ᠡᠷᠡᠭᠦᠦ ᠬᠡᠷᠡᠭ ᠨᠡᠶᠢᠳᠡᠯᠢᠭ ᠵᠢᠱᠢᠶ᠎ᠡ

    ᠨᠢᠭᠡ ᠵᠠᠭᠠᠯᠳᠤᠭᠳᠠᠭᠴᠢ ᠴᠢᠩ ×× ‍ᠤᠨ‌ᠡᠩ ᠪᠠᠷᠠᠭ᠎ᠠ ᠳᠠᠯᠳᠠᠭᠤᠷ ᠠᠷᠠᠯᠵᠢᠶᠠᠯᠠᠭᠰᠠᠨ ᠶᠠᠯᠠᠲᠤ ᠬᠡᠷᠡᠭ 2013 ᠤᠨ 3 ᠰᠠᠷ᠎ᠠ ᠰᠡᠭᠦᠯᠴᠢ ᠪᠠᠷ᠂ ᠪᠡᠭᠡᠵᠢᠩ ᠱᠢ ᠵᠢᠢ ᠷᠦᠢ ᠰᠢ ᠭᠠᠳᠠᠭᠠᠳᠤ ᠠᠷᠠᠯᠵᠢᠶᠠᠨ ᠺᠤᠮᠫᠠᠨᠢ ᠨᠢ ᠾᠸ᠋ᠨᠠᠨ‌ᠮᠤᠵᠢ ᠠᠨ ᠶᠠᠩ ᠬᠤᠲᠠ ᠬᠤᠢ ᠲᠡᠮᠦᠷᠯᠢᠭ ᠺᠤᠮᠫᠠᠨᠢ ᠲᠠᠢ ᠲᠤᠨ ᠪᠦᠷᠢ ᠳᠡᠭᠡᠨ7350 ᠲᠦᠭᠦᠷᠢᠭ  60 ᠲᠣᠨ ᠲᠡᠮᠦᠷ ᠪᠤᠯᠪᠠᠰᠤᠷᠠᠭᠤᠯᠬᠤ ᠴᠢᠯᠠᠭᠤ ᠬᠤᠳᠠᠯᠳᠠᠵᠣ ᠠᠪᠬᠤ ᠭᠡᠷ᠎ᠡ ᠲᠤᠭᠲᠠᠨ᠂ ᠭᠡᠷ᠎ᠡ ᠭᠦᠢᠴᠡᠳᠭᠡᠬᠦ ᠭᠠᠵᠠᠷ ᠨᠢ ᠡᠷᠢᠶᠡᠨ ᠬᠤᠲᠠ ᠪᠠᠷ ᠪᠤᠯᠵᠤᠨ ᠲᠤᠭᠲᠠᠪᠠ᠃ ᠪᠠᠷᠠᠭ᠎ᠠ ᠡᠷᠢᠶᠡᠨ ᠳᠤ ᠬᠦᠷᠦᠭᠰᠡᠨ ᠲᠠᠷᠠᠭ᠎ᠠ᠂ 3 ᠰᠠᠷ᠎ᠠ 22 ᠡᠳᠦᠷ ᠵᠠᠭᠠᠯᠳᠤᠭᠳᠠᠭᠴᠢ ᠴᠢᠩ ×× ᠱᠢ ᠵᠢᠢ ᠷᠦᠢ ᠰᠢ ᠭᠠᠳᠠᠭᠠᠳᠤ ᠠᠷᠠᠯᠵᠢᠶᠠᠨ ᠺᠤᠮᠫᠠᠨᠢ ᠵᠣᠣ ×× ᠨᠠᠶᠢᠳᠠᠯᠭ᠎ᠠ  ᠲᠤᠰ 60 ᠲᠤᠨ ᠪᠠᠷᠠᠭ᠎ᠠ ᠮᠤᠩᠭᠤᠯ ᠤᠯᠤᠰ ᠵᠠᠮ ᠡᠭᠦᠳᠠ ᠬᠤᠲᠠ ᠳᠤ ᠬᠦᠷᠭᠡᠬᠦ ᠪᠠᠷ ᠲᠤᠭᠲᠠᠪᠠ᠃ ᠴᠢᠩ ×× ᠲᠡᠮᠦᠷ ᠪᠤᠯᠪᠠᠰᠤᠷᠠᠭᠤᠯᠬᠤ ᠴᠢᠯᠠᠭᠤ ᠮᠡᠨ ᠤᠯᠤᠰ ᠪᠤᠭᠤᠮᠲᠠ ᠠᠴᠠ ᠬᠢᠵᠠᠭᠠᠷᠯᠠᠵᠤ ᠭᠠᠷᠭᠠᠬᠤ ᠪᠠᠷᠠᠭ᠎ᠠ ᠳᠤ ᠪᠠᠭᠲᠠᠬᠤ ᠮᠡᠳᠡᠵᠤ ᠪᠠᠶᠢᠲᠠᠯ᠎ᠠ᠂ 3 ᠰᠠᠷ᠎ᠠ 23 ᠡᠳᠤᠷ ᠡᠷᠢᠶᠡᠨ ᠬᠤᠲᠠ ᠯᠢ ᠵᠦᠩ ᠪᠠᠷᠠᠭᠠᠨ ᠭᠦᠢᠯᠭᠡᠭᠡᠨ ᠺᠤᠮᠫᠠᠨᠢ ᠬᠦ᠋×× ︵ᠠᠰᠲᠠᠭᠠᠨ ᠰᠢᠢᠳᠪᠦᠷᠢᠯᠡᠪᠠ︶ ᠲᠠᠢ ᠬᠤᠷᠰᠢᠵᠤ᠂ ᠬᠦ᠋×× ᠳᠤ ᠡᠯ᠎ᠡ ᠵᠦᠢᠯ ᠰᠦᠢᠳᠭᠡᠯ ᠲᠣᠨ ᠪᠦᠷᠢ ᠳᠡᠭᠡᠨ 1400 ᠲᠦᠭᠦᠷᠢᠭ ᠦᠭᠬᠦ ᠪᠠᠷ ᠲᠤᠭᠲᠠᠵᠤ᠂ ᠲᠤᠰ ᠡᠳᠦᠷ ᠲᠤ ᠡᠷᠢᠶᠠᠨ ᠬᠤᠲᠠ ᠨᠡᠭᠦᠷᠡᠰᠦᠨ ᠬᠡᠢ ᠭᠠᠵᠠᠷ ‍ᠤᠨ‌ᠤᠷᠴᠢᠮ ᠳᠤ 20 ᠲᠤᠨ ᠲᠡᠮᠤᠷ ᠪᠤᠯᠪᠠᠰᠤᠷᠠᠭᠤᠯᠬᠤ ᠴᠢᠯᠠᠭᠤ ᠲᠡᠷᠭᠡᠨ ᠨᠤᠮᠸ᠋ᠷ 17-03 ᠪᠤᠯᠬᠤ ᠮᠤᠩᠭᠤᠯ ᠤᠯᠤᠰ ᠪᠠᠷᠠᠭᠠᠨ ᠲᠡᠷᠭᠡᠨ ᠳᠡᠭᠡᠷ᠎ᠡ ᠲᠡᠭᠡᠭᠡᠵᠦ ᠲᠠᠷᠠᠭ᠎ᠠ ᠨᠢ ᠲᠤᠰ ᠲᠡᠷᠭᠡ ᠯᠢ ᠵᠦᠩ ᠪᠠᠷᠠᠭᠠᠨ ᠭᠦᠢᠯᠭᠡᠭᠡᠨ ᠺᠤᠮᠫᠠᠨᠢ ᠬᠦᠷᠢᠶᠡᠨ ᠳᠤ ᠠᠪᠠᠴᠢᠵᠤ᠂ ᠲᠡᠮᠦᠷ ᠪᠤᠯᠪᠠᠰᠤᠷᠠᠭᠤᠯᠬᠤ ᠴᠢᠯᠠᠭᠤ ᠳᠡᠭᠡᠷ᠎ᠡ ᠰᠦᠯᠢᠶᠦᠤ ᠬᠠᠶᠢᠷᠴᠠᠭ᠂ ᠰᠢᠯᠢᠨ ᠴᠤᠮᠤ ᠵᠡᠷᠭᠡ ᠪᠤᠳᠠᠰ ᠢ ᠬᠢᠪᠠ᠃ 3 ᠰᠠᠷ᠎ᠠ 25 ᠡᠳᠦᠷ᠂ ᠬᠦ᠋×× ᠪᠠᠷᠠᠭᠠᠨ ᠲᠡᠷᠭᠡᠨ ᠳᠤ ᠲᠡᠮᠦᠷ ᠪᠤᠯᠪᠠᠰᠤᠷᠠᠭᠤᠯᠬᠤ ᠴᠢᠯᠠᠭᠤ ᠲᠡᠭᠡᠭᠰᠡᠨ ᠪᠠᠶᠢᠳᠠᠯ ᠨᠢᠭᠤᠵᠤ᠂ ᠡᠷᠢᠶᠠᠨ ᠬᠤᠲᠠ ᠨᠡᠤ ᠠᠷᠠᠯᠵᠢᠶᠠᠨ ᠺᠤᠮᠫᠠᠨᠢ ᠳᠤ ᠲᠤᠰ ᠲᠡᠷᠭᠡ ᠪᠠᠷᠠᠭ᠎ᠠ ᠢ ᠬᠢᠯᠢ ᠠᠴᠠ ᠭᠠᠷᠭᠠᠬᠤ  ᠪᠤᠭᠤᠮᠲᠠ ᠳᠤ ᠮᠡᠳᠡᠭᠦᠯᠬᠦ ᠪᠠᠷ ᠨᠠᠶᠢᠳᠠᠪᠠ᠃ ᠡᠷᠢᠶᠠᠨ ᠬᠤᠲᠠ ᠨᠡᠤ ᠠᠷᠠᠯᠵᠢᠶᠠᠨ ᠺᠤᠮᠫᠠᠨᠢ ᠲᠤᠬᠠᠢ ᠲᠠᠯᠠᠪᠠᠢ ᠳᠤ ᠪᠤᠲᠠᠲᠠᠢ ᠪᠤᠳᠠᠰ ᠢ ᠬᠠᠶᠢᠨ ᠪᠠᠶᠢᠴᠠᠭᠠᠭᠰᠠᠨ ᠦᠭᠡᠢ ᠪᠠᠶᠢᠳᠠᠯ ᠳᠤᠤᠷ᠎ᠠ ᠡᠷᠢᠶᠠᠨ ᠬᠤᠲᠠ ᠡᠷᠭᠡ ᠪᠠᠷᠠᠭᠠᠨ ᠭᠦᠢᠯᠭᠡᠭᠡᠨ ᠢ ᠤᠷᠤᠯᠠᠬᠤ ᠺᠤᠮᠫᠠᠨᠢ ᠳᠤ ᠨᠠᠶᠢᠳᠠᠵᠤ ᠲᠤᠰ ᠪᠠᠷᠠᠭ᠎ᠠ ᠪᠤᠭᠤᠮᠲᠠ ᠳᠤ ᠮᠡᠳᠡᠭᠦᠯᠪᠠ᠂ ᠡᠷᠭᠡ ᠪᠠᠷᠠᠭᠠᠨ ᠭᠦᠢᠯᠭᠡᠭᠡᠨ ᠢ ᠤᠷᠤᠯᠠᠬᠤ ᠺᠤᠮᠫᠠᠨᠢ 070520130053119851 ᠨᠤᠮᠸ᠋ᠷ ᠭᠠᠳᠠᠭᠠᠳᠤ ᠳᠤ ᠭᠠᠷᠭᠠᠬᠤ ᠪᠤᠭᠤᠮᠲᠠ ᠳᠤ ᠮᠡᠳᠡᠭᠦᠯᠬᠦ ᠳᠠᠩᠰᠠ  ᠡᠷᠢᠶᠠᠨ ᠪᠤᠭᠤᠮᠲᠠ ᠳᠤ ᠲᠤᠰ ᠲᠡᠷᠭᠡ ᠰᠤᠯᠠ ᠪᠠᠷᠠᠭ᠎ᠠ ᠮᠡᠳᠡᠭᠦᠯᠵᠤ᠂ ᠳᠠᠷᠠᠭ᠎ᠠ ᠡᠳᠦᠷ ᠨᠢ ᠲᠤᠰ ᠲᠡᠷᠭᠡ ᠪᠠᠷᠠᠭ᠎ᠠ ᠬᠢᠯᠢ ᠠᠴᠠ ᠭᠠᠷᠭᠠᠪᠠ᠃ 2013 ᠤᠨ 3 ᠰᠠᠷ᠎ᠠ 24 ᠡᠳᠦᠷ᠂ ᠴᠢᠩ ×× ᠮᠤᠩᠭᠤᠯ ᠤᠯᠤᠰ ᠬᠦᠮᠦᠨ ᠰᠠᠷᠠ ᠪᠤᠯᠤᠨ ᠲᠠᠪᠠᠭᠳᠤᠷᠵᠢ ︵ᠮᠤᠩᠭᠤᠯ ᠤᠯᠤᠰ ᠴᠠᠭᠳᠠᠭ᠎ᠠ ᠠᠴᠠ ᠪᠠᠶᠢᠴᠠᠭᠠᠵᠤ ᠪᠠᠶᠢᠨ᠎ᠠ︶ ᠨᠠᠶᠢᠳᠠᠵᠤ ᠦᠯᠠᠳᠡᠭᠰᠡᠨ 40 ᠲᠤᠨ ᠲᠡᠮᠦᠷ ᠪᠤᠯᠪᠠᠰᠤᠷᠠᠭᠤᠯᠬᠤ ᠴᠢᠯᠠᠭᠤ ᠬᠢᠯᠢ ᠠᠴᠠ ᠭᠠᠷᠭᠠᠯᠭᠠᠬᠤ ᠪᠠᠷ ᠲᠤᠨ ᠪᠦᠷᠢ ᠳᠡᠭᠡᠨ ᠡᠯ᠎ᠡ ᠵᠦᠢᠯ ᠰᠦᠢᠳᠭᠡᠯ 1300 ᠲᠦᠭᠦᠷᠢᠭ ᠦᠭᠬᠦ ᠪᠠᠷ ᠲᠤᠭᠲᠠᠪᠠ᠃ ᠲᠤᠰ ᠡᠲᠦᠷ᠂ ᠳᠡᠭᠡᠷᠡᠬᠢ ᠲᠡᠮᠦᠷ ᠪᠤᠯᠪᠠᠰᠤᠷᠠᠭᠤᠯᠬᠤ ᠴᠢᠯᠠᠭᠤ ᠲᠡᠷᠭᠡᠨ ᠨᠤᠮᠸ᠋ᠷ 62-68᠂ 72-97 ᠪᠤᠯᠬᠤ ᠬᠤᠶᠠᠷ ᠮᠤᠩᠭᠤᠯ ᠤᠯᠤᠰ ᠪᠠᠷᠠᠭᠠᠨ ᠲᠡᠷᠭᠡᠨ ᠳᠡᠭᠡᠷ᠎ᠡ ᠲᠡᠭᠡᠭᠡᠵᠤ᠂ ᠲᠡᠮᠦᠷ ᠪᠤᠯᠪᠠᠰᠤᠷᠠᠭᠤᠯᠬᠤ ᠴᠢᠯᠠᠭᠤ ᠳᠡᠭᠡᠷ᠎ᠡ ᠱᠠᠯᠠᠨ ᠴᠢᠯᠠᠭᠤ᠂ ᠰᠢᠷᠡᠭᠡ᠂ ᠱᠠᠹᠠ ᠵᠡᠷᠭᠡ ᠰᠤᠯᠠ ᠪᠤᠳᠠᠰ ᠢ ᠲᠡᠭᠡᠭᠡᠵᠦ ᠲᠠᠯᠪᠢᠪᠠ᠃ 3 ᠰᠠᠷ᠎ᠠ 27 ᠡᠳᠦᠷ᠂ ᠰᠠᠷᠠ ᠲᠡᠷᠭᠡᠨ ᠳᠡᠭᠡᠷ᠎ᠡ ᠲᠡᠮᠦᠷ ᠪᠤᠯᠪᠠᠰᠤᠷᠠᠭᠤᠯᠬᠤ ᠴᠢᠯᠠᠭᠤ ᠲᠡᠭᠡᠭᠡᠭᠰᠡᠨ ᠪᠠᠶᠢᠳᠠᠯ ᠢ ᠨᠢᠭᠤᠨ᠂ ᠡᠷᠢᠶᠡᠨ ᠬᠤᠲᠠ ᠵᠢᠢ ᠯᠢ ᠠᠷᠠᠯᠵᠢᠶᠠᠨ ᠺᠤᠮᠫᠠᠨᠢ ᠨᠠᠶᠢᠳᠠᠵᠤ ᠲᠤᠰ ᠲᠡᠷᠭᠡ ᠰᠤᠯᠠ ᠪᠠᠷᠠᠭ᠎ᠠ ᠭᠠᠳᠠᠭᠠᠳᠣ ᠳᠤ ᠭᠠᠷᠭᠠᠬᠤ  ᠪᠤᠭᠤᠮᠲᠠ ᠳᠤ ᠮᠡᠳᠡᠭᠦᠯᠪᠡ᠃ ᠲᠤᠰ ᠡᠲᠦᠷ ᠡᠷᠢᠶᠡᠨ ᠬᠤᠲᠠ ᠵᠢᠢ ᠯᠢ ᠠᠷᠠᠯᠵᠢᠶᠠᠨ ᠺᠤᠮᠫᠠᠨᠢ070520130053120168᠂ 070520130053120244 ᠨᠤᠮᠸ᠋ᠷ ᠭᠠᠳᠠᠭᠠᠳᠤ ᠳᠤ ᠭᠠᠷᠭᠠᠬᠤ ᠪᠤᠭᠤᠮᠲᠠ ᠳᠤ ᠮᠡᠳᠡᠭᠦᠯᠬᠦ ᠳᠠᠩᠰᠠ  ᠡᠷᠢᠶᠠᠨ ᠪᠤᠭᠤᠮᠲᠠ ᠳᠤ ᠲᠤᠰ ᠬᠤᠶᠠᠷ ᠲᠡᠷᠭᠡ ᠰᠤᠯᠠ ᠪᠠᠷᠠᠭ᠎ᠠ ᠮᠡᠳᠡᠭᠦᠯᠵᠤ᠂ ᠳᠠᠷᠠᠭ᠎ᠠ ᠡᠳᠦᠷ ᠨᠢ ᠬᠤᠶᠠᠷ ᠲᠡᠷᠭᠡ ᠪᠠᠷᠠᠭ᠎ᠠ ᠬᠢᠯᠢ ᠠᠴᠠ ᠭᠠᠷᠭᠠᠪᠠ᠃ ᠳᠡᠭᠡᠷᠡᠬᠢ ᠭᠤᠷᠪᠠᠨ ᠲᠡᠷᠭᠡ ᠲᠡᠮᠦᠷ ᠪᠤᠯᠪᠠᠰᠤᠷᠠᠭᠤᠯᠬᠤ ᠴᠢᠯᠠᠭᠤ ᠮᠤᠩᠭᠤᠯ ᠤᠯᠤᠰ ᠵᠠᠮ ᠡᠭᠦᠳᠡ ᠬᠤᠲᠠ ᠳᠤ ᠬᠦᠷᠦᠭᠰᠡᠨ ᠳᠠᠷᠠᠭ᠎ᠠ᠂ ᠱᠢ ᠵᠢᠢ ᠷᠦᠢ ᠰᠢ ᠭᠠᠳᠠᠭᠠᠳᠤ ᠠᠷᠠᠯᠵᠢᠶᠠᠨ ᠺᠤᠮᠫᠠᠨᠢ ᠵᠣᠣ×× ᠴᠢᠩ ×× ᠳᠤ ᠤᠷᠤᠯᠠᠨ ᠭᠦᠢᠴᠡᠳᠭᠡᠭᠰᠡᠨ ᠵᠠᠷᠤᠳᠠᠯ 15000 ᠲᠦᠭᠦᠷᠢᠭ ᠦᠭᠴᠦ᠂ ᠡᠯ᠎ᠡ ᠵᠦᠢᠯ ᠵᠠᠷᠦᠳᠠᠯ ᠠᠴᠠ ᠭᠠᠳᠠᠨ᠎ᠠ ᠴᠢᠩ ×× 58200 ᠲᠦᠭᠦᠷᠢᠭ ᠤᠯᠪᠠ᠃ ᠡᠷᠢᠶᠠᠨ ᠪᠤᠭᠤᠮᠲᠠ ᠵᠢᠱᠢᠨ ᠲᠤᠭᠠᠴᠠᠭᠰᠠᠨ ᠄《ᠬᠡᠷᠡᠭ ᠲᠤ ᠬᠤᠯᠪᠤᠭᠳᠠᠭᠰᠠᠨ ᠲᠡᠮᠦᠷ ᠪᠤᠯᠪᠠᠰᠤᠷᠠᠭᠤᠯᠬᠤ ᠴᠢᠯᠠᠭᠤ ᠭᠠᠶᠢᠯᠢ ᠳᠠᠷᠤᠭᠰᠠᠨ ᠦᠨ᠎ᠡ ᠨᠢ ᠠᠷᠠᠳ ᠵᠤᠭᠤᠰ 89809.72 ᠲᠦᠭᠦᠷᠢᠭ ᠪᠤᠯᠤᠨ᠎ᠠ》 ᠭᠡᠪᠡ᠃ 2013 ᠣᠨ 5 ᠰᠠᠷ᠎ᠠ 30 ᠡᠳᠦᠷ ᠴᠢᠩ ×× ᠡᠩ ᠪᠠᠷᠠᠭ᠎ᠠ ᠳᠠᠯᠳᠠᠭᠤᠷ ᠠᠷᠠᠯᠵᠢᠶᠠᠯᠠᠭᠰᠠᠨ ᠶᠠᠯ᠎ᠠ ᠬᠢᠭᠰᠡᠨ ᠰᠡᠵᠢᠭᠲᠡᠨ  ᠡᠷᠢᠶᠠᠨ ᠬᠤᠲᠠ ᠬᠢᠯᠢ ᠵᠢᠨ‌‍ᠪᠤᠭᠤᠮᠲᠠ ᠬᠠᠤᠯᠢ ᠪᠤᠰᠤ ᠠᠷᠠᠯᠵᠢᠶ᠎ᠠ ᠴᠠᠭᠳᠠᠨ ᠪᠠᠶᠢᠴᠠᠭᠠᠬᠤ ᠬᠤᠪᠢᠶᠠᠷᠢ ᠲᠤᠪᠴᠢᠶᠠᠨ ᠳᠤ ᠡᠷᠡᠭᠦᠦ ᠬᠡᠷᠡᠭ ᠲᠦᠷ ᠬᠤᠷᠢᠯᠲᠠ ᠪᠠᠷ ᠬᠤᠷᠢᠭᠳᠠᠵᠦ᠂ 6 ᠰᠠᠷ᠎ᠡ 27 ᠡᠳᠦᠷ ᠡᠷᠢᠶᠠᠨ ᠬᠤᠲᠠ ᠬᠢᠯᠢ ᠵᠢᠨ‌‍ᠪᠤᠭᠤᠮᠲᠠ ᠬᠠᠤᠯᠢ ᠪᠤᠰᠤ ᠠᠷᠠᠯᠵᠢᠶ᠎ᠠ ᠴᠠᠭᠳᠠᠨ ᠪᠠᠶᠢᠴᠠᠭᠠᠬᠤ ᠬᠤᠪᠢᠶᠠᠷᠢ ᠲᠤᠪᠴᠢᠶᠠᠨ ᠳᠤ ᠪᠠᠲᠤᠯᠠᠭ᠎ᠠ‌ᠠᠪᠴᠦ ᠰᠢᠭᠦᠯᠲᠡ ᠬᠦᠯᠢᠶᠡᠪᠠ᠃ ᠲᠤᠰ ᠬᠡᠷᠡᠭ ᠢ ᠡᠷᠢᠶᠠᠨ ᠬᠤᠲᠠ ᠬᠢᠯᠢ ᠪᠤᠭᠤᠮᠲᠠ ᠬᠠᠤᠯᠢ ᠪᠤᠰᠤ ᠠᠷᠠᠯᠵᠢᠶ᠎ᠠ ᠴᠠᠭᠳᠠᠨ ᠪᠠᠶᠢᠴᠠᠭᠠᠬᠤ ᠬᠤᠪᠢᠶᠠᠷᠢ ᠲᠤᠪᠴᠢᠶᠠᠨ ᠠᠴᠠ ᠮᠥᠷᠳᠡᠨ ᠪᠠᠶᠢᠴᠠᠭᠠᠵᠦ ᠳᠠᠭᠤᠰᠤᠭᠠᠳ᠂ 8 ᠰᠠᠷ᠎ᠠ 6 ᠡᠳᠦᠷ ᠰᠢᠯᠢ ᠭᠤᠣᠯ ᠠᠶᠢᠮᠠᠭ ᠪᠠᠶᠢᠴᠠᠭᠠᠬᠤ ᠬᠤᠪᠢᠶᠠᠷᠢ ᠬᠤᠷᠢᠶ᠎ᠠ ᠳᠤ ᠵᠠᠭᠠᠯᠳᠤᠯᠭ᠎ᠠ ᠪᠠᠨ ᠰᠢᠯᠵᠢᠭᠦᠯᠪᠡ᠃ ᠮᠠᠨ ᠬᠤᠷᠢᠶ᠎ᠠ ᠬᠡᠷᠡᠭ ᠢ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠳᠠᠷᠠᠭ᠎ᠠ ᠵᠠᠭᠠᠯᠳᠤᠭᠳᠠᠭᠴᠢ ᠳᠤ ᠥᠮᠥᠭᠯᠡᠭᠴᠢ ᠵᠠᠯᠠᠬᠤ ᠡᠷᠬᠡ ᠲᠠᠢ ᠮᠡᠳᠡᠭᠳᠡᠨ᠂ ᠵᠠᠭᠠᠯᠳᠤᠭᠳᠠᠭᠴᠢ ᠬᠠᠤᠯᠢ ᠶᠣᠰᠣᠭᠠᠷ ᠪᠠᠶᠢᠴᠠᠭᠠᠨ ᠰᠢᠭᠦᠨ ᠠᠰᠠᠭᠤᠵᠤ᠂ ᠬᠡᠷᠡᠭ ᠪᠦᠬᠦᠶᠢᠯᠡ ᠮᠠᠲᠸ᠋ᠷᠢᠶᠠᠯ ᠢ ᠬᠢᠨᠠᠨ ᠪᠠᠶᠢᠴᠠᠭᠠᠪᠠ᠃ 2013 ᠣᠨ 9 ᠰᠠᠷ᠎ᠠ 21 ᠡᠳᠦᠷ ᠮᠠᠨ ᠬᠤᠷᠢᠶ᠎ᠠ ᠲᠤᠰ ᠬᠡᠷᠡᠭ ᠢ ᠰᠢᠯᠢ ᠭᠤᠣᠯ ᠠᠶᠢᠮᠠᠭ ᠠᠷᠠᠳ ᠳᠤᠮᠳᠠ ᠵᠡᠷᠭᠡ ᠰᠢᠭᠦᠬᠦ ᠬᠤᠷᠢᠶᠠᠨ ᠳᠤ ᠰᠢᠯᠵᠢᠭᠦᠯᠥᠨ ᠬᠦᠷᠭᠡᠵᠦ᠂ ᠰᠢᠯᠢ ᠭᠤᠣᠯ ᠠᠶᠢᠮᠠᠭ ᠠᠷᠠᠳ ᠳᠤᠮᠳᠠ ᠵᠡᠷᠭᠡ ᠰᠢᠭᠦᠬᠦ ᠬᠤᠷᠢᠶ᠎ᠠ ᠰᠢᠭᠦᠨ ᠲᠠᠰᠤᠯᠤᠭᠰᠠᠨ ᠨᠢ᠄ ᠵᠠᠭᠠᠯᠳᠤᠭᠳᠠᠭᠴᠢ ᠴᠢᠩ ×× ᠢ ᠬᠤᠶᠠᠷ ᠵᠢᠯ ᠬᠤᠭᠤᠴᠠᠭ᠎ᠠ ᠲᠠᠢ ᠬᠤᠷᠢᠬᠤ ᠡᠷᠡᠭᠦᠦ ᠪᠠᠷ ᠰᠢᠳᠭᠡᠭᠡᠳ ᠭᠤᠷᠪᠠᠨ ᠵᠢᠯ ᠬᠤᠶᠢᠰᠢᠯᠠᠭᠤᠯᠤᠨ ᠭᠦᠢᠴᠡᠳᠭᠡᠵᠦ᠂ 10 ᠲᠦᠮᠡᠨ ᠲᠥᠭᠦᠷᠢᠭ  ᠨᠡᠶᠢᠯᠡᠭᠦᠯᠦᠨ ᠶᠠᠯᠠᠳᠠᠪᠠ᠃ 

    ᠰᠢᠯᠢ ᠭᠤᠤᠯ ᠠᠶᠢᠮᠠᠭ ᠪᠠᠶᠢᠴᠠᠭᠠᠬᠤ ᠬᠤᠪᠢᠶᠠᠷᠢ ᠬᠤᠷᠢᠶ᠎ᠠ 2014 ᠤᠨ 6 ᠰᠠᠷᠠᠶᠢᠨ 30 ᠡᠳᠦᠷ

     ᠬᠤᠶᠠᠷ ᠵᠠᠭᠠᠯᠳᠤᠭᠳᠠᠭᠴᠢ ᠴᠤ᠋××᠂ ᠰᠦ᠋×× ᠵᠣᠷᠢᠭᠤᠳᠠ ᠬᠦᠮᠦᠨ ᠠᠯᠠᠭᠰᠠᠨ᠂ ᠲᠤᠨᠤᠨ ᠳᠡᠭᠡᠷᠡᠮᠳᠡᠭᠰᠡᠨ᠂ ᠵᠠᠭᠠᠯᠳᠤᠭᠳᠠᠭᠴᠢ ᠴᠤ᠋×× ᠨᠥᠵᠢᠳᠯᠡᠭᠰᠡᠨ᠂ ᠵᠠᠭᠠᠯᠳᠤᠭᠳᠠᠭᠴᠢ ᠰᠦ᠋×× ᠵᠣᠷᠢᠭᠤᠳᠠ ᠬᠦᠮᠦᠨ ᠢ ᠭᠡᠮᠲᠦᠭᠡᠭᠰᠡᠨ ᠶᠠᠯᠠᠲᠤ ᠬᠡᠷᠡᠭ 2012 ᠣᠨ 6 ᠰᠠᠷ᠎ᠠ 8 ᠡᠳᠦᠷ ᠣᠷᠤᠢ ᠠᠴᠠ ᠳᠠᠷᠠᠭ᠎ᠠ ᠡᠳᠦᠷ ᠦᠷ ᠪᠤᠯᠲᠠᠯ᠎ᠠ᠂ ᠵᠠᠭᠠᠯᠳᠤᠭᠳᠠᠭᠴᠢ ᠴᠤ᠋××᠂ ᠰᠦ᠋×× ᠬᠤᠶᠠᠭᠤᠯᠠ ᠴᠤ᠋×× ᠭᠡᠷ ᠲᠤ ᠠᠷᠢᠬᠢ ᠤᠤᠭᠤᠬᠤ ᠲᠤᠮᠳᠠ ᠬᠤᠶᠠᠭᠤᠯᠠ ᠴᠤ᠋×× ᠪᠤᠯᠤᠨ ᠰᠡ᠊×× ︵ᠬᠤᠤᠷᠯᠠᠭᠳᠠᠭᠴᠢ᠂ ᠡᠷᠡᠭᠲᠠᠢ᠂ 44 ᠨᠠᠰᠤᠲᠠᠢ︶ ᠬᠡᠥᠬᠡᠨ ᠲᠠᠢ ᠢᠨᠠᠭᠯᠠᠵᠤ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠤ ᠵᠣᠭᠤᠰ ᠵᠢᠭᠡᠯᠡᠭᠰᠡᠨ ᠤᠴᠢᠷ ᠢ ᠶᠠᠷᠢᠯᠴᠠᠵᠤ᠂ ᠴᠤ᠋××ᠰᠦ᠋×× ᠲᠤ ᠰᠡ᠊ ×× ᠳᠤ ᠶᠠᠪᠤᠶ᠎ᠠ ᠭᠡᠬᠦ ᠳᠤ ᠰᠦ᠋×× ᠵᠦᠪᠰᠢᠶᠡᠷᠡᠪᠡ᠃ 6 ᠰᠠᠷ᠎ᠠ 9 ᠡᠳᠦᠷ ᠦᠷ ᠭᠤᠷᠪᠠᠨ ᠴᠠᠭ ᠤᠷᠴᠢᠮ᠂ ᠵᠠᠭᠠᠯᠳᠤᠭᠳᠠᠭᠴᠢ ᠴᠤ᠋×× ᠦᠪᠡᠷ ᠭᠡᠷ ᠪᠠᠭ᠎ᠠ ᠬᠦᠮᠦᠷᠭᠡᠨ ᠠᠴᠠ ᠨᠢᠭᠡ ᠰᠠᠨᠳᠤᠤ ᠲᠤᠯᠤᠭᠠᠢ ᠠᠪᠴᠤ᠂ ᠪᠦᠰ  ᠰᠠᠨᠳᠤᠤ ᠲᠤᠯᠤᠭᠠᠢ ᠪᠤᠭᠤᠵᠤ᠂ ᠳᠡᠭᠦᠦ ᠪᠠᠶᠠᠨᠰᠢᠳᠤᠷᠭᠤ ᠪᠤᠯᠤᠨ ᠠᠳᠢᠶ᠎ᠠ ᠬᠤᠶᠠᠷ  ᠰᠡ᠊ ×× ᠭᠡᠷ ᠲᠤ ᠬᠦᠷᠭᠡᠯᠭᠡᠪᠡ᠃ ᠴᠤ᠋××᠂ ᠰᠦ᠋×× ᠬᠤᠶᠠᠷ ᠰᠡ᠊ ×× ᠭᠡᠷ ᠲᠤ ᠤᠷᠤᠭᠰᠠᠨ ᠳᠠᠷᠠᠭ᠎ᠠ᠂ ᠴᠤᠯᠮᠣᠨ ᠬᠠᠨᠵᠣᠨ ᠳᠡᠭᠡᠷ᠎ᠡ ᠰᠠᠭᠤᠵᠦ ᠪᠠᠶᠢᠭᠰᠠᠨ ᠰᠡ᠊ ×× ᠲᠠᠢ ᠪᠠᠭ᠎ᠠ ᠤᠴᠢᠷ ᠲᠤ ᠬᠡᠯᠡ ᠠᠮᠠ ᠪᠤᠯᠬᠤ ᠳᠤ᠂ ᠰᠦ᠋×× ᠭᠡᠷ ᠵᠣᠣᠬᠠᠨ ᠰᠢᠷᠠᠮᠦ ᠢ ᠠᠪᠴᠤ ᠰᠡ᠊ ×× ᠥᠭᠡᠳᠡ ᠰᠢᠳᠡᠬᠦ ᠳᠤ ᠰᠡ᠊ ×× ᠲᠤᠯᠤᠭᠠᠢ ᠢ ᠣᠨᠣᠪᠠ᠃ ᠰᠦ᠋×× ᠳᠠᠬᠢᠨ ᠵᠣᠣᠬᠠᠨ ᠰᠢᠷᠡᠮᠦ ᠪᠠᠷᠢᠨ ᠬᠠᠨᠵᠤᠨ ᠳᠡᠭᠡᠷ᠎ᠡ ᠭᠠᠷᠴᠤ᠂ ᠵᠣᠣᠬᠠᠨ ᠰᠢᠷᠡᠮᠦ ᠵᠢᠨ‌ᠢᠷᠲᠠᠢ ᠲᠠᠯ᠎ᠠ ᠪᠠᠷ ᠨᠢ ᠰᠡ᠊ ×× ᠲᠣᠯᠣᠭᠠᠢ ᠳᠡᠭᠡᠷ᠎ᠡ ᠬᠡᠳᠦ ᠴᠠᠪᠴᠢᠵᠤ᠂ ᠵᠣᠣᠬᠠᠨ ᠰᠢᠷᠠᠮᠤ ᠬᠠᠭᠠᠷᠡᠬᠤ ᠳᠤ ᠰᠠᠶ᠋ᠢ ᠭᠠᠷ ᠵᠤᠭᠰᠤᠪᠠ᠃ ᠰᠡ᠊ ×× ᠲᠠᠬᠢᠵᠤ ᠴᠤᠬᠢᠭᠳᠠᠬᠤ ᠠᠴᠠ ᠠᠶᠤᠭᠠᠳ᠂ ᠪᠠᠶ᠎ᠡ ᠵᠠᠰᠠᠬᠤ ᠪᠠᠷ ᠰᠢᠯᠲᠠᠭᠯᠠᠨ ᠭᠡᠷ ᠠᠴᠠ ᠭᠠᠷᠴᠤ ᠳᠤᠲᠠᠭᠠᠪᠠ᠃ ᠴᠤ᠋×× ᠦᠪᠡᠷ ᠠᠪᠴᠢᠷᠠᠭᠰᠠᠨ ᠰᠠᠨᠳᠤᠤ ᠲᠤᠯᠤᠭᠠᠢ ᠢ ᠪᠠᠷᠢᠵᠤ᠂ ᠰᠡ᠊ ×× ᠬᠤᠶᠢᠨ᠎ᠠ ᠠᠴᠠ ᠲᠠᠭᠤᠵᠤ᠂ ᠰᠠᠨᠳᠤᠤ ᠲᠤᠯᠤᠭᠠᠢ ᠪᠠᠷ ᠰᠡ᠊ ×× ᠪᠡᠶ᠎ᠡ ᠳᠡᠭᠡᠷ᠎ᠡ ᠴᠠᠪᠴᠢᠪᠠ᠃ ᠰᠡ᠊ ×× ᠭᠡᠷ ᠬᠤᠶᠢᠨ᠎ᠠ ᠬᠦᠷᠴᠦ ᠭᠠᠵᠠᠷ ᠤᠶᠢᠴᠢᠬᠤ ᠳᠤ᠂ ᠴᠤ᠋×× ᠰᠡ᠊ ×× ᠪᠡᠶ᠎ᠠ ᠳᠡᠭᠡᠷ᠎ᠡ ᠲᠠᠬᠢᠨ ᠰᠠᠨᠳᠤᠤ ᠲᠤᠯᠤᠭᠠᠢ ᠪᠠᠷ ᠬᠡᠳᠦ ᠴᠠᠪᠴᠢᠵᠣ᠂ ᠰᠡ᠊ ×× ᠬᠤᠶᠠᠷ ᠬᠦᠯ ᠠᠴᠠ ᠨᠢ ᠪᠠᠷᠢᠵᠤ ᠭᠡᠷ ᠬᠠᠨᠵᠤᠨ ᠬᠠᠵᠠᠭᠤ ᠳᠤ ᠴᠢᠷᠴᠦ ᠤᠷᠤᠭᠤᠯᠤᠨ‌‍ᠴᠤ᠋×× ᠰᠠᠨᠳᠤᠤ ᠲᠤᠯᠤᠭᠠᠢ ᠪᠠᠷ ᠰᠡ᠊ ×× ᠬᠤᠶᠠᠷ ᠬᠦᠯ ᠰᠢᠷᠪᠦᠰᠦ ᠢ ᠤᠭᠲᠤᠯᠤᠨ ᠳᠠᠰᠤᠯᠵᠤ᠂ ᠳᠠᠬᠢᠨ ᠪᠡᠶ᠎ᠠ ᠳᠡᠭᠡᠷ᠎ᠡ ᠨᠢ ᠬᠡᠳᠦ ᠢᠰᠭᠦᠯᠪᠡ᠃ ᠵᠠᠯᠭᠠᠭᠠᠳ‌‍ᠴᠤ᠋×× ᠰᠡ᠊ ×× ᠡᠬᠡᠨᠡᠷ ᠴᠡ᠊×× ︵ᠬᠤᠤᠷᠯᠠᠭᠳᠠᠭᠴᠢ᠂ ᠡᠮᠡᠭᠲᠡᠢ᠂36 ᠨᠠᠰᠦᠲᠠᠢ︶  ᠬᠡᠦᠬᠡᠨ ᠳᠡᠭᠡᠨ ᠤᠳᠠᠰᠤ ᠠᠪᠴᠦ ᠳᠠᠭᠤᠳᠠᠵᠤ ᠠᠪᠴᠢᠷᠠ ᠭᠡᠪᠠ᠃ ᠴᠡ᠊×× ᠵᠤᠭᠰᠤᠭᠠᠳ ᠬᠦᠳᠡᠯᠬᠦ ᠦᠭᠡᠢ ᠢ ᠦᠵᠡᠭᠡᠳ᠂ ᠰᠦ᠋××ᠴᠤ᠋×× ᠭᠠᠷ ᠠᠴᠠ ᠰᠠᠨᠳᠤᠤ ᠲᠤᠯᠤᠭᠠᠢ ᠢ ᠠᠪᠴᠤ᠂ ᠴᠡ᠊×× ᠲᠤᠯᠤᠭᠠᠢ ᠪᠣᠯᠣᠨ ᠭᠠᠷ ᠳᠡᠭᠡᠷ᠎ᠡ ᠴᠠᠪᠴᠢᠪᠠ᠃ ᠲᠠᠷᠠᠭ᠎ᠠ ᠨᠢ ᠰᠦ᠋×× ᠰᠡ᠊ ×× ᠪᠠᠰᠠ ᠠᠮᠢᠰᠬᠤᠬ᠎ᠠ ᠲᠠᠢ ᠪᠠᠶᠢᠬᠤ ᠢ ᠦᠵᠡᠨ᠂ ᠰᠠᠨᠳᠤᠤ ᠲᠤᠯᠤᠭᠠᠢ ᠪᠠᠷ ᠳᠠᠬᠢᠨ ᠰᠡ᠊ ×× ᠲᠤᠯᠤᠭᠠᠢ ᠪᠤᠯᠤᠨ ᠪᠡᠶ᠎ᠡ ᠳᠡᠭᠡᠷ᠎ᠡ ᠴᠠᠪᠴᠢᠪᠠ᠃ ᠡᠨᠡ ᠦᠶ᠎ᠡ ᠲᠡᠭᠷᠢ ᠭᠡᠭᠡᠷᠡᠬᠦ ᠳᠤ᠂ ᠴᠡ᠊×× ᠰᠡ᠊ ×× ᠢ ᠬᠠᠨᠵᠤᠨ ᠳᠡᠭᠡᠷ᠎ᠡ ᠭᠠᠷᠭᠠᠶ᠎ᠠ ᠭᠡᠵᠦ ᠭᠤᠶᠤᠴᠢᠯᠠᠬᠤ ᠳᠤ᠂ ᠴᠤ᠋×× ᠪᠤᠯᠤᠨ ᠴᠡ᠊×× ᠬᠤᠶᠠᠷ ᠬᠦᠮᠦᠨ ᠰᠡ᠊ ×× ᠢ ᠬᠠᠨᠵᠤᠨ ᠳᠡᠭᠡᠷ᠎ᠡ ᠭᠠᠷᠭᠠᠵᠤ ᠬᠡᠪᠲᠡᠭᠦᠯᠦᠭᠡᠳ᠂ ᠳᠡᠭᠡᠷ᠎ᠡ ᠠᠴᠠ ᠨᠢ ᠬᠦᠨᠵᠢᠯᠡ ᠬᠤᠴᠢᠵᠤ ᠦᠭᠭᠦᠭᠡᠳ᠂ ᠴᠡ᠊×× ᠵᠣᠣᠬᠠᠨ ᠦᠨᠡᠰᠦ ᠪᠠᠷ ᠭᠠᠵᠠᠷ ᠳᠡᠭᠡᠷᠡᠬᠢ ᠴᠢᠰᠦ ᠢ ᠴᠡᠪᠡᠷᠯᠡᠪᠡ᠃ ᠡᠨᠡ ᠬᠤᠭᠤᠷᠤᠨᠳᠤ ᠴᠤ᠋×× ᠰᠡ᠊ ×× ᠠᠶᠠᠭᠠᠨ ᠬᠤᠷᠭᠤᠨ ᠠᠴᠠ ᠨᠢᠭᠡ ᠪᠤᠤᠳᠤ ᠭᠠᠷᠭᠠᠨ ᠠᠪᠴᠦ ᠬᠠᠨᠵᠤᠨ ᠳᠡᠭᠡᠷ᠎ᠡ ᠲᠠᠯᠪᠢᠪᠠ᠃ ᠰᠦ᠋×× ᠬᠠᠨᠵᠤᠨ ᠳᠡᠭᠡᠷ᠎ᠡ ᠭᠠᠷᠬᠤ ᠳᠤ ᠰᠡ᠊ ×× ᠪᠠᠰᠠ ᠠᠮᠢᠰᠬᠤᠭ᠎ᠠ ᠲᠠᠢ ᠪᠠᠶᠢᠬᠤ ᠢ ᠦᠵᠡᠨ᠂ ᠬᠠᠨᠵᠤᠨ ᠳᠡᠭᠡᠷ᠎ᠡ ᠪᠠᠶᠢᠭᠰᠠᠨ ᠪᠤᠤᠳᠤ ᠠᠪᠴᠦ ᠰᠡ᠊ ×× ᠲᠣᠯᠣᠭᠠᠢ ᠳᠡᠭᠡᠷ᠎ᠡ ᠬᠡᠳᠦ ᠴᠠᠪᠴᠢᠪᠠ᠃ ᠵᠠᠯᠭᠠᠭᠠᠳ ᠴᠤ᠋×× ᠬᠦᠮᠦᠨ ᠳᠤ ᠰᠡᠵᠢᠭᠯᠡᠭᠳᠡᠬᠦ ᠠᠴᠠ ᠠᠶᠤᠵᠤ᠂ ᠰᠦ᠋×× ᠢ ᠰᠡ᠊ ×× ᠬᠤᠨᠢ ᠨᠢ ᠬᠤᠷᠤᠭᠠᠨ ᠠᠴᠠ ᠭᠠᠷᠭᠠᠴᠢᠬ᠎ᠠ ᠭᠡᠪᠡ᠃ ᠰᠦ᠋×× ᠲᠡᠭᠡᠭᠡᠳ ᠭᠠᠷᠴᠤ ᠬᠤᠨᠢ ᠬᠤᠷᠤᠭᠠᠨ ᠠᠴᠠ ᠨᠢ ᠭᠠᠷᠭᠠᠪᠠ᠃ ᠵᠠᠭᠠᠯᠳᠤᠭᠳᠠᠭᠴᠢ ᠰᠦ᠋×× ᠭᠠᠷᠤᠭᠰᠠᠨ ᠳᠠᠷᠠᠭ᠎ᠠ᠂ ᠵᠠᠭᠠᠯᠳᠤᠭᠳᠠᠭᠴᠢ ᠴᠤ᠋×× ᠴᠡ᠊×× ᠦᠮᠦᠳᠦ ᠡᠪᠦᠳᠦᠭ ᠬᠦᠷᠲᠡᠯ᠎ᠡ ᠨᠢ ᠲᠠᠶᠢᠯᠵᠤ᠂ ᠥᠪᠡᠷ ᠥᠮᠦᠳᠦ ᠪᠠᠨ ᠪᠠᠰᠠ‌ᠡᠪᠦᠳᠦᠭ ᠬᠦᠷᠲᠡᠯ᠎ᠡ ᠲᠠᠶᠢᠯᠵᠤ᠂ ᠴ᠊×× ᠢ ᠬᠠᠨᠵᠤᠨ ᠳᠡᠭᠡᠷ᠎ᠡ ᠳᠠᠷᠦᠵᠤ ᠬᠡᠪᠲᠡᠪᠠ᠃ ᠰᠦ᠋×× ᠬᠤᠨᠢ ᠭᠠᠷᠭᠠᠭᠠᠳ ᠭᠡᠷ ᠲᠤ ᠤᠷᠦᠬᠤ ᠳᠤ᠂ ᠴᠤ᠋×× ᠴᠡ᠊×× ᠭᠠᠷ ᠲᠤ ᠵᠡᠭᠦᠵᠤ ᠪᠠᠶᠢᠭᠰᠠᠨ ᠬᠤᠶᠠᠷ ᠮᠦᠩᠭᠦᠨ ᠪᠦᠭᠡᠵᠢ ᠢ ᠪᠤᠯᠢᠶᠠᠨ ᠠᠪᠴᠤ ᠰᠦ᠋×× ᠲᠤ ᠦᠭᠴᠦ᠂ ᠰᠦ᠋×× ᠢ ᠭᠠᠳᠠᠨ᠎ᠠ ᠭᠠᠷᠴᠤ ᠬᠠᠷᠠᠵᠤ ᠪᠠᠢ ᠭᠡᠪᠡ᠃ ᠰᠦ᠋×× ᠭᠠᠷᠤᠭᠰᠠᠨ ᠳᠠᠷᠠᠭ᠎ᠠ᠂ᠴᠤ᠋×× ᠠᠯᠪᠠᠳᠠᠯᠭ᠎ᠠ ᠪᠠᠷ ᠴᠡ᠊×× ᠲᠠᠢ ᠪᠡᠯᠭᠡ ᠬᠠᠷᠢᠴᠠᠭ᠎ᠠ ᠡᠭᠦᠰᠪᠡ᠃ ᠳᠠᠷᠠᠭ᠎ᠠ ᠨᠢ ᠴᠤ᠋×× ᠳᠠᠬᠢᠨ ᠴᠡ᠊×× ᠪᠠᠷ ᠬᠡᠦᠬᠡᠨ ᠢ ᠨᠢ ᠳᠠᠭᠤᠳᠠᠭᠤᠯᠪᠠ᠃ ᠴᠡ᠊×× ᠤᠲᠠᠰᠤ ᠠᠪᠴᠤ ᠬᠡᠦᠬᠡᠨ ᠳᠠᠭᠤᠳᠠᠭᠠᠳ ᠭᠡᠷ ᠠᠴᠠ ᠭᠠᠷᠴᠤ ᠬᠤᠨᠢ ᠤᠰᠤᠯᠬᠤ ᠳᠤ᠂ ᠴᠤ᠋×× ᠠᠷᠤ ᠠᠴᠠ ᠨᠢ ᠳᠠᠭᠠᠵᠤ ᠭᠠᠷᠴᠤ ᠴᠤᠭ ᠬᠤᠨᠢ ᠤᠰᠤᠯᠠᠪᠠ᠃ ᠬᠤᠶᠠᠷ ᠬᠦᠮᠦᠨ ᠬᠤᠨᠢ ᠤᠰᠤᠯᠬᠤ ᠳᠤ᠂ ᠨᠠ᠊××ᠰᠡ᠊ ×× ᠳᠤ ᠢᠷᠡᠪᠡ᠃ ᠴᠡ᠊×× ᠴᠤ᠋××᠂ ᠰᠦ᠋×× ᠠᠩᠬᠠᠷᠤᠮᠵᠢ ᠦᠭᠡᠢ ᠳᠤ᠂ ᠨᠠ᠊×× ᠲᠤ ᠤᠴᠢᠷ ᠭᠠᠷᠴᠠᠢ ᠭᠡᠳ ᠨᠠ᠊×× ᠮᠤᠲ᠋ᠤᠷ ᠳᠡᠭᠡᠷ᠎ᠡ ᠰᠠᠭᠤᠵᠤ ᠲᠤᠬᠠᠢ ᠲᠠᠯᠠᠪᠠᠢ ᠠᠴᠠ ᠳᠤᠲᠠᠭᠠᠨ ᠶᠠᠪᠤᠪᠠ᠃ ᠴᠤ᠋××᠂ ᠰᠦ᠋×× ᠴᠡ᠊×× ᠳᠤᠲᠠᠭᠠᠭᠰᠠᠨ ᠢ ᠦᠵᠡᠭᠡᠳ ᠲᠤᠬᠠᠢ ᠲᠠᠯᠠᠪᠠᠢ ᠠᠴᠠ ᠳᠤᠲᠠᠭᠠᠨ ᠶᠠᠪᠦᠪᠠ᠃ ᠳᠤᠲᠤᠭᠠᠳᠤ ᠢ ᠬᠠᠮᠠᠭᠠᠯᠠᠬᠤ ᠳᠤᠪᠴᠢᠶ᠎ᠠ 2012 ᠤᠨ 6 ᠰᠠᠷ᠎ᠠ 10 ᠡᠳᠦᠷ ᠦᠳᠡ ᠡᠮᠦᠨ᠎ᠡ ᠵᠢᠷᠦᠬᠡ ᠪᠠᠯᠭᠠᠰᠦᠨ ᠳᠤᠮᠳᠠᠤ᠋ᠰᠦ ᠭᠠᠴᠠᠭᠠᠨ ᠮᠠᠯᠴᠢᠨ ᠪᠠ᠊×× ᠭᠡᠷ ᠵᠤᠭᠤᠷᠢᠨ ᠠᠴᠠ ᠵᠠᠭᠠᠯᠳᠤᠭᠳᠠᠭᠴᠢ ᠴᠤ᠋××᠂ ᠰᠦ᠋×× ᠢ ᠪᠠᠷᠢᠪᠴᠢᠯᠠᠪᠠ᠃ ᠵᠠᠭᠠᠯᠳᠤᠭᠳᠠᠭᠴᠢ ᠴᠣ××6 ᠰᠠᠷ᠎ᠠ 11 ᠡᠳᠦᠷ ᠵᠣᠷᠢᠭᠤᠳᠠ ᠬᠦᠮᠦᠨ ᠠᠯᠠᠭᠰᠠᠨ ᠶᠠᠯ᠎ᠠ ᠬᠢᠭᠰᠡᠨ ᠰᠡᠵᠢᠭᠲᠡᠨ  ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠣᠲᠣᠭᠠᠳᠤ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠᠨ ᠳᠤ ᠡᠷᠡᠭᠦᠦ ᠲᠦᠷ ᠬᠤᠷᠢᠯᠲᠠ ᠪᠠᠷ ᠬᠤᠷᠢᠭᠳᠠᠵᠦ᠂ 7 ᠰᠠᠷ᠎ᠡ 13 ᠡᠳᠦᠷ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠᠨ ᠵᠥᠪᠰᠢᠶᠡᠷᠡᠯ  ᠪᠠᠷᠢᠪᠴᠢᠯᠠᠭᠳᠠᠪᠠ᠃ ᠵᠠᠭᠠᠯᠳᠤᠭᠳᠠᠭᠴᠢ ᠰᠦ᠋×× 6 ᠰᠠᠷ᠎ᠠ 11 ᠡᠳᠦᠷ ᠵᠣᠷᠢᠭᠤᠳᠠ ᠬᠦᠮᠦᠨ ᠠᠯᠠᠭᠰᠠᠨ ᠶᠠᠯ᠎ᠠ ᠬᠢᠭᠰᠡᠨ ᠰᠡᠵᠢᠭᠲᠡᠨ  ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠳᠣᠲᠣᠭᠠᠳᠤ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠᠨ ᠳᠤ ᠡᠷᠡᠭᠦᠦ ᠲᠦᠷ ᠬᠤᠷᠢᠯᠲᠠ ᠪᠠᠷ ᠬᠤᠷᠢᠭᠳᠠᠵᠦ᠂ 7 ᠰᠠᠷ᠎ᠡ 13 ᠡᠳᠦᠷ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠᠨ ᠵᠥᠪᠰᠢᠶᠡᠷᠡᠯ  ᠪᠠᠷᠢᠪᠴᠢᠯᠠᠭᠳᠠᠪᠠ᠃ ᠬᠠᠤᠯᠢ ᠡᠮᠴᠢ ᠰᠢᠯᠭᠠᠨ ᠪᠠᠶᠢᠴᠠᠭᠠᠭᠰᠠᠨ ᠄ 《 ᠬᠤᠤᠷᠯᠠᠭᠳᠠᠭᠴᠢ ᠰᠡ᠊ ×× ᠪᠡᠶ᠎ᠠ ᠤᠯᠠᠨ ᠬᠡᠰᠡᠭ ᠭᠠᠳᠠᠷ ᠰᠢᠷᠬᠠᠨ ᠠᠴᠠ ᠶᠡᠭᠡ ᠬᠡᠮᠵᠢᠶᠡᠨ ᠴᠢᠰᠦ ᠠᠯᠲᠠᠭᠳᠠᠭᠰᠠᠨ ᠠᠴᠠ ᠪᠤᠯᠵᠤ ᠦᠬᠦᠪᠡ᠂ ᠬᠤᠤᠷᠯᠠᠭᠳᠠᠭᠴᠢ ᠴᠡ᠊×× ᠰᠢᠷᠬ᠎ᠠ ᠬᠥᠩᠭᠡᠨ ᠰᠢᠷᠬ᠎ᠠ ᠪᠤᠯᠤᠨ᠎ᠠ》 ᠭᠡᠪᠡ᠃ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠦᠨ᠎ᠡ ᠬᠠᠩᠰᠢ ᠦᠨᠡᠯᠡᠨ ᠵᠢᠱᠢᠬᠦ ᠲᠦᠪ ᠰᠢᠯᠭᠠᠨ ᠪᠠᠶᠢᠴᠠᠭᠠᠭᠰᠠᠨ ᠄ 《ᠵᠠᠭᠠᠯᠳᠤᠭᠳᠠᠭᠴᠢ ᠴᠤ᠋××᠂ ᠰᠦ᠋×× ᠪᠤᠯᠢᠶᠠᠭᠰᠠᠨ ᠪᠤᠳᠠᠰ ᠥᠨ᠎ᠡ ᠨᠢ ᠠᠷᠠᠳ ᠵᠣᠭᠤᠰ ᠲᠠᠪᠢᠨ ᠲᠦᠭᠦᠷᠢᠭ ᠪᠤᠯᠤᠨ᠎ᠠ 》 ᠭᠡᠪᠡ᠃ ᠲᠤᠰ ᠬᠡᠷᠡᠭ ᠢ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠲᠣᠲᠣᠭᠠᠳᠤ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠᠨ ᠠᠴᠠ ᠮᠥᠷᠳᠡᠨ ᠪᠠᠶᠢᠴᠠᠭᠠᠵᠦ ᠳᠠᠭᠤᠰᠤᠭᠠᠳ᠂ 2012 ᠣᠨ 9 ᠰᠠᠷ᠎ᠠ 11 ᠡᠳᠦᠷ ᠴᠤ᠋×× ᠰᠦ᠋×× ᠵᠤᠷᠢᠭᠤᠳᠠ ᠬᠦᠮᠦᠨ ᠠᠯᠠᠭᠰᠠᠨ᠂ ᠲᠣᠨᠤᠨ ᠳᠡᠭᠡᠷᠡᠮᠳᠡᠭᠰᠡᠨ᠂ ᠴᠣ×× ᠬᠦᠴᠦᠷᠬᠡᠭᠯᠡᠨ ᠨᠦᠵᠢᠳᠯᠡᠭᠰᠡᠨ᠂ ᠰᠦ᠋×× ᠵᠤᠷᠢᠭᠤᠳᠠ ᠬᠦᠮᠦᠨ ᠢ ᠰᠢᠷᠬᠠᠳᠤᠭᠤᠯᠤᠭᠰᠠᠨ ᠬᠡᠷᠡᠭ ᠢ ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠᠨ ᠳᠤ ᠰᠢᠯᠵᠢᠭᠦᠯᠦᠨ ᠬᠦᠷᠭᠡᠪᠡ᠂ ᠲᠤᠰ ᠬᠤᠷᠢᠶ᠎ᠠ ᠨᠢ ᠬᠡᠷᠡᠭ ᠬᠤᠯᠪᠣᠭᠳᠠᠯ ᠪᠦᠬᠦᠢ ᠬᠠᠷᠢᠶᠠᠯᠠᠯ ᠳᠣᠭᠲᠠᠭᠠᠯ  2012 ᠣᠨ 10 ᠰᠠᠷ᠎ᠠ 29 ᠡᠳᠦᠷ ᠰᠢᠯᠢ ᠭᠤᠤᠯ ᠠᠶᠢᠮᠠᠭ ᠪᠠᠶᠢᠴᠠᠭᠠᠬᠤ ᠬᠤᠪᠢᠶᠠᠷᠢ ᠬᠤᠷᠢᠶᠠᠨ ᠳᠤ ᠮᠡᠳᠡᠭᠦᠯᠪᠡ᠃ ᠰᠢᠯᠢ ᠭᠤᠤᠯ ᠠᠶᠢᠮᠠᠭ ᠪᠠᠶᠢᠴᠠᠭᠠᠬᠤ ᠬᠤᠪᠢᠶᠠᠷᠢ ᠬᠤᠷᠢᠶ᠎ᠠ ᠬᠡᠷᠡᠭ ᠢ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠳᠠᠷᠠᠭ᠎ᠠ ᠵᠠᠭᠠᠯᠳᠤᠭᠳᠠᠭᠴᠢ ᠳᠤ ᠥᠮᠥᠭᠯᠡᠭᠴᠢ ᠵᠠᠯᠠᠬᠤ ᠡᠷᠬᠡ ᠲᠠᠢ ᠮᠡᠳᠡᠭᠳᠡᠨ᠂ ᠬᠤᠤᠷᠯᠠᠭᠳᠠᠭᠴᠢ ᠵᠢᠴᠢ ᠬᠤᠤᠷᠯᠠᠭᠳᠠᠭᠴᠢ ᠣᠶᠢᠷ᠎ᠠ ᠲᠦᠷᠦᠯ ᠰᠠᠳᠤᠨ ᠳᠤ ᠡᠷᠡᠭᠦᠦ ᠬᠡᠷᠡᠭ ᠢ ᠳᠠᠭᠠᠯᠳᠤᠭᠰᠠᠨ ᠢᠷᠭᠡᠨ ᠵᠠᠷᠭᠤ ᠬᠢᠬᠦ ᠡᠷᠬᠡ ᠲᠠᠢ ᠮᠡᠳᠡᠭᠳᠡᠵᠦ᠂ ᠵᠠᠭᠠᠯᠳᠤᠭᠳᠠᠭᠴᠢ ᠬᠠᠤᠯᠢ ᠶᠣᠰᠣᠭᠠᠷ ᠪᠠᠶᠢᠴᠠᠭᠠᠨ ᠰᠢᠭᠦᠨ ᠠᠰᠠᠭᠤᠵᠤ᠂ ᠬᠡᠷᠡᠭ ᠪᠦᠬᠦᠶᠢᠯᠡ ᠮᠠᠲᠸ᠋ᠷᠢᠶᠠᠯ ᠢ ᠬᠢᠨᠠᠨ ᠪᠠᠶᠢᠴᠠᠭᠠᠪᠠ᠃ 2013 ᠣᠨ 5 ᠰᠠᠷ᠎ᠠ 8 ᠡᠳᠦᠷ ᠰᠢᠯᠢ ᠭᠤᠤᠯ ᠠᠶᠢᠮᠠᠭ ᠪᠠᠶᠢᠴᠠᠭᠠᠬᠤ ᠬᠤᠪᠢᠶᠠᠷᠢ ᠬᠤᠷᠢᠶ᠎ᠠ ᠲᠤᠰ ᠬᠡᠷᠡᠭ ᠢ ᠰᠢᠯᠢ ᠭᠤᠣᠯ ᠠᠶᠢᠮᠠᠭ ᠠᠷᠠᠳ ᠳᠤᠮᠳᠠ ᠵᠡᠷᠭᠡ ᠰᠢᠭᠦᠬᠦ ᠬᠤᠷᠢᠶᠠᠨ ᠳᠤ ᠰᠢᠯᠵᠢᠭᠦᠯᠥᠨ ᠬᠦᠷᠭᠡᠪᠡ᠃᠂ ᠰᠢᠯᠢ ᠭᠤᠣᠯ ᠠᠶᠢᠮᠠᠭ ᠠᠷᠠᠳ ᠳᠤᠮᠳᠠ ᠵᠡᠷᠭᠡ ᠰᠢᠭᠦᠬᠦ ᠬᠤᠷᠢᠶ᠎ᠠ ᠰᠢᠭᠦᠨ ᠲᠠᠰᠤᠯᠤᠭᠰᠠᠨ ᠨᠢ᠄ ⑴ ᠵᠠᠭᠠᠯᠳᠤᠭᠳᠠᠭᠴᠢ ᠴᠣ×× ᠢ ᠵᠣᠷᠢᠭᠤᠳᠠ ᠬᠦᠮᠦᠨ ᠠᠯᠠᠭᠰᠠᠨ ᠶᠠᠯ᠎ᠠ ᠪᠠᠷ ᠠᠯᠠᠬᠤ ᠡᠷᠡᠭᠦᠦ ᠪᠠᠷ ᠰᠢᠳᠭᠡᠵᠦ᠂ ᠤᠯᠤᠰ ᠲᠥᠷᠦ ᠡᠷᠬᠡ ᠨᠢ ᠨᠠᠰᠤᠨ ᠲᠤᠷᠰᠢᠳᠠ ᠬᠠᠰᠤᠨ᠎ᠠ︔ ᠲᠣᠨᠣᠨ ᠳᠡᠭᠡᠷᠡᠮᠳᠡᠭᠰᠡᠨ ᠶᠠᠯ᠎ᠠ ᠪᠠᠷ ᠲᠠᠪᠤᠨ ᠵᠢᠯ ᠬᠤᠭᠤᠴᠠᠭ᠎ᠠ ᠲᠠᠢ ᠬᠤᠷᠢᠬᠤ ᠡᠷᠡᠭᠦᠦ ᠪᠠᠷ ᠰᠢᠳᠭᠡᠵᠦ᠂ 3000 ᠲᠥᠭᠦᠷᠢᠭ  ᠨᠡᠶᠢᠯᠡᠭᠦᠯᠦᠨ ᠶᠠᠯᠠᠳᠠᠨ᠎ᠠ︔ ᠨᠥᠵᠢᠳᠯᠡᠭᠰᠡᠨ ᠶᠠᠯ᠎ᠠ ᠪᠠᠷ ᠲᠠᠪᠤᠨ ᠵᠢᠯ ᠬᠤᠭᠤᠴᠠᠭ᠎ᠠ ᠲᠠᠢ ᠬᠤᠷᠢᠬᠤ ᠡᠷᠡᠭᠦᠦ ᠪᠠᠷ ᠰᠢᠳᠭᠡᠨ᠎ᠡ︔ ᠬᠡᠳᠦᠨ ᠶᠠᠯ᠎ᠠ ᠨᠡᠶᠢᠯᠡᠭᠦᠯᠦᠨ ᠠᠯᠠᠬᠤ ᠡᠷᠡᠭᠦᠦ ᠪᠠᠷ ᠰᠢᠳᠭᠡᠵᠦ᠂ ᠤᠯᠤᠰ ᠲᠦᠷᠥ ᠡᠷᠬᠡ ᠨᠢ ᠨᠠᠰᠤᠨ ᠲᠤᠷᠰᠢᠳᠠ ᠬᠠᠰᠤᠵᠦ᠂ 3000 ᠲᠥᠭᠦᠷᠢᠭ  ᠨᠡᠶᠢᠯᠡᠭᠦᠯᠦᠨ ᠶᠠᠯᠠᠳᠠᠪᠠ᠃ ⑵ ᠵᠠᠭᠠᠯᠳᠤᠭᠳᠠᠭᠴᠢ ᠰᠦ᠋×× ᠢ ᠵᠣᠷᠢᠭᠤᠳᠠ ᠬᠦᠮᠦᠨ ᠠᠯᠠᠭᠰᠠᠨ ᠶᠠᠯ᠎ᠠ ᠪᠠᠷ ᠠᠯᠠᠬᠤ ᠡᠷᠡᠭᠦᠦ ᠪᠠᠷ ᠰᠢᠳᠭᠡᠵᠦ᠂ ᠤᠯᠤᠰ ᠲᠥᠷᠦ ᠡᠷᠬᠡ ᠨᠢ ᠨᠠᠰᠤᠨ ᠲᠤᠷᠰᠢᠳᠠ ᠬᠠᠰᠤᠨ᠎ᠠ︔ ᠲᠣᠨᠣᠨ ᠳᠡᠭᠡᠷᠡᠮᠳᠡᠭᠰᠡᠨ ᠶᠠᠯ᠎ᠠ ᠪᠠᠷ ᠳᠥᠷᠪᠡᠨ ᠵᠢᠯ ᠬᠤᠭᠤᠴᠠᠭ᠎ᠠ ᠲᠠᠢ ᠬᠤᠷᠢᠬᠤ ᠡᠷᠡᠭᠦᠦ ᠪᠠᠷ ᠰᠢᠳᠭᠡᠵᠦ᠂ 3000 ᠲᠦᠭᠦᠷᠢᠭ  ᠶᠠᠯᠠᠳᠠᠬᠤ ᠪᠠᠷ ᠨᠡᠶᠢᠯᠡᠭᠦᠯᠦᠨ ᠰᠢᠳᠭᠡᠨ᠎ᠡ︔ ᠵᠣᠷᠢᠭᠤᠳᠠ ᠬᠦᠮᠦᠨ ᠢ ᠭᠡᠮᠲᠦᠭᠡᠭᠰᠡᠨ ᠶᠠᠯ᠎ᠠ ᠪᠠᠷ ᠬᠤᠶᠠᠷ ᠵᠢᠯ ᠬᠤᠭᠤᠴᠠᠭ᠎ᠠ ᠲᠠᠢ ᠬᠤᠷᠢᠬᠤ ᠡᠷᠡᠭᠦᠦ ᠪᠠᠷ ᠰᠢᠳᠭᠡᠨ᠎ᠡ︔ ᠬᠡᠳᠦᠨ ᠶᠠᠯ᠎ᠠ ᠨᠡᠶᠢᠯᠡᠭᠦᠯᠦᠨ ᠠᠯᠠᠬᠤ ᠡᠷᠡᠭᠦᠦ ᠪᠠᠷ ᠰᠢᠳᠭᠡᠵᠦ᠂ ᠤᠯᠤᠰ ᠲᠥᠷᠦ ᠡᠷᠬᠡ ᠨᠢ ᠨᠠᠰᠤᠨ ᠲᠤᠷᠰᠢᠳᠠ ᠬᠠᠰᠤᠵᠦ᠂ 3000 ᠲᠥᠭᠦᠷᠢᠭ  ᠨᠡᠶᠢᠯᠡᠭᠦᠯᠦᠨ ᠶᠠᠯᠠᠳᠠᠪᠠ᠃ ᠰᠢᠯᠢ ᠭᠤᠤᠯ ᠠᠶᠢᠮᠠᠭ ᠪᠠᠶᠢᠴᠠᠭᠠᠬᠤ ᠬᠤᠪᠢᠶᠠᠷᠢ ᠬᠤᠷᠢᠶ᠎ᠠ 2014 ᠤᠨ 6 ᠰᠠᠷᠠᠶᠢᠨ 30 ᠡᠳᠦᠷ 

ᠵᠣᠬᠢᠶᠠᠭᠴᠢ : 0