠢᠬᠤ ᠠᠮᠢ ᠠᠬᠤᠢ ᠤᠷᠴᠢᠨ ᠲᠤᠭᠤᠷᠢᠨ ᠢ ᠪᠤᠢ ᠪᠤᠯᠭᠠᠬᠤ ᠪᠠᠷ ᠴᠢᠷᠮᠠᠶᠢᠰᠤᠭᠠᠢ᠃ 

ᠵᠣᠬᠢᠶᠠᠭᠴᠢ : 0