​ᠠᠳᠡᠯ  ᠬᠦᠮᠦᠨ ᠦᠬᠦᠬᠦᠯᠦᠭᠰᠡᠨ ᠶᠤᠮ ᠤᠤ ᠡᠰᠡᠬᠦᠯ᠎ᠡ ᠰᠠᠨᠠᠭᠠᠨ ᠳᠤ ᠦᠭᠡᠢ ᠬᠡᠷᠡᠭ ᠶᠠᠪᠤᠳᠠᠯ ᠶᠤᠮ ᠦᠦ

    ᠬᠡᠷᠡᠭ ᠪᠠᠶᠢᠳᠠᠯ ᠲᠤᠪᠴᠢ 

    2011 ᠤᠨ 3 ᠰᠠᠷ᠎ᠠ 27 ᠡᠳᠦᠷ ᠦᠷᠯᠦᠭᠡ 2 ᠴᠠᠭ ᠦᠶᠡᠰ ᠂ ᠯᠢ ᠤᠪᠤᠬᠳᠤ ᠪᠤᠯᠤᠨ ᠲᠡᠬᠦᠨ ᠡᠮᠡᠭᠳᠡᠢ ᠨᠠᠶᠢᠵᠠ ᠸᠠᠩ ᠤᠪᠤᠬᠳᠤ ᠲᠠᠢ ᠬᠤᠶᠠᠭᠤᠯᠠ ᠪᠠᠨ ᠠᠷᠢᠬᠢ ᠤᠤᠭᠤᠬᠰᠠᠨ ᠰᠡᠬᠦᠯᠡᠷ ᠬᠦᠬᠡᠬᠤᠳᠠ ᠬᠤᠳᠤᠩ ᠠᠷᠠᠳ ᠲᠤᠭᠤᠷᠢᠭ ᠤᠯᠠᠭᠠᠨ ᠲᠢᠶᠠᠲᠷ ᠵᠡᠭᠡᠯᠢ ᠪᠠᠷ ᠵᠡᠬᠦᠨ ᠠᠴᠠ ᠪᠠᠷᠠᠭᠤᠨᠰᠢ ᠠᠯᠬᠤᠭᠠᠳ ᠶᠠᠪᠤᠵᠦ ᠪᠠᠶᠢᠬᠤ ᠳᠤ᠂ ᠠᠷᠦ ᠠᠴᠠ ᠨᠢ ᠵᠢᠯᠤᠭᠤᠴᠢ ᠦ᠋ ᠤᠪᠤᠬᠳᠤ ᠲᠤᠮᠤ ᠪᠠᠷᠠᠭᠠᠨ ᠮᠠᠰᠢᠨ ᠵᠢᠯᠦᠭᠤᠳᠤᠨ ᠢᠷᠡᠪᠡ᠃ ᠲᠡᠭᠡᠭᠡᠳ ᠬᠤᠶᠠᠷ ᠲᠠᠯ᠎ᠠ ᠪᠠᠷ ᠠᠯᠬᠤᠵᠦ ᠶᠠᠪᠤᠭᠠᠳ ᠵᠠᠮ ᠬᠠᠷᠰᠢᠯᠠᠭᠰᠠᠨ ᠠᠴᠠ ᠪᠤᠯᠵᠦ ᠬᠡᠷᠡᠬᠦᠯ ᠡᠬᠦᠰᠴᠦ ᠭᠠᠷ ᠬᠦᠳᠡᠯᠦᠨ ᠵᠤᠳᠤᠯᠳᠤᠪᠠ᠃ ᠰᠡᠬᠦᠯᠡᠷ ᠨᠢ ᠦ᠋ ᠤᠪᠤᠬᠳᠤ ᠲᠤᠮᠤ ᠪᠠᠷᠠᠭᠠᠨ ᠮᠠᠰᠢᠨ ᠵᠢᠯᠦᠭᠤᠳᠤᠨ‌‍ᠲ᠋ᠤᠭᠤᠷᠢᠦ ᠵᠠᠮ  ᠶᠠᠪᠤᠭᠠᠳ ᠦᠪᠦᠷ ᠮᠤᠩᠭᠤᠯ ᠲᠤᠮᠤ ᠠᠰᠠᠷ ᠪᠠᠷᠢᠯᠭ᠎ᠠ ᠭᠠᠵᠠᠷ ᠡᠬᠦᠳᠡᠨ ᠡᠮᠦᠨ᠎ᠡ ᠬᠦᠷᠬᠦ ᠳᠤ᠂ ᠪᠠᠰᠠ ᠯᠡ ᠶᠠᠪᠤᠭᠠᠨ ᠶᠠᠪᠤᠭ᠎ᠠ ᠯᠢ ᠤᠪᠤᠬᠳᠤ ᠪᠠ ᠸᠠᠩ ᠤᠪᠤᠬᠳᠤ ᠲᠠᠢ ᠲᠠᠬᠢᠨᠳᠠ ᠠᠭᠤᠯᠵᠠᠵᠦ᠂ ᠬᠤᠶᠠᠷ ᠲᠠᠯ᠎ᠠ ᠪᠠᠷ ᠮᠦᠨ ᠬᠡᠷᠡᠬᠦᠯ ᠡᠬᠦᠰᠴᠦ ᠵᠠᠯᠭᠠᠭᠠᠳ ᠨᠤᠴᠤᠯᠳᠤᠵᠠᠢ᠃ ᠨᠤᠴᠤᠯᠳᠤᠵᠦ ᠪᠠᠶᠢᠭ᠎ᠠ ᠶᠠᠪᠤᠴᠠ ᠳᠤ᠂ ᠸᠠᠩ ᠤᠪᠤᠭᠳᠤ ᠠᠴᠠ ᠯᠢ ᠤᠪᠤᠬᠳᠤ ᠲᠤᠬᠤᠢ ᠠᠴᠠ ᠴᠢᠩᠭᠠᠭᠠᠵᠦ᠂ ᠯᠢ ᠤᠪᠤᠭᠳᠤ ᠡᠰᠡᠷᠬᠦ ᠡᠳᠡᠭᠡᠳ ᠴᠤᠬᠢᠬᠤ ᠬᠤᠷᠢᠭᠯᠠᠬᠤ ᠦᠶ᠎ᠡ ᠳᠤ᠂ ᠯᠢ ᠤᠪᠤᠬᠤ ᠲᠤᠬᠤᠢ ᠪᠠᠨ ᠬᠦᠴᠦᠳᠡᠢ ᠨᠢᠭᠡ ᠰᠠᠪᠠᠭᠰᠠᠨ ᠴᠢᠨᠢ᠂ ᠸᠠᠩ ᠤᠪᠤᠬᠳᠤ ᠰᠠᠪᠠᠭᠰᠠᠨ‌ᠠᠶ᠎ᠠ ᠪᠠᠷ ᠨᠢ ᠮᠠᠰᠢᠨ ᠲᠡᠷᠭᠡᠨ ᠵᠠᠮ ᠨᠢᠭᠡ ᠲᠠᠯ᠎ᠠ ᠭᠠᠵᠠᠷ ᠲᠤᠤᠷᠠᠬᠢ ᠤᠰᠤᠨ ᠬᠤᠳᠳᠤᠭ ᠠᠮᠠᠰᠠᠷ ᠬᠠᠵᠠᠭᠤ ᠳᠤ ᠰᠠᠪᠠᠵᠦ ᠤᠨᠠᠵᠠᠢ᠃ ᠲᠤᠳᠤᠭᠠᠳᠤ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶ᠎ᠠ ᠠᠵᠢᠯᠳᠠᠨ ᠲᠤᠬᠠᠢ ᠲᠠᠯᠠᠪᠤᠷ ᠲᠤ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠲᠠᠷᠠᠭ᠎ᠠ᠂ ᠯᠢ ᠤᠪᠤᠬᠳᠤ ᠨᠢ ᠲᠤᠳᠤᠭᠠᠳᠤ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶ᠎ᠠ ᠠᠵᠢᠯᠳᠠᠨ ᠸᠠᠩ ᠤᠪᠤᠬᠳᠤ ᠡᠮᠨᠡᠯᠭᠡ ᠳᠤ ᠬᠦᠷᠭᠡᠨ ᠠᠪᠤᠷᠠᠨ ᠵᠠᠰᠠᠭᠤᠯᠬᠤ ︵ᠯᠢ ᠤᠪᠤᠬᠳᠤ ᠦᠷ᠎ᠡ ᠤᠷᠰᠢᠭ ᠨᠢ ᠬᠦᠨᠳᠦ ᠨᠤᠴᠢᠳᠠᠢ ᠬᠡᠵᠦ ᠪᠤᠳᠤᠵᠦ ᠤᠯᠤᠭᠰᠠᠨ ᠦᠭᠡᠢ︶ ᠭᠡᠰᠡᠨ ᠢ ᠬᠤᠷᠢᠭᠯᠠᠵᠦ᠂ ᠡᠰᠡᠷᠬᠦ ᠡᠳᠡᠭᠡᠳ  2000 ᠲᠦᠭᠦᠷᠢᠭ ᠲᠤᠰᠢᠶᠠᠯᠭᠠᠭᠠᠳ ᠪᠠᠷᠠᠭᠠᠴᠢᠬᠠᠬᠤ ᠪᠠᠷ ᠲᠤᠷᠠᠳᠪᠠ᠃ ᠰᠡᠬᠦᠯᠡᠷ ᠨᠢ ᠲᠤᠳᠤᠭᠠᠳᠤ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶ᠎ᠠ ᠠᠵᠢᠯᠳᠠᠨ ᠲᠠᠬᠢᠨ ᠲᠠᠪᠳᠠᠨ ᠢᠳᠬᠠᠭᠰᠠᠨ  ᠯᠢ ᠤᠪᠤᠬᠳᠤ ᠰᠠᠶ᠋ᠢ ᠸᠠᠩ ᠤᠪᠤᠬᠳᠤ ᠦᠪᠦᠷ ᠮᠤᠩᠭᠤᠯ ᠡᠮᠨᠡᠯᠭᠡ ᠲᠡᠭᠡᠳᠦ ᠰᠤᠷᠭᠠᠭᠤᠯᠢ ᠬᠠᠷᠢᠶᠠᠳᠤ ᠡᠮᠨᠡᠯᠭᠡ ᠬᠤᠷᠢᠶᠠᠨ ᠳᠤ ᠬᠦᠷᠭᠡᠨ ᠠᠪᠤᠷᠠᠨ ᠵᠠᠰᠠᠭᠤᠯᠪᠠ᠃ 2011 ᠤᠨ 4 ᠰᠠᠷ᠎ᠠ 13 ᠡᠳᠦᠷ᠂ ᠸᠠᠩ ᠤᠪᠤᠬᠳᠤ ᠭᠠᠪᠠᠯᠠ ᠢᠷᠤᠭᠠᠷ ᠶᠠᠰᠤ ᠬᠤᠭᠤᠷᠠᠵᠦ᠂ ᠲᠠᠷᠢᠬᠢᠨ ᠭᠤᠤᠯ ᠨᠢ ᠬᠡᠮᠳᠦᠭᠰᠡᠨ ᠰᠡᠬᠦᠯᠡᠷ ᠮᠡᠳᠡᠭᠡ ᠠᠯᠳᠠᠵᠦ᠂ ᠤᠯᠠᠨ ᠡᠷᠭᠡᠳᠡᠨ ᠴᠢᠳᠠᠪᠬᠢ ᠨᠢ ᠪᠠᠭᠤᠷᠠᠭᠰᠠᠨ ᠠᠴᠠ ᠪᠤᠯᠵᠦ ᠦᠬᠦᠪᠡ᠃ 

    ᠵᠦᠷᠢᠯᠳᠦᠭᠡᠨ ᠲᠠᠢ ᠰᠠᠨᠠᠯ 

    ᠨᠢᠭᠡ ᠵᠦᠢᠯ ᠦᠵᠡᠯᠳᠡ ᠦᠵᠡᠬᠦ ᠪᠠᠷ᠂ ᠯᠢ ᠤᠪᠤᠬᠳᠤ ᠦᠢᠯᠡ ᠠᠵᠢᠯᠯᠠᠭ᠎ᠠ ᠨᠢ ᠶᠠᠯ᠎ᠠ ᠪᠤᠯᠵᠦ ᠪᠦᠷᠢᠯᠳᠦᠬᠦ ᠦᠭᠡᠢ᠃ ︽ᠪᠦᠬᠦᠳᠠ ᠨᠠᠶᠢᠷᠠᠮᠳᠠᠬᠤ ᠲᠤᠮᠳᠠᠳᠤ ᠠᠷᠠᠳ ᠤᠯᠤᠰ ᠡᠷᠡᠬᠦᠦ ᠬᠠᠦᠯᠢ︾ ᠠᠷᠪᠠᠨ ᠵᠢᠷᠭᠤᠳᠤᠭᠠᠷ ᠵᠦᠢᠯ ᠳᠤ᠄ ᠦᠢᠯᠡ ᠠᠵᠢᠯᠯᠠᠭ᠎ᠠ ᠨᠢ ᠬᠡᠳᠦᠶᠢᠪᠡᠷ ᠪᠤᠰᠤᠳᠴᠢ ᠲᠠᠯ᠎ᠠ ᠪᠠᠷ ᠬᠤᠬᠢᠷᠠᠯ ᠤᠴᠠᠷᠠᠭᠤᠯᠤᠭᠰᠠᠨ ᠪᠤᠯᠪᠠᠴᠦ ᠵᠤᠷᠢᠭᠤᠳᠠ ᠪᠤᠶᠤ ᠠᠳᠡᠯ  ᠬᠢᠭᠰᠡᠨ ᠪᠢᠰᠢ᠂ ᠬᠠᠷᠢᠨ ᠬᠤᠷᠢᠭᠯᠠᠭᠳᠠᠰᠢ ᠦᠭᠡᠢ ᠪᠤᠶᠤ ᠤᠷᠢᠳᠴᠢᠯᠠᠨ ᠮᠡᠳᠡᠵᠦ ᠴᠢᠳᠠᠰᠢ ᠦᠬᠡᠢ ᠰᠢᠯᠳᠠᠭᠠᠨ ᠠᠴᠠ ᠪᠤᠯᠤᠭᠰᠠᠨ ᠪᠠᠶᠢᠪᠠᠯ᠂ ᠶᠠᠯ᠎ᠠ ᠬᠢᠭᠰᠡᠨ ᠳᠤ ᠲᠤᠭᠠᠴᠠᠭᠳᠠᠬᠤ ᠦᠭᠡᠢ ᠭᠡᠵᠤ ᠲᠤᠭᠳᠠᠭᠠᠵᠠᠢ᠃ ᠸᠠᠩ ᠤᠪᠤᠭᠳᠤ ᠭᠠᠵᠠᠷ ᠲᠤ ᠤᠨᠠᠭᠠᠳ ᠭᠠᠪᠠᠯᠠ ᠢᠷᠤᠭᠠᠷ ᠶᠠᠰᠤ ᠬᠤᠭᠤᠷᠠᠵᠦ᠂ ᠲᠠᠷᠢᠬᠢᠨ ᠭᠤᠤᠯ ᠨᠢ ᠬᠡᠮᠳᠦᠭᠰᠡᠨ ᠲᠠᠷᠠᠭ᠎ᠠ᠂ ᠲᠦᠷᠭᠡᠨ ᠠᠪᠤᠷᠠᠭᠠᠳ ᠲᠤᠰᠠ ᠪᠤᠯᠤᠭᠰᠠᠨ ᠦᠭᠡᠢ ᠦᠬᠦᠪᠡ᠃ ᠬᠡᠳᠦᠶᠢᠪᠡᠷ ᠯᠢ ᠤᠪᠤᠬᠳᠤ ᠲᠤᠬᠤᠢ ᠪᠠᠨ ᠬᠦᠴᠦᠳᠡᠢ ᠨᠢᠭᠡ ᠰᠠᠪᠠᠭᠰᠠᠨ ᠦᠶ᠎ᠡ ᠳᠤ᠂ ᠸᠠᠩ ᠤᠪᠤᠬᠳᠤ ᠯᠢ ᠤᠪᠤᠬᠳᠤ ᠴᠢᠩᠭᠠᠭᠠᠵᠦ ᠪᠠᠶᠢᠭᠰᠠᠨ ᠭᠠᠷ ᠨᠢ ᠭᠤᠯᠭᠤᠨ ᠮᠤᠯᠳᠤᠷᠠᠭᠰᠠᠠ ᠠᠴᠠ ᠪᠤᠯᠤᠬᠰᠠᠨ ᠪᠤᠯᠪᠠᠴᠦ᠂ ᠯᠢ ᠤᠪᠤᠬᠳᠤ ᠲᠤᠬᠠᠢ ᠦᠶ᠎ᠡ ᠳᠤ ᠠᠷᠢᠬᠢᠨ ᠲᠠᠷᠠᠭ᠎ᠠ ᠰᠤᠬᠳᠤᠭᠤ ᠪᠠᠶᠢᠳᠠᠯ ᠲᠠᠢ ᠪᠠᠶᠢᠵᠦ᠂ ᠠᠩᠬᠠᠷᠤᠯ ᠨᠢ ᠮᠦᠨ ᠡᠰᠡᠷᠬᠦ ᠡᠳᠡᠭᠡᠳ ᠲᠡᠭᠡᠷ᠎ᠡ ᠲᠦᠪᠯᠡᠷᠡᠵᠦ ᠪᠠᠶᠢᠭᠰᠠᠨ ᠮᠦᠷᠳᠡᠭᠡᠨ ᠸᠠᠩ ᠤᠪᠤᠬᠳᠤ ᠤᠨᠠᠭᠰᠠᠨ ᠤᠷᠤᠨ ᠪᠠᠶᠢᠷᠢ ᠨᠢ ᠮᠠᠰᠢᠨ ᠲᠡᠷᠭᠡᠨ ᠵᠠᠮ ᠭᠠᠵᠠᠷ ᠲᠤᠤᠷᠠᠬᠢ ᠤᠰᠤᠨ ᠬᠤᠳᠳᠤᠭ ᠠᠮᠠᠰᠠᠷ ᠬᠠᠵᠠᠭᠤ ᠳᠤ ᠪᠠᠶᠢᠵᠦ᠂ ᠬᠤᠳᠳᠤᠭ ᠠᠮᠠᠰᠠᠷ ᠬᠦᠪᠡᠭᠡ ᠵᠠᠬ᠎ᠠ ᠳᠤ ᠲᠤᠷᠤᠬᠳᠠᠨ ᠤᠨᠠᠭᠰᠠᠨ ᠪᠤᠯᠤᠯᠴᠠᠭ᠎ᠠ ︵ᠬᠤᠳᠳᠤᠭ ᠠᠮᠠᠰᠠᠷ ᠪᠤᠯᠤᠨ ᠵᠠᠮ ᠭᠠᠳᠠᠷᠭᠤ ᠲᠡᠭᠰᠢ ᠦᠭᠡᠢ︶ ᠠᠷᠢᠯᠭᠠᠵᠦ ᠲᠡᠶᠢᠯᠬᠦ ᠦᠭᠡᠢ᠃ ᠲᠤᠬᠠᠢ ᠦᠶ᠎ᠡ ᠪᠠᠶᠢᠳᠠᠯ ᠪᠤᠯᠤᠨ ᠯᠢ ᠤᠪᠤᠬᠳᠤ ᠪᠡᠶᠡᠴᠢ ᠨᠦᠬᠦᠴᠡᠯ ᠢ ᠦᠨᠳᠦᠰᠦᠯᠡᠪᠡᠯ᠂ ᠲᠡᠬᠦᠨ ᠦᠢᠯᠡ ᠠᠵᠢᠯᠯᠠᠭ᠎ᠠ ᠨᠢ ᠬᠤᠤᠷ ᠬᠦᠨᠦᠬᠡᠯᠳᠦ ᠦᠷ᠎ᠡ ᠳ᠋ᠦᠩ ᠡᠬᠦᠰᠬᠡᠨ᠎ᠡ ᠬᠡᠳᠡᠭ ᠢ ᠤᠷᠢᠳᠴᠢᠯᠠᠨ ᠮᠡᠳᠡᠵᠦ ᠲᠡᠶᠢᠯᠬᠦ ᠦᠭᠡᠢ᠂ ᠯᠢ ᠤᠪᠤᠬᠳᠤ ᠨᠢ ᠲᠤᠳᠤᠭᠠᠳᠤ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠᠨ ᠠᠵᠢᠯᠳᠠᠨ ᠸᠠᠩ ᠤᠪᠤᠬᠳᠤ ᠡᠮᠨᠡᠯᠭᠡ ᠳᠤ ᠬᠦᠷᠭᠡᠬᠦ ᠬᠤᠷᠢᠭᠯᠠᠭᠰᠠᠨ ᠡᠨᠡᠬᠦ ᠦᠢᠯᠡ ᠪᠠᠶᠢᠳᠠᠯ ᠨᠢ᠂ ᠮᠦᠨ ᠡᠨᠡ ᠲᠠᠯ᠎ᠠ ᠬᠡᠷᠡᠴᠢᠯᠡᠵᠦ ᠪᠤᠯᠤᠨ᠎ᠠ᠃ ᠡᠶᠢᠮᠦ ᠠᠴᠠ᠂ ᠯᠢ ᠤᠪᠤᠬᠳᠤ ᠨᠢ ᠸᠠᠩ ᠤᠪᠤᠬᠳᠤ ᠦᠬᠦᠭᠰᠡᠨ ᠳᠤ ᠡᠷᠡᠬᠦᠦ ᠬᠠᠷᠢᠭᠤᠴᠠᠯᠭ᠎ᠠ ᠡᠬᠦᠷᠭᠡᠯᠡᠬᠦ ᠦᠭᠡᠢ ᠭᠡᠪᠡ᠃

    ᠨᠦᠬᠦᠭᠡ ᠨᠢᠭᠡ ᠵᠦᠢᠯ ᠦᠵᠡᠯᠳᠡ ᠦᠵᠡᠬᠦ ᠪᠠᠷ᠄ ᠯᠢ ᠤᠪᠤᠬᠳᠤ ᠦᠢᠯᠡ ᠠᠵᠢᠯᠯᠠᠭ᠎ᠠ ᠨᠢ ᠠᠳᠡᠯ  ᠬᠦᠮᠦᠨ ᠢ ᠦᠬᠦᠬᠦᠯᠦᠭᠰᠡᠨ ᠶᠠᠯ᠎ᠠ ᠪᠤᠯᠵᠦ ᠪᠦᠷᠢᠯᠳᠦᠨ᠎ᠡ᠃ ︽ᠪᠦᠬᠦᠳᠠ ᠨᠠᠶᠢᠷᠠᠮᠳᠠᠬᠤ ᠲᠤᠮᠳᠠᠳᠤ ᠠᠷᠠᠳ ᠤᠯᠤᠰ ᠡᠷᠡᠬᠦᠦ ᠬᠠᠦᠯᠢ︾ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠵᠦᠢᠯ ᠳᠤ᠄ ᠦᠪᠡᠷ ᠦᠢᠯᠡ ᠠᠵᠢᠯᠯᠠᠭ᠎ᠠ ᠨᠡᠶᠢᠬᠡᠮ ᠨᠡᠶᠢᠳᠡ ᠳᠤ ᠬᠤᠤᠷ ᠬᠦᠨᠦᠭᠡᠯ ᠲᠠᠢ ᠦᠷ᠎ᠡ ᠤᠷᠰᠢᠭ ᠭᠠᠷᠭᠠᠵᠦ ᠮᠡᠳᠡᠬᠦ ᠤᠷᠢᠳᠴᠢᠯᠠᠨ ᠮᠡᠳᠡᠬᠦ ᠶᠤᠰᠤᠳᠠᠢ ᠪᠤᠯᠪᠠᠴᠦ ᠠᠯᠮᠠᠶᠢᠷᠠᠨ ᠤᠰᠤᠯᠳᠠᠭᠰᠠᠨ ᠠᠴᠠ ᠪᠤᠯᠵᠦ ᠤᠷᠢᠳᠴᠢᠯᠠᠨ ᠮᠡᠳᠡᠵᠦ ᠴᠢᠳᠠᠭᠰᠠᠨ ᠦᠭᠡᠢ ᠪᠤᠶᠤ ᠤᠷᠢᠳᠴᠢᠯᠠᠨ ᠮᠡᠳᠡᠭᠰᠡᠨ ᠪᠤᠯᠪᠠᠵᠦ ᠵᠠᠶᠢᠯᠠᠭᠤᠯᠵᠦ ᠲᠡᠶᠢᠯᠦᠨ᠎ᠡ ᠭᠡᠵᠦ ᠠᠮᠠᠷᠬᠠᠨ  ᠢᠳᠡᠭᠡᠭᠡᠳ ᠲᠠᠶᠢᠮᠦ ᠦᠷ᠎ᠡ ᠤᠷᠰᠢᠭ ᠭᠠᠷᠭᠠᠬᠰᠠᠨ ᠪᠠᠶᠢᠪᠠᠯ ᠠᠳᠡᠯ  ᠬᠢᠭᠰᠡᠨ ᠶᠠᠯ᠎ᠠ ᠪᠤᠯᠤᠨ᠎ᠠ ᠭᠡᠵᠤ ᠲᠤᠭᠳᠠᠭᠠᠪᠠ᠃ ᠠᠷᠪᠠᠨ ᠨᠠᠢᠮᠠᠳᠤᠭᠠᠷ ᠵᠦᠢᠯ ᠲᠦᠷᠪᠡᠳᠦᠭᠡᠷ ᠵᠤᠷᠪᠤᠰ ᠲᠤ᠄ ᠰᠤᠬᠳᠤᠭᠤ ᠬᠦᠮᠦᠨ ᠶᠠᠯ᠎ᠠ ᠬᠢᠭᠰᠡᠨ ᠪᠠᠶᠢᠪᠠᠯ᠂ ᠡᠷᠡᠬᠦᠦ ᠬᠠᠷᠢᠭᠤᠴᠠᠯᠭ᠎ᠠ ᠬᠦᠯᠢᠶᠡᠬᠦ ᠶᠤᠰᠤᠳᠠᠢ᠃ ᠬᠤᠶᠠᠷ ᠵᠠᠭᠤ ᠭᠤᠴᠢᠨ ᠭᠤᠷᠪᠠᠳᠤᠭᠠᠷ ᠵᠦᠢᠯ ᠳᠤ᠄ ᠠᠳᠡᠯ  ᠬᠦᠮᠦᠨ ᠢ ᠦᠬᠦᠬᠦᠯᠦᠭᠰᠡᠨ ᠪᠤᠯ᠂ ᠭᠤᠷᠪᠠᠨ ᠵᠢᠯ ᠠᠴᠠ ᠲᠡᠭᠡᠭᠰᠢ ᠲᠤᠯᠤᠭᠠᠨ ᠵᠢᠯ ᠠᠴᠠ ᠲᠤᠭᠤᠭᠰᠢ ᠬᠤᠭᠤᠴᠠᠭ᠎ᠠ ᠲᠠᠢ ᠬᠤᠷᠢᠬᠤ ᠪᠠᠷ ᠰᠢᠳᠭᠡᠨ᠎ᠡ︔ ᠦᠢᠯᠡ ᠪᠠᠶᠢᠳᠠᠯ ᠨᠢ ᠬᠦᠩᠭᠡᠨ ᠰᠢᠭ ᠪᠠᠶᠢᠪᠠᠯ᠂ ᠭᠤᠷᠪᠠᠨ ᠵᠢᠯ ᠠᠴᠠ ᠲᠤᠭᠤᠭᠰᠢ ᠬᠤᠭᠤᠴᠠᠭ᠎ᠠ ᠲᠠᠢ ᠬᠤᠷᠢᠬᠤ ᠪᠠᠷ ᠰᠢᠳᠭᠡᠨ᠎ᠡ ᠭᠡᠵᠤ ᠲᠤᠭᠳᠠᠭᠠᠵᠠᠢ᠃ 

    ᠦᠨᠡᠯᠡᠨ ᠵᠠᠳᠠᠯᠤᠯᠳᠠ 

    ᠦᠢᠯᠡ ᠠᠵᠢᠯᠯᠠᠭᠠᠳᠠᠨ ᠨᠢ ᠦᠪᠡᠷ ᠦᠢᠯᠡ ᠠᠵᠢᠯᠯᠠᠭ᠎ᠠ ᠬᠤᠤᠷ ᠬᠦᠨᠦᠭᠡᠯ ᠲᠠᠢ ᠦᠷ᠎ᠡ ᠤᠷᠰᠢᠭ ᠭᠠᠷᠭᠠᠵᠦ ᠮᠡᠳᠡᠬᠦ ᠤᠷᠢᠳᠴᠢᠯᠠᠨ ᠮᠡᠳᠡᠬᠦ ᠶᠤᠰᠤᠳᠠᠢ ᠡᠰᠡᠬᠦ ᠪᠠᠷᠢᠮᠵᠢᠶ᠎ᠠ ᠨᠢ ᠶᠠᠮᠠᠷ ᠪᠤᠯᠬᠤ ᠲᠤᠬᠠᠢ ᠤᠨᠤᠯ ᠬᠦᠷᠢᠶᠠᠨ ᠳᠤ ᠦᠵᠡᠯᠳᠡ ᠨᠢ ᠨᠢᠭᠡᠳᠦᠯ ᠦᠭᠡᠢ᠃ ᠡᠩ ᠪᠠᠶᠢᠳᠠᠯ ᠲᠤᠤᠷ᠎ᠠ ᠦᠢᠯᠡ ᠠᠵᠢᠯᠠᠭᠠᠳᠠᠨ ᠲᠤᠰ ᠪᠡᠶ᠎ᠠ ᠨᠦᠬᠦᠴᠡᠯ ᠢ ᠦᠨᠳᠦᠰᠦᠯᠡᠨ᠎ᠡ᠂ ᠵᠢᠱᠢᠶᠡᠯᠡᠪᠡᠯ᠄ ᠨᠠᠰᠤ᠂ ᠪᠡᠶ᠎ᠠ ᠮᠠᠬᠠᠪᠤᠳ ᠪᠠᠶᠢᠳᠠᠯ᠂ ᠮᠡᠳᠡᠯᠭᠡ ᠬᠢᠷᠢ ᠭᠡᠮᠵᠢᠶ᠎ᠡ᠂ ᠠᠵᠢᠯ ᠲᠤᠷᠰᠢᠯᠭ᠎ᠠ ᠵᠡᠷᠭᠡ ᠨᠦᠬᠦᠴᠡᠯ᠃ ᠦᠪᠡᠷ ᠦᠢᠯᠡ ᠠᠵᠢᠯᠯᠠᠭ᠎ᠠ ᠬᠤᠤᠷ ᠬᠦᠨᠦᠭᠡᠯ ᠲᠠᠢ ᠦᠷ᠎ᠡ ᠤᠷᠰᠢᠭ ᠭᠠᠷᠭᠠᠵᠦ ᠮᠡᠳᠡᠬᠦ ᠤᠷᠢᠳᠴᠢᠯᠠᠨ ᠮᠡᠳᠡᠵᠦ ᠴᠢᠳᠠᠪᠠᠯ᠂ ᠦᠢᠯᠡ ᠠᠵᠢᠯᠯᠠᠭᠠᠳᠠᠨ ᠳᠤ ᠠᠪᠴᠦ ᠬᠡᠯᠡᠪᠡᠯ᠂ ᠲᠠᠷᠦᠢ ᠤᠷᠢᠳᠴᠢᠯᠠᠨ ᠮᠡᠳᠡᠬᠦ ᠶᠤᠰᠤᠳᠠᠢ᠃ ᠯᠢ ᠤᠪᠤᠭᠳᠤ ᠨᠢ ᠨᠠᠰᠤᠨ ᠳᠤ ᠬᠦᠷᠦᠭᠰᠡᠳ ᠪᠤᠯᠤᠭᠰᠠᠨ ᠬᠤᠪᠢ ᠳᠤ᠂ ᠬᠤᠶᠠᠷ ᠲᠠᠯ᠎ᠠ ᠪᠠᠷ ᠬᠠᠷᠢᠯᠴᠠᠨ ᠨᠤᠴᠤᠯᠳᠤᠵᠦ ᠪᠠᠶᠢᠬᠤ ᠦᠶ᠎ᠡ ᠳᠤ᠂ ᠸᠠᠩ ᠤᠪᠤᠬᠳᠤ ᠨᠢ ᠨᠡᠶᠢᠳᠡᠮ ᠯᠢ ᠤᠪᠤᠬᠳᠤ ᠭᠠᠷ ᠠᠴᠠ ᠴᠢᠩᠭᠠᠭᠠᠵᠦ᠂ ᠬᠡᠷᠡᠭ ᠪᠠᠶᠢᠳᠠᠯ ᠬᠦᠭᠵᠢᠯᠳᠡ ᠬᠤᠷᠢᠭᠯᠠᠵᠦ ᠪᠠᠶᠢᠪᠠ᠃ ᠯᠢ ᠤᠪᠤᠬᠳᠤ ᠨᠢ ᠡᠰᠡᠷᠬᠦ ᠡᠳᠡᠭᠡᠳ ᠲᠡᠭᠡᠨ ᠴᠤᠬᠢᠭᠳᠠᠭᠰᠠᠨ ᠲᠠᠷᠠᠭ᠎ᠠ ᠲᠤᠩ ᠠᠭᠤᠷᠯᠠᠵᠦ᠂ ᠸᠠᠩ ᠤᠪᠤᠬᠳᠤ ᠲᠡᠬᠦᠨ ᠭᠠᠷ ᠢ ᠴᠢᠩᠭᠠᠭᠠᠬᠤ ᠳᠤ᠂ ᠸᠠᠩ ᠤᠪᠤᠬᠳᠤ ᠭᠠᠷ ᠢ ᠬᠦᠴᠦᠳᠡᠢ ᠰᠠᠪᠠᠨ ᠶᠠᠪᠤᠭᠤᠯᠵᠠᠢ᠃ ᠡᠨᠡ ᠦᠶ᠎ᠡ ᠳᠤ᠂ ᠸᠠᠩ ᠤᠪᠤᠬᠳᠤ ᠪᠡᠶ᠎ᠡ ᠨᠢ ᠨᠢᠭᠡᠨᠳᠡ ᠬᠡᠯᠪᠡᠶᠢᠵᠦ᠂ ᠭᠠᠷ ᠨᠢ ᠬᠡᠨᠡᠳᠳᠡ ᠰᠠᠪᠠᠭᠳᠠᠭᠰᠠᠨ ᠲᠠᠷᠠᠭ᠎ᠠ᠂ ᠪᠡᠶ᠎ᠡ ᠨᠢ ᠲᠡᠩᠴᠡᠭᠦᠷᠢ ᠪᠠᠨ ᠠᠯᠳᠠᠵᠦ᠂ ᠭᠠᠵᠠᠷ ᠲᠤ ᠰᠠᠪᠠᠨ ᠤᠨᠠᠵᠠᠢ᠃ ᠯᠢ ᠤᠪᠤᠬᠳᠤ ᠨᠢ ᠲᠡᠭᠡᠷᠡᠬᠢ ᠦᠪᠡᠷ ᠦᠢᠯᠡ ᠠᠵᠢᠯᠯᠠᠭ᠎ᠠ ᠪᠠᠨ ᠬᠤᠤᠷ ᠬᠦᠨᠦᠭᠡᠯ ᠲᠠᠢ ᠦᠷ᠎ᠡ ᠤᠷᠰᠢᠭ ᠭᠠᠷᠭᠠᠵᠦ ᠮᠡᠳᠡᠬᠦ ᠤᠷᠢᠳᠴᠢᠯᠠᠨ ᠮᠡᠳᠡᠬᠦ ᠶᠤᠰᠤᠳᠠᠢ᠃ ᠯᠢ ᠤᠪᠤᠭᠳᠤ ᠨᠢ ᠠᠷᠢᠬᠢ ᠤᠤᠭᠤᠭᠠᠳ ᠬᠡᠳᠦᠷᠡᠭᠰᠡᠨ ᠨᠢ᠂ ᠬᠦᠩᠭᠡᠨ ᠬᠡᠮᠵᠢᠶᠡᠨ ᠹᠢᠽᠢᠤᠯᠤᠬᠢ ᠴᠢᠨᠠᠷᠳᠠᠢ ᠠᠷᠢᠬᠢᠨ ᠰᠤᠬᠳᠤᠭᠤᠷᠠᠯ ᠠᠴᠠ ᠪᠢᠰᠢ᠂ ᠡᠮᠭᠡᠭ ᠵᠦᠢ ᠠᠷᠢᠬᠢᠨ ᠰᠤᠬᠳᠤᠭᠤᠷᠠᠯ ᠪᠢᠰᠢ᠃ ᠸᠠᠩ ᠤᠪᠤᠭᠳᠤ ᠨᠢ ᠭᠠᠵᠠᠷ ᠲᠤ ᠤᠨᠠᠭᠰᠠᠠ ᠰᠡᠬᠦᠯᠡᠷ᠂ ᠯᠢ ᠤᠪᠤᠬᠳᠤ 3 ᠴᠠᠭ ᠤᠷᠴᠢᠮ ᠤᠷᠳᠤ ᠬᠤᠭᠤᠴᠠᠭᠠᠨ ᠲᠤᠳᠤᠷ᠎ᠠ ᠲᠤᠳᠤᠭᠠᠳᠤ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠᠨ ᠠᠵᠢᠯᠳᠠᠨ ᠸᠠᠩ ᠤᠪᠤᠬᠳᠤ ᠡᠮᠨᠡᠯᠭᠡ ᠳᠤ ᠬᠦᠷᠭᠡᠨ ᠡᠮᠴᠢᠯᠡᠬᠦᠯᠬᠦ ᠴᠢᠨᠡᠭᠡ ᠪᠠᠷ ᠬᠤᠷᠢᠭᠯᠠᠭᠰᠠᠨ ᠪᠦᠭᠡᠳ 2000 ᠲᠦᠭᠦᠷᠢᠭ ᠦᠭᠪᠡᠯ ᠬᠡᠷᠡᠭ ᠢ ᠲᠠᠭᠤᠰᠬᠠᠬᠤ ᠬᠡᠵᠦ ᠲᠤᠷᠠᠳᠤᠭᠰᠠᠨ ᠨᠢ᠂ ᠯᠢ ᠤᠪᠤᠬᠳᠤ ᠨᠢ ᠪᠡᠶᠡᠴᠢ ᠲᠠᠯ᠎ᠠ ᠪᠠᠷ ᠪᠡᠶ᠎ᠡ ᠳᠡᠭᠡᠨ ᠬᠡᠳᠦᠷᠭᠡᠢ ᠢᠳᠡᠭᠡᠭᠰᠡᠨ ᠠᠳᠡᠯ ᠪᠤᠯᠤᠭᠰᠠᠠ ᠢ ᠬᠦᠢᠴᠡᠳ ᠬᠡᠷᠡᠴᠢᠯᠡᠨ᠎ᠡ᠂ ᠬᠡᠬᠦ ᠮᠦᠷᠳᠡᠭᠡᠨ ᠬᠠᠦᠯᠢ ᠴᠠᠭᠠᠵᠠ ᠳᠤ᠄ ᠰᠤᠭᠳᠤᠭᠤ ᠬᠦᠮᠦᠨ ᠶᠠᠯ᠎ᠠ ᠬᠢᠪᠡᠯ᠂ ᠡᠷᠡᠬᠦᠦ ᠬᠠᠷᠢᠭᠤᠴᠠᠯᠭ᠎ᠠ ᠬᠦᠯᠢᠶᠡᠬᠦ ᠶᠤᠰᠤᠳᠠᠢ ᠭᠡᠵᠤ ᠲᠤᠭᠳᠠᠭᠠᠵᠠᠢ᠃ 

    ᠶᠡᠷᠦᠩᠭᠡᠶᠢᠯᠡᠪᠡᠯ᠂ ᠯᠢ ᠤᠪᠤᠭᠳᠤ ᠦᠢᠯᠡ ᠠᠵᠢᠯᠯᠠᠭ᠎ᠠ ᠠᠳᠡᠯ  ᠬᠦᠮᠦᠨ ᠢ ᠦᠬᠦᠬᠦᠯᠦᠭᠰᠡᠨ ᠶᠠᠯ᠎ᠠ ᠪᠠᠷ ᠮᠠᠭᠠᠳᠯᠠᠪᠠᠯ ᠵᠤᠬᠢᠨ᠎ᠠ᠃ 

ᠵᠣᠬᠢᠶᠠᠭᠴᠢ : ​ᠶᠦᠨ ᠸᠸ᠋ᠨ ᠫᠢᠩ