﹇ᠪᠠᠶᠠᠷ ᠮᠡᠳᠡᠭᠡ﹈ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠣᠨ ᠬᠤᠶᠢᠳᠦ ᠬᠤᠰᠢᠭᠤᠨ ᠠᠷᠠᠳ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠳᠣᠮᠳᠠᠳᠦ ᠦᠨᠳᠦᠰᠦᠳᠡᠨ ᠬᠠᠮᠳᠦ ᠵᠢᠨ ᠴᠣᠭᠴᠠ ᠣᠬᠠᠮᠰᠠᠷ ᠢ ᠪᠠᠳᠣᠵᠢᠭᠤᠯᠬᠤ ︽ᠠᠨᠠᠷ ᠦᠷᠡ ᠬᠢᠴᠢᠶᠡᠯ ᠲᠠᠩᠬᠢᠮ︾ ᠢᠷᠠᠭᠤ ᠠᠯᠳᠠᠷ ᠬᠦᠷᠲᠡᠪᠡ
2024-03-21 15:32:54
ᠣᠶᠢᠷᠠ ᠳᠤ ᠪᠣᠯᠣᠬᠰᠠᠨ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠣᠨ ᠬᠤᠶᠢᠳᠦ ᠬᠤᠰᠢᠭᠤᠨ ᠪᠦᠬᠦ ᠣᠯᠣᠰ ᠦᠨᠳᠦᠰᠦᠳᠡᠨ ᠪᠦᠯᠬᠦᠮᠳᠡᠯ ᠲᠠᠪᠰᠢᠯᠲᠠ ᠵᠢᠨ ᠵᠢᠱᠢᠶᠡᠴᠢ ᠬᠤᠰᠢᠭᠤ ᠪᠠᠶᠢᠭᠤᠯᠬᠤ ᠳᠠᠶᠢᠴᠢᠯᠠᠯᠲᠠ ᠶᠡᠭᠡ ᠬᠤᠷᠠᠯ ᠳᠡᠭᠡᠷᠡ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠣᠨ ᠬᠤᠶᠢᠳᠣ ᠬᠤᠰᠢᠭᠤᠨ ᠠᠷᠠᠳ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠᠨ ᠳᠣᠮᠳᠠᠳᠦ ᠦᠨᠳᠦᠰᠦᠳᠡᠨ ᠬᠠᠮᠳᠦ ᠵᠢᠨ ᠴᠣᠭᠴᠠ ᠣᠬᠠᠮᠰᠠᠷ ᠢ ᠪᠠᠳᠣᠵᠢᠭᠤᠯᠬᠤ ︽ᠠᠨᠠᠷ ᠦᠷᠡ ᠬᠢᠴᠢᠶᠡᠯ ᠲᠠᠩᠬᠢᠮ︾ ᠬᠤᠰᠢᠭᠤᠨ ᠳᠣᠮᠳᠠᠳᠦ ᠦᠨᠳᠦᠰᠦᠳᠡᠨ ᠬᠠᠮᠳᠦ ᠵᠢᠨ ᠴᠣᠭᠴᠠ ᠣᠬᠠᠮᠰᠠᠷ ᠢ ᠪᠠᠳᠣᠵᠢᠭᠤᠯᠬᠤ ︽ᠠᠨᠠᠷ ᠦᠷᠡ +N︾ ᠰᠢᠷᠢᠰ ᠨᠡᠷᠡᠲᠦ ᠪᠦᠲᠦᠭᠡᠭᠳᠡᠭᠦᠨ ᠵᠢᠱᠢᠶᠡᠴᠢ ᠪᠠᠶᠢᠭᠤᠯᠭᠠ ᠫᠠᠶᠢᠰᠠ ᠳᠣᠰᠴᠠᠢ᠃
ᠬᠤᠷᠴᠢᠨ ᠵᠡᠭᠦᠨ ᠭᠠᠷᠣᠨ ᠬᠤᠶᠢᠳᠦ ᠬᠤᠰᠢᠭᠤᠨ ᠠᠷᠠᠳ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠭᠠᠵᠠᠷ ᠣᠷᠣᠨ ᠣᠨᠴᠠᠯᠢᠭ ᠪᠠ ᠪᠠᠶᠢᠴᠠᠭᠠᠬᠤ ᠠᠵᠢᠯ ᠪᠣᠳᠠᠳᠣ ᠣᠶᠢᠯᠡᠳᠦᠯᠭᠡ ᠳᠤ ᠰᠠᠭᠤᠷᠢᠯᠠᠨ᠂ ︽1+ N︾ ᠠᠨᠠᠷ ᠦᠷᠡ ᠪᠠᠶᠢᠴᠠᠭᠠᠬᠤ ᠨᠡᠷᠡᠲᠦ ᠳᠡᠮᠳᠡᠭᠳᠦ ᠰᠢᠰᠲ᠋ᠧᠮ ᠲᠠᠢ ᠪᠠᠶᠢᠭᠤᠯᠵᠣ᠂ ᠰᠦᠯᠵᠢᠶᠡᠨ ᠪᠠ ᠪᠣᠳᠠᠳᠣ ᠲᠠᠩᠬᠢᠮ ︽ᠠᠨᠠᠷ ᠦᠷᠡ ᠬᠢᠴᠢᠶᠡᠯ ᠲᠠᠩᠬᠢᠮ︾ ᠢ ᠢᠳᠡᠪᠬᠢᠲᠡᠢ ᠪᠠᠶᠢᠭᠤᠯᠣᠨ᠂ ᠰᠣᠷᠣᠯᠴᠠᠬᠤ ᠪᠠᠷ ᠳᠠᠮᠵᠢᠨ ᠴᠢᠳᠠᠪᠦᠷᠢ ᠪᠠᠨ ᠨᠡᠮᠡᠭᠳᠡᠭᠦᠯᠬᠦ ᠪᠠᠷᠢᠮᠳᠠᠯᠠᠵᠣ᠂ ᠬᠡᠷᠡᠭᠯᠡᠬᠦ ᠲᠦᠯᠦᠭᠡ ᠰᠣᠷᠣᠯᠴᠠᠬᠤ ᠦᠨᠡᠨᠬᠦ ᠬᠦᠭᠡᠴᠡᠯᠳᠦᠨ᠂ ᠪᠠᠶᠢᠴᠠᠭᠠᠬᠤ ᠡᠩᠨᠡᠭᠡᠨ ᠬᠡᠪ ᠴᠢᠳᠠᠪᠣᠷᠢ ᠳᠡᠭᠡᠭᠰᠢᠯᠡᠯᠲᠡ ᠵᠢᠨ ᠬᠢᠵᠠᠭᠠᠷᠯᠠᠯ ᠨᠦᠭᠦᠴᠡᠯ ᠢ ᠡᠪᠳᠡᠨ᠂ ᠪᠠᠶᠢᠴᠠᠭᠠᠬᠤ ᠠᠵᠢᠯ ᠦᠨᠳᠦᠷ ᠪᠦᠲᠦᠮᠵᠢᠲᠡᠢ ᠬᠦᠭᠵᠢᠯᠲᠡ ᠠᠬᠢᠭᠤᠯᠪᠠ᠃
ᠨᠢᠭᠡ᠂ ᠨᠢᠭᠡᠲᠦᠯᠲᠡᠢ ᠲᠦᠰᠦᠪᠯᠡᠵᠦ᠂ ᠦᠨᠳᠦᠰᠦᠨ ᠱᠠᠲᠣᠨ ᠬᠢᠴᠢᠶᠡᠯᠯᠡᠬᠦ ᠲᠠᠩᠬᠢᠮ ᠳᠠᠪᠠᠭᠤᠯᠢᠭ ᠢ ᠦᠷᠭᠦᠯᠵᠢᠯᠡᠨ ᠪᠠᠳᠠᠷᠠᠭᠤᠯᠪᠠ᠃
ᠬᠤᠷᠴᠢᠨ ᠵᠡᠭᠦᠨ ᠭᠠᠷᠣᠨ ᠬᠤᠶᠢᠳᠣ ᠬᠤᠰᠢᠭᠤᠨ ᠠᠷᠠᠳ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ 2016 ᠣᠨ ᠳᠤ ᠲᠥᠩᠯᠢᠶᠥᠥ ᠬᠤᠳᠠ ᠣᠬᠠᠭᠤᠯᠬᠤ ᠬᠡᠯᠲᠡᠰ ᠲᠤ ᠦᠨᠳᠦᠰᠦᠨ ᠱᠠᠳᠣᠨ ᠵᠢᠱᠢᠶᠡᠴᠢ ᠬᠢᠴᠢᠶᠡᠯ ᠲᠠᠩᠬᠢᠮ ᠦᠨᠡᠯᠡᠭᠳᠡᠭᠰᠡᠨ ᠰᠠᠭᠤᠷᠢᠨ ᠳᠡᠭᠡᠷᠡ᠂ ︽ ᠡᠷᠲᠡᠯᠡᠨ ᠰᠣᠷᠴᠣ ᠡᠷᠲᠡ ᠪᠣᠯᠪᠠᠰᠣᠷᠠᠬᠤ︾᠂ ︽ᠪᠠᠶᠢᠴᠠᠭᠠᠬᠤ ᠳᠣᠰᠢᠶᠠᠯᠳᠠᠨ ᠪᠠᠶᠢᠴᠠᠭᠠᠬᠤ ᠦᠯᠢᠭᠡᠷ ᠪᠠᠨ ᠶᠠᠷᠢᠬᠤ︾᠂ ︽ᠨᠠᠮ ᠳᠡᠥᠬᠡ ᠰᠣᠷᠴᠣ᠂ ᠦᠵᠡᠯ ᠰᠠᠨᠠᠭᠠ ᠣᠬᠠᠨ᠂ ᠪᠣᠳᠠᠳᠣ ᠠᠵᠢᠯ ᠬᠢᠵᠦ᠂ ᠰᠢᠨᠡ ᠦᠢᠯᠡᠰ ᠪᠦᠲᠦᠭᠡᠬᠦ︾ ᠵᠡᠷᠭᠡ ᠬᠦᠳᠡᠯᠭᠡᠭᠡᠨ ᠳᠠᠮᠵᠢᠨ᠂ ᠪᠠᠶᠢᠴᠠᠭᠠᠬᠤ ᠠᠵᠢᠯᠲᠠᠳ ᠦᠵᠡᠯ ᠣᠬᠠᠮᠰᠠᠷ ᠦᠨᠳᠦᠰᠦ ᠰᠠᠭᠤᠷᠢ ᠴᠢᠩᠭᠠ ᠪᠠᠳᠣᠵᠢᠭᠤᠯᠪᠠ᠃ ᠦᠨᠦ ᠵᠢᠯ 3 ᠰᠠᠷᠠ ᠳᠤ ᠲᠤᠰ ᠬᠤᠷᠢᠶᠠ ︽ᠠᠨᠠᠷ ᠦᠷᠡ ᠬᠢᠴᠢᠶᠡᠯ ᠲᠠᠩᠬᠢᠮ︾ ᠫᠠᠶᠢᠰᠠ ᠡᠯᠭᠦᠭᠰᠡᠨ ᠠᠴᠠ ᠨᠠᠰᠢ ︽ ᠺᠠᠳ᠋ᠷ ᠠᠵᠢᠯᠲᠡᠨ ᠬᠡᠴᠢᠶᠠᠯ ᠶᠠᠷᠢᠬᠤ︾᠂ ︽ᠪᠠᠶᠢᠴᠠᠭᠠᠭᠴᠢ ᠬᠢᠴᠢᠶᠡᠯ ᠳᠠᠶᠢᠰᠠᠨ ᠳᠤ ᠰᠠᠭᠠᠳᠠᠬᠤ︾᠂ ︽ᠬᠡᠯᠲᠡᠰ ᠬᠠᠷᠢᠭᠤᠴᠠᠯᠭᠠᠳᠠᠨ ᠬᠢᠴᠢᠶᠡᠯ ᠶᠠᠷᠢᠬᠤ︾᠂ ︽ᠳᠣᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠬᠢᠴᠢᠶᠡᠯ ᠶᠠᠷᠢᠬᠤ︾ ᠵᠡᠷᠭᠡ ᠳᠣᠰᠬᠠᠢ ᠰᠡᠳᠦᠪᠳᠦ ᠪᠣᠯᠪᠠᠰᠣᠷᠠᠯ ᠢ 22 ᠣᠳᠠᠭᠠ ᠦᠷᠨᠢᠭᠦᠯᠵᠤ᠂ ︽ᠭᠤᠷᠪᠠᠨ ᠪᠦᠷᠢᠮᠦᠰᠦᠨ ᠮᠠᠶ᠋ᠢᠭ︾ ᠳᠠᠳᠣᠯᠭᠠ ᠪᠣᠯᠪᠠᠰᠣᠷᠠᠯ ᠠᠵᠢᠯ ᠱᠠᠭᠠᠷᠳᠠᠯᠭᠠ ᠣᠯᠠᠮ ᠪᠣᠳᠠᠳᠠᠶᠢᠵᠢᠭᠤᠯᠪᠠ᠃
ᠬᠤᠶᠠᠷ᠂ ᠬᠠᠮ ᠵᠠᠭᠤᠴᠢᠯᠠᠭᠤᠷ ᠲᠤ ᠲᠦᠰᠢᠭᠯᠡᠨ᠂ ᠰᠦᠯᠵᠢᠶᠡᠨ ᠳ᠋ᠡᠬᠢ ︽ᠡᠭᠦᠯᠡᠨ ᠬᠢᠴᠢᠶᠡᠯ ᠲᠠᠩᠬᠢᠮ︾ ᠰᠠᠶᠢᠳᠣᠷ ᠠᠰᠢᠭᠯᠠᠪᠠ᠃
ᠬᠤᠷᠴᠢᠨ ᠵᠡᠭᠦᠨ ᠭᠠᠷᠣᠨ ᠬᠤᠶᠢᠳᠣ ᠬᠤᠰᠢᠭᠤᠨ ᠠᠷᠠᠳ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ ᠬᠠᠮ ᠵᠠᠭᠤᠴᠢᠯᠠᠭᠤᠷ ᠠᠵᠢᠯ ᠳᠠᠰᠤᠭ ᠲᠤ ᠲᠦᠰᠢᠭᠯᠡᠵᠦ᠂ ᠨᠡᠶᠢᠲᠡ ᠳ᠋ᠣᠭᠠᠷ ᠲᠤ ᠪᠠᠨ ᠠᠨᠠᠷ ᠦᠷᠡ ᠪᠢᠴᠢᠯ ᠬᠢᠴᠢᠶᠡᠯ ᠲᠠᠩᠬᠢᠮ ᠪᠠ ᠨᠠᠮ ᠬᠤᠷᠢᠳᠣᠭᠠᠷ ᠶᠡᠭᠡ ᠬᠤᠷᠠᠯ ᠸᠢᠴᠠᠲ ᠬᠢᠴᠢᠶᠡᠯ ᠲᠠᠩᠬᠢᠮ ᠬᠦᠳᠡᠯᠭᠡᠭᠡᠨ ᠦᠷᠨᠢᠭᠦᠯᠵᠤ᠂ ᠭᠠᠳᠠᠭᠰᠢ ᠭᠠᠷᠴᠦ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠬᠦᠮᠦᠰ ᠲᠤ ᠳᠦᠭᠦᠮ ᠦᠵᠡᠭᠦᠯᠬᠦ ᠬᠠᠮᠳᠦ ᠬᠤᠷᠢᠶᠠᠨ ᠪᠠᠶᠢᠴᠠᠭᠠᠬᠤ ᠠᠵᠢᠯᠲᠠᠳ ︽ᠰᠣᠯᠡ ᠴᠠᠭ ᠲᠤ ᠪᠠᠨ ᠶᠠᠭᠤ ᠰᠣᠷᠣᠯᠴᠠᠬᠤ ︾ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠨ ᠦᠭᠴᠡᠢ᠃ ᠠᠨᠠᠷ ᠦᠷᠡ ᠪᠢᠴᠢᠯ ᠬᠢᠴᠢᠶᠡᠯ ᠳᠡᠭᠡᠷᠡ ᠦᠨᠳᠦᠰᠦᠳᠡᠨ ᠲᠦᠷᠦ ᠪᠣᠳᠣᠯᠭᠠ᠂ ᠣᠯᠣᠰ ᠨᠢᠭᠡᠲᠦᠯᠲᠡᠢ ᠬᠡᠷᠡᠭᠯᠡᠵᠦ ᠪᠠᠶᠢᠭᠠ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭ᠂ ᠭᠤᠷᠪᠠᠨ ᠳᠣᠭᠳᠠᠭᠠᠯ᠂ ᠭᠤᠣᠯ ᠰᠡᠳᠦᠪᠳᠦ ᠬᠦᠮᠦᠵᠢᠯ ᠮᠡᠳᠡᠯᠭᠡ 31 ᠬᠤᠭᠤᠴᠠᠭᠠ ᠬᠠᠮᠣᠷᠣᠨ ᠨᠡᠶᠢᠲᠠᠯᠡᠵᠦ᠂ ᠨᠠᠮ ᠬᠤᠷᠢᠳᠣᠭᠠᠷ ᠶᠡᠭᠡ ᠬᠤᠷᠠᠯ ᠸᠢᠴᠠᠲ ᠬᠢᠴᠢᠶᠡᠯ ᠲᠠᠩᠬᠢᠮ ᠬᠦᠯᠢᠶᠡᠨ ᠠᠪᠣᠭᠴᠢ ᠣᠨᠴᠠᠯᠢᠭ ᠲᠤ ᠳᠣᠬᠢᠷᠠᠭᠤᠯᠣᠨ ᠣᠩᠰᠢᠵᠦ ᠮᠡᠳᠡᠭᠡᠯᠡᠬᠦ ᠬᠡᠯᠪᠡᠷᠢ ᠪᠠᠷ 28 ᠬᠤᠭᠤᠴᠠᠭᠠ ᠡᠷᠬᠢᠯᠡᠵᠦ᠂ ᠬᠠᠪᠣᠷ ᠲᠠᠷᠢᠶᠠᠯᠠᠭᠠ ᠣᠨᠴᠠᠭᠠᠢ ᠦᠶᠡ ᠳᠤ ᠳᠣᠰᠬᠠᠶᠢᠯᠠᠨ ᠪᠡᠯᠡᠳᠬᠡᠭᠰᠡᠨ ᠲᠠᠪᠣᠨ ᠬᠤᠭᠤᠴᠠᠭᠠᠨ ᠳᠤ ᠨᠡᠭᠡᠭᠡᠭᠰᠡᠨ ︽ᠲᠡᠷᠢᠶᠠᠨ ᠡᠮ ᠪᠣᠭᠤᠯᠲᠠ ᠬᠠᠶᠠᠭᠳᠠᠮᠠᠯ ᠪᠣᠳᠠᠰ ᠪᠠ ᠳᠠᠷᠢᠶᠠᠯᠠᠩ ᠪᠦᠷᠬᠦᠪᠴᠢ ᠪᠣᠬᠢᠷᠳᠠᠯ ᠢ ᠰᠡᠷᠭᠡᠶᠢᠯᠡᠬᠦ︾ ᠬᠠᠣᠯᠢ ᠲᠦᠭᠡᠮᠡᠯᠵᠢᠭᠦᠯᠬᠦ ᠹᠢᠯᠢᠮ ᠨᠢ ᠲᠦᠩᠯᠢᠶᠤᠤ ᠬᠤᠳᠠ ᠬᠠᠣᠯᠢ ᠴᠠᠭᠠᠵᠠ ᠵᠦᠪᠯᠡᠯ᠂ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠣᠨ ᠬᠤᠶᠢᠳᠣ ᠬᠤᠰᠢᠭᠤᠨ ᠬᠠᠮ ᠵᠠᠭᠤᠴᠢᠯᠠᠭᠤᠷ ᠲᠦᠪ ᠲᠤ ᠲᠠᠮᠵᠢᠭᠤᠯᠤᠭᠳᠠᠨ ᠨᠡᠶᠢᠲᠡᠯᠡᠭᠳᠡᠵᠦ᠂ ᠬᠦᠯᠢᠶᠠᠨ ᠠᠪᠣᠭᠴᠢ ᠳᠤᠭᠠ ᠲᠦᠮᠡ ᠳᠠᠪᠠᠵᠠᠢ᠃
ᠭᠤᠷᠪᠠ᠂ ᠰᠣᠷᠴᠦ ᠬᠢᠬᠦ ᠪᠠᠷ ᠬᠦᠳᠡᠯᠭᠡᠬᠦ ᠬᠦᠴᠦᠨ ᠪᠣᠯᠭᠠᠵᠣ᠂ ᠪᠠᠶᠢᠴᠠᠭᠠᠬᠤ ᠠᠵᠢᠯ ᠦᠨᠳᠦᠷ ᠴᠢᠨᠰᠠᠭᠠᠲᠠᠢ ᠬᠦᠭᠵᠢᠯᠲᠡ ᠲᠦᠯᠬᠢᠨ ᠠᠬᠢᠭᠤᠯᠪᠠ᠃
ᠠᠨᠠᠷ ᠦᠷᠡ ᠪᠢᠴᠢᠯ ᠬᠢᠴᠢᠶᠡᠯ ᠲᠠᠩᠬᠢᠮ ᠪᠠᠶᠢᠭᠤᠯᠣᠯᠲᠠ ᠳᠣᠰ ᠬᠤᠷᠢᠶᠠᠨ ᠪᠠᠶᠢᠴᠠᠭᠠᠬᠤ ᠠᠵᠢᠯᠲᠠᠳ ᠳᠣᠬᠠᠶᠢᠯᠠᠭᠰᠠᠨ ᠠᠵᠢᠯ ᠴᠢᠳᠠᠪᠦᠷᠢ ᠪᠠ ᠬᠠᠣᠯᠢ ᠪᠠᠷᠢᠵᠤ ᠵᠠᠰᠠᠭ ᠶᠠᠪᠣᠭᠤᠯᠬᠤ ᠴᠢᠳᠠᠪᠣᠷᠢ ᠳᠡᠭᠡᠭᠰᠢᠯᠡᠯᠲᠡ ᠳᠤ ᠬᠦᠴᠦ ᠨᠡᠮᠡᠷᠢᠯᠡᠨ᠂ ᠪᠠᠶᠢᠴᠠᠭᠠᠬᠤ ᠡᠩᠨᠡᠭᠡᠨ ᠴᠢᠳᠠᠪᠦᠷᠢ ᠬᠢᠷᠢ ᠲᠦᠪᠰᠢᠨ ᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠪᠠ ᠨᠡᠶᠢᠲᠡ ᠢᠲᠡᠭᠡᠮᠵᠢ ᠬᠦᠴᠦᠨ ᠢ ᠰᠠᠶᠢᠵᠢᠷᠠᠭᠤᠯᠬᠤ ᠦᠨᠳᠦᠰᠦ ᠪᠢᠯᠡ᠃ ᠡᠨᠡᠬᠦ ᠠᠵᠢᠯᠯᠠᠭᠭᠠ ᠪᠠᠷ ᠳᠠᠮᠵᠢᠨ ᠲᠤᠰ ᠬᠤᠷᠢᠶᠠᠨ 21 ᠵᠠᠯᠠᠭᠤ ᠺᠠᠳ᠋ᠷ᠂ 3 ᠳᠣᠬᠠᠶᠢᠯᠠᠭᠰᠠᠨ ᠠᠵᠢᠯ ᠭᠠᠪᠰᠢᠭᠠᠶᠢᠯᠠᠭᠴᠢ᠂ 2 ᠵᠠᠰᠠᠭ ᠵᠠᠬᠢᠷᠭᠠᠨ ᠨᠡᠶᠢᠯᠡᠮᠡᠯ ᠴᠢᠳᠠᠪᠣᠷᠢᠲᠠᠨ ᠳᠣᠬᠠᠶᠢᠯᠠᠭᠰᠠᠨ ᠠᠵᠢᠯ ᠴᠢᠳᠠᠪᠣᠷᠢᠲᠠᠨ ᠬᠦᠮᠦᠷᠭᠡ ᠳᠤ ᠣᠷᠣᠭᠰᠠᠨ ᠪᠠᠶᠢᠨᠠ᠃ 19 ᠬᠤᠣᠰ ᠪᠠᠭᠰᠢ ᠱᠠᠪᠢ ᠪᠠᠷᠢᠯᠳᠣᠯᠭᠠ ᠪᠦᠷᠢᠯᠳᠦᠵᠦ᠂ 37 ᠬᠦᠮᠦᠨ ᠬᠠᠣᠯᠢ ᠴᠠᠭᠠᠵᠠ ᠳᠣᠬᠠᠶᠢᠯᠠᠭᠰᠠᠨ ᠠᠵᠢᠯ ᠬᠢᠷᠢ ᠬᠡᠮ ᠰᠢᠯᠭᠠᠯᠲᠠ ᠦᠩᠭᠡᠷᠡᠵᠦ᠂ ᠬᠢᠷᠢ ᠬᠡᠮ ᠬᠦᠷᠲᠡᠭᠰᠡᠨ ᠨᠣᠷᠮᠠ ᠨᠢ 50 % ᠳᠦ ᠳᠣᠯᠵᠠᠢ᠃ 2023 ᠣᠨ ᠳᠤ 2 ᠬᠦᠮᠦᠨ ᠣᠯᠣᠰ ᠳᠡᠰ ᠢᠷᠠᠭᠤ ᠠᠯᠳᠠᠷ᠂ 2 ᠬᠦᠮᠦᠨ ᠣᠷᠣᠨ ᠳᠠᠰ ᠢᠷᠠᠭᠤ ᠠᠯᠳᠠᠷ᠂ 24 ᠬᠦᠮᠦᠨ ᠬᠤᠳᠠ ᠳᠡᠰ ᠢᠷᠠᠭᠤ ᠠᠯᠳᠠᠷ ᠬᠦᠷᠳᠠᠵᠤ᠂ ᠢᠷᠭᠡᠨ ᠬᠡᠷᠡᠭ ᠨᠢᠭᠡ ᠬᠡᠷᠡᠭ ᠵᠢᠱᠢᠶᠡ ᠣᠷᠣᠨ ᠨᠡᠶᠢᠲᠡᠯᠢᠭ ᠬᠡᠷᠡᠭ ᠵᠢᠱᠢᠶᠠ ᠪᠡᠷ ᠰᠤᠩᠭᠤᠭᠳᠠᠵᠤ᠂ ᠪᠠᠶᠢᠴᠠᠭᠠᠬᠤ ᠮᠡᠷᠭᠡᠵᠢᠯ ᠨᠢᠭᠡ ᠬᠡᠷᠡᠭ ᠵᠢᠱᠢᠶᠠ ᠦᠨᠳᠦᠷ ᠵᠡᠷᠭᠡ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠᠨ ᠳᠤ ᠦᠨᠡᠯᠡᠭᠦᠯᠬᠦ ᠪᠠᠷ ᠳᠡᠪᠰᠢᠭᠦᠯᠦᠭᠳᠡᠵᠦ᠂ ᠪᠦᠬᠦ ᠬᠤᠷᠢᠶᠠᠨ ᠪᠠᠶᠢᠴᠠᠭᠠᠬᠤ ᠠᠵᠢᠯᠲᠠᠳ ᠠᠲᠠᠭᠠᠷᠬᠠᠨ ᠰᠤᠷᠤᠯᠴᠠᠵᠤ ᠪᠣᠯᠢᠶᠠᠯᠳᠤᠨ ᠠᠵᠢᠯᠯᠠᠬᠤ᠂ ᠢᠳᠡᠪᠬᠢᠲᠡᠢ ᠳᠠᠪᠰᠢᠨ ᠣᠷᠣᠭᠰᠢᠯᠠᠬᠤ ᠬᠥᠭ ᠠᠮᠢᠰᠬᠤᠯ ᠣᠯᠠᠮ ᠦᠳᠬᠡᠨ ᠪᠣᠯᠵᠠᠢ᠃